ߒߞߏ ߜߙߍ ߘߏ߫ ߓߘߊ߫ ߞߊߘߵߊ߬ ߟߊ߫ ߓߊ߬ߣߊ߲߬ߞߘߐ߫ ߓߌ߬ ߞߊ߯ߙߌߟߏ߲ ߢߌ߲߬ ߡߊ߬

ߒߞߏ ߜߙߍ ߘߏ߫ ߓߘߊ߫ ߞߊߘߵߊ߬ ߟߊ߫ ߓߊ߬ߣߊ߲߬ߞߘߐ߫ ߓߌ߬ ߞߊ߯ߙߌߟߏ߲ ߢߌ߲߬ ߡߊ߬/ ߘߓߊ߬ߓߌߟߊ ߕߋ߬ߟߋ߫ ߂߂/߂߀߂߁߸ ߣߊߟߌߡߎ߲߫ ߞߙߊ߬ߡߐ߯ ߛߋߞߎ߫ ߘߎ߲߬ߓߎߦߊ ߘߌ߫، ߊ߬ ߛߊ߲߬ ߃߀ ߡߊߜߍ߲ ߠߋ߬ ߕߋ߲߬ ߊ߬ ߦߋ߫ ߓߊ߬ߣߊ߲߬ߞߘߐ߫ ߒߞߏ ߛߓߍߘߊ ߛߌ߲߬ߝߏ ߘߌ߫، ߊ߬ߟߋ ߟߋ߬ ߕߘߍ߬ ߦߋ߫ ߓߊ߬ߣߊ߲߬ߞߘߐ߫ ߒߞߏ ߛߓߍߘߊ ߓߋߟߋ߲ߠߊ ߘߌ߫، ߊ߬ ߦߋ߫ ߓߊ߬ߣߊ߲߬ߞߘߐ߫ ߒߞߏ ߛߓߍߘߊ ߗߍ߬ߡߐ߮ ߟߋ߬ ߝߣߊ߫ ߘߌ߫، ߡߍ߲ ߠߎ߫ ߕߘߍ߬ ߘߊ߫ ߓߊ߬ߣߊ߲߬ߞߘߐ߫ ߒߞߏ ߛߓߍߘߊ ߝߟߐ ߛߏ߯ߙߏ ߘߐ߫ ߞߙߊ߬ߡߐ߯ ߛߌ߬ߘߌߞߌ߬ ﴿ ߥߊ߬ߞߌߟߌ߫﴾ ߡߊ߰ߙߊ ߝߍ߬߸ ߞߙߊ߬ߡߐ߯ ߛߋߞߎ ߣߌ߲߬ ߕߘߍ߬ ߦߋ߫ ߡߊ߲߬ߘߋ߲߫ ߘߐ߰ߝߐ߬  ߣߌ߫ ߛߙߊ߬ߣߎ߲߬ ߟߐ߲߬ߠߊ߬ߓߊ߫ ߟߋ߬ ߘߌ߫ ߓߊ߬ߣߊ߲߬ߞߘߐ߫ ߒߞߏ ߛߓߍߘߊ ߞߣߐ߫، ߏ߬ ߟߋ߬ ߞߏߛߐ߲߬ ߊ߬ ߞߍ߫ ߘߊ߫ ߓߊ߬ߣߊ߲߬ߞߘߐ߫ ߒߞߏ ߛߓߍߘߊ ߓߋߟߋ߲ߠߊ ߘߌ߫، ߞߴߏ߬ ߞߎ߲߭ ߞߵߊ߬ ߞߎ߬ߛߊ߲߬ߧߊ ߘߌ߫ ߖߡߊ߬ߘߐ߬ ߟߎ߬ ߟߊ߫، ߊ߬ ߕߘߍ߬ ߛߌ߰ߣߍ߲߫ ߛߌߣߍߘ ߞߌ߲߭ ߡߍ߲ ߠߊ߫، ߊ߬ ߕߘߍ߬ ߏ߬ ߕߌߓߌߘߌ߲ߘߊ ߢߍߓߊ߮ ߘߏ߫ ߟߋ߬ ߘߌ߫، ߗߍ߬ߡߐ߰ߓߊ ߣߌ߲߬ ߕߘߍ߬ ߟߊ߲ߠߊߒߕߋߓߊ߫ ߟߋ߬ ߘߌ߫، ߞߙߊ߬ߡߐ߯ ߘߋ߲ߓߏ߫ ߛߌ߬ߛߋ߫ ߞߴߊ߬ߟߋ߫ ߟߋ߬ ߟߊߕߊ߯ ߞߊߦߌߙߊߠߊ߯ߣߌ߫ ߞߊ߬ߙߊ߲߬ߕߊ߫ ߛߣߊ߬ߛߌ߫ ߝߌ߬ߡߊ߲߫ ߟߐ߬ ߞߊ߲ߡߊ߬، ߊ߬ ߖߐ߰ߣߍ߫ ߓߍ߯ ߘߏ߲߬ ߘߵߊ߬ߟߋ߫ ߟߋ߬ ߓߟߏ߫، ߞߊ߬ߙߊ߲߬ߕߊ ߏ߬ ߛߊ߲߬ ߁߀ ߣߌ߫ ߞߐ߫ ߟߋ߬ ߕߋ߲߬ ߟߊ߬ߞߊ߬ߙߊ߲߬ߠߌ߲ ߦߋ߫ ߞߍ߫ ߟߵߊ߬ ߟߊ߫ ߞߊߦߌߙߊߥߊ߯ߣߌ߫ ߛߏ ߞߣߐ߫ ߞߙߊ߬ߡߐ߯ ߓߊ߬ߟߊ ߓߟߏ߫. ߓߊ߬ߣߊ߲߬ߞߘߐ߫ ߒߞߏ ߛߓߍߘߊ ߦߋ߫ ߓߍ߯ ߕߙߊ߫ ߕߌ߲ߞߌ߲ ߠߊ߫ ߒߞߏ ߞߙߊߡߐ߯ ߞߘߐߓߊ ߣߌ߲߬ ߦߋ߫. ߊߟߊ߫ ߜߊ߲ߞߎߠߊ߫ ߞߵߊ߬ ߦߋ߫، ߞߴߊ߬ ߖߌ߬ߦߊ߬ߘߊ ߞߍ߫ ߡߍ߲ߘߌߦߊ ߣߊߞߐ ߘߌ߫، ߊ߬ߟߋ߫ ߕߊ߬ߣߍ߫ ߞߴߊ߬ ߟߊ߫ ߒߞߏ ߞߙߊߡߐ߯ ߝߎߙߋ ߓߍ߯ ߟߊߘߍ߬ߣߍ߲ ߞߊ߲߬، ߞߴߊߟߊ߫ ߤߌߣߵߊ߬ߟߎ߬ ߓߍ߯ ߛߟߐߡߌ߲ ߠߊ߫ ߘߏ߲߯߹

ߛߏ߬ߟߏ ߝߙߊ߬ߓߊ-ߘߐ߫