ߖߋ߬ߟߌ߬ߓߊ߬ߟߊ߫ ߥߟߎ߬ߡߊ߬ߕߌ߯ ߤߋߓߍߙ ߥߌߜ߭ߑߥߋ߫ ߣߴߊ߬ ߟߊ߫ ߞߐߙߍ ߓߘߊ߫ ߕߏ߫ ߓߌ߬ߟߊ߬ߒ߬ߘߐ߬ߖߎ߮ ߘߐ߫، ߗߍ߭ ߣߌ߲߬ ߦߋ߫ ߥߟߎ߬ߡߊ߬ߕߌ߮ ߟߋ߬ ߘߌ߫߸ ߊ߬ ߣߴߊ߬ߟߋ ߟߋ߬ ߊߞߑߛߍߛ ߜߍߓߏ߲ ߛߌ߲ߘߌߓߊ߯ ߗߋߕߌ߮ ߘߌ߫، ߊ߬ ߕߘߍ߬ ߛߊ߲ߡߊߞߎߟߎ߲߫ ߣߊ߯ߣߊ߮ ߘߏ߫ ߟߋ߬ ߞߣߐ߫ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߣߐ߫߸ ߏ߬ ߞߊ߬ ߓߌ߬ߟߊ߬ߒ߬ߘߐ߬ߖߎ߮ ߞߍ߫߸ ߕߎ߬ߡߊ߬ߙߋ߲߫ ߂ ߜߊ߲ߠߌ߲ ߞߐߝߍ߬. ߡߐ߰ ߥߐ߯ߙߐ߫ ߟߋ߬ ߕߘߍ߬ ߛߊ߲ߡߊߞߎߟߎ߲ ߣߌ߲߬ ߞߣߐ߫߸ ߗߋߕߌ߯ߓߊ ߣߌ߲߬ ߦߴߏ߬ ߟߋ ߛߙߍߘߍ ߘߐ߫߸ ߊ߬ ߡߏ߬ߛߏ ߦߴߊ߬ ߘߐ߫߸ ߊ߬ ߘߋ߲ߞߍ߫ ߓߊߡߏߝߌ߲߫ ߊߓߌ߲ߓߏߟߊ߫ ߏߜ߭ߎ߲ߓߊߖߏ߫ ߦߴߊ߬ ߘߐ߫߸ ߊ߬ ߣߌ߫ ߞߏߟߊߘߍ ߘߏ߫ ߞߊ߲ߕߌ߯ ߞߘߐ ߘߏ߫ ߝߣߊ߫ ߦߴߊ߬ ߘߐ߫. ߟߌ߬ߤߟߊ ߣߌ߲߬ ߔߘߋߔߘߋߟߊߕߍ߰ ߘߊ߫ ߖߋ߬ߟߌ߬ߓߊ߬ߟߊ߫ ߛߐ߬ߘߐ߲ ߞߏߕߌ߯ ߞߘߐ ߟߋ߬ ߓߟߏ߫߸ ߊ߬ߟߋ ߟߋ߬ ߦߋ߫ ߘߎߢߊ߫ ߖߊ߬ߥߏ ߛߌ߲߬ߝߏ߲߬ߧߊ߬ߟߌ ߗߋߕߌ߮ ߘߌ߫ ߕߋ߲߬߸ ߓߐ߬ߟߐ߲߬ߞߊ߬ ߒߜ߭ߏߖ߭ߌ߫ ߏߞߏ߲ߖߏ߫ ߌߥߋߦߟߊ߫. ߥߟߎ߬ߡߊ߬ߕߌ߮ ߡߌ߲ ߛߊ߬ ߞߏ ߝߐ߫ ߞߊ߲߫ ߣߌ߲߬߸ ߊ߬ߟߎ߬ ߟߊ߫ ߜߍߓߏ߲ ߦߋ߫ ߝߘߊ߬ߝߌ߲߬ߠߊ߫ ߖߡߊ߬ߣߊ߬ ߁߄ ߢߐ߲߰ ߞߣߐ߫߸ ߊ߬ߟߎ߫ ߘߏ߲߬ ߦߴߊ߬ ߝߍ߬ ߞߵߊ߬ߟߎ߬ ߓߏߟߏ߲ߓߏߟߏ߲ߓߐ߫ ߖߡߊ߬ߣߊ߬ ߛߌߦߊߡߊ߲߫ ߞߣߐ߫ ߕߎ߬ߡߊ߫ ߣߊ߬ߕߐ ߟߎ߬ ߘߐ߫.
ߤߍߙߑߓߍߙ ߥߌߜ߭ߑߥߋ߫ ߡߍ߲ ߠߊ߫ ߓߌ߬ߟߊ߬ߒ߬ߘߐ߬ߖߎ߰ ߞߏ ߝߐ߫ ߞߊ߲߫ ߣߌ߲߬߸ ߊ߬ ߡߏߦߌ߫ ߘߊ߫ ߁߉߆߆ ߟߋ߬ ߟߊ߫، ߊ߬ ߕߎ߲߬ ߦߋ߫ ߜߍߓߏ߲ߦߟߊ ߣߌ߫ ߞߏߢߊߡߐ߮ ߟߋ߬ ߘߌ߫ (ߟߐߡ ߘߊߝߍߙ) ߊ߬ߟߋ ߟߋ߬ ߕߘߍ߬ ߊߞߑߛߍߛ ߜߍߓߏ߲ ߛߌ߲ߘߌߓߊ߯ ߣߴߊ߬ ߗߋߕߌ߮ ߘߌ߫. ߊ߬ ߞߊ߬ ߜߍߓߏ߲ ߏ߬ ߛߌ߰ ߛߋ߲߬ߠߊ߫ ߞߊ߬ߦߌ߯ ߂߀߀߂ ߟߋ߬ ߟߊ߫، ߊ߬ ߞߊ߬ ߞߊ߬ߙߊ߲ ߞߍ߫ ߟߋ߬ ߤߊߙߑߝ߭ߊߙ ߖߊ߯ߓߘߊ ߟߊ߫، ߊ߬ ߕߘߍ߬ ߘߋ߲ߣߍ߲ ߠߎ߬ ߡߊߘߍ߬ߡߍ߲߬ ߠߊ߫ ߞߏ߫ ߛߌߦߊߡߊ߲߫ ߘߐ߫، ߊ߬ ߞߊ߬ ߛߌ߲ߘߌߘߊ ߘߏ߫ ߟߊߘߊ߲߫ ߏ߬ ߞߏ߫ ߛߎ߮ ߟߎ߬ ߞߊ߲ߡߊ߬، ߖߊ߯ߓߘߊ ߘߏ߫ ߖߍ߬ߘߍ ߦߴߊ߬ ߓߟߏ߫߸ ߊ߬ ߞߵߊ߬ ߛߋߞߏ ߞߍ߫ ߞߊ߬ߙߊ߲߬ ߞߏ ߡߊ߬ߘߎ߮ ߝߣߊ߫ ߘߐ߫ ߞߏߛߓߍ߫، ߊ߬ ߞߊ߬ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߊ߬ ߖߍ߬ߘߍ ߟߊ߫ ߛߊ߲ߡߊߞߎߟߎ߲߫ ߣߊ߯ߣߊ߮ ߟߋ߬ ߞߣߐ߫ ߛߌ߬ߣߌ߲߬ߟߏ߲߸ ߞߏ߲ߞߏߜߍ ߕߋ߬ߟߋ߫ ߉ ߡߊ߬، ߏ߬ ߞߍ߫ ߘߊ߫ ߣߌߔߑߕߐ߲߫ ߠߋ߬߸ ߞߊߟߌߝߎߙߑߣߌ߫ ߝߊ߲߭ ߝߍ߬، ߊ߬ߟߎ߫ ߥߟߌ߬ ߘߊ߫ ߂߀ߙߋ߲߄߅ ߟߋ߬ ߡߊ߬߸ ߞߏ߫ ߊ߬ߟߎ߬ ߕߊ߯ߕߐ߫ ߓߎߟߑߘߍߙ ߛߏ ߞߣߐ߫߸ ߣߋߝ߭ߘߊ߫، ߛߊ߲ߡߊߞߎߟߎ߲ ߞߊ߬ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߂߂ߙߋ߲ ߠߋ߬ ߡߊ߬، ߘߋ߲߫ ߣߊ߯ߣߌ߲߫ ߠߋ߬ ߦߴߊ߬ ߓߟߏ߫߸ ߏ߬ ߞߋߟߋ߲߫ ߠߋ߬ ߕߏߣߴߊ߬ ߘߐ߫ ߣߌ߲߬، ߊ߬ ߡߏ߬ߛߏ ߕߐ߯ ߞߏ߫ ߛ߭ߌߖ߭ߏߓߊ߫ ߥߌߜ߭ߑߥߋ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫ / ߞߊ߲ߞߊ߲߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߦߊ߬ߟߊ