ߣߖ߭ߊ ߛߊ߫ ߥߍߓ ߕߟߋߛߑߞߐߔ ߓߘߊ߫ ߓߎ߰ߓߎ߬ߡߊ߫ ߓߌ߬ ߞߍ߲ߘߍߟߏ߲ ߣߌ߲߬ ߡߊ߬ ߞߏߟߌ߲ߞߏߟߌ߲ ߂߅, ߂߀߂߁ ߠߊ߫ ߞߎ߯ߙߎ߫߸ ߝߊ߬ߙߊ߲߬ߛߌ߫ ߜ߭ߎߦߊߣߌ߫. ߣߖ߭ߊ ߣߌ߫ ߋߛߊ ߣߌ߫ ߞߣߊߘߞߊ ߟߎ߬ ߟߊ߫ ߝߏ߬ߟߏ߲߬ߝߊ߬ߟߊ߲߬ߕߍ ߖߋ߬ߕߌ߬ߘߊ ߟߎ߬ ߓߊ߲ ߞߐ ߘߐ߫ ߛߊ߲߬ ߃߀ ߢߐ߲߰ ߞߍ߫ ߟߊ߫ ߝߏ߬ߣߊ߲߬ߦߋ߬ߟߊ߲ ߥߍߓ ߖߊ߬ߕߋ߬ߘߐ߬ߛߌ߮ ߣߌ߫ ߡߊ߬ߞߍ߲߰ߠߌ߲ ߣߌ߫ ߟߊ߬ߘߊ߲߬ߠߌ߲ ߠߎ߬ ߣߌ߫ ߛߊߞߍߟߌ ߟߎ߬ ߘߊߞߘߐ߫߸ ߊ߬ ߣߌ߫ ߞߊ߬ ߘߏߟߊߙߌ ߥߟߎ߬ߡߊ߬ ߁߀ ߢߐ߲߰ ߡߎ߬ߛߞߊ߬ ߟߊ߬ߘߊ߲߬ߠߌ߲ ߣߌ߫ ߓߎ߬ߓߎ߬ߡߊ߬ߟߌ ߟߎ߬ ߟߊ߫߸ ߥߍߓ ߓߎ߰ߓߎ߬ߡߊ߬ ߘߊ߫ ߓߌ߬ ߁߂:߂߀ (ߡߊ߲߬ߘߋ߲߫) ߠߊ߫ ߞߎ߯ߙߎ߫, ߊ߬ ߓߊ߲ ߞߐ ߘߐ߫ ߕߎ߬ߡߊ߬ߙߋ߲߬ ߕߟߊ߫ ߢߐ߲߰ ߞߍ߫ ߟߊ߫ ߜߊ߲ߠߌ߲ ߠߊ߫ ߞߊ߬ ߦߟߍ߬߸ ߊ߬ ߞߵߊ߬ ߥߊ߬ߟߏ߲߫ ߊ߬ ߡߊߟߐ߬ߓߊ߮ ߊߙߌߦߊߣ_߅߲ ߠߊ߫ ߦߏ߫ ߝߙߌߝߙߌߟߋ߲ ߦߋ߫ ߥߊ߬ߟߏ߲߬ ߠߊ߫ ߛߋ߬ ߟߊ߫ ߕߎ߲ߓߎ ߟߊ߫ ߢߊ ߡߍ߲ ߡߊ߬߸ ߞߵߊ߬ ߕߟߋ߬ߡߌ߬ߘߊ߬ ߝߜߊ (ߔߊߣߏ߫ ߛߏߟߍߙ) ߘߐߥߟߏ߫߸ ߘߊ߬ߡߊ߲߬ߛߵߊ߬ ߕߊߘߊ߮ ߖߛߐ ߓߘߊ߫ ߘߊߡߌ߬ߣߊ߬ ߌߞߘߐ߫. ߛߘߍ ߡߍ߲ ߠߎ߬ ߞߊ߬ ߜߊ߲ߠߌ߲ ߞߎ߲߬ߠߊߛߌ߰߸ ߏ߬ ߟߎ߫ ߞߵߊ߬ߟߎ߫ ߕߍ߯ ߘߝߐ߫ ߛߍߥߊ ߣߌ߫ ߢߊ߯ߟߋ߲ ߛߎ߯ ߓߍ߯ ߘߏ߫ ߘߐ߫߸ ߞߏ߫ ߥߊ߫ ߒ ߘߋ߲߫߹ ߕߊ߯ ߥߍ߬ߥ. ߊ߬ ߘߏ߲߬ ߓߍ߲߬ ߘߴߊ߬ ߛߋ߲߬ߡߵߊ߬ ߓߎ߬ߓߎ߬ߡߊ߬ ߟߏ߲߬ ߞߏ ߘߐ߫ ߞߏߛߓߍ߫߸ ߓߊߏ߬ ߊ߬ ߓߎ߰ߓߎ߬ߡߊ߬ ߘߊ߫ ߌߛߊ߫ ߛߐ߬ߘߐ߲ ߞߎ߲߬ߢߐ߮ ߟߋ߬ ߡߊ߬ (ߣߏߥߍߟ\ߞߑߙߌߛߑߡߍߛ)߸ ߊ߬ ߦߋ߫ ߦߙߐ ߡߍ߲ ߘߐ߫ ߣߌ߲߬ ߕߋ߲߬߸ ߊ߬ ߦߋ߫ ߢߣߍ߬ߛߎߡߊ ߣߌ߫ ߝߊߙߌߕߦߊ ߘߝߊߣߍ߲ ߠߋ߬ ߘߐ߫ ߕߊ߲߬. ߞߏ߬ߣߵߏ߬ ߓߊ߯ ߞߍ߫ ߢߊ߫ ߛߌ߫ ߡߊ߬߸ ߊ߬ ߣߴߊ߬ ߢߊߞߌߛߍ ߜߛߎߞߙߎ߫ ߘߍ߰ߜߍ߬ ߜߊߞߌ ߟߋ߬ ߦߋ߫ ߦߋ߲߬ ߕߊ߲߬߸ ߞߎ߲ߝߊ߲ ߣߌ߫ ߣߊ߬ߕߊ߫ ߘߊ߲߬ߠߊߕߊ߬ߡߌ߲߬ߣߍ߲ ߠߎ߬ ߕߍߡߊ߬߸ ߝߴߊ߬ ߦߋ߫ ߜߍ߬ߘߍ߲߬ ߠߴߊ߬ ߛߌ߭ ߓߊ߲ ߠߊ߫. ߖߋߡߍߛ ߥߍߓ ߟߊ߫ ߗߋߦߊߟߌ ߦߋ߫ ߛߊ߲߬ ߁߀ ߖߊ߬ߣߍ߲ ߠߋ߬ ߘߌ߫. ߝߏ߬ߣߊ߲߬ߦߋ߬ߟߊ߲߫ ߖߋߡߍߛ ߥߍߓ ߗߋ߫ ߞߎ߲ ߦߋ߫ ߝߏ߬ߟߏ߲߬ߝߊ߬ߟߊ߲߬ߕߍ ߞߏ (ߝߋ߲) ߞߎ߲߬ߝߟߐ ߟߎ߬ ߞߟߊ߬ ߢߌߣߌ߲ ߠߋ߬ ߘߌ߫߸ ߤߊ߲߯ ߞߊ߬ ߥߴߊ߬ ߛߌ߰ ߓߌߜ߭-ߓߊ߲ߜ߭ ߕߎ߬ߡߊ ߟߊ߫߸ ߟߐ߲ߞߏߕߌ߮ ߟߎ߬ ߓߍ߲߬ߣߍ߲߫ ߦߴߊ߬ ߡߊ߬ ߞߏ߫ ߖߊ߯ߓߊ ߘߊ߲ߣߍ߲߫ ߦߴߏ߬ ߡߍ߲ ߘߐ߫߸ ߤߊ߲߯ ߞߊ߬ ߥߵߊ߬ ߛߌ߰ ߓߐ߬ߓߐ߬ ߝߌ߲ ߞߌ߬ߓߊ߬ߙߏ߬ߦߊ߬ ߢߌߣߌ߲ ߡߊ߬. ߥߍߓ ߣߌ߲߬ ߞߍߕߐ߫ ߦߴߊ߬ ߟߊ߫ ߝߟߍ ߞߍ߫ ߟߊ߫ ߊ߲ ߠߊ߫ ߖߊ߯ߓߊߟߌ ߞߎߘߍ߫ ߞߋ߲߬ߥߟߎ߬ ߁.߅ ߟߋ߬ ߟߊ߫ ߞߊ߬ ߓߍ߲߬ ߦߋ߲߬ ߠߊ߫ ߓߊߛߌ߯ߟߌ ߡߊ߬.
ߥߍߓ ߓߘߊ߫ ߛߋ߫ ߝߏ߬ߟߏ߲߬ߝߊ߬ߟߊ߲߬ߕߍ ߘߐ߫߸ ߊߟߡߴߊ߬ ߟߊ߫ ߗߋߦߊߟߌ ߛߎߘߊ߲߫ ߘߊ߫.
ߒߓߋ߫ ߝߏߝߣߊ߫ ߓߟߏ߫/ ߒߛߙߍߜߘߍ߬
ߛߏ߬ߟߏ ߝߙߊ߬ߓߊ-ߘߐ߫