ߞߍ߬ߟߍ ߡߍ߲ ߦߴߌߘߐ߫ ߞߎ߲߬ߠߊ߬ߛߌ߮ ߟߊ߫ ߣߊ߲߬ߕߌ߮ ߟߎ߬ ߣߌ߫ ߡߙߌߕߌߓߊ߯ ߕ߂߃ ߛߌ߲߬ߝߏ߲ ߠߎ߬ ߕߍ߫߸ ߏ߬ ߖߎ߯ߦߊ߫ ߘߊ߫ ߟߋ߬ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߛߊߞߋ߫ ߝߊ߲߭ ߝߍ߬
ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߖߏ߲߬ߖߏ߲
ߞߏߛߓߍ߫.
ߞߐ ߢߌ߲߬ ߠߊ߫߸ ߊ߬ߟߎ߬ ߟߊ߫ ߢߐ߲߯ ߝߌߙߌ߲ߕߊߥߏ ߞߍ߫ ߘߊ߫ ߡߊߛߌߛߌ߫ ߘߎ߰ߞߣߍ ߟߋ߬ ߞߊ߲߬߸ ߜ߭ߏߡߊ߫ ߕߟߋ߬ߓߋ ߘߐ߫ (ߏ߬ ߡߍ߲ ߦߋ߫ ߞߝ߭ߎ߫ ߞߐ߬ߘߎ߮ ߞߎߓߋߘߊ ߘߌ߫)، ߏ߬ ߞߍ߫ ߘߊ߫ ߕߙߎ߬ ߘߌ߫߸ ߞߊ߬ ߦߋ߲߬ ߘߎ߰ߘߋ߲ ߠߎ߬ ߟߊߝߎ߲ߘߌ߫߸ ߞߊ߬ ߡߐ߰ ߓߌ߫ ߦߙߌߞߊ߫ ߖߐߞߌ߫ ߘߊ߲ߘߊߛߏ ߘߏ߫ ߞߣߐ߫.
ߕߋ߬ߟߋ ߡߎ߰ߡߍ ߞߣߐ߫߸ ߡߐ߰ ߥߊ߯ ߦߙߌߞߊ߫ ߟߋ߬ ߕߍ߬ߘߍ߫ ߊ߬ߟߎ߫ ߓߏ߬ߙߌ߬ ߟߊ߫ ߞߍ߬ߟߍ ߞߘߐ߫߸ ߞߊ߬ ߕߊ߯ ߜ߭ߏߡߊ߫߸ ߝߏߘߏ߲߫ ߝߌ߬ߟߊ ߥߊ߫ ߘߊ߫ ߓߋ߬ ߦߋ߲߬ ߡߍ߲ ߘߐ߫ ߞߊ߬ߣߌ߲߬.
ߗߍ߭ ߘߏ߫ ߣߴߊ߬ ߘߋ߲߫ ߣߊ߯ߣߌ߲ ߟߐ߬ߣߍ߲߫ ߕߍ߬ߘߍ߫ ߦߋ߲߬߸ ߊ߬ ߕߐ߯ ߞߏ߫ ߔߊ߬ߕߙߌߞ߸ ߏ߬ ߞߵߊ߬ ߦߌ߬ߘߊ߬߸ ߞߏ߫: << ߝߏߘߏ߲߫ ߡߊ߲ߞߊ߲ ߠߋ߬ ߞߵߊ߲ ߠߊߥߌ߬ߟߌ߫ ߓߌ߬ (ߞߎߣߎ߲ߟߏ߲) ߛߐ߱ ߣߌ߲߬ ߡߊ߬߸ ߊ߬ ߣߌ߫ ߡߊ߬ߙߌ߬ߝߊ߬ ߡߊ߲ߞߊ߲، ߝߏ߫ ߊ߲ ߞߵߊ߬ ߖߌ߰߸ ߞߏ߫ ߊ߲ ߝߋ߲߫ ߕߍߣߊ߬ ߓߐ߫ ߟߊ߫ (ߓߌ߬ ߕߊ) ߣߌ߲߬ ߘߐ߫߸ ߏ߬ ߟߋ ߞߍ߫ ߘߴߊ߲ ߓߏ߬ߙߌ߬ ߢߊ ߘߌ߫.>> ߗߍ߭ ߣߌ߲߬ ߣߴߊ߬ ߘߋ߲߫ ߣߊ߯ߣߌ߲ ߠߋ߬ ߕߘߍ߬ ߢߐ߲߮ ߞߐ߫߸ ߘߏ߬ߝߙߏ ߦߴߊ߬ߟߎ߫ ߞߎ߲߬ (ߡߊߕߋߟߊ).
ߊ߬ ߓߊ߲߫ ߘߊ߫ ߞߵߊ߬ ߦߌ߬ߘߊ߬߸ ߞߏ߫: <<ߊ߲ ߧߴߊ߬ ߢߌߣߌ߲߫ ߠߊ߫ ߞߎ߲߬ߠߊ߬ߛߌ߮ ߝߍ߬߸ ߊ߬ߟߎ߬ ߦߴߊ߲ ߘߍ߬ߡߍ߲߬߸ ߞߵߊ߲ ߓߌ߬ߟߊ߬ ߖߐ ߘߐ߫، ߣߴߊ߬ ߡߊ߫ ߢߊ߬ ߞߏ߫ ߊ߲ (ߝߊ߬) ߘߎ߮ ߟߋ߬.>> ߊ߬ ߞߵߏ߬ ߟߋ ߝߊ߬ߙߴߊ߬ ߞߊ߲߬.
ߊ߬ߟߋ ߞߵߊ߬ ߓߏ߬ߙߌ߬ ߢߊ ߡߍ߲ ߡߊ߬ ߣߌ߲߬ ߖߐ߫߸ ߝߑߟߏߙߊ߲ߛ ߝߣߊ߫ ߞߵߊ߬ ߓߏ߬ߙߌ߫ ߛߊ߬ߞߍ߫ ߕߋ߲߬ ߠߋ߬، ߏ߬ ߦߋ߫ ߡߏ߬ߛߏ ߘߏ߫ ߟߋ߬ ߘߌ߫߸ ߡߍ߲ ߣߵߊ߬ ߘߋ߲߫ ߡߐ߰ ߉ ߕߘߍ߬، ߊ߬ ߞߊ߲߫ ߞߏ߫ ߊ߬ ߝߏ߫ ߘߴߊ߬ ߘߋ߲ ߏ߬ ߘߏ߫ ߟߎ߫ ߟߊ߫ ߟߋ߬ ߞߟߍ߬ ߞߘߐ߬ߓߏߙߌ ߛߋ߲߭ߝߍ߬، ߊ߬ ߢߌߣߌ߲ߣߍ߲߫ ߖߐ ߡߊ߬ ߕߋ߲߬ ߞߏߛߓߍ߫، ߊ߬ ߞߊ߲߫ ߞߏ߫: <<ߒ ߢߊ߫ ߕߍ߫ ߒ ߘߋ߲ ߠߎ߬ ߟߊ߫߸ ߘߏ߫ ߟߎ߫ ߝߊ߰ߣߍ߲߫ ߘߌ߫ ߞߍ߫، ߊߟߎ߫ ߦߴߊ߬ ߝߐ߫ (ߝߋ߬ߟߌߞߛ) ߕߌߛߞߋߘߌ߫ ߦߋ߫߸ (ߞߏ߲ߞߏ߫ ߞߊ߲ߕߌ߮ ߞߊ߬ߣߌ߲߬)߸ ߞߏ߫ ߊ߬ ߦߴߊ߲ ߓߌ߬ߟߊ߬ ߖߐ ߘߐ߫ ߡߎ߬ߕߎ߲߬߸ ߊ߬ ߦߴߊ߬ ߖߏ߫>> ߊ߬ߟߋ߬ ߡߏ߬ߛߏ ߟߋ߬ ߞߊ߲߫ ߕߋ߲߬.
ߛߙߋ ߟߎ߬ ߕߊ߫ ߝߐߟߌ߫ ߘߐ߫߸ ߞߏ߫ ߝߏߘߏ߲߫ ߝߌ߬ߟߊ߫ ߟߋ߬ ߝߟߌ߬ ߘߊ߫ ߜ߭ߏߡߊ߫߸ ߡߍ߲ ߦߙߐ߫ ߞߋߟߋ߲߫ ߡߊ߫ ߔߘߋߔߘߋߟߊߕߍ߰ ߊ߬ߟߎ߬ ߓߟߏ߫، ߞߋߟߋ߲ ߝߏߘߏ߲߫ ߘߊ߫߸ ߓߊ߬ߙߌ߬ ߏ߬ ߡߊ߫ ߞߏ߫ ߞߍ߫ ߡߐ߰ ߟߊ߫߸ ߏ߬ ߖߍ߬ߘߍ ߣߌ߫ ߖߊ߯ߓߘߊ ߘߏ߫ ߕߍ ߕߎ߲߬ ߡߊ߲߫ ߖߊ߲߬߸ ߏ߬ ߞߊ߬ ߕߊ߬ߘߌ߬ߓߊ߬ߕߊߘߌߓߊ ߟߊߘߏ߲߬ ߞߊ߬ߙߊ߲߬ߠߊ߬ߘߋ߲ ߠߎ߬ ߘߐ߫ ߦߋ߲߬ ߞߏߛߓߍ߫.
ߞߎߣߎ߲߬ ߕߋ߬ߟߋ ߘߐ߫߸ ߓߍ߯ߦߊ߫ ߞߏ߲߬ߞߏ߫ ߣߊ߲߬ߕߌ߮ ߟߎ߬ ߟߊ߫ ߓߋߟߋ߲ߕߌ߮
ߞߵߊ߬ ߦߌ߬ߘߊ߬߸ ߞߏ߫ <<ߞߍ߬ߟߍ ߖߍ߬ߘߍߖߍ߬ߘߍ ߟߵߌߘߐ߫ ߕߋ߲߬>> ߡߍ߲ ߞߍ߫ ߘߊ߫ <<ߝߏ߲߬ߘߏ߫ ߝߊ߬ߛߏ߬ߟߊ߬ߞߊ ߂߲߲ ߞߊ߲߬ ߛߊߞߋ߫ ߣߌ߫ ߡߌߣߏߝ߭ߊ߫ ߕߍߟߊ ߘߐ߫߸ ߞߎߘߍ߫ ߡߎ߬ߥߊ߲߬ ߣߌ߫ ߞߐ߫ ߦߴߏ߬ ߡߍ߲ ߣߌ߫ ߜ߭ߏߡߊ߫ ߕߍ߫.>> ߞߌߝ߭ߎ߫ ߥߙߏ߬ߘߎ߰ ߡߙߊ ߘߐ߫.
ߣߌ߲߬ ߘߏ߲߬ ߓߘߊ߫ ߞߍ߫ <<ߞߣߐ߬ߘߐ߬ߝߟߌ>> ߘߌ߫ ߦߋ߲߬ ߕߋ߲߬ ߝߛߊߦߌ߫.
ߛߊߞߋ߫ ߘߊ߲ߘߊߟߌߟߊ ߘߏ߫ ߕߊ߫ ߝߐߟߌ߫ ߘߐ߫߸ ߞߏ߫ ߊ߬ߟߎ߬ ߟߊ߫ ߛߏ ߘߊ߲ߘߊߛߏ ߞߊ߬ ߖߐߞߌߓߊ߯ߕߐ߫ ߡߐ߰ ߡߎ߬ߥߊ߲߬ ߣߌ߫ ߞߐ߫ ߟߋ߬ ߟߊߛߣߍ߫ ߕߟߋ߬ ߛߓߊ߬ ߟߊ߬ߓߊ߲ ߣߌ߲߬ ߞߣߐ߫ <<ߡߍ߲ ߠߎ߬ ߝߊ߲߬ߓߊ ߦߋ߫ ߣߊ߲߬ߒ߬ߕߊ߲ ߠߎ߬ ߘߌ߫>>߸ ߘߏ߫ ߟߎ߫ ߦߴߊ߬ߟߎ߬ ߘߐ߫߸ ߏ߬ ߟߎ߬ ߖߐߞߌߣߍ߲߫ ߞߏߖߎ߮ ߖߍ߬ߘߍ ߟߋ߬. ߘߊ߲ߘߊߟߌߟߊ߫ ߜߘߍ߫ ߝߣߊ߫ ߞߵߊ߬ ߦߌ߬ߘߊ߬ ߡߌߣߏߝ߭ߊ߫߸ ߞߏ߫ ߊ߬ߟߎ߬ ߓߘߊ߫ ߖߐߞߌߓߊ߯ߕߐ߫ ߓߌߛߓߊ߬ ߣߌ߫ ߞߐ߫ ߟߋ߬ ߟߊߛߣߍ߫ ߞߏߖߊ ߣߌ߲߬ ߞߎ߲߬ߕߊ߮ ߞߘߐ߫ ߕߋ߲߬.
ߘߎ߱ ߝߌ߬ߟߊ߬ ߦߋ߫ ߞߌߝ߭ߎ߫ ߞߐ߰ߘߎ߮ ߘߐ߫߸ ߙߎߕߑߛߙߎ߫ ߣߌ߫ ߡߊߛߌߛߌ߫߸ ߏ߬ ߟߎ߬ ߞߍ߫ ߘߊ߫ ߝߟߍ߫ ߘߌ߲ߞߌߙߊ ߘߌ߫ ߞߊ߬ߦߌ߯ ߂߀߂߁ ߟߊߓ߲ߊ ߠߋ߬ ߟߊ߫߸ ߢߐ߲߯ߕߊߦߋߓߊߟߌߦߊ ߘߏ߫ ߛߋ߲߭ߝߍ߬߸ ߕ߂߃ (M23) ߟߎ߬ ߟߊ߫ ߡߙߎߕߟߌ ߞߍ߬ߟߍ ߘߐ߫، ߊ߬ߟߎ߬ ߞߊ߲߫߸ ߞߏ߫ ߡߙߎߕߌߓߊ߮ (ߙߏߓߍߙߌ) ߢߌ߲߬ ߠߎ߫ ߖߎ߬ߞߘߐ߬ߡߊߕߎ߲߬ߕߎ߲߬ߣߍ߲߫ ߙߎߥߊ߲ߘߊ߫ ߣߊ߲߬ߕߌ߮ ߟߎ߫ ߟߋ߬ ߓߟߏ߫߸ ߞߵߏ߬ ߟߎ߬ ߝߣߊ߫ ߘߍ߬ߡߍ߲߫ ߣߊ߲߬ߕߌ߰ ߞߙߎ ߘߏ߫ ߟߎ߫ ߓߟߏ߫߸ ߡߍ߲ ߠߎ߬ ߦߴߊ߬ߟߎ߫ ߖߘߍ߬ ߞߍ߫ ߟߊ߫ ߝߊ߬ߛߏ ߡߞߊߘߊ߲ߠߊ߫ ߟߎ߫ ߘߌ߫ ߞߊ߬ߣߌ߲߬.
ߊ߬ߟߎ߬ ߟߊ߫ ߡߙߎߕߟߌ߫ ߥߊߥߎߟߋ ߣߌ߲߬ ߝߊ߲߬ߓߊ ߦߋ߫ ߞߍ߫ ߟߊ߫ ߜ߭ߏߡߊ߫ ߟߋ߬߸ ߏ߬ ߡߍ߲ ߛߌ߰ߓߊ߮ ߟߎ߬ ߘߌ߫ ߥߊ߫ ߝߏ߫ ߡߐ߰ ߞߋ߲߬ߥߟߎ߬ ߞߋߟߋ߲߫ ߢߐ߲߰߸ ߦߋ߲߬ ߦߋ߫ ߙߎߥߊ߲ߘߊ߫ ߓߐߕߏ߲ ߠߋ߬ ߟߊ߫߸ ߝߏ߫ ߦߋ߲߬ ߖߍ߬ߘߍ ߓߘߊ߫ ߓߟߏߕߍ߰ ߊ߬ߟߋ߬ ߡߙߎߕߌߓߊ߮ ߟߎ߬ ߓߟߏ߫.
<<ߒ ߧߋ߫ ߞߌߡߏߞߊ߫ ߟߋ߬ ߕߋ߲߬߸ ߞߎߘߍ߫ ߂ ߟߵߏ߬ ߣߌ߫ ߛߊߞߋ߫ ߕߍ߫߸ ߝߛߏ߬ߝߛߊ ߖߍ߬ߘߍߖߍ߬ߘߍ ߟߋ߬ ߦߊ߲߬ ߕߋ߲߬߸ ߒ ߓߊߘߋ߲ ߡߍ߲ ߠߎ߬ ߕߴߛߋ߫ ߟߊ߫ ߡߊ߬ߙߌ߬ߝߊ߬ ߞߊ߲߬ ߞߘߐ߬ ߛߌ߮ ߟߊ߫߸ ߏ߬ ߟߎ߬ ߓߘߴߊ߬ߟߎ߫ ߘߏ߬ߣߌ߲ ߠߊߛߌ߬ߘߌ߫ ߞߊ߬ ߜ߭ߏߡߊ߫ ߡߊߜߍ߲߫.>> ߦߋ߲߬ ߛߌ߰ߓߊ߰ ߘߏ߫ ߟߋ߬ ߞߊ߬ ߣߌ߲߬ ߝߐ߫ ߝߐ߰ߓߍ߬ߦߊ߬ߟߊ ߟߎ߬ ߦߋ߫ ߜߋߟߋ߲ߜߋߟߋ߲ ߠߊ߫.
ߦߋ߲߬ ߝߊ߰ߡߊ ߘߏ߫ ߞߊ߲߫߸ ߞߏ߫ ߡߊ߲߬ߞߊ߲ ߖߍ߬ߘߍߖߍ߬ߘߍ ߦߋ߫ ߞߙߎ߬ߣߊߡߘߊ ߘߏ߫ ߟߋ߬ ߞߊ߲߬ ߛߊߞߋ߫ ߟߊߡߌߣߌ߲ ߘߐ߫߸ ߡߍ߲ ߦߋ߫ ߛߏ ߛߌ߰ߓߊ߮ ߟߎ߬ ߟߊߝߎ߲ߘߌ ߞߊ߲߬، ߊ߬ ߞߊ߲߫ ߞߏ߫: <<ߒ ߠߊ߫ ߡߙߊ߬ ߡߐ߮ ߟߎ߬ ߦߴߊ߬ߟߎ߫ ߓߏ߬ߙߌ ߞߊ߲߬ ߞߊ߬ ߜ߭ߏߡߊ߫ ߡߊߜߍ߲߫>>، ߊ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߛߏ ߞߍ߫ ߢߐ߲߮ ߘߐ߫߸ ߞߊ߬ ߓߍ߯ ߞߣߐ߬ߘߐߝߟߌ߬.
ߡߍ߲ ߠߎ߬ ߦߋ߫ ߓߐ ߞߊ߲߬ ߛߊߞߋ߫߸ ߏ߬ ߟߎ߬ ߕߴߊ߬ߟߎ߬ ߟߊ߫ ߘߋ߬ߥߎ ߘߏ߲߰ ߠߊ߫ ߘߋ߬، ߊ߬ߟߎ߬ ߞߊ߲߫߸ ߞߏ߫ ߡߐ߱ ߟߎ߬ ߝߊ߱ ߟߵߌߘߐ߫ ߦߋ߲߬ ߕߋ߲߬߸ ߦߏ߫ ߟߌߡߐ߯، ߘߏ߫ ߟߎ߫ ߝߟߌ߬ ߟߊ߫ ߛߌߟߊ ߡߊ߬߸ ߞߊ߬ ߥߴߊ߬ߟߎ߫ ߖߘߍ߬ ߘߌ߫ ߡߙߎߕߌߓߊ ߟߎ߫ ߡߊ߬، ߊ߬ ߕߍ߫ ߞߎ߲߫ ߡߐ߰ ߘߐ߫ ߞߊ߬ ߛߌߟߓߊ߫ ߞߋߟߋ߲ ߡߌ߬ߘߊ߬߸ ߣߴߏ߬ ߕߍ߫ ߌ ߘߌ߫ ߝߊ߰.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߦߊ߬ߟߊ