ߞߊ߲ߞߊ߲߫ ߒߞߏߡߐ߮ ߟߎ߬ ߝߟߐ߫ ߓߘߊ߫ ߞߏߓߊ߫ ߘߊߡߌ߬ߣߊ߫ ߘߋ߬

ߞߊ߲ߞߊ߲߫ ߒߞߏߡߐ߮ ߟߎ߬ ߝߟߐ߫ ߓߘߊ߫ ߞߏߓߊ߫ ߘߊߡߌ߬ߣߊ߫ ߘߋ߬، ߊ߬ ߜߋ߲ߜߋ߲߫ “ߒ.ߛ.ߟ.ߟ” ߘߍ߭߹

ߦߏ߫ ߊߟߎ߫ ߦߴߊ߬ ߞߊ߬ߟߊߡߊ߬ ߢߊ ߡߍ߲ ߞߏ߫ ߒߞߏ ߟߊ߫ ߥߙߎߞߌ ߡߊ߫ ߘߐߟߐ߬ ߟߏ߲߫ ߞߋߟߋ߲߫ ߟߏ߲߫ ߕߟߊ߫، ߞߊ߬ ߓߐ߫ ߊ߬ ߛߌ߲ߘߌ ߡߴߊ߬ ߛߌ߲ߘߌߓߊ߮ ߟߏ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߓߟߏ߫، ߞߣߊ߬ ߛߌ߰ ߢߌ߬ߣߊ߲߬ ߂߀߂߀ ߢߌ߲߬ ߠߊ߫، ߒ߬ߓߊ߬ ߒߞߏ ߛߏ߬ߝߊ߬ߥߣߊ ߣߴߊ߬ ߛߏ߬ߝߊ߬ߘߋ߲ ߠߎ߬ ߝߣߊ߫ ߛߌ߫ ߡߊ߫ ߛߍ߰ ߒߞߏ ߦߌ߬ߘߊ ߣߴߊ߬ ߓߊ߯ߙߊ ߟߎ߬ ߘߐ߫ ߏ߬ ߟߋ߬ ߘߐ߫ ߕߎ߬ߡߊ߬ ߓߍ߯߸ ߊ߬ߟߎ߬ ߓߍ߫ ߦߙߙߐ߫–ߐ߯–ߦߙߐ߫.ߏ߬ ߓߟߏߡߊ߬߸ ߞߊ߲ߞߊ߲߫ ߒߞߏߡߐ߮ ߘߏ߫ ߟߎ߫ ߓߘߊ߫ ߒߞߏ ߡߊߦߋߙߋ߲ߞߏ߫ ߡߐ߬ߟߐ߲߬ߡߊ߬ߓߊ߫ ߘߏ߫ ߟߊߝߟߐ߫ ߛߌߛߍ߲߬، ߡߍ߲ ߘߌ߫ ߡߌ߬ߙߌ߲߬ߘߌ ߣߌ߫ ߕߎ߲ߞߊߠߊߡߐ߮ ߟߎ߬ ߢߊߞߘߐߛߋ߫ ߞߏߛߓߍ߫. ߏ߬ ߟߋ߬ ߞߏ߫ ߒߞߏ߫ ߘߍߞߙߎ ߡߍ߲ ߕߐ߯ ߞߏ߫: ߒߞߏ ߛߏߡߐ߯ߦߊ ߟߊߥߙߌߞߌ ߣߌ߫ ߟߞߊ߬ߙߊ߲߬ߠߌ߲ (ߒ.ߛ.ߟ.ߟ.)

ߣߴߊ߬ ߢߍߡߌ߬ߘߊ߬ߣߍ߲߫ ߒߞߏ ߟߊ߫ ߝߎߣߎ߲ߞߋ߫ ߢߋߙߌ߲ߢߋߙߌ߲ߣߍ߲ “ߡߐ߰ߛߓߍ߫ ߞߋߕߊ߬” ߓߟߏ߫߸ ߏ߬ ߟߎ߬ ߓߘߊ߫ ߖߊ߬ߕߋ߬ߘߐ߬ߛߌ߰ߓߊ߫ ߓߟߏߦߊ߫ ߡߊ߲߬ߘߋ߲߫ ߖߌ߬ߣߍ߬ ߂߀߂߀ ߓߌ߲ߠߊߥߎߟߋ߲ ߢߌ߲߬ ߠߊ߫، ߒߞߏ ߞߊ߬ߙߊ߲߬ߓߊ߮ ߣߴߊ߬ ߞߊ߬ߣߌ߲߬ߓߊ߮ ߣߴߊ߬ ߕߏ߰ߝߏ ߓߍ߯ ߞߊ߫ ߞߊ߲߫ ߞߵߊ߬ ߢߡߊߟߊ߫ ߡߍ߲ ߢߐ߲߰ ߞߍ ߘߐ߫، ߊ߬ߟߎ߬ ߡߊߞߍ߫ ߦߌߟߊ ߟߎ߬ ߘߐ߫ ߡߊ߲߬ߘߋ߲߬ ߖߡߊߣߊ ߟߎ߬ ߞߣߐ߫߸ ߏ߬ ߟߋ߬ ߛߐߞߣߐ߫ ߛߌߟߓߊ ߟߎ߬ ߕߊ߬ߡߌ߬ߝߟߊ ߡߊߛߓߍ ߘߌ߫ ߒߞߏ ߟߊ߫، ߦߏ߫ ߊߟߎ߫ ߢߊ ߦߋ߫ ߊ߬ߟߎ߬ ߦߋ߫ ߞߊ߲ߞߊ߲߫ ߛߏߞߣߐߟߊ ߛߌߟߊ߫ ߟߊ߫ ߕߊ߬ߡߌ߲߬ߝߟߊ (ߔߊߣߏ) ߓߍ߯ ߡߊߛߓߍߣߍ߲ ߠߊ߫ ߒߞߏ ߔߌߦߐߔߌߦߐ ߘߐ߫ ߢߊ ߡߍ߲߸ ߊ߬ ߛߓߍߣߍ߲߫ ߝߋ߲߫–ߋ߲߫–ߝߋ߲߫ ߞߊ߲߬ ߞߏ߫ “ߛߑߕߐߔ = STOP“. ߖߌ߬ߦߊ ߢߌ߲߬ ߘߐߜߍ߫ ߘߐߙߐ߲߫߹ ߏ߬ ߓߟߏߡߊ߬، ߒߞߏ ߞߊߙߊ߲ߘߋ߲߫ ߛߏߡߏ߯ߦߊߣߍ߲ ߠߎ߬ ߘߌ߫ ߞߊ߬ ߣߌ߲߬ ߢߐ߲߰ ߞߍ߫ ߖߌ߬ߣߍ߫ ߘߎ߰ߓߊ ߟߎ߬ ߣߌ߫ ߡߊ߬ߛߋ߲߬ ߖߡߊߣߊ ߞߣߐ߫ ߛߏߡߐ߯ߦߊ ߘߝߊߣߍ߲ ߘߐ߫، ߤߌߟߌ߫ ߣߌ߫ ߥߦߐ߬ ߣߌ߫ ߡߊ߲߬ߞߊ߲߫ ߕߍ߫. ߓߊߏ߬ ߞߊ߲ߞߊ߲ ߕߊ ߢߌ߲߬ ߓߊ߯ߙߊ ߓߍ߯ ߞߍ߫ ߘߊ߫ ߕߌ߲߬ߞߎߘߎ߲ ߞߎ߲߬ߠߊ߬ߛߌ߮ ߞߕߐߡߊ߬ ߟߋ߬߸ ߞߊ߲ߞߊ߲߫ ߝߏߣߌ߲ߞߋ ߢߌ߲߬ ߠߎ߬ ߡߴߊ߬ ߞߏ ߛߙߊ߬ ߕߐ߲ߓߟߏߡߘߊ߫ ߛߌ߫ ߟߊ߫߸ ߞߵߏ߬ ߞߎ߲߭ ߞߍ߫، ߞߏ߫ ߣߴߊ߬ ߡߊ߫ ߣߊ߬ ߘߌߦߊ߫ ߏ߬ ߟߎ߬ ߦߋ߫߸ ߞߊ߬ ߞߏ ߞߍ߫ ߘߐ߬ߛߊ߬ߟߌ߬ߕߊ߫ ߘߌ߫ ߞߊ߬ߣߌ߲߬߸ ߊ߬ߟߎ߬ ߟߊ߫ ߖߊ߬ߕߋ߬ߘߐ߬ߛߌ߮ ߞߊߣߊ߬ ߗߌߙߏ߲߫ ߞߵߊ߬ ߕߏ߫ ߓߐߒߢߟߊߓߊߟߌߦߊ ߘߐ߫ ߕߋ߲߬ ߝߎ߫ ߖߘߍ߬ߞߏ ߟߊߜߏߦߊߒߢߋ ߘߐߙߐ߲߫ ߡߊ߬. ߏ߬ ߘߐ߫߸ ߓߊ߯ߙߊ ߣߌ߲߬ ߢߍߡߌ߬ߘߊ߬ߣߍ߲ ߖߊ߯ߓߘߊ߫ ߞߊߙߊ߲ߘߋ߲ ߡߐ߰ߛߓߍ߫ ߞߋߕߊ߬ ߣߴߊ߬ ߣߐ߬ߟߊ ߟߎ߫ ߟߋ߬ ߓߟߏ߫߸ ߞߵߊ߬ߟߎ߬ ߞߙߎߝߊ߫، ߏ߬ ߟߋ ߓߊ߯ߙߊ ߞߏߛߐ߲߬ ߛߊ߫߸ ߞߊ߬ ߛߐ߰ ߞߊ߲ߞߊ߲߫ ߖߍ߬ߘߍ ߟߐ߯ߝߍ ߟߊߡߌߣߌ߲ ߕߊ߬ߡߌ߬ߝߟߊ߬ ߁߄ ߡߊߛߓߍ ߡߊ߬ ߡߎߣߎ߲߬ ߖߐ߫߸ ߞߣߊ߬ ߕߏ߫ ߊ߬ ߟߊߓߊ߲߫ ߠߊ߫ ߛߏ ߝߊ߲߭ ߕߐ߭ ߟߎ߬ ߕߊ ߡߊ߬ ߡߎ߬ߕߎ߲߬ ߛߊ߫. ߓߊ߬ߙߌ߬߸ ߞߊ߲ߞߊ߲߫ ߕߊ߬ߡߌ߲߬ߝߟߊ ߟߎ߬ ߟߊߒߞߏߦߊ ߓߊ߯ߙߊ ߢߌ߲߬ ߓߊ߲ ߣߌ߫ ߓߌ߬ ߕߍ߫߸ ߕߌ߲߬ߞߎߘߎ߲ ߞߎ߲߬ߠߊ߬ߛߌ߮ ߞߏߟߊߕߍ߮ ߟߎ߬ ߣߌ߫ ߕߐ߲ߓߟߏߡߘߊ ߟߎ߬ ߛߌ߫ ߡߊ߫ ߞߎߡߊ߫ ߓߐ߫ ߊ߬ ߞߏ ߘߐ߫ ߝߟߐ߫، ߥߟߊ߫ ߞߵߊ߲ ߖߙߊ߬ߞߌ߬ ߊ߬ ߓߍ߲߬ߓߊ߬ߟߌ߬ߦߊ ߟߊ߫، ߞߊ߬ߕߘߍ߬ ߜߎ߸ ߕߐ߲ߓߟߏߡߊ (ߔߏ߬ߟߌߛ) ߟߎ߬ ߦߋ߫ ߕߋ߬ߟߋ߲ ߓߊ߲߫ ߠߴߊ߬ ߘߏ߫ ߟߎ߫ ߞߘߐ߫ ߞߊ߲ߞߊ߲߫ ߛߏ ߕߊ߲ߓߊ߲ ߘߐ߫߸ ߒ߬ߓߊ߬، ߡߐ߰ ߘߌ߫ ߞߊ߲ߞߊ߲߫ ߕߌ߲߬ߞߎߘߎ߲ ߝߊ߰ߡߊ ߟߎ߬ ߝߏ߬ ߘߐ߬ߣߐ߰ߦߊ߬ߟߌ ߢߌ߲߬ ߠߴߏ߬ ߕߎ߬ߡߊ ߞߏߛߓߍ߫߸ ߊ߬ߟߎ߬ ߞߍߓߊߟߌߦߊ ߘߐ߫ ߞߵߊ߲ ߓߟߏߘߐߛߊ߬ ߖߊ߬ߕߋ߬ߘߐ߬ߛߌ߮ ߢߌ߲߬ ߡߊ߬ ߞߊ߬ߣߌ߲߬.

ߊߟߎ߫ ߦߴߊ߬ ߟߐ߲߫ ߞߏ߫ ߒ.ߛ.ߟ.ߟ ߟߊ߫ ߖߊ߬ߕߋ߬ߘߐ߬ߛߌ߮ ߢߌ߲߬ ߟߐ߬ߣߍ߲߬ ߕߍ߫ ߛߌߟߊ߫ ߟߊ߫ ߕߊߡߌ߲ߝߟߊ ߟߎ߬ ߘߐߙߐ߲߫ ߡߊߛߓߍߞߏ ߘߌ߫ ߘߋ߬߸ ߛߋ߫ ߓߍߣߊ߬ ߞߍ߫ ߖߡߊ߬–ߟߊ߬–ߘߍ߬ ߦߙߐ߬ ߛߌߦߊߡߊ߲߫ ߠߎ߬ ߝߣߊ߫ ߘߐ߫، ߞߵߊ߬ߟߎ߬ ߟߊߒߞߏߦߊ߫ ߓߊ߯ߙߊ ߓߟߏߟߊߕߎ߲߱ ߘߐ߫، ߢߍߥߟߊ߫ ߣߊ߬ߕߐ߫ ߢߍߛߌ߲߫ ߠߊ߫ ߦߙߐ ߡߍ߲ ߠߎ߫ ߡߊ߬، ߦߏ߫: ߞߊ߲ߞߊ߲߫ ߘߊ߲ߘߊߟߌߛߏ ߟߎ߬، ߝߎ߲ߞߎ߲ߓߊ ߟߎ߬، ߞߎ߲߬ߠߊ߬ߛߌ߰ߘߊ ߟߎ߬ ߊ߬ ߣߌ߫ ߢߐ߲߰ߘߐ ߟߎ߬. ߞߊ߲ߞߊ߲ ߛߐߞߣߐߟߊ ߘߏ߲߰ߘߌ ߡߍ߲ ߞߍߣߍ߲߫ ߒߞߏߞߏ ߘߐ߫، ߝߏߣߌ߲ߞߋ߫ ߖߊ߯ߓߘߊ߫ ߞߊߙߊ߲ߘߋ߲ ߢߌ߲߬ ߠߎ߬ ߦߴߊ߬ ߝߍ߬ ߞߵߏ߬ ߡߐߣߍ ߓߐ߫ ߞߊ߲ߞߊ߲ ߘߐ߫.

ߒ.ߛ.ߟ.ߟ. ߦߋ߫ ߘߍߡߌߛߍ߲߫ ߘߍߞߙߎ ߟߋ߬ ߘߌ߫ ߞߊ߲ߞߊ߲߫߸ ߡߍ߲ ߛߌ߲߬ߝߏ߲߬ ߛߌ߫ ߡߊ߫ ߛߋ߫ ߂߈ ߘߐ߫ ߡߎߣߎ߲߬، ߊ߬ߟߎ߫ ߘߏ߲߬ ߓߍ߯ ߝߟߐߦߊ ߘߌ߫ ߟߊ߫ ߒߞߏ ߟߋ߬ ߡߊ߬. ߊ߬ ߘߏ߫ ߟߎ߫ ߟߐ߬ߣߍ߲ ߝߟߍ߫ (ߡߍ߲ ߠߎ߬ ߢߊ ߟߊߓߐߣߍ߲߫): ߞߌߣߌ߲ ߝߍ߬ ߞߊ߬ ߕߊ߯ ߣߎߡߊ߲ ߠߊ߫: ߘߋ߲߬ߓߊ߫ ߛߊ߰ߣߐ߰، ߓߍ߯ߡߊ߲ߞߊ߲߫ ߛߡߊ߬ߗߍ߫، ߊߖߌߓߎ߫ ߖߛߎ߬ ߟߊ߬ߕߍ߯ ߞߓߊ߬߸ ߊ߬  ߣߌ߫ ߊߡߙߊ߫ ߒ߬ߓߊ߬ߘߍ߬ ߕߙߊߥߟߋ߫.

 ߡߐ߰ߛߓߍ߫ ߞߋߕߊ߬ ߓߟߏ߫ ߞߊ߲ߞߊ߲߫، ߂߀߂߀ ߞߏ߲ߞߏߜߍ ߂߅

ߛߏ߬ߟߏ ߝߙߊ߬ߓߊ-ߘߐ߫