ߦߏ߫ ߊ߲ ߞߵߊ߬ ߝߐ߫ ߊߟߎ߫ ߦߋ߫ ߢߊߡߍ߲ ߞߎ߲߬ߢߐ߯ ߕߊ߬ߡߌ߬ߣߍ߲ ߞߏ߫ ߞߙߊ߬ߡߐ߯ ߓߊ߰ߓߊ߫ ߖߊ߰ߣߍ߫ ߓߘߊ߫ ߛߣߍߡߊ߫ ߝߊ߬ߛߏ ߖߌ߬ߣߍ߫ ߞߣߐ߫، ߊ߲߬ ߓߊ߲ߞߐ ߊ߬ ߢߐ߲ߢߐ߲߫ ߠߊ߫، ߘߎ߲ߓߎ ߛߌ߬ߝߏ߲ ߠߎ߫ ߞߵߊ߬ߟߎ߫ ߕߍ߲߬ߕߍ߬ ߞߊ߬ ߕߊ߯ ߊ߬ ߝߏ߬ ߊ߬ ߖߌ߬ߦߊ ߟߊ߫، ߘߎ߲ߓߎ ߛߌ߬ߝߏ߲ ߠߎ߬ ߟߊ߫ ߝߏ߬ߟߌ ߢߌ߲߬ ߢߍߡߌ߬ߘߊ߬ߣߍ߲߫ ߕߘߍ߬ ߘߎ߲ߓߎ ߞߊ߲ߕߌ߮ ߞߙߊ߬ߡߐ߯ ߘߎ߯ߙߊ߫ ߝߊߘߌߡߊߖߣߍ߫ ߤߊߦߊߡߊ߯ߘߌ ߛߌ߬ߟߊ ߟߋ߬ ߓߟߏ߫߸ ߘߎ߲ߓߎ ߞߊ߲ߕߌ߮ ߞߙߊ߬ߡߐ߯ ߤߦߊߡߊ߫ߘߌ߫ ߛߌ߬ߟߊ ߞߊ߬ ߞߎߡߊ߫ ߞߍ߲ߘߍ߫ ߛߌߦߊߡߊ߲߫ ߠߎ߬ ߝߐ߫، ߊ߬ ߞߵߊ߬ ߦߌ߬ߘߊ߫ ߞߏ߫ ߞߙߊ߬ߡߐ߯ ߓߊ߰ߓߊ߫ ߦߴߊ߲ ߠߊ߫ ߡߐ߱ߓߊ ߟߋ߬ ߘߌ߫، ߞߏ߫ ߘߎߢߊ߫ ߓߊ߯ߙߊ ߟߎ߬ ߦߋ߫ ߢߐ߲߯ ߗߍߕߊ ߟߋ߬ ߘߌ߫، ߞߴߏ߬ ߟߋ߬ ߞߵߊ߬ ߞߍ߫ ߞߙߊ߬ߡߐ߯ ߛߟߏ߬ߡߊ߯ߣߊ߫ ߞߊ߲ߕߍ߫ ߛߊ߬ߓߊߟߌ ߞߊ߬ ߟߊ߲ߠߦߊ ߟߴߊ߬ ߘߐ߫ ߞߊ߬ ߞߏ߫ ߛߌߦߊߡߊ߲߫ ߠߎ߬ ߞߊ߬ߙߌ߬ߝߴߊ߬ ߟߊ߫، ߞߵߊ߬ ߖߍ߬ߘߍ ߘߋ߲ ߠߎ߬ ߢߊ ߕߏ߫ ߜߍ ߘߐ߫߸ ߞߏ߫ ߞߙߊ߬ߡߐ߯ ߓߊ߰ߓߊ߫ ߘߏ߲߬ ߛߋ߫ ߘߊ߫ ߖߌ߰ ߣߌ߫ ߟߊ߲ߠߦߊ ߏ߬ ߞߘߐ߫߸ߊ߬ ߞߏ߫ ߞߙߊ߬ߡߐ߯ ߛߟߏ߬ߡߊ߯ߣߊ߫ ߞߊ߬ ߓߊ߯ߙߊ ߟߎ߫ ߓߌ߬ߟߊ߬ ߘߊߞߎ߲ ߡߍ߲ ߘߐ߫، ߊ߬ ߣߴߊ߬ߟߋ߬ ߝߣߊ߫ ߓߘߴߊ߬ ߟߊߛߋ߫ ߘߊ߲ߞߎ߲ ߡߍ߲ ߘߐ߫، ߞߴߏ߬ ߕߍ߫ ߘߏ߲߰ߞߏ߫ ߘߌ߫ ߡߐ߰ ߛߌ߫ ߡߊ߬، ߊ߬ ߣߌ߫ ߞߏ߫ ߞߙߊ߬ߡߐ߯ ߓߊ߰ߓߊ߫ ߝߣߊ߫ ߦߋ߫ ߞߙߐ߬ߛߌ߫ ߞߍ߫، ߣߴߊ߬ߟߋ߬ ߕߍ߫ ߦߋ߲߬ ߟߏ߲ ߡߍ߲، ߖߐ߲߫ ߘߴߊ߬ ߣߐ߬ߘߐߓߌ߬ߟߊ߬، ߓߊߏ߬، ߞߏ߫ ߟߐ߲ߞߏ ߓߊ߯ߙߊ ߟߎ߬ ߦߋ߫ ߢߊ ߡߍ߲، ߓߍ߯ ߕߍ߫ ߛߴߊ߬ ߟߊ߫. ߞߙߊ߬ߡߐ߯ ߖߎ߬ߓߊ߬ߛߌ߬ߟߊ߬ߡߊ߯ߘߌ߫ ߓߙߋߕߋ߫ ߣߌ߫ ߞߙߊ߬ߡߐ߯ ߢߊ߰ߛߏ߬ߟߊ߫ ߟߊ߬ߡߌߣߌ߲، ߊ߬ ߣߌ߫ ߞߙߊ߬ߡߐ߯ ߎߡߊߙߎ߫ ߞߊ߲ߕߍ߫، ߛߌߓߊ߮ ߡߏߦߌߝߋ߲ ߘߏ߫ ߟߴߏ߬ ߘߌ߫߸ ߊ߬ߟߎ߬ ߓߍ߯ ߞߵߊ߬ ߦߌ߬ߘߴߊ߬ߟߎ߬ ߟߊ߫ ߛߙߊ߬ߣߎ߲ ߘߐ߫ ߞߏ߫ ߣߌ߫ ߓߊ߯ߙߊ ߡߍ߲ ߠߎ߬ ߥߙߊ߬ ߘߊ߫ ߞߙߊ߬ߡߐ߯ ߓߊ߰ߓߊ߫ ߖߊ߰ߣߍ߫ ߡߊ߬߸ ߞߏ߫ ߘߎ߲ߓߎ ߦߴߊ߬ ߟߊ߫ ߓߌ߬ߟߊ ߘߐ߫، ߞߵߊ߬ ߘߍ߬ߡߍ߲߫ ߏ߬ ߟߎ߬ ߟߎ߬ ߟߊ߫، ߛߊ߫ ߓߊ߯ߙߊ ߟߎ߬ ߘߌ߫ ߕߊ߬ߡߌ߲߬ ߞߍ߫ ߟߊ߫ ߓߍ߯ ߛߊ߬ߥߏ ߘߌ߫. ߞߙߊ߬ߡߐ߯ ߓߊ߬ߓߊ߫ ߖߊ߰ߣߍ߫ ߝߣߊ߫ ߞߵߊ߬ ߦߌ߬ߘߊ߫ ߞߴߏ߬ ߕߍ߫ ߓߊ߯ߛߌ߫ ߘߌ߫، ߞߏ߫ ߣߴߊ߲ ߖߍ߬ߘߍ ߞߍ߫ ߘߊ߫ ߢߐ߲߯ ߞߊ߬ߟߊߡߊ߬ ߞߏ ߟߎ߬ ߘߐ߫، ߏ߬ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߘߎ߲ߓߎ ߝߊ߲߬ߞߊ ߟߊߥߙߊ߬، ߞߴߏ߬ ߞߘߐ ߕߍ߫ ߞߊ߬ ߘߎ߲ߓߎ߫ ߞߊ߬ߘߌ߬ߛߊ߫ ߟߊߓߋ߬، ߊ߬ ߣߌ߫ ߞߏ߫ ߡߊ߲߬ߘߋ߲߬ ߖߡߊߣߊ ߕߐ߭ ߞߊ߫ ߞߊ߲߫ ߟߊߕߘߍ߬ ߘߎ߲ߓߎ߲ ߘߐ߫، ߛߴߏ߬ ߘߌ߫ ߕߊ߬ߡߌ߲߬ ߊ߲ ߠߊ߫ ߞߏ߫ ߟߎ߬ ߟߊߛߊߣߌ߲ߧߊ߫ ߟߊ߫.
ߛߏ߬ߟߏ ߝߙߊ߬ߓߊ-ߘߐ߫