ߡߊ߬ߟߌ ߘߐ߬ߕߊ߬ߡߌ߲߬ ߞߊ߲ߕߌ߮ ߟߊߛߌ߰ ߘߊ߫ ߞߎߣߎ߲߬ ߛߌ߬ߣߌ߲߬ߟߏ߲߫ ߡߊ/ ߕߎߟߊߝߌ߲ ߕߋ߬ߟߋ߫ ߂߅/ ߂߀߂߀، ߣߊߟߌߡߎ߲߫ ߒߘߊߥߏ߫ ߓߊ߫ ߘߌ߫، ߊ߬ ߕߘߍ߬ ߓߘߊ߫ ߞߊߙߏ߫ ߆ ߖߊ߬ߕߋ߫ ߓߐ߫، ߓߘߍ߬ߓߘߍ߬ߟߌ ߣߊ߯ߛߊߣߍ߲߫ ߡߊ߬ߟߌ ߞߣߐ߫، ߝߎ߬ߙߎ߲߬ߞߎ߬ߟߌ ߝߣߊ߫ ߕߘߍ߬ ߓߘߊ߫ ߛߌߦߊߦߊ߫، ߓߊߏ߬، ߓߘߍ߬ߓߘߍ߬ߟߌ ߞߙߎߞߊ ߟߎ߬ ߛߌߦߊߡߊ߲߫ ߕߘߍ߬ ߓߘߴߊ߬ߟߎ߫ ߝߙߊ߬ ߢߐ߲߯ ߞߊ߲߬ ﴿ ߞߵߏ߬ ߞߟߌ߫ ߞߏ߫ ߍߡ_ߛߍ߲ߞ، ߏ߬ ߟߎ߬ ߝߣߊ߫ ߝߊ߲߬ߞߊ߫ ߘߏ߲߬ߣߍ߲߫ ߕߘߍ߬ ߢߍߓߊ߮ ߘߌߞߏ ߟߋ߬ ߓߟߏ߫، ߏ߬ ߓߘߊ߫ ߛߊ߲߬ ߄߀ ߖߊ߬ߕߋ߫ ߞߍ߫ ߢߍߓߊ߯ߦߊ ߟߊ߫ ߓߡߊ߬ߞߐ߫ ߕߌ߲ߓߌߘߌ߲ߘߊ ߘߏ߫ ߟߊ߫، ߊ߬ ߦߋ߫ ߝߊ߲߬ߞߊ߬ߡߊ߫ ߝߣߊ߫ ߘߌ߫ ߖߘߍ߬ߞߟߏ߬ߦߊ߬ ߣߊߡߎ߲ ߘߊߞߎ߲ ߘߐ߫. ߏ߬ ߣߌ߫ ߓߘߍ߬ߓߘߍ߬ߟߌ߬ߟߊ ߢߌ߲߬ ߠߎ߫ ߟߋ߬ ߕߘߍ߬ ߦߋ߫ ߝߎ߬ߙߎ߲߬ߞߎ߬ߟߌ ߟߊ߫ ߓߡߊ߬ߞߐ߫ ߛߌߟߓߊ ߟߎ߫ ߞߊ߬ ߞߊߙߏ߫ ߦߙߌߞߊ߫ ߞߘߐ߫، ߏ߬ ߟߋ ߟߊߓߊ߲ ߘߊ߫ ߞߊ߬ߝߏ߬ ߖߊߛߏ߲ ߡߊ߬ ߣߊ߲߬ߕߌ߮ ߟߎ߬ ߓߟߏ߫ ߘߓߊ߬ߓߌߟߊ ߕߟߋ߬ ߁߈ ߕߊ߬ߡߌ߬ߣߍ߲ ߢߌ߲߬ ߡߊ߬، ߞߊ߬ ߞߊ߲ߕߌ߮ ߌߓߎߙߊߤߌߡ ߞߋߕߊ߬ ߟߊߥߟߏ߫ ߌߞߘߐ߫، ߏ߬ ߞߊߙߏ߫ ߁ ߖߊ߬ߣߍ߲߫ ߠߋ߬ ߝߣߊ߫ ߕߋ߲߬، ߞߊ߬ߝߏ߲߬ ߖߊ߬ߛߏ߲߬ߠߊ ߟߎ߬ ߣߌ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߛߌ߲߬ߝߏ߲߬ߘߊ ﴿ ߛߋ-ߘߋ-ߦߊ-ߥߏ- ﴾ ߞߊ߲ߕߌ߮ ߟߎ߬ ߦߋ߫ ߢߐ߲߯ߠߊ߫ ߞߏ߫ ߝߏ߫ ߣߊ߲߬ߕߌ߮ ߟߎ߬ ߦߋ߫ ߝߊ߲߬ߞߊ ߟߊߛߊ߬ߦߌ߬ ߣߊ߰ߕߊ߲ ߠߎ߫ ߡߊ߬ ߞߊߟߌߦߊ߫ ߘߐ߫، ߣߴߏ߬ ߕߍ߫ ߞߴߊ߬ߟߎ߬ ߘߌ߫ ߓߌ߲߬ߓߊߏ߬ ߟߊ߫ ߡߊ߬ߟߌ߬ߓߊ ߞߊ߲߬، ߏ߬ ߞߍ߫ ߘߊ߫ ߛߐ߬ߛߐ߬ߟߌ߬ ߛߌߦߊߡߊ߲߫ ߘߌ߫ ߞߊ߲ߕߌ߮ ߟߎ߫ ߖߍ߬ߘߍ ߣߌ߫ ߢߐ߲߮ ߕߍ߫، ߞߐ߬ߣߵߊ߬ ߟߊߓߊ߲ߣߍ߲߫ ߞߊߕߌ߮ ߟߎ߬ ߕߊ ߟߋ߬ ߡߊ߬، ߓߊߏ߬ ߣߊ߲߬ߕߌ߮ ߟߎ߫ ߞߊ߬ ߣߊ߲߬ߕߌ߰ ߞߘߐ߫ ߟߊߣߡߐ߬ߣߍ߲ ߘߏ߫ ߕߐ߯ߦߊ߫ ߞߊ߲ߕߌ߯ߦߊ ߟߊ߫، ߏ߬ ߓߍ߲߬ ߓߍߣߊ߬ ߘߐ߬ߕߊߡߌ߲ ߞߎ߲߬ߕߊ߮ ߣߌ߫ ߢߣߊߕߊߟߌ ߟߎ߬ ߓߍ߯ ߞߍ߫ ߞߊߙߏ߫ ߁߈ ߞߘߐ߫، ߏ߬ ߘߐ߬ߕߊ߬ߡߌ߲߬ ߞߊ߲ߕߌ߮ ߟߋ߬ ߟߊߛߌ߰ ߘߊ߫ ߡߊ߲߬ߛߊ߬ߦߊ ߥߊ߰ߣߍ߲ ߘߐ߫ ߞߎߣߎ߲߬ ߛߌ߬ߣߌ߲߬ߟߏ߲߫ ߡߊ߬߸ ߊߟߊ߫ ߏ߬ ߞߍ߫ ߝߢߐ߫ ߢߌߡߊ߫ ߘߌ߫ .ߡߊ߬ߟߌߓߊ ߖߡߊ߬ߣߊ ߞߊ߲߬، ߊ߬ ߣߌ߫ ߟߊߡߌߣߌ߲߫ ߖߡߊߣߊ ߟߎ߬ ߡߊ߬ ߓߍ߯ ߞߐߘߍ߫.
ߛߏ߬ߟߏ ߝߙߊ߬ߓߊ-ߘߐ߫