ߊߟߎ߫ ߛߊߟߌߡߊߝߏ߫ ߒߞߏ ߘߏ߲߬ߞߏ ߟߎ߬، ߡߊ߬ߘߋ߲߬ ߖߡߊߣߊ ߘߏ߫ ߟߎ߫ ߛߊߟߌ߫ ߘߊ߫ ߞߎߣߎ߲߬ ߞߍ߲ߘߍߟߏ߲߫ ߠߋ߬ ߡߊ߬، ߘߓߊ߬ߕߊ ߕߋ߬ߟߋ߫ ߂߃/ ߂߀߂߀߸ ߦߏ߫ ߡߊ߬ߟߌ߬ߓߊ، ߜߋ߲-ߞߐ߰ߖߌ߬ߘߊ، ߞߐ߬ߣߌ߬ ߖߌ߬ߣߍ߫ ߞߊ߲ߓߍ߲ ߣߌ߫ ߡߊ߲߬ߘߋ߲߬ ߕߐ߭ ߟߎ߬ ߛߊߟߌߣߍ߲߫ ߓߌ߬ ߞߊ߯ߙߌߟߏ߲߫ ߠߋ߬ ߡߊ߬، ߘߓߊ߬ߕߊ ߕߋ߬ߟߋ߫ ߂߄/ ߂߀߂߀߸ ߊ߬ ߣߌ߫ ߘߎߢߊ߫ ߛߌ߬ߟߡߊ߬ ߡߌߙߌ߲ߘߌ ߕߐ߭ ߟߎ߬، ߏ߬ ߓߟߏߡߊ߬، ߕߐ߲ߖߊ߯ߓߡߊ ߦߋ߫ ߒߞߏ ߣߌ߫ ߖߘߍ߬ߞߟߏ߬ߦߊ ߡߌ߬ߙߌ߲߬ߘߌ ߓߍ߯ ߛߊߟߌߡߊߝߏ߫ ߟߊ߫ ߞߐߘߍ߫، ߞߊ߬ ߓߊ߲߫ ߞߊ߬ ߕߌ߲ߞߌ߲߫ ߊߟߎ߫ ߓߍ߯ ߟߊߘߍ߬ߣߍ߲ ߦߋ߫ ߛߌ߬ߖߊ߲߬ ߛߐ߬ߘߐ߲ ߣߌ߫ ߞߍ߲ߘߍߦߊ ߟߊ߫، ߊ߬ ߣߌ߫ ߤߊ߬ߙߌ߬ߖߍ߰ ߝߎߟߋ߲ ߠߊ߫، ߞߵߊ߲ ߠߊ߫ ߓߊ߬ߕߏ߬ ߞߍߣߍ߲ ߠߎ߬ ߟߊߓߌ߫ ߛߎ߲ߞߊߖߙߏ ߢߌ߲߬ ߘߐ߫، ߊ߬ ߣߌ߫ ߞߊ߬ ߛߎ߲ߞߊߙߏ߫ ߛߌߦߊߡߊ߲߫ ߓߌ߬ߟߴߊ߲ ߤߊߙߌ߬ߖߍ߮ ߘߐ߫، ߞߵߊ߲ ߢߌߣߌ߲ߞߏ ߟߎ߫ ߘߴߊ߲ ߡߊ߬، ߡߍ߲ ߠߎ߬ ߦߋ߫ ߝߊ߬ߛߏ ߟߎ߬ ߞߣߐ߫، ߊ߬ ߣߌ߫ ߡߍ߲ ߠߎ߬ ߦߋ߫ ߕߎ߲ߞߊ߲ ߠߊ߫߸ ߞߊ߬ ߞߐߛߊߦߟߌ ߣߐ߰ߦߊ߫ ߕߎ߲ߞߊߠߊߡߐ߮ ߟߎ߬ ߦߋ߫ ߝߊ߬ߛߏ ߞߣߐ߫߸ ߊߟߊ߫ ߒߞߏ ߥߙߎߞߌ߫ ߞߵߊ߬ ߞߍ߫ ߊ߲ ߢߣߊ ߘߌ߫߸ ߞߵߊߟߊ߫ ߦߋ߫ ߝߎ߬ߖߎߖߎ ߢߌ߲߬ ߠߊߥߟߌ߬ ߘߎߢߊ߫ ߞߊ߲߬ ߛߎ߲ߞߊߙߏ ߞߐ ߢߌ߲߬ ߘߐ߫.
ߕߐ߲ߖߊ߯ߓߡߊ…
ߒ߬ߓߊ߰ ߌ ߛߊ߲߬ߓߍߛߊ߲߬ߓߍ߫ ߘߞߋ߬ߡߐ߮،ߡߊ߰ߙߌ ߦߴߊ߲ ߠߊ߫ ߛߊ߲߭ ߛߌߦߊߦߊ߫ ߞߵߊ߲ ߠߊ߫ ߕߌ߲ߞߌ ߟߎ߬ ߟߊߓߌ߫ ߞߊ߬ ߛߊ߲߬ ߜߘߍ߫ ߦߌ߬ߘߊ߬ ߊ߲ ߠߊ߫.