ߝ.ߕ.ߞ.ߡ.ߘ ߛߌ߲߬ߝߏ߲ ߠߎ߬ ߦߋ߫ ߟߊ߬ߘߍ߬ ߞߣߍ ߞߊ߲߬ ߊߓߎߖ߭ߊ߫߸ ߊ߬ ߞߊ߲ߕߌ߮ ߟߋ߬ ߦߋ߫ ߝߊ߰ߣߌ߲߬ ߘߐ ߣߌ߲߬߸ ߓߏ߬ߟߊ ߕߌߣߓߎ߫ ߞߊ߬ߣߌ߲߬.
ߝ.ߕ.ߞ.ߡ.ߘ ߛߌ߲߬ߝߏ߲߬ ߖߡߊߣߊ ߟߎ߬ ߟߊ߫ ߞߐߞߊ߲ߞߏ ߟߎ߬ ߞߏߕߌ߮ ߟߎ߬ ߞߵߊ߬ߟߎ߬ ߢߐ߲߮ ߠߊߘߍ߬ ߖߋ߬ߟߌ߬ߓߊ߬ߟߊ߫ ߞߎߓߋߘߊ ߟߊ߫ ߓߌ߬ ߓߌߟߏ߲ ߣߌ߲߬ ߡߊ߬ ߊߓߎߖ߭ߊ߫߸ ߞߊ߬ “ߘߊߘߐߖߊߥߏ߫ ߞߍ߫ ߛߣߍ߬ߞߊߟߌ߫ ߕߋ߲߭ߕߋ߲߭ ߓߘߍ߬ߓߘߍ߬ߟߌ ߣߴߊ߬ ߟߊ߬ߞߊ߲߬ߘߊ߬ߟߌ ߝߙߋߞߋ ߟߎ߬ ߞߊ߲߬”
ߟߊ߬ߘߍ ߣߌ߲߬ ߠߊߓߙߊ߬ ߞߎ߲ ߞߍߣߍ߲߫ ߛߣߍ߬ߞߊߟߌ߫ ߢߣߊߕߊߟߌ߫ ߟߐ߯ߟߊߣߍ߲ ߞߕߐߙߐ߲ߘߓߐ ߟߋ߬ ߘߌ߫߸ ߏ߬ ߡߍ߲ ߓߘߊ߫ ߞߍ߫ ߢߐ߲߯ߕߊߦߋߓߊߟߌߦߊ ߣߌ߫ ߓߍ߲߬ߓߊ߬ߟߌ߬ߦߊ ߕߎ߬ߙߎ ߘߌ߫ ߦߋ߲߬، ߊ߬ ߞߎ߲߬ ߝߌߟߊߣߊ߲ ߠߋ߬ ߝߣߊ߫ ߦߋ߫ ߓߙߎߞߌߣߊ߫ ߝߊ߬ߛߏ߬ ߣߌ߫ ߡߊ߬ߟߌ ߣߌ߫ ߖߋ߬ߟߌ߬ߓߊ߬ߘߎ߯ ߟߎ߫ ߟߊ߫ ߛߋ߲߬ߓߐ߬ߟߌ ߘߌ߫ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߭ ߘߐ߫، ߓߊߏ߬߸ ߖߡߊ߬ߣߊ߫ ߛߊ߬ߓߊ ߏ߬ ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ ߝߍ߬ ߞߵߊ߬ߟߎ߫ ߛߋ߲߬ߓߐ߫ ߛߘߋߦߊߥߏ ߘߐ߫ ߌߞߘߐߞߘߐߣߌ߲߬߸ ߤߊߟߵߊ߬ߟߎ߫ ߡߊ߬ߞߏ߬ ߕߍ߫ ߛߘߋߦߊߥߏ ߛߌ߲߬ߝߏ߲߬ߘߊ ߟߊ߫ ߓߐߟߌ ߛߙߊߕߌ ߟߎ߬ ߟߊ߫، ߓߊߏ߬߸ ߏ߬ ߟߎ߫ ߖߍ߬ߘߍ ߟߋ߬ ߣߐ߬ ߊ߬ߟߎ߬ ߟߊ߫ ߞߟߏߜߍ߫ ߛߓߍߣߍ߲ ߠߎ߬ ߡߊߛߐ߬ߛߐ߬ ߟߊ߫߸ ߏ߬ ߡߊߓߏ߲߬ߧߊ ߕߣߐ߬ ߛߌ߫ ߕߴߊ߬ ߟߊ߫ ߊ߬ߟߎ ߓߟߏ߫.
ߊ߬ߟߎ߬ ߟߊ߫ ߟߊ߬ߘߍ ߣߌ߲߬ ߘߐ߫߸ ߖߡߊ߬ߣߊ߫ ߛߊ߬ߓߊ ߡߍ߲ ߠߎ߬ ߦߋ߫ ߣߌ߲߬߸ ߣߴߊ߬ߟߎ߬ ߡߊߡߙߊ߬ߣߍ߲߫ ߣߊ߲߬ߕߌ߮ ߟߎ߬ ߓߟߏ߫߸ ߏ߬ ߟߎ߬ ߡߴߊ߬ߟߎ߬ ߞߐߦߌߘߊߓߊ߯ ߛߌ߫ ߟߊߕߊ߯، ߊ߬ ߞߏ߬ߣߌ߲߸ ߛߣߍ߬ߞߊߟߌ߫ ߞߐߞߊ߲ߞߏ ߟߎ߬ ߞߏߕߌ߮ ߌߛߎ߬ߡߊ߬ߺߌ߯ߟߊ߫ ߡߊߖߐߙ ߝߊߟ ߣߴߊ߬ ߓߐߢߐ߲߯ߞߏ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮߸ ߟߊ߱ߖߌ߬ ߏߡߊߙ ߦߎߡ ߞߊ߬ ߞߐߦߌߘߊߟߌ ߞߍ߫ ߟߊ߬ߘߍ߬ ߖߏߣߊߖߏߣߡߊ ߣߌ߲߬ ߘߐ߫.
ߊ߬ߟߎ߬ ߟߊ߫ ߟߊ߬ ߓߋߟߋ߲ߠߊ ߘߐ߫߸ ߏߡߊߙ ߊߟߌߦߋ߫ ߕߎ߬ߙߊߦߌ߬ (ߎߡߊߙߎ߫ ߊߟߌ߫ ߕߎ߬ߙߋ) ߡߍ߲ ߦߋ߫ ߛߘߋߦߊߥߏ ߥߛߊ߬ߓߊ߰ߦߊ ߞߊ߲ߕߌ߮ ߘߌ߫߸ ߏ߬ ߞߊ߬ ߛߣߍ߬ߞߊߟߌ߫ ߞߏߖߊ ߘߍ߬ߡߍ߲߬ߘߌ߫ “ߥߙߎߞߌ߫ ߖߘߐ߬ߡߊ” ߟߋ߬ ߟߊ߫߸ ߞߊ߬ ߓߊ߲߫ ߞߊ߬ ߛߌ߲߬ߝߏ߲߬ ߖߡߊߣߊ ߟߎ߬ ߞߟߌ߫ ߞߋ߬ߟߋ߲߬ߧߊ ߡߊ߬.
ߛߌ߲߬ߝߏ߲߬ߘߊ ߞߵߊ߬ ߢߌߣߌ߲߫ ߘߊ߬ߞߊ߯ߙߎ߫ ߝߍ߬߸ ߞߏ߫ ߊ߬ߟߎ߬ ߦߋ߫ ߢߣߊߕߊߟߌ߫ ߞߋߟߋ߲ߧߊ ߕߎ߬ߡߊ߬ߥߟߊ ߡߊߓߏ߲߬ߧߊ߬، ߓߊ߬ߙߌ߬߸ ߊ߬ߟߎ߬ ߓߘߊ߫ ߡߊ߬ߞߕߌ߬ߟߌ߬ ߛߌߦߊߡߊ߲߫ ߠߋ߬ ߛߐ߬ߘߐ߲߫ ߕߋ߲߬߸ ߞߵߊ߬ ߓߍ߲߬ ߊ߬ ߝߏ߲߬ߝߏ߲߬ߠߊ ߞߍߢߊ ߡߵߊ߬ ߛߌ߲߬ߝߏ߲߬ ߖߡߊߣߊ ߟߎ߬ ߞߣߐ߫.
ߝ.ߕ.ߞ.ߡ.ߘ ߓߘߊ߫ ߥߊ߫ ߣߊ߲߬ߕߌ߰ ߝߊ߲ߞߊ ߟߊ߫ ߜ߭ߊ߲ߓߌ߫ ߞߘߐ߬ߡߊ߲߬߸ ߂߀߁߇ ߟߊ߫، ߕߎ߬ߡߊ ߡߍ߲ ߦߊߦߊ߫ ߖߊߡߍ߫ ߞߵߊ߬ ߓߊߟߊ߲߫ ߝߊ߲߬ߞߊ ߡߊ߬߸ ߞߏ߫ ߊ߬ ߕߍ߫ ߓߐ߫ ߟߊ߫ ߞߊ߲ߕߌ߯ߦߊ ߟߊ߫ ߝߛߍߞߘߎ߫߸ ߊ߬ ߓߋ߬ߣߍ߲ ߞߐ߫ ߢߣߊߕߊߟߌ ߘߐ߫ ߞߊ߬ߣߌ߲߬. ߊ߬ߟߎ߫ ߞߏ߬ߣߌ߲ ߡߴߊ߬ ߦߌ߬ߘߴߊ߬ߟߎ߬ ߟߊ߫ ߞߎߡߊ ߘߐ߫߸ ߣߴߊ߬ߟߎ߬ ߘߌ߫ ߣߊ߲߬ߕߌ߰ ߟߊߕߊ߯ ߛߣߍ߬ߞߊߟߌ߫ ߞߊ߲ߡߊ߬، ߝߣߊ߫߸ ߞߟߊ߬ߡߊ߬ߓߊ߮ ߟߎ߬ ߕߊ߫ ߝߐߟߌ߫ ߘߐ߫߸ ߞߏ߫ ߛߣߍ߬ߞߊߟߌ߫ ߦߋ߫ ߖߡߊ߬ߣߊ߫ ߟߋ߬ ߘߌ߫ ߕߋ߲߬߸ ߝ.ߕ.ߞ.ߡ.ߘ ߕߴߛߋ߫ ߣߊ߲߬ߝߟߏ߬ ߞߏ߬ ߓߌ߲ߓߊߥߏ߫ ߓߋ߬ ߟߊ߫ ߡߍ߲ ߞߊ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߒߞߏ ߝߐ߰ߓߍ߬ߦߊ߬ߟߊ
ߞߊ߬ ߝߘߊ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߟߊ߫
ߜ.ߝ: +߂߂߄ ߆߂߀ ߅߆ ߈߀ ߆߉