ߊ߲ ߛߍߥߊߣߍ߲ ߠߋ߬ ߟߌ߬ߤߟߊ߬ ߘߎ߬ߡߊ߲߬ߓߊ ߢߌ߲߬ ߠߊߛߋ߫ ߟߴߊߟߎ߫ ߡߊ߬ ߣߌ߲߬ ߞߵߊ߬ ߓߍ߲߲߬ ߞߊ߬ߙߊ߲߬ߡߐ߯ ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߫ ߦߟߍ߬ߡߊ߲ ߡߵߊ߬ ߟߊ߫ ߟߎ߫ ߞߎߘߊ ߡߊ߬ ߞߎ߲߬ߢߐ߮ ߣߌ߲߬ ߡߊ߬، ߝߣߊ߫߸ ߊ߬ ߟߊ߫ ߞߢߐ߫ ߞߎߘߊ ߡߊߟߐ߬ ߘߴߊ߬ߟߋ߬ ߞߎ߲߬ߢߐ߲߰ ߞߋߟߋ߲ ߠߊ߫، ߞߢߐ߫ ߞߎߘߊ ߕߐ߯ ߞߏ߫: ߓߐ߬ߟߐ߲߬ߞߊ߫ ߓߌ߲ߕߎ߫ ߖߊ߰ߓߌ߫، ߞߊ߬ ߓߐ߫ ߓߊߕߍ߫ ߣߝߊ߬ߖߌ߫، ߞߐ߬ߣߵߊ߬ ߣߴߊ߬ ߡߏߦߌߓߊ߮ ߟߎ߬ ߡߊߞߍߣߍ߲߫ ߊߓߌߖߊ߲߬ ߠߋ߬ ﴿ ߜߋ߲-ߞߐ߰ߖߌ߬ߘߊ ﴾ ߟߊ߫߸ ߊ߲ ߘߴߊ߬ ߝߐ߫ ߦߙߐ ߢߌ߲߬ ߘߐ߫ ߞߏ߫ ߜߋ߲-ߞߐ߰ߖߌ߬ߘߊ ߕߐ߲߫ ߖߊ߯ߓߡߊ ߛߌ߲߬ߝߏ߲ ߠߎ߫ ߟߋ߬ ߣߐ߬ ߊ߲ ߛߐ߫ ߟߊ߫ ߡߛߏ߬ ߟߊ߫، ߓߊߏ߬، ߒߞߏ ߕߐ߲߫ ߝߟߐߝߟߐ ߡߍ߲ ߛߌ߰ ߘߊ߫ ߜߋ߲-ߞߐ߰ߖߌ߬ߘߊ ߟߊ߫ ﴿ ߞ.ߞ.ߕ.  ﴾ ߞߊ߬ߣߌ߲߬، ߘߋ߲ߡߛߏ ߝߊ߬ ߟߋ߬ ߕߘߍ߬ ߦߴߏ߬ ߞߊ߲ߕߌ߮ ߘߌ߫ ߊߓߌߖߊ߲߬ ߤߊ߲߯ ߞߣߊ߬ ߛߋ߫ ߘߓߊ߬ߓߌߟߊ߫ ߕߊ߬ߡߌ߬ߣߍ߲ ߢߌ߲߬ ߠߊ߫، ߣߴߊ߬ߟߎ߬ ߓߍ߯ ߓߘߊ߫ ߟߊߘߍ߬ ߕߐ߲ߓߊ߫ ߞߋߟߋ߲߫ ߞߣߐ߫ ߛߌߛߍ߲߬ ߞߵߊ߬ ߞߍ߫ ߒߞߏ ߕߐ߲߫ ߖߊ߯ߓߡߊ ߞߐߦߌߘߊߘߊ ߘߌ߫߸ ߣߴߏ߬ ߞߊ߲ߕߌ߮ ߦߋ߫ ߞߙߊ߬ߡߐ߯ ߓߍ߲߬ߒ߬ߛߋ߲߬ߡߊ߫ ߕߙߊߥߊߟߋ߫ ߘߌ߫ ߞߙߐߞߐ߫. ߊ߲ ߧߋ߫ ߞߎߟߎ߲ߖߋߟߌ߫ ߞߙߍߞߙߍߣߍ߲ ߠߊߛߋ߫ ߟߊ߫ ߦߙߐ ߢߌ߲߬ ߘߐ߫ ߜߋ߲-ߞߐ߰ߖߌ߬ߘߊ ߒߞߏ ߕߐ߲߫ ߖߊ߯ߓߡߊ ߛߌ߲߬ߝߏ߲ ߠߎ߬ ߓߍ߯ ߟߊ߬ߘߍ߬ߣߍ߲ ߡߊ߬، ߊ߲ ߛߐ ߘߐ߫ ߡߛߏ߬ ߟߊ߫، ߞߊߕߘߍ߬ߕߍ߫ ߘߋ߲ߝߊ ߞߙߊ߬ߡߐ߯ ߛߎ߬ߡߊߦߌߟߊ߫ ߖߊ߰ߓߌ ߣߴߊ߬ ߞߐߙߍ ߓߍ߯ ߟߊߘߍ߬ߣߍ߲߬ ߡߊ߬ ߞߐߘߍ߫. ߊ߲ ߧߋ߫ ߒߞߏ ߘߏ߲߬ߞߏ ߟߎ߬ ߓߍ߯ ߟߊߟߐ߲ߣߌ߲ ߠߊ߫ ߡߛߏ߬ߞߏ ߢߌ߲߬ ߓߏ߲߬ߧߊ ߣߴߊ߬ ߜߟߌߦߊ ߟߊ߫ ߞߌߢߍ߲߫ ߛߟߋߞߋ ߄ ߓߍ߯ ߟߊ߫، ߞߊߕߘߍ߬ߕߍ߫ ߒߞߏ ߘߍߞߙߎ ߟߎ߬ ߣߌ߫ ߒߞߏ ߡߊ߲߬ߕߎߙߋ ߟߎ߫ ߡߊ߬ ߝߊ߬ߖߡߊߣߊ ߣߌ߫ ߕߎ߲ߞߊ߲ ߠߊ߫߸ߝߏ߬ߟߌ ߟߎ߫ ߣߌ߫ ߘߍ߰ߡߎ߲ ߟߐ߯ߟߊߣߍ߲߫ ߞߵߊ߬ ߕߏ߫  ߞߎ߬ߣߎ߲߬ߟߏ߲ ߣߊ߬ߕߐ ߢߌ߲߬ ߠߊ߫، ߣߍߣߍߓߊ ߕߟߋ߬ ߆ /߂߀߁߉، ߏ߬ ߓߟߏߡߊ߬߸ ߒߞߏ ߘߌ߲߬ߞߏ ߝߋ߲-ߋ-ߝߋ߲߫ ߞߵߊ߬ ߖߍ߬ߘߍ ߛߐ߬ߘߐ߲߬ ߏ߬ ߟߏ߲ ߖߌ߬ߣߍ߫ ߞߎߓߋ ߟߊ߫ ߞߐߣߊߞߙߌ߫߸  ߏ߬ ߓߍ߯ ߘߌ߫ ߛߋ߫ ߞߊ߬ ߢߐ߲߮ ߓߍ߲߬ ߦߋ߲߬ ߛߌߡߊ߲ߕߋߙߌ ߞߌ߲߬ߘߊ ߟߊ߫  ߞߊ߬ ߕߊ߯ ߞߊ߬ߙߊ߲߬ߡߐ߰ߓߊ ߣߴߊ߬ ߟߊ߫ ߞߢߐ߫ ߞߎߘߊ ߝߏ߬ ߞߎ߲߬ߠߊ߬ߦߋ߬ߙߋ߲ ߘߝߊߣߍ߲ ߘߐ߫. ߊߟߊ߫ ߏ߬ ߕߎ߬ߡߊ ߦߌ߬ߘߴߊ߲ ߞߍߘߍ߫ ߟߊ߫߹

ߛߏ߬ߟߏ ߝߙߊ߬ߓߊ-ߘߐ߫