ߡߊ߲߬ߖߊ߲߬ߠߊ߫ ߞߎߟߎ߲ ߝߘߌ

ߡߊ߲߬ߖߊ߲߬ߠߊ߫ ߞߎߟߎ߲߫ ߝߘߌ߫ ߞߎ߲߬ߠߊ߬ߝߎߟߋ߲ :
ߞߍ߲ߘߍߟߏ߲ ߕߎߟߊߝߌ߲ ߕߋ߬ߟߋ߫ ߂߁ – ߂߀߁߈ – ߇߈߃ ،ߡߊ߲߬ߖߊ߲߬ߠߊ߫ ߛߏ ߡߍ߲ ߕߐ߯ ߞߏ߫ ߕߌ߬ߙߌߘߐ߫ ߞߎߟߎ߲ ߠߋ߬ ߝߘߌߣߍ߲߫ ߦߋ߲߬ ߞߊ߯ߙߌ߫ ߕߊ߬ߡߌ߲߬ߣߍ߲ ߡߊ߬ ߕߎߟߊߝߌ߲ ߕߟߋ߬ ߁߆ – ߂߀߁߈ ߠߊ߫ ߞߊ߬ ߡߐ߰ ߁߁ ߣߌ ߕߏ߫ ߊ߬ ߘߐ߫ ߸ߞߎߟߎ߲߫ ߝߘߌ߫ ߞߎ߲߭ ߞߍߣߍ߲߫ ߞߎߟߎ߲ ߠߝߊ߫ ߞߏߖߎ߯ߦߊ߫ ߟߋ߬ ߘߌ߫ ߸ߓߊߏ߬ ߡߊ߬ߟߏ߬ ߓߘߐ߬ ߄߀ ߣߌ߫ ߔߏߔߏ߫ ߈ ߣߌ߫ ߡߐ߰ ߂߅ ߟߋ߬ ߕߘߍ߬ ߞߎߟߎ߲ ߣߌ߲߬ ߞߣߐ߫،ߡߐ߰ ߁߄ ߟߋ߬ ߞߍ߲ߘߍ ߡߞߊߘߊ߲ߣߍ߫ ߞߵߏ߬ ߟߎ߬ ߟߊߦߟߍ߬ ߸ߞߊ߬ ߡߐ߰ ߁߁ ߛߋ߰ߘߎ߬ߦߊ߫(ߏ߬ ߞߘߐ ߟߋ߬ ߞߏ߫ ߡߐ߰ ߁߁ ߠߋ߬ ߝߊ߰ߣߍ߲߫)،
ߘߐ߬ߞߣߍ߬ߟߌ:
ߘߋ߲ߣߍ߲߫ ߡߐ߰ ߂ ߛߎ߭ ߓߘߊ߫ ߟߊߦߟߍ߬ ߞߊ߬ ߗߍ߭ ߡߐ߰ ߇ ߛߎ߭ ߕߎߣߎ߲߫ ߝߟߐ߫ ߸ߏ߬ ߟߎ߫ ߞߏ߬ߣߌ߲߫ ߢߌߣߌ߲ ߦߴߌ ߘߐ߫ ߡߎߣߎ߲߬ ߸ߡߏ߬ߛߏ ߡߐ߰ ߂ ߝߣߊ߫ ߛߎ߭ ߕߎߣߎ߲ߣߍ߲߫ ߸ߒ ߟߊߣߍ߲߫ ߊ߬ ߟߊ߫ ߛߋߚߋ߫ ߞߏ߫ ߘߋ߲ߣߍ߲߫ ߡߐ߰ ߂ ߡߍ߲ ߠߎ߬ ߛߎ߭ ߦߋߣߍ߲߫ ߏ߬ ߘߌ߫ ߖߐ߫ ߸ߏ ߟߎ߬ ߓߊ߫ ߟߎ߫ ߦߋ߫ ߡߏ߬ߛߏ ߡߐ߰ ߂ ߢߌ߲߬ ߠߎ߬ ߟߋ߬ ߘߌ߫،ߕߌ߬ߙߌߘߐ߫ ߦߋ߫ ߞߊ߲߬ߕߎ߬ߡߊ߬ߣߌ߲߬ߠߊ߫ ߡߙߊ߬ߘߊ߬ߙߋ߲ ߠߋ߬ ߞߣߐ߫ ߸ߕߌ߬ߙߌߘߐ߫ ߟߐ߮ ߦߋ߫ ߟߐ߬ ߟߊ߫ (ߞߊ߯ߙߌ߫ ߟߋ߫ ߡߊ߬) ߡߐ߱ ߢߌ߬ ߠߎ߬ ߕߊ߯ߕߐ߫ ߕߘߍ߬ ߦߋ߫ ߟߐ߯ߟߐ߫ ߘߌߦߊ ߟߋ߬ ،ߛߏ ߡߍ߲ ߠߎ߬ ߡߐ߱ ߘߏ߫ ߟߎ߫ ߕߏߣߍ߲߫ ߊ߬ ߘߐ߫ ߏ߬ ߟߎ߫ ߟߋ߬ ߦߋ߫ ߣߌ߲߬ ߘߌ߫ :
߁-ߢߊ߰ߞߐ߫
߂-ߥߏߙߌߦߊߟߋ߲߬
߃-ߣߊ߲ߕߍߣߍ߲ߡߟߋߟߊ߫
߄-ߦߘߊ߬ߥߎ߬ߟߋ߲߬ߠߊ߫
߅-ߞߊ߲ߓߟߌߦߊ߫
ߊ߲ ߧߋ߫ ߞߎ߲߬ߠߊ߬ߝߎߟߋ߲ ߣߌ߲߬ ߛߓߍ߫ ߞߊ߲߬ ߕߎ߬ߡߊ ߡߍ߲ ߠߊ߫ ߊ߲ ߞߊ߬ ߞߎ߲߬ߠߊ߬ߝߎ߬ߟߋ߲߬ ߛߊߣߌ߲ߡߊ߲ ߘߏ߫ ߛߐ߬ߘߐ߲߬ ߞߏ߫ ߡߐ߰ ߈ ߛߎ߭ ߓߘߊ߫ ߦߋ߫ ߝߟߐ߫ ߸ߟߏߟߊ߲߫ ߞߋߟߋ߲߫ ߦߴߊ߬ ߘߐ߫ ߏ߬ ߓߐ߫ ߦߙߐ߫ ߟߐ߲ߣߍ߲߫ ߕߍ߫ ߡߎߣߎ߲߬ ߸ߊ߬ ߦߋ߫ ߝߐߟߌ߫ ߜߘߍ߫ ߘߐ߫ ߞߏ߫ ߞߎߟߎ߲߫ ߝߌ߬ߟߊ ߟߋ߬ ߣߙߊߣߍ߲߫ ߕߘߍ߬ ߢߐ߲߮ ߠߊ߫ ߞߵߊ߬ ߞߍ߫ ߞߎߟߎ߲߫ ߞߋߟߋ߲ߘߌ߫ ߸ߊ߬ ߣߌ߫ ߝߣߊ߫ ߞߏ߫ ߘߏ߬ߣߌ߲ ߡߍ߲ ߕߘߍ߬ ߞߎߟߎ߲ ߞߣߐ߫ ߏ߬ ߦߋ߫ ߓߍ߲߬ ߠߊ߫ ߞߙߌߕߌ߫ ߅ ߟߋ߬ ߡߊ߬ ߸ߊ߬ ߣߌ߫ ߡߐ߱ ߟߎ߬ ߟߊߘߍ߬ߣߍ߲ ߣߴߏ߬ ߘߌ߫ ߸ߡߍ߲ ߠߎ߬ ߝߣߊ߫ ߟߊ߫ ߡߐ߰ ߛߊ߬ߣߍ߲߬ ߛߊ߫ ߏ߬ ߟߎ߬ ߡߊ߫ ߘߌ߬ߢߍ߬ ߘߋ߬ ،ߓߊߏ߬ ߸ߏ߬ ߟߎ߬ ߞߊ߲ ߠߋ߬ ߞߏ߫ ߞߎߟߎ߲߫ ߓߏߙߌߟߊ ߞߵߊ߬ ߟߊߥߟߌ߬ ߊ߬ ߡߊ߬ ߟߋ߬.
ߛߌߦߙߊ߫ ߓߐ߫ ߟߊ߲߰ߛߌ߬ߣߍ߫ ߞߏ߬ߣߊ߬ߕߍ߫ ߟߊ߫ ߞߎ߲߬ߠߊ߬ߝߎ߬ߟߋ߲߬ ߘߌߣߍ߲߫ ߠߋ߬ ߷