ߡߤߊߡߊ߯ߣ ߕߎ߬ߙߋ߫ ߦߋ߫ ߖߌ߬ߤߊ߬ߘߌ߬ ߞߍ߬ߟߊ߬ ߡߊߟߐ߲ߣߍ߲߫ ߠߋ߬ ߘߌ߫ ߡߊ߬ߟߌ߬ߓߊ ߟߊ߫، ߊ߬ ߕߘߍ߬ ߓߘߊ߫ ߡߌ߬ߘߊ߫ ߞߘߐ߬ߡߊ߫ ߞߵߊ߬ ߞߕߌ߫، ߞߵߊ߬ ߖߊ߲߲߬ߞߌ߲߫ ߛߊ߲߬ ߁߀ ߥߛߎ ߟߊߘߏ߲ ߠߊ߫، ߞߐߟߊ߫ ߛߊ߫، ߞߏߟߊ߲ߒߞߘߐߢߐ߯ߦߊ ߟߎ߬ ߞߍ߫ ߘߊ߫، ߞߊ߬ ߥߛߎߘߋ߲ ߠߎ߬ ߝߊ߬ߟߋ߲߬ ߢߐ߲߮ ߠߊ߫، ߏ߬ ߟߋ߬ ߞߍ߫ ߘߊ߫ ߊߟߌߎ߫ ߡߤߊߡߊ߯ߣ ߕߎ߬ߙߋ߫ ߓߌ߬ߟߊ ߞߎ߲߭ ߘߌ߫، ߊ߬ ߞߕߌ߫ ߝߟߐ ߘߐ߫. ߡߤߊߡߊ߯ߣ ߕߎ߬ߙߋ߫ ߓߘߊ߫ ߣߐ߬ߡߌ߬ߣߊ߬ ߕߎ߲߯ ߡߊ߬ߟߌ ߞߐ߬ߘߎ߮ ߘߐ߫، ߝߊ߬ߙߊ߲߬ߛߌ߫ ߣߊ߲߬ߕߌ߮ ߞߙߎ ߓߊߙߑߞߊߣ ߓߟߏ߫ ߣߍߣߍߓߊ ߕߋ߬ߟߋ߫ ߂߉/߂߀߁߉ ߢߌ߲߬ ߡߊ߬߸ ߡߤߊߡߊ߯ߣ ߕߎ߬ߙߋ߫ ߢߌ߲߬ ߠߋ߬ ߕߘߍ߬ ߦߋ߫ ߛߌ߬ߟߡߊ߬ ߜߘߋߜߘߋߦߟߊ ߟߎ߬ ߟߊ߫ ߕߐ߲ߕߌ߮ ߘߌ߫ ߜ߭ߊ߬ߥߏ߫ ߂߀߁߂ ߣߌ߫ ߂߀߁߃ ߕߍߟߊ ߘߐ߫߸ ߡߤߊߡߊ߯ߣ ߕߎ߬ߙߋ߬ ߦߋ߫ ߡߌ߬ߘߊ߬ ߟߊ߫ ߕߎ߬ߡߊ ߡߍ߲، ߏ߬ ߞߵߊ߬ ߕߘߍ߬ ߖߊ߲߬ߞߊߙߏ ߓߘߴߊ߬ ߟߊߞߏ߬ߙߌ߬، ߊ߬ ߡߊ߫ ߛߋ߫ ߤߊߟߴߊ߬ ߞߛߌߞߛߌ߫ ߟߊ߫ ߣߍ߲ߞߍ߫، ߟߌ߬ߤߟߊ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߤߊߡߊ߯ߣ ߕߎ߬ߙߋ߫ ߘߏ߲߬ ߘߊ߫ ߖߌ߬ߤߊ߬ߘߌ߬ ߞߍ߬ߟߊ ߟߎ߬ ߟߊ߫ ߞߙߎ ߘߐ߫ ߂߀߁߂ ߟߋ߬ ߟߊ߫، ߏ߬ ߟߎ߫ ߞߊ߬ ߜ߭ߊ߬ߥߏ߫ ߛߏ ߝߌ߲߬ߝߊ߲ ߡߍ߲ ߞߍ߫، ߏ߬ ߟߋ߬ ߞߍ߫ ߘߴߊ߬ߟߋ߫ ߘߏ߲߬ ߢߊ ߘߐ߫ ߖߌ߬ߤߊ߬ߘߌ߬ ߞߍ ߘߐ߫، ߏ߬ ߣߐ߬ߞߟߊߡߊ߲ ߘߐ߫، ߛߌ߬ߟߡߊ߬ ߜߘߋߜߘߋߦߟߊ ߟߎ߫ ߞߵߊ߬ߟߋ߬ ߕߐ߯ߦߊ߫ ߞߵߊ߬ ߞߍ߫ ߜ߭ߊ߬ߥߏ߫ ߕߐ߲ߕߌ߮ ߘߌ߫.
ߛߏ߬ߟߏ ߝߙߊ߬ߓߊ-ߘߐ߫