ߦߏ߫ ߊߟߎ߫ ߦߴߊ߬ ߞߊ߬ߟߊߡߊ߬ ߢߊ ߡߍ߲ ߞߏ߫ ߕߙߊߓߊ ߕߟߋ߬ ߈ ߦߋ߫ ߘߎߢߊ߫ ߡߏ߬ߛߏ ߟߎ߬ ߟߊ߫ ߝߌ߬ߘߊ ߓߍ߯ ߘߐ߫ ߓߟߋ߬ߓߟߋ ߟߋ߬ ߘߌ߫، ߣߌ߫ ߕߎ߬ߡߊ߬ߘߊ ߣߌ߲߬ ߛߋ߫ ߘߊ߫ ߛߊ߲߭ ߞߘߐ߫ ߞߏߕߊ߫، ߘߎߢߊ߫ ߡߏ߬ߛߏ ߟߎ߬ ߘߴߊ߬ߟߎ߬ ߟߊߘߍ߬ ߊ߬ߟߎ߬ ߡߊߞߍ߫ ߦߙߐ ߟߎ߬ ߘߐ߫، ߞߎߓߋ ߟߎ߬ ߣߌ߫ ߞߎߓߋߛߏ ߟߎ߬ ߣߌ߫ ߘߎ߰ߓߊ ߣߌ߫ ߘߎ߰ߣߍ߲ ߠߎ߬ ߞߣߐ߫، ߞߊ߬ ߢߊ߰ߢߊ߮ ߣߌ߫ ߞߍ߫ ߕߏߟߏ߲߫ ߣߌ߫ ߦߟߍ ߣߌ߫ ߡߎ߯ߙߌ ߘߐ߫ ߢߐ߲߮ ߝߍ߬، ߟߐ߬ߘߎ߰ߞߏ ߕߴߏ߬ ߕߴߏ߬ ߘߐ߫، ߟߊ߲߬ߓߋ߬ߞߏ ߕߴߏ߬ ߘߐ߫߸ ߞߊ߬ ߡߏ߬ߛߏ ߟߎ߬ ߟߊ߫ ߞߌ߬ߛߍߦߊ ߣߴߊ߬ߟߎ߬ ߟߊ߫ ߖߊߙߌ߲ߒߕߋߦߊ ߟߎ߫ ߦߌ߬ߘߊ߫ ߡߛߏ߬ߦߊ ߘߊߞߎ߲ ߠߎ߬ ߘߐ߫، ߤߊߟߌ߫ ߗߍ߬ߦߊ߬ ߘߊ߲ߞߎ߲ ߘߏ߫ ߝߣߊ߫ ߘߐ߫߸ ߓߊߏ߬، ߗߍ߭ ߣߌ߫ ߡߏ߬ߛߏ ߦߋ߫ ߡߊ߰ߙߌ ߟߊ߫ ߛߎ߲ߞߎ߲ ߘߊ߲ߠߌ߲ ߘߏ߫ ߟߎ߫ ߟߋ߬ ߘߌ߫، ߡߍ߲ ߠߎ߬ ߕߍ߫ ߛߋ߫ ߟߊ߫ ߦߟߍ߬ߡߊ߲߬ ߠߊ߫، ߏ߬ ߞߘߐ߫، ߘߏ߫ ߕߍ߫ ߦߟߍ߬ߡߊ߲߬ ߞߊ߬ ߞߍ߫ ߘߏ߫ ߘߌ߫، ߤߊߟߴߊ߬ ߖߊߙߌߒߕߋߦߊ߫ ߘߊ߫ ߢߊ߯-ߊ-ߢߊ߫ ߡߊ߬، ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫، ߊ߬ߟߎ߬ ߦߋ߫ ߢߐ߲߯ ߘߝߊ߫ ߟߊ߫ ߞߏ߫ ߘߏ߫ ߟߎ߫ ߘߐ߫، ߊ߬ߟߎ߬ ߞߋߟߋ߲ߞߋߟߋ߲ߠߊ ߕߍ߫ ߛߋ߫ ߞߊ߬ ߡߍ߲ ߞߴߊ߬ ߘߊ߲߬ ߠߊ߬، ߦߏ߫ ߖߘߌ ߦߋ߫ ߢߊ ߡߍ߲߸ ߝߏ߫ ߡߊ߰ߙߌ ߟߊ߫ ߡߊ߲߬ߕߊߣߌ߲ ߘߋ߬. ߡߊ߲߬ߕߏ߲߫ ߘߍ߬ߣߍ߲ ߛߌ߬ߝߏ߲߬ߧߊ߬ߟߌ ﴿ ߡ.ߟ.ߛ ﴾ ߟߋ߬ ߣߊ߬ ߝߌ߬ߘߊ ߢߌ߲߬ ߞߍ߫ ߟߊ߫ ߖߊ߯ߓߡߊ ߘߌ߫ ߘߎߢߊ߫ ߖߡߊ߬ߣߊ ߟߎ߬ ߓߍ߯ ߞߣߐ߫.
ߏ߬ ߞߏߛߐ߲߬، ߣߴߊ߬ߟߋ߬ ߝߌ߬ߘߊ ߢߊ߰ߢߊ߮ ߛߋ߫ ߘߊ߫، ߕߊ߰ߛߌ߫ ߘߌ߫ ߞߍ߫ ߡߛߏ߬ߞߎ߲ ߠߎ߫ ߡߊ߬، ߡߍ ߠߎ߬ ߞߊ߬ ߛߍ߰ ߘߏ߲߬ ߞߍ߫ ߘߎߢߊ߫ ߟߊߥߙߎߞߌ ߟߎ߬ ߣߌ߫ ߡߐ߰ߦߊ ߡߞߊߘߊ߲ ߛߌߟߊ ߟߎ߬ ߘߐ߫، ߦߏ߫ ߞߟߋ߬ߦߊ߬ߞߏ߲ߞߏ ߟߎ߫ ߛߏ߰ߟߏ߲߬ ߞߐ߲ߘߍ߫ ߣߌ߫ ߛߊ߬ߛߎߡߊ߫ ߓߙߋߕߋ߫ ߟߎ߫ ߣߌ߫ ߣߊ߰ߣߊ߫ ߕߙߌߓߊ߲߫ ߠߎ߫ ߕߘߍ߬ ߦߋ߫ ߢߊ ߡߍ߲ ߡߊ߲߬ߘߋ߲߫ ߞߣߐ߫. ߣߴߌ ߞߊ߬ ߞߊ߬ߞߎ߬ߘߊ߫ ߕߎ߬ߡߊ ߢߌ߲߬ ߡߛߏ߬ߞߎ߲ ߠߎ߬ ߞߏߝߐ߫، ߌ ߘߌ߫ ߒߓߊߟߌߦߊ ߞߡߊ߬ߙߊ߫ ߦߋ߫ ߖߌ߬ߣߍ߫ ߞߊ߲ߓߍ߲ ߞߣߐ߫، ߏ߬ ߣߌ߫ ߞߊ߲ߕߌ߯ ߛߋߞߎ߫ ߕߎ߬ߙߋ߫ ߟߎ߫ ߟߋ߬ ߞߊ߬ ߖߌ߬ߣߍ߫ ߘߍ߲ߒߖߘߍߟߦߊ ߛߍ߬ߘߏ߲ ߞߍ߫ ߁߉߅߆ ߟߊ߫، ߤߊ߲߯ ߖߡߊ߬ߣߊߕߌ߮ ߘߏ߫ ߞߵߊ߬ ߞߣߐߡߊ߫ ߓߊ߲߬ߘߊ߬ߣߍ߲ ߓߏ߲߫ ߡߊ߬ߙߌ߬ߝߊ ߟߊ߫߸ ߞߵߊ߬ ߣߴߊ߬ ߢߋ߰ߟߋ߲ ߞߍ߫ ߛߎ߭ ߘߴߌߞߘߐ߫. ߏ߬ ߞߏߛߐ߲߬، ߖߌ߬ߣߍ߫ ߘߎ߰ߓߊ߬ ߛߌߦߊߡߊ߲߫ ߞߌ߲߬ߘߊ ߟߎ߬ ߕߐ߯ߟߊߣߍ߲߫ ߒߓߊߟߌߦߊ߫ ߞߡߊ߬ߙߊ߫ ߡߛߏ߬ߞߎ߲ ߢߌ߲߬ ߠߊ߫. ߒߞߏ ߕߐ߲ߖߊ߯ߓߡߊ ߦߋ߫ ߘߎߢߊ߫ ߡߏ߬ߛߏ ߟߎ߫ ߛߊߟߌߡߊߝߏ߫ ߟߊ߫߹ ߞߊߕߘߍ߬ߕߍ߫ ߒߞߏ ߞߊߙߊ߲ ߡߛߏ ߟߎ߬ ߟߊ߫ ߘߍ߬ߞߙߎ ߡߊ߬، ߏ߬ ߡߍ߲ ߛߏ߯ߙߏߣߍ߲߫ ߞߐߣߊߞߙߌ߫ ߣߌ߫ ߞߊ߲ߞߊ߲߫.
ߛߏ߬ߟߏ ߝߙߊ߬ߓߊ-ߘߐ߫