ߟߐߣߌ߲ߠߊ߫-ߊ-ߟߐ߲ߣߌ߲ߠߊ߫، ߟߐ߲ߣߌ߲ߠߊ ߘߏ߫ ߟߴߏ߬ ߛߊ߲ߘߐ߫

ߝߊ߲߬ߞߊ ߥߟߊ߫ ߛߋߓߊ߯ߦߊ، ߏ߬ ߞߊ߫ ߞߊ߲߫ ߞߊ߬ ߞߟߍ߬ ߝߊ߲߬ߞߊ ߟߋ߬ ߟߊ߫߸ ߣߊ߲߬ߝߟߏ ߞߊ߫ ߞߊ߲߫ ߞߊ߬ ߞߟߍ߬ ߣߊ߲߬ߝߟߏ ߟߋ߬ ߟߊ߫߸ ߟߐ߲ߣߌ߲ ߝߣߊ߫ ߞߊ߫ ߞߊ߬ ߞߟߍ߬ ߟߐߣߌ߲ ߣߌ߫ ߘߊ߬ߟߎ߫ ߟߋ߬ ߟߊ߫، ߌ ߓߊ߯ ߣߌ߲߬ ߝߋ߲-ߋ-ߝߋ߲߫ ߞߍ߫ ߞߊ߬ ߘߏ߫ ߞߟߍ߬، ߌ ߓߘߴߊ߬ ߡߊߖߊ߲߬، ߓߊߏ߬ ߞߏ߫ ߃ ߢߌ߲߬ ߠߎ߫ ߦߋ߫ ߛߌߟߊ߲ ߠߊ߫ ߟߋ߬ ߢߐ߲߯ ߢߍ߫. ߊ߲ ߞߍߕߐ߫ ߊ߲ ߓߊߘߋ߲߫ ߊߙߊߓߎ߫ ߟߐߣߌ߲ߠߊ ߘߏ߫ ߟߋ߬ ߟߊ߫ ߖߌ߬ߦߊ߬ߖߟߎ ߛߘߌ߬ ߟߴߊ߲ ߠߊ߫ ߞߍߦߙߐ ߞߊ߲߬ߖߊ߬ߡߊ߬߯ߘߌ߫ ߟߊ߫ ߦߊ߲߬ ߛߌߛߍ߲߬، ߡߍ߲ ߠߊߡߍ߲ ߣߊ߬ߝߊ ߞߊ߫ ߓߏ߲߬ ߞߏߛߓߍ߫، ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫؟ ߓߊߏ߬ ߊߙߊߓߎ߬ ߞߊ߬ߙߊ߲߬ߠߊ ߞߊ߫ ߛߌߦߊ߫ ߝߘߌ߬ߝߌ߲߬ߠߊ߫ ߞߏߛߓߍ߫، ߞߊߕߘߍ߬ߕߍ߫ ߖߐ߲ߓߐߓߊ ߕߌ߮ ߟߎ߫ ߡߊ߬، ߣߴߌ ߞߵߊ߬ߙߊ߬ߓߎ߬ ߞߊ߬ߙߊ߲߬ߠߊ ߢߌ߲߬ ߠߎ߬ ߛߌߦߊߡߊ߲߫ ߠߊߡߍ߲߫ ߞߵߊ߬ ߞߙߐ߬ߛߌ߫، ߌ ߘߴߊ߬ ߦߋ߫ ߖߐ߲ߓߐ߲ ߡߍ߲ ߦߴߊ߬ ߘߏ߫ ߟߎ߫ ߓߟߏ߫، ߏ߬ ߟߐ߲ߣߌ߲ ߕߴߊ߬ߟߎ߬ ߟߊ߫، ߏ߬ ߦߋ߫ ߞߊ߬ߙߊ߲ ߛߎ߯ ߛߌߦߊߡߊ߲߫ ߝߣߊ߫ ߘߐ߫، ߞߐ߬ߣߌ߲߬ ߝߘߊ߬ߝߌ߲߬ߠߊ߫ ߡߐ߱ ߞߊ߬ߙߊ߲߬ߣߍ߲ ߡߍ߲ ߠߎ߬ ߦߋ߫ ߓߐ߫ ߟߴߊߙߊߓߎ߫ ߖߡߊߣߊ ߟߎ߬ ߞߣߐ߫، ߊ߬ ߞߊ߫ ߛߌߦߊ߫ ߏ߬ ߟߎ߫ ߟߋ߬ ߘߐ߫، ߊ߬ ߣߌ߫ ߡߐ߱ ߝߊ߲߬ߓߊ ߡߍ߲ ߠߎ߬ ߦߋ߫ ߞߊ߬ߙߊ߲ ߓߍ߯ ߞߍ߫ ߟߊ߫ ߥߊߟߌ߫ ߞߊ߲ ߘߐ߫، ߞߐ߬ߣߵߊ߲ ߓߊߘߋ߲ߡߊ ߡߍ߲ ߠߊ߫ ߖߌ߬ߦߊ߬ߖߟߎ ߛߘߌ߬ߕߐ߫ ߦߊ߲߬ ߛߌߛߍ߲߬، ߣߊߟߌߡߎ߲߫ ” ߞߊ߬ߙߊ߲߬ߝߊ߫ ﴾ ߊߤߑߡߊߘ ߕߌߖߊ߯ߣ ߛߊ߲ߜ߭ߊߙߋ߫” ߘߌ߫، ߣߴߊ߬ ߡߝߊߣߍ߲߫ ߊߓߌߖߊ߲߬ ﴿ ߜߋ߲-ߞߐ߰ߖߌ߬ߘߊ﴾ ߟߊ߫߸ ߣߴߌ ߞߵߏ߬ ߟߊߡߍ߲߫ ߖߘߍ߬ߞߟߏ߬ߓߊ߰ߦߊ߬ ﴿ ߛߌ߬ߟߡߊ߬ߦߊ﴾ ߣߊߡߎ߲ ߢߌ߲߬ ߕߐ߬ߝߍ߬ߦߊ ߘߊߞߎ߲ ߘߐ߫، ߌ ߘߌ߫ ߘߊ߲߬ߝߘߊ߬ߓߐ߬ߓߊ߫ ߦߴߊ߬ ߣߌ߫ ߊߙߊߓߎ߫ ߞߊߙߊ߲ߠߊ߫ ߛߌߦߊߡߊ߲߫ ߕߍ߫، ߌ ߘߴߊ߬ ߦߋ߫ ߝߣߊ߫، ߊ߬ ߟߊ߫ ߢߊߝߐߟߌ ߞߍߢߊ ߡߊ߫ ߛߌߦߊ߫ ߊߙߊߓߎ߫ ߞߊߙߊ߲ߠߊ ߘߐ߫ ߝߘߊ߬ߝߌ߲߬ߠߊ߫ ߦߊ߲߬، ߤߊߟߴߊ߬ ߟߐ߲ߣߌ߫ ߛߎ߮ ߓߊ߯ߞߍ߫ ߡߍ߲ ߠߊ߫، ߌ ߘߴߊ߬ ߦߋ߫ ߕߋߟߋ߲߫ ߕߴߊ߬ ߟߊ߫ ߢߊߝߐߟߌ ߘߐ߫ ߝߘߊ߬ߝߌ߲߬ߠߊ߫ ߡߌ߬ߙߌ߲߬ߘߌ ߦߋ߫߸ ߕߋߟߋ߲ ߢߌ߲߬ ߠߊߘߛߍ ߝߘߊ߬ߝߌ߲߬ߠߊ߫ ߡߐ߱ ߞߊ߬ߙߊ߲߬ߣߍ߲ ߝߊ߲߬ߓߊ ߘߐ߫، ߏ߬ ߟߋ߬ ߣߐ߬ ߝߘߊ߬ߝߌ߲߬ߠߊ߫ ߕߏ߫ ߟߊ߫ ߞߐ߫ ߘߊ߲ߞߎ߲ ߓߍ߯ ߘߐ߫. ߒ ߓߊߘߋ߲ ߠߎ߬، ߊߟߎ߫ ߦߴߌ ߘߐߖߊ߬ ߞߊ߬ ߗߍ߭ ߢߌ߲߬ ߠߊߡߍ߲߫، ߢߌ߲߬ ߦߋ߫ ߟߐ߲ߣߌ߲ߠߊ߫ ߕߋߟߋ߲ߣߍ߲ ߘߏ߫ ߟߋ߬ ߘߌ߫߸ ߣߌ߲߬ ߢߐ߲߰ ߟߐ߲ߣߌ߲ߠߊ߫ ߕߋߟߋ߲ߣߍ߲߫ ߞߊ߫ ߘߐ߯ ߝߘߊ߬ߝߌ߲߬ߠߊ߫.

ߛߘߌ߬ߜߋ߲ ߢߌ߲߬ ߛߐ߲߬ߞߌ߲߬ ߞߊ߬ ߞߊ߬ߙߊ߲߬ߝߊ߫ ߊߤߑߡߊߘ ߕߌߖߊ߯ߣ ߛߊ߲ߜ߭ߊߙߋ߫ ߟߊߡߍ߲߫

ߛߏ߬ߟߏ ߝߙߊ߬ߓߊ-ߘߐ߫