ߌ߬ߙߌ߬ߛߌ߫ ߦߋ߫ ߖߊ߯ߓߊ߫ ߞߟߍ߫ ߂߲ ߛߎߘߊ߲ߠߌ߲ ߢߊ߰ߢߊ߮ ߞߊ߲߬ ߓߌ߬ ߞߐ߬ߟߏ߲߫ ߥߊ߬ߛߌ߬ߥߙߊ ߕߋ߬ߟߋ߫ ߂߄ ߡߊ߬/ ߂߀߂߀، ߏ߬ ߡߍ߲ ߛߊ߲߬ ߇߅ ߦߋ߫ ߢߌ߬ߣߊ߲߬ ߘߌ߫، ߣߊ߲߬ߕߌ߮ ߁߄߀߀߀ ߖߊ߬ߕߋ߫ ߣߐ߬ ߓߌ߬ ߣߊ߲߬ߕߌ߰ ߓߙߊߓߐ ߛߌ߬ߝߏ߲߬ߧߊ߬ ߟߊ߫، ߌ߬ߙߌ߬ߛߌ߫ ߞߙߎߝߊ ߞߊ߲ߕߌ߮ ߝ߭ߑߟߊߘߑߡߌ߯ߙ ߔߎߕߌߣ ߖߍ߬ߘߍ ߝߣߊ߫ ߕߘߍ߬ ߦߋ߫ ߞߎ߬ߣߊ߬ߦߋ߬ߙߋ߲߬ ߞߣߍ ߢߌ߲߬ ߞߊ߲߬، ߓߊߏ߬، ߊߟߑߡߊ߲߫ ߕߘߍ߬ ߦߴߊ߬ ߝߍ߬ ߞߊ߬ ߌ߬ߙߌ߬ߛߌ߫ ߞߙߎߝߊ ߡߊߜߐߙߐ߲ߞߕߐ߫ ߡߍ߲ ߞߍ߫، ߋߙߐߔߎ߬ ߖߡߊ߬ߣߊ ߟߎ߫ ߝߊ߲߬ߓߊ ߡߊߜߐߙߐ߲ߞߕߐ ߞߐ ߘߐ߫ ߊߟߑߡߊ߲ߘߎ߯ ߣߊߖ߭ߌ߫ ߣߊ߲߬ߕߌ߮ ߟߎ߬ ߓߟߏ߫߸ ߞߍ߬ߟߍ߫ ߞߐ߬ߡߐ߲߬ߞߐ߬ߡߐ߲ ߣߌ߲߬ ߢߍߡߌ߬ߘߊ߬ߣߍ߲߫ ߕߘߍ߬ ߌߕߑߟߍߙ ߟߋ߬ ߓߟߏ߫߸ ߣߴߌ߬ߙߌ߬ߛߌ߫ ߣߊ߲߬ߕߌ߮ ߟߎ߬ ߛߋ߫ ߘߊ߫ ߞߊ߬ ߞߍ߬ߟߍ߫ ߞߐ߬ߡߐ߲߬ߞߐ߬ߡߐ߲ ߢߌ߲߬ ߠߊߕߊ߬ߞߌ߲߫، ߓߊߏ߬، ߌߕߑߟߍߙ ߞߊ߬ ߣߊ߲߬ߕߌ߮ ߞߋ߲߬ߟߥߎ߫ ߃ ߣߌ߫ ߞߐ߫ ߟߋ߬ ߟߊߕߊ߮ ߌ߬ߙߌ߬ߛߌ߫ ߞߙߎߝߊ ߡߊߜߐߙߐ߲ߞߕߐ߫ ߞߊ߲ߡߊ߬، ߔߎߕߌߣ ߞߵߊ߬ ߦߌ߬ߘߊ߫ ߞߏ߫ ߖߡߊ߬ߣߊ ߡߍ߲ ߠߎ߬ ߦߴߊ߬ ߝߍ߬ ߞߊ߬ ߌ߬ߙߌ߬ߛߌ߫ ߞߙߎߝߊ ߣߊ߲߬ߕߌ߮ ߟߎ߬ ߟߊ߫ ߛߎߘߊ߲ߠߌ߲ ߢߡߊߘߏ߲߰ ߖߊ߯ߓߊ߫ ߞߟߍ ߂߲ ߢߌ߲߬ ߘߐ߫، ߞߴߏ߬ ߟߎ߬ ߕߍߣߊ߬ ߛߴߏ߬ ߞߍ߫ ߟߊ߫، ߓߊ، ߞߏ߫ ߣߴߌ߬ߙߌ߬ߛߌ߫ ߞߙߎߝߊ߫ ߣߊ߲ߕߌ߮ ߟߎ߬ ߕߘߍ߬ ߡߊ߫ ߛߎߘߊ߲߫ ߞߵߊߟߑߡߊ߲ ߣߊ߲߬ߕߌ߮ ߟߎ߬ ߟߊߘߊ߲߬، ߞߏ߫ ߘߎߢߊ߫ ߕߘߍ߬ ߓߍߣߊ߬ ߞߍ߫ ߘߌ߬߸ ߏ߬ ߓߟߏߡߊ߬، ߞߴߊ߬ ߦߋ߫ ߛߋ߲ߛߋߘߋ߲߫ ߠߋ߬ ߘߌ߫ ߞߊ߬ ߌߙߌ߬ߛߌ߫ ߞߙߎߝߊ ߟߊ߫ ߕߎ߬ߢߊ ߢߌ߲߬ ߡߊߞߊ߲ߞߊ߲߫. ߏ߬ ߟߋ߬ ߞߏߛߐ߲߬ ߖߍ߬ߘߍ߫، ߡߏߙߥߊߢߊ ߣߴߊ߬ ߟߊ߫ ߛߌߦߊߦߊ ߘߎߢߊ߫ ߡߌ߬ߙߌ߲߬ߘߌ ߓߍ߯ ߞߊ߲߬ ߕߋ߬ߟߋߝߌ߬ߟߊ ߢߌ߲߬ ߘߐ߫، ߞߏ߫ ߝߏ߫ ߌ߬ߙߌ߬ߛߌ߫ ߦߋ߫ ߣߌ߲߬ ߢߊ߰ߢߊ߮ ߞߍ߫ ߟߋ߬ ߕߘߋ߫، ߏ߬ ߟߋ ߞߏߛߐ߲߬ ߣߴߌ ߞߊ߬ ߣߊ߲߬ߕߌ߮ ߘߐߜߍ߫ ߓߙߊߓߐ ߞߣߍ ߘߐ߫، ߌ ߕߍ߫ ߛߏ߬ߓߌ߬ ߟߊ߫ ߡߏߙߥߊߢߊߞߏ ߡߊ߬.
ߛߏ߬ߟߏ ߝߙߊ߬ߓߊ-ߘߐ߫