ߢߍߡߌߘߊ߫ ߓߎߙߊߡߊ߬ ߕߙߊߥߟߋ߫ ߣߌ߫ ߞߟߍ߬ߕߌ߯ ߊߓߙߎߙߊߤߑߡߊߣߌ߲߬ ߗߊ߬ߣߌ߬ ߣߌ߫ ߊߛߡߌ߫ ߞߏ߬ߦߌ߬ߕߊ߬
ߊ߬ ߞߍߣߍ߲߫ ߠߋ߬ ߕߋ߲߬߸ ߦߏ߫ ߖߡߊ߬ߣߊ߫ ߛߊ߬ߓߊ ߢߌ߲߬ ߠߎ߬ ߟߊ߫ ߛߘߋߦߊߥߏ ߞߣߐ߫ ߛߋ߲ߓߐߟߌ ߓߍߣߊ߬ ߕߋߙߌ ߘߏ߫ ߟߎ߫ ߞߎ߲߬ߓߐ߫ ߊ߬ߟߎ߫ ߞߊ߲߬ ߘߍ߬ߡߍ߲߬ߠߌ߲߬ ߞߏ ߡߊ߬ߘߎ߮ ߘߐ߫، ߞߊ߬ߕߎ߲߯߸ ߊ߬ߟߎ߬ ߞߏߞߍߢߐ߲߯ ߕߣߐ߬ߡߊ ߘߏ߫ ߓߘߴߊ߬ ߞߊ߲ߓߐ߫߸ ߞߏ߫ ߊ߬ ߦߴߊ߬ ߝߍ߬ ߞߊ߬ ߘߊ߲߭ߛߌ߰ ߊ߬ߟߎ߬ ߟߊ߫ ߣߝߊ߬ߢߐ߲߰ߦߊ߬ ߞߘߐ߬ߓߊ ߘߏ߫ ߟߊ߫، ߟߌߞߑߛߊ߲ߓߎߙ ߖߡߊ߬ߣߊ ߟߋ߬ ߞߊ߲߫ ߕߋ߲߬.
ߖߡߊ߬ߣߊ ߏ߬ ߓߘߴߊ߬ ߡߙߌߘߐߕߊ߬߸ ߞߏ߫ ߊ߬ ߕߍ߫ ߥߙߎߞߌ ߣߝߊ߬ߢߐ߲߰ߦߊ߬ ߞߎߘߊ߫ ߛߌ߫ ߞߟߊ߬ߣߐ߬ߦߊ߬ ߟߊ߫ ߞߌ߬ߢߍ߬ߞߏ߲߬ߞߏ߬ ߖߡߊߣߊ߫ ߛߊ߬ߓߊ ߢߌ߲߬ ߠߎ߬ ߞߣߐ߫ ߏ߬ ߞߐ߫، ߞߏ߫ ߊ߬ߟߎ߬ ߟߊ߫ ߣߝߊ߬ߢߐ߲߰ߦߊ ߡߍ߲ ߠߎ߬ ߦߋ߫ ߛߋ߲߬ߠߊ߫ ߖߋ߬ߟߌ߬ߓߊ߬ߘߎ߯ ߣߌ߫ ߓߙߎߞߌߣߊ߫ ߝߊ߬ߛߏ߬ ߣߌ߫ ߡߊ߬ߟߌ ߞߣߐ߫߸ ߞߏ߫ ߊ߬ߟߎ߬ ߦߴߊ߬ ߝߍ߬ ߞߊ߬ ߘߊ߲߭ߛߌ߰ ߏ߬ ߟߎ߬ ߟߊ߫.
ߟߌߞߑߛߊ߲ߓߎߙ ߞߐߞߊ߲ߞߏ ߟߎ߬ ߣߌ߫ ߥߙߎߞߌ ߣߝߊ߬ߢߐ߲߰ߦߊ ߞߏߕߌ߮߸ ߖ߭ߊߝ߭ߌߦߋ߫ ߓߋߕߍߟ ߞߊ߬ ߡߙߌߘߐ ߣߌ߲߬ ߞߌ߬ߦߊ߫ ߖߊ߬ߡߊ ߡߊ߬ ߝߐ߰ߓߍ߬ ߜߙߊ ߘߏ߫ ߟߋ߬ ߞߣߍ ߞߊ߲߬ ߟߊߥߐߛ߸ ߊߛߌ߫ ߜߙߋ ߞߊ߲߬.
ߖ߭ߊߝ߭ߌߦߋ߫ ߓߋߕߍߟ ߞߊ߲߫ ߝߐ߰ߓߍ߬ߦߊ߬ߟߊ ߟߎ߬ ߢߣߊ߫߸ ߞߏ߫ ߊ߬ߟߎ߬ ߟߊ߫ ߥߙߎߞߌ ߢߍߥߟߊ߫ ߛߌ߫ ߦߋ߫ ߛߋ߲߬ߠߊ߫ ߖߡߊ߬ߣߊ߫ ߛߊ߬ߓߊ ߢߌ߲߬ ߠߎ߬ ߞߣߐ߫߸ ߏ߬ ߣߝߊ߬ߢߐ߲߰ߦߊ ߓߍ߯ ߓߘߊ߫ ߛߴߊ߬ ߘߊ߲߬ߞߐ߯ߛߌ ߟߋ߬ ߟߊ߫ ߣߌ߲߬ ߡߎ߬ߕߎ߲߬߸ ߊ߬ߟߎ߫ ߘߏ߲߬ ߕߍ߫ ߞߎߘߊ߫ ߞߟߊ߬ߣߐ߬ߦߊ߫ ߟߊ߫ ߏ߬ ߞߐ߫، ߞߏ߫ ߊ߬ߟߎ߫ ߖߍ߬ߘߍ ߕߴߊ߬ߟߎ߬ ߡߙߌ߫ ߟߴߏ߬ ߡߊ߬ ߟߋ߬ ߡߎ߰ߡߍ߫.
ߟߌߞߑߛߊ߲ߓߎߙ ߕߍߓߊ߯ߦߊ ߞߏߕߌ߮ ߞߊ߲߫߸ ߞߏ߫ ߊ߬ߟߎ߬ ߣߌ߫ ߞߊ߬ߝߏ߬ ߖߊ߬ߛߏ߲߬ߠߊ߫ ߕߍ߫ ߘߍ߬ ߟߊ߫ ߞߏ߫ ߡߊ߬، ߞߏ߫ ߊ߬ߟߎ߬ ߕߴߊ߬ߟߎ߬ ߟߊ߫ ߓߏ߲߫ ߞߐߝߍ߫ ߞߎߡߊ߫ ߘߐ߫߸ ߞߎߡߊ߫ ߕߴߊ߬ߟߎ߬ ߟߊ߫ ߕߟߏߖߎ߫ ߞߘߐ߫ ߞߎߡߊ߫ ߡߊ߬، ߞߏ߫ ߊ߬ ߕߴߊ߬ߟߎ߬ ߞߐߡߊߓߌ߲ߓߌ߲߫ ߠߊ߫ ߢߊ ߛߎ߯ ߺ ߎ ߺ ߛߎ߯ ߡߊ߬.
ߊ߬ ߡߊ߫ ߘߊ߲߬ ߞߎߡߊ ߢߌ߲߬ ߠߎ߬ ߘߐߙߐ߲߫ ߡߊ߬ ߘߋ߬߸ ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߝߙߋߞߋߓߊ߫ ߘߍ߬ߜߍ ߟߋ߬ ߦߋ߫ ߖߋ߬ߟߌ߬ߓߊ߬ߘߎ߯ ߣߌ߫ ߓߙߎߞߌߣߊ߫ ߝߊ߬ߛߏ߫ ߟߎ߫ ߡߊ߬ ߕߋ߲߬߸ ߟߊ߬ߞߊ߲߬ߘߊ߬ߟߌ ߡߊ߬ߘߎ߮ ߘߐ߫، ߏ߬ ߘߐ߫߸ ߞߏ߫ ߊ߬ߟߋ ߕߍߣߊ߬ ߖߘߐ߬ ߛߌ߫ ߕߊ߬ ߟߊ߫߸ ߞߵߊ߬ ߣߝߊ߬ߢߐ߲߮ ߠߎ߬ ߟߊ߫ ߢߣߊߡߦߊ ߕߏ߫ ߖߐ߬ߘߐ ߘߐ߫.