ߊߟߎ߫ ߣߌ߫ ߖߐ߫ ߓߊߘߋ߲ ߠߎ߬߸ ߊߟߎ߫ ߣߌ߫ ߕߎ߬ߡߊ߬߸ ߣߌ߲߬ ߦߋ߫ ߟߌ߬ߤߟߊ߫ ߟߋ߬ ߘߌ߫ ߞߵߊ߬ ߟߐ߬ ” ߒߞߏ ߞߍߦߙߐ ߞߊ߲߬ߖߊ߬ߡߊ߯ߘߌ߫” ߡߊ߬߸ ߏ߬ ߟߋ߬ ߦߴߊ߬ ߕߐ߮ ߡߊߦߟߍ߬ߡߊ߲ ߘߌ߫ ߞߵߊ߬ ߞߍ߫ ” www.kanjamadi.info“ ߘߌ߫߸ ߞߵߏ߬ ߞߎ߲߭ ߞߍ߫ ߛߋ߲ߒߞߏߟߦߊ߫ ߓߊ߯ߙߊ ߘߏ߫ ߟߎ߫ ߣߌ߫ ߢߊߞߎߘߦߊߟߌ ߟߎ߬ ߘߌ߫. ߊ߬ ߛߊ߲߬ ߡߎ߬ߥߊ߲߬ ߖߊ߬ߕߋ߫ ߟߋ߬ ߕߋ߲߬ ߒߞߏ ߞߍߦߙߐ ߡߊߟߐ߲ߣߍߓߊ ߣߌ߲߬ ߦߋ߫ ߒߞߏ ߣߌ߫ ߡߊ߲߬ߘߋ߲߬ ߡߌߙߌ߲ߘߌ ߣߌ߫ ߛߋߒߞߏߟߊ ߟߎ߫ ߢߊ߬ߞߏ ߟߎ߬ ߟߊߖߍ߲ߛߍ߲ ߠߊ߫ ߞߎ߬ߣߊ߬ߝߎߟߋ߲ ߛߎ߯ ߓߍ߯ ߟߊ߫߸ ߊ߬ ߣߴߊ߲ ߠߊ߫ ߟߐ߲ߣߌߦߊ ߟߎ߬߸ ߊ߬ ߣߌ߫ ߞߊ߲߬ߖߊ߬ߡߊ߯ߘߌ߫ ߞߍߦߙߐ ߣߌ߲߬ ߛߘߌ߬ߣߍ߲߫ ߖߊ߯ߓߊ߫ ߕߌ߲ߙߌ߲ߠߌ߲ߠߊ߫ ߛߌߦߊߡߊ߲߫ ߠߋ߬ ߟߊ߫ ߞߍߦߙߐ ߟߊ߫߸ ߏ߬ ߞߏߛߐ߲߬ ߒ ߞߙߊ߬ߡߐ߯ ߓߊ߬ߓߊ߫ ߖߊ߰ߣߍ߫ ߦߋ߫ ߘߐ߬ߖߊ ߓߍ߯ ߞߍ߫ ߟߴߊ߬ ߛߙߊ߬ߞߏ ߘߐ߫߸ ߛߴߊ߬ ߞߣߊ߫ ߕߍ߰߸ ߓߊߏ߬ ߊ߬ ߟߐ߲ߕߊ ߟߎ߫ ߛߘߌ߬ߣߍ߲߫ ߕߌߙߌ߲ߠߠߌ߲ߠߊ߫ ߛߌߦߊߡߊ߲߫ ߠߊ߫ ߞߍߦߙߐ ߟߊ߫ ߘߎߢߊ߫ ߞߣߐ߫߸ ߏ߬ ߟߋ ߞߏߛߐ߲߬ ߛߊ߲߬ ߡߎ߬ߥߊ߲߫ (ߦߟߍ߬ߘߐ߬ߞߍ߫ ߂) ߕߊ߬ߡߌ߬ߣߍ߲ ߣߌ߲߬ ߓߍ߯ ߞߍߣߍ߲߫ ߊ߬ ߛߊ߬ߙߊ ߟߊ߫߸ ߣߴߏ߬ ߕߍ߫ ߛߴߊ߬ ߓߘߊ߫ ߕߍ߰߸ ߓߊߏ߬ ߛߊ߲߬ ߦߙߌߞߊ߫ ߓߌ߬ ߢߍ߫߸ ߒߞߏ ߞߍߦߙߐ ߟߎ߫ ߕߘߍ߬ ߓߘߊ߫ ߛߎ߬ߘߎ߲߬ߧߊ߫ ߡߎ߬ߥߊ߲߬ ߘߐ߫ ߝߊߦߌߘߊ߫߸ ߞߐ߬ߣߵߊ߬ ߡߍ߲ ߦߋ߫ ߓߊ߯ߙߊ߫ ߟߊ߫ ߕߋ߲߬ߕߋ߲߬߸ ߏ߬ ߕߍ߫ ߕߊ߬ߡߌ߲߫ ߃ ߖߊ߬ߕߋ߫ ߞߊ߲߬ ߥߟߊ߫ ߄߸ ߞߊ߲߬ߖߊ߬ߡߊ߯ߘߌ߫.ߞߐߡ ߞߐ߬ߣߌ߲ ߦߋ߫ ߓߊ߯ߙߊ߫ ߟߴߊ߬ ߛߊ߲߬ߓߊ߬ߕߐ߰ ߞߘߐ ߟߊ߫߸ ߦߟߍ߬ߡߊ߲߫ ߡߊ߫ ߘߏ߲߬ ߏ߬ ߘߐ߫ ߡߎߣߎ߲߬.
ߛߏ߬ߟߏ ߝߙߊ߬ߓߊ-ߘߐ߫