ߡߏߙߥߊߢߊ ߓߘߊ߫ ߡߐ߰ ߝߟߐ ߝߊ߰ ߖߌ߬ߣߍ߫ ߞߎߣߎ߲߬ ߞߏ߬ߟߏ߲߫ ߡߊ߬، ߞߏ߲ߞߏߘߌ߬ߓߌ ߕߟߋ߬ ߁߄ ߡߊ߬/ ߂߀߂߀߸ ߞߏ߲߬ߓߏ ߛߊ߬ߞߐ߬ߓߊ߫ ߞߋߕߊ߬ ߕߊ߫ ߦߌ߬ߘߊ߬ߟߌ ߘߐ߫، ߞߏ߫ ߡߏߙߥߊߢߊ ߣߐ߬ ߡߐ߰ ߝߟߐ ߡߍ߲ ߝߊ߰ ߟߊ߫ ߖߌ߬ߣߍ߫ ߣߌ߲߬، ߞߴߏ߬ ߦߋ߫ ߟߌߓߊ߲ߞߊ߫ ߗߍ߬ߡߐ߰ߓߊ ߘߏ߫ ߟߋ߬ ߘߌ߫، ߡߍ߲ ߛߌ߭ ߕߘߍ߬ ߦߋ߫ ߛߊ߲߬ ߇߅ ߘߐ߫، ߊ߬ ߞߵߊ߬ ߦߌ߬ߘߊ߬ ߕߎ߲߯ ߞߵߊ߬ ߟߐ߲ߣߍ߲߫ ߕߘߍ߬ ߝߛߊߦߌ߫ ߞߏ߫ ߡߏߙߥߊߢߊ ߦߋ߫ ߗߍߡߐ߰ߓߊ ߢߌ߲߬ ߠߊ߫، ߞߐ߬ߣߌ߬ ߖߊ߬ߡߊߙߌ ߡߍ߲ ߘߌ߫ ߘߊ߫ ߖߌ߬ߣߍ߫ ߞߊ߲ߕߌ߮ ߊߟߑߝߊ߫ ߞߐ߲ߘߍ߫ ߓߟߏ߫ ߞߏ߫ ߞߊ߬ ߡߙߥߊߢߊߕߐ ߟߎ߬ ” ߘߟߊߛߌ߰ ” ߗߍ߬ߡߐ߰ߓߊ ߢߌ߲߬ ߡߊ߫ ߛߐ߲߬ ߏ߬ ߡߊ߬ ߖߊ߬ߡߊ ߝߍ߬ ߣߐ߲ߜ߭ߐ߫ ߞߌ߲߭ ߠߊ߫، ߥߟߊ߫ ߘߐ߲ߞߊ߬ ߘߊ߲ߘߊߛߏߓߊ ߟߊ߫، ߦߋ߲߬ ߠߎ߬ ߡߍ߲ ߠߎ߬ ߘߐߓߍ߲߬ߣߍ߲߫ ߡߏߙߥߊߢߊߕߐ ߟߎ߬ ” ߘߟߊߛߌ߮ ” ߞߊ߲ߡߊ߬. ߟߌߓߊ߲ߞߊ߫ ߗߍߡߐ߯ߓߊ ߢߌ߲߬ ߞߵߊ߬ ߦߌ߬ߘߊ߫ ߟߋ߬ ߞߏ߫ ߞߊ߬ ߘߌ߬ߢߍ߬ ߊ߬ߟߋ߬ ߦߴߊ߬ ߕߊ߫ ߘߟߊߛߌ߯ߟߌ ߞߴߊ߬ ߓߘߊ، ߖߌ߬ߣߍ߫ ߞߎ߬ߙߎ߲߬ߘߎ ߘߏ߲߬ ߡߴߏ߬ ߝߣߊ߫ ߟߊߕߐ߲߫، ߊ߬ߟߋ߬ ߕߏߣߍ߲߫ ߊ߬ ߓߘߊ ߏ߬ ߟߋ߬ ߘߐ߫ ߤߊ߲߯ ߞߎߣߎ߲߬ ߞߎߣߎ߲߬ ߞߐ߬ߟߏ߲߫ ߛߐ߱ߡߊ߬، ߡߏߙߥߊߢߊ ߓߊ߰ߙߋ߲ ߜߟߌߦߊ߫ ߘߴߊ߬ ߞߊ߲߬ ߛߊ߫، ߊ߬ ߟߊߕߊ߯ ߢߊ ߟߋ߬ ߞߍߣߍ߲߫ ߏ߬ ߘߌ߫ ߘߐ߲ߞߊ߬ ߘߊ߲ߘߊߛߏߓߊ ߟߊ߫، ߞߐ߬ߣߌ߬ ߞߵߊ߬ ߓߘߍ߬ ߡߏߙߥߊߢߊ ߓߘߊ߫ ߣߐ߬ ߛߐ߬ߘߐ߲߫ ߊ߬ ߡߊ߬، ߞߏ߲߬ߓߏ ߛߊ߬ߞߐ߬ߓߊ ߣߴߊ߬ ߓߊ߯ߙߊߢߐ߮ ߟߎ߬ ߡߊ߫ ߛߴߊ߬ ߟߊߕߊ߲߬ߞߊ߬ ߟߊ߫ ߡߎ߬ߕߎ߲߬߸ ߏ߬ ߟߋ߬ ߞߍߣߍ߲߫ ߊ߬ ߛߊ߬ ߢߊ ߘߌ߫ ߝߐߦߐ߲ߞߐߟߐ߲߫. ߞߏ߲߬ߓߏ߫ ߛߊ߬ߞߐ߬ߓߊ߫ ߞߵߊ߬ ߦߌ߬ߘߴߊ߬ ߟߊ߫ ߟߊ߬ߛߋ߬ߟߌ ߢߌ߲߬ ߘߐ߫ ߕߎ߲߯ ߞߏ߫ ߟߌߓߊ߲ߞߊ ߟߎ߬ ߦߋ߫ ߣߊ߬ ߞߵߊ߬ߟߎ߬ ߖߎ߯ߓߍ߫. ߊ߲ ߧߋ߫ ߛߌ߬ߕߊߙߌ ߢߌ߲߬ ߣߐ߬ߣߐ ߞߊ߲߬ ߕߎ߬ߡߊ ߡߍ߲، ߏ߬ ߞߵߊ߬ ߕߘߍ߬ ߖߌ߬ߣߍ߫ ߡߏߙߥߊߢߊߕߐ ߦߥߌߞߊ ߓߘߊ߫ ߛߋ߫ ߡߐ߰ ߃߃߂ ߘߐ߫.
ߛߏ߬ߟߏ ߝߙߊ߬ߓߊ-ߘߐ߫