ߞߙߊ߬ߡߐ߯ ߓߊߞߊ߬ߙߌ߫ ߞߓߊ߬ ߞߢߐߞߎߘߊ ߕߌ߮

ߞߙߊ߬ߡߐ߯ ߓߊߞߊ߬ߙߌ߫ ߞߓߊ߬ ߡߏ߬ߛߏ ߡߊߟߐ߬ ߘߴߊ߬ ߟߊ߫ ߛߌ߬ߣߌ߲߬ߟߏ߲߫ ߕߊ߬ߡߌ߬ߣߍ߲، ߢߌ߲߬ ߡߊ߬، ߞߊ߬ߙߌߝߐ߭ ߕߟߋ߬ ߁߇/ ߂߀߂߀، ߞߐߣߊߞߙߌ߫ ߛߏ ߞߣߐ߫߸ ߊ߬ ߡߛߏ߬ ߝߟߐ ߟߋ߬ ߣߌ߲߬، ߥߟߴߊ߬ ߟߊ߫ ߝߘߎ߫ ߝߟߐ ߟߋ߬، ߓߐ߬ߟߐ߲߬ߞߊ߫ ߖߍ߬ߣߍ߫ ߕߙߊߥߊߟߋ߫ ߝߣߊ߫ ߗߍ߬ ߝߟߐ ߟߋ߬ ߞߙߊ߬ߡߐ߯ ߓߊߞߊ߬ߙߌ߬ ߘߌ߫، ߥߟߴߊ߬ ߟߊ߫ ߝߘߎ߫ ߝߟߐ ߟߋ߬. ߝߘߎߡߊ߫ ߝߌ߬ߟߊ ߣߌ߲߬ ߓߍ߫ ߦߋ߫ ߓߐ߫ ߟߊ߫ ߛߎߡߊ߲ߞߏߦߌ߲ ߠߋ߬، ߒߞߏ ߛߓߍߛߎ߲ ߛߌ߲ߘߌߓߊ߮ ߟߊ߫ ߛߏ ߟߴߏ߬ ߘߌ߫، ߦߏ߫ ߊ߲ ߓߍ߯ ߞߵߏ߬ ߟߐ߲߫ ߢߊ ߡߍ߲، ߏ߬ ߟߋ߬ ߕߐ߯ ߛߊ߫ ߞߏ߫ ߒߞߏ ߓߘߊ߫ ߒߞߏ ߝߘߎ߫. ߞߐ߬ߣߌ߬ ߝߘߎ߫ ߛߘߌ ߣߌ߲߬ ߞߍ߫ ߘߊ߫ ߟߏ߲ ߡߍ߲ ߘߐ߫، ߏ߬ ߞߍ߫ ߘߴߊ߬ ߕߊ߫ ߖߊ߲߬ߖߏ߲߬ ߘߏ߫ ߟߋ߬ ߘߌ߫، ߓߊߏ߬، ߞߊ߬ߦߌ߯ ߒߞߏ ߛߌ߲ߘߌ߫ ߘߊ߫، ߏ߬ ߦߟߍ߬ߘߐ߬ߞߍ߬ ߇ ߖߊ߬ߕߋ߫ ߟߋ߬ ߣߌ߲߬߸ߒߞߏ ߞߙߊߡߐ߮ ߟߎ߬ ߣߌ߫ ߒߞߏ ߞߊߙߊ߲ߘߋ߲ ߠߎ߬ ߣߌ߫ ߊߙߊߓߎ߫ ߞߙߊߡߐ߮ ߟߎ߬ ߣߌ߫ ߊߙߊߓߎ߫ ߞߊߙߊ߲ߘߋ߲ ߠߎ߫ ߕߘߍ߬ ߡߊ߫ ߓߐ߫ ߜߍ߫ ߞߋߟߋ߲߫ ߘߐ߫ ߘߊߘߐߖߊߥߏ߫ ߞߊ߲ߡߊ߬، ߊߟߊ߫ ߞߵߏ߬ ߟߊߕߍ߰ ߞߵߊ߬ ߓߍ߲߬ ߞߙߊ߬ߡߐ߯ ߓߊߞߊ߬ߙߌ߬ ߟߊ߫ ߝߘߎߛߘߌ߫ ߟߏ߲ ߢߌ߲߬  ߠߋ߬ ߡߊ߬߸ ߏ߬ ߞߍ߫ ߘߊ߫ ߖߊ߲߬ߖߏ߲߬ ߓߟߋߓߟߋ߫ ߟߋ߬ ߘߌ߫، ߘߐ߰ߝߐ ߕߍߣߊ߬ ߢߌ߬ߣߊ߬ ߡߍ߲ ߞߐ߫. ߞߙߊ߬ߡߐ߯ ߓߊߞߊ߬ߙߌ߬ ߞߓߊ߬ ߣߌ߲߬ ߦߋ߫ ߖߐ߲߫ ߘߌ߫؟ ߞߙߊ߬ߡߐ߯ ߓߊߞߊ߬ߙߌ߫ ߞߓߊ߬ ߡߍ߲ ߞߊ߬ ߛߊ߲߬ ߛߌߦߊߡߊ߲߫ ߞߍ߫ ߡߏߛߑߞߎ߫ ߕߟߋ߬ߓߊ߰ߞߊߙߊ߲ ߗߋ߬ߥߎ߬ߣߍ߲ߗߋ߬ߥߎ߬ߦߊ ߞߊ߬ߙߊ߲ ߠߊ߫߸ ߣߌ߫ ߡߐ߰ ߘߴߊ߬ ߟߊߓߐ߫ ߞߎߡߊ߫ ߝߍ߬، ߊ߬ߟߋ߫ ߟߋ߬ ߞߊ߬ ߒߞߏ ߛߓߍߘߋ߲ߥߟߊ߫ ߞߘߐߝߐߟߊ߲ߡߊ ߘߏ߫ ߜߙߋ߬ߡߊߕߍ߰ ߞߵߊ߬ ߛߌ߬ߘߌ߫ ߝߊ߬ߛߏ ߞߍߦߙߐ ߟߊ߫، ߓߍ߯ ߞߵߊ߬ ߞߎ߲߬ߘߋ߲ߜߊ߬ߛߌ߫ ߏ߬ ߟߋ ߝߟߐ߫ ߘߐ߫ ߊ߲ߘߙߏߦߌߘ ߞߊ߲ߞߋ ߟߎ߬ ߞߣߐ߫ ߕߎ߬ߡߊ ߏ߬ ߟߊ߫، ߞߐߟߊ߬ ߟߊ߫ ߛߊ߫، ߊ߬ ߞߵߊ߬ ߟߊߛߋ߫ ߛߌߝߑߕߞߌ ߞߏߟߊߘߍ ߡߊ߬، ߏ߬ ߟߎ߫ ߞߵߊ߬ ߟߊߘߏ߲߬ ߊ߬ߟߎ߫ ߟߊ߫ ߛߓߍߘߋ߲ߥߟߊ߫ ߛߘߊߡߊ ߏ߬ ߞߣߐ߫، ߣߌ߫ ߡߌߞߙߏߛߐߝߑߕ ߓߘߴߏ߬ ߛߊ߲߬ ߞߐ ߢߌ߲߬ ߠߊ߫، ߊ߬ߟߋ ߟߋ߬ ߞߊ߬ ߝߊ߬ߛߏ ߞߍߦߙߐ ߝߣߊ߫ ߟߊߞߊ߬، ߞߊ߬ ߟߐ߲ߞߏ߫ ߥߟߊߘߊ ߟߎ߬ ߛߌߦߊߡߊ߲߫ ߛߌ߬ߘߌ߫ ߒߞߏ ߞߊߙߊ߲ߘߋ߲ ߠߎ߬ ߢߍ߫ ߦߋ߲߬، ߊ߬ ߣߌ߫ ߞߊ߬ߞߎ߬ߞߎ߬ߘߊ߬ ߞߏ ߟߎ߬ ߛߌߦߊߡߊ߲߫، ߊ߲ ߠߊ߫ ߝߏߣߌ߲ߞߋ ߡߍ߲ ߠߎ߬ ߦߋ߫ ߝߘߊ߬ߜߍ߬ ߞߊߙߊ߲ ߠߎ߬ ߟߊ߫ ߖߊ߯ߓߘߊ ߟߎ߬ ߞߣߐ߫، ߏ߬ ߟߎ߬ ߓߍ߯ ߞߊ߫ ߞߊ߲߫ ߞߊ߬ ߞߙߊ߬ߡߐ߫ ߓߊߞߊ߬ߙߌ߬ ߕߊ ߛߎ߮ ߢߌ߲߬ ߠߋ߬ ߢߐ߲߰ ߞߍ߫، ߓߊߏ߬، ߥߟߊߟߌߞߊ߲߫ ߞߊߙߊ߲ ߕߍ߫ ߕߣߊ߬ ߘߌ߫، ߞߐ߬ߣߵߌ ߓߊ߫߯ ߡߍ߲ ߟߐ߲߫، ߌ ߦߴߏ߬ ߟߊߦߌ߬ߙߌ߲߬ߘߌ߫ ߌ ߝߊ߬ߛߏ ߞߊ߲ ߘߐ߫، ߛߌߣߌ߲ߞߊ ߟߎ߫ ߣߌ߫ ߍ߲ߘߎߞߊ ߟߎ߬ ߣߌ߫ ߣߌߔߐ߲ߞߊ ߟߎ߫ ߞߵߏ߬ ߟߋ ߞߍ߫، ߏ߬ ߟߋ ߞߵߏ߬ ߟߎ߬ ߓߍ߯ ߥߙߎߞߌ߫ ߓߌ߬.   ߏ߬ ߓߟߏߡߊ߬، ߞߊ߬ ߝߘߎߞߏ ߢߌ߲߬ ߓߏ߲߬ߢߊ ߟߊߛߋ߫ ߒߞߏ ߘߍߞߙߎ ߟߎ߬ ߣߌ߫ ߒߞߏ ߡߊ߲߬ߕߎ߬ߙߋ ߟߎ߬ ߓߍ߯ ߟߊߘߍ߬ߣߍ߲߬ ߡߊ߬ ߞߐߘߍ߫، ߡߍ߲ ߠߎ߬ ߦߋ߫ ߝߊ߬ߛߏ ߣߌ߫ ߕߎߞߊ߲ ߠߎ߬ ߟߊ߫߸ ߊߟߊ߫ ߝߘߎ ߢߌ߲߬ ߓߙߊߞߊ߫، ߞߊ߬ ߝߘߎߡߊ߫ ߝߌ߬ߟߊ ߥߢߊ ߞߎ߲߫ ߢߐ߲߯ ߘߐ߫߸ ߞߵߊ߬ ߞߍ߫ ߛߌ߬ߡߊ߫ ߝߌ߬ߟߊ߫ ߟߊ߫ ߝߘߎ ߣߌ߫ ߝߙߎߕߎߕߎ ߘߌ߫.

 ߖߊ߲߬ߕߏ߲߬ߒ߬ߘߐ߫: ߞߢߐߞߎߘߊ ߣߊ߫ ߝߊ߬ ߕߐ߯ ߞߏ߫ ߛߟߊߕߌ߮ ߌߓߎߙߊߤߌߡߊ߫ ߕߎߦߊߡߊ߲߫، ߊ߬ ߣߊ߫ ߕߐ߯ ߞߏ߫ ߜߊ߬ߕߌ߯ ߛߙߋ߫ ߞߊ߬ߓߊ.

ߛߏ߬ߟߏ ߝߙߊ߬ߓߊ-ߘߐ߫