ߖߌ߬ߣߍ߬ ߞߊ߲ߓߍ߲ ߕߍ߫߸ ߦߏ߫ ߊ߬ ߛߌ߰ߢߐ߲߰ ߖߡߊߣߊ ߘߏ߫ ߟߎ߫ ߦߋ߫ ߢߊ ߡߍ߲߸ ߏ߬ ߟߎ߬ ߡߍ߲ ߠߎ߬ ߦߋ߫ ߛߍߝߊ߫ ߥߊߘߌ ߞߊ߲߬ ߞߊ߬ߣߌ߲߬، ߓߊߏ߬߸ ߖߌ߬ߣߍ߬ ߞߊ߲ߓߍ߲ ߞߵߊ߬ ߟߊ߫ ߥߊߘߌߞߏ ߖߘߍ߬ߕߌ߰ߦߊ ߕߊ߬ ߁߉߆߀ ߟߋ߬ ߟߊ߫، ߏ߬ ߞߍ߫ ߘߊ߫ ߕߙߎ߬ ߘߌ߫߸ ߖߌ߬ߣߍ߬ ߞߊ߲ߓߍ߲ ߜߍߓߏ߲ ߞߊ߬ ߥߊߘߌ ߘߏ߫ ߛߌ߰ ߛߋ߲߬ߠߊ߫߸ ߡߍ߲ ߕߐ߯ߟߊ߫ ߘߴߊ߬ߟߎ߬ ߓߟߏ߫ ߞߏ߫ ߖߌ߬ߣߍ߬ ߕߊߡߊ߲، ߖߌ߬ߣߍ߬ ߞߊ߲ߓߍ߲ ߜߍߓߏ߲ ߏ߬ ߟߋ ߣߊ߬ ߘߊ߫ ߕߐ߯ߟߊ߫ ߞߐ ߟߊ߫ ߛߊ߫߸ ߁߉߆߁ ߞߊ߬ߙߌ߬ߝߐ ߕߋ߬ߟߋ߫ ߂߇ ߡߊ߬߸ ߟߊ߬ߕߍ߰ߦߊ ߘߏ߫ ߟߊߓߐ߫ ߘߊ߫ ߞߵߊ߬ ߞߟߌ߫ ߞߏ߫ ߖߌ߬ߣߍ߬ ߞߊ߲ߓߍ߲ ߜߍߓߏ߲߫ ߕߊ߲ߓߊ߲. ߓߊߏ߬߸ ߘߍ߬ߟߞߊ߬ߦߊ ߡߙߊ߬ߞߊ߲ ߡߍ߲ ߕߘߍ߬ ߛߋߞߎ߬ ߕߎ߬ߙߋ߬ ߓߟߏ߫߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߖߌ߬ߣߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߕߊ߲ߓߊ߲ߦߊ߫ ߘߊ߫.
ߖߌ߬ߣߍ߬ ߕߊߡߊ߲ ߛߌ߲ߘߌ߫ ߘߊ߫ ߁߉߆߀ ߕߙߊߓߊ ߕߟߋ߬ ߁ߟߐ ߟߋ߬ ߡߊ߬߸ ߞߊ߲ߕߌ߯ ߛߋߞߎ߬ ߕߎ߬ߙߋ߬ ߟߊ߫ ߡߙߌߘߐ ߟߊ߫، ߊ߬ ߣߌ߫ ߛߍߝߊ ߓߍ߯ ߞߢߊߡߊ߲߫ ߠߋ߬ ߕߘߍ߬ ߖߐ߲، ߊ߬ ߜߍߓߟߎ ߦߋ߫ ߟߊߘߊ߲߫ ߠߊ߫ ߖߡߊ߬ߣߊ ߖߍ߬ߘߍ ߟߋ߬ ߓߟߏ߫߸ ߊ߬ߟߋ ߟߋ߬ ߘߏ߲߬ ߦߋ߫ ߞߍ߫ ߟߊ߫ ߞߊ߬ ߖߡߊ߬ߣߊ ߝߘߏ߬ߓߊ߬ ߥߊߟߌߘߊ ߓߍ߯ ߣߊ߲߬ߝߟߏ߬ߦߊ߫، ߕߎ߬ߡߊ ߏ߬ ߟߊ߫߸ ߊ߬ ߕߎ߲߬ ߕߍ߫ ߞߍ߫ ߟߊ߫ ߞߊ߬ ߝߋ߲߫ ߠߊߛߣߍ߫߸ ߊ߬ ߕߎ߲߬ ߕߍ߫ ߞߍ߫ ߟߊ߫ ߞߊ߬ ߝߋ߲߫ ߠߊߝߏ߬ߦߌ߬ (ߣߌ ߍߞߛߑߔߐߙߑߕߊߓߟ߸ ߣߌ ߍ߲ߔߐߙߑߕߊߓߟ)، ߊ߬ ߥߊߘߌ ߘߊ߲߭ ߠߋ߬ ߕߍ߬ߘߍ߫ ߖߡߊ߬ߣߊ ߞߣߐߟߊ ߘߌ߫߸ ߊ߬ ߕߎ߲߬ ߕߍ߫ ߓߐ߫ ߟߊ߫ ߡߎ߰ߡߍ߫، ߝߏ߫ ߁߉߇߂ ߞߏ߲ߓߌߕߌ߮ ߕߋ߬ߟߋ߫ ߀߂ ߟߋ߬ ߡߊ߬߸ ߞߊ߲ߕߌ߮ ߣߊ߬ ߘߊ߫ ߥߊߘߌ߫ ߞߎߘߊ߫ ߟߊߘߊ߲߫߸ ߞߵߏ߬ ߕߐ߯ߟߊ߫ ߞߏ߫ ߛߟߌ߫، ߏ߬ ߡߍ߲ ߘߐߕߟߊߣߍ߲߫ ߕߍ߬ߘߍ߫ ߞߏ߬ߙߏ߲߫ ߁߀߀ ߘߌ߫، ߏ߬ ߟߋ ߞߵߊ߬ ߞߍ߫߸ ߛߟߌ߫ ߁ ߕߎ߲߬ ߦߋ߫ ߕߊߡߊ߲߫ ߁߀ ߠߋ߬ ߘߌ߫ (ߖߌ߬ߣߍ߬ ߕߊߡߊ߲ ߁߀ ߞߊ߬ߣߌ߲߬). ߛߟߌ߫ ߞߏ ߞߏ߬ߣߌ߲ ߕߎ߲߬ ߡߊ߫ ߘߌߦߊ߫ ߡߐ߰ ߛߌߦߊߡߊ߲߫ ߦߋ߫ ߞߎ߲߬ߖߏߣߊ ߟߊ߫، ߞߵߊ߬ ߛߐ߬ߘߐ߲߬ ߜߎ߸ ߊ߬ ߡߊ߫ ߘߌ߯ ߖߡߊ߬ߣߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߝߋߎ߫، ߒ߬ߓߊ߬߸ ߛߋߞߎ߬ ߕߎ߬ߙߋ߫ ߛߊ߭ ߡߍ߲ ߞߍ߫ ߘߊ߫ ߁߉߈߄ ߕߙߊߓߊ ߕߋ߬ߟߋ߫ ߂߆ ߡߊ߬߸ߣߊ߲߬ߕߌ߮ ߟߎ߫ ߞߊ߬ ߝߊ߲߬ߞߊ ߕߊ߬ ߞߊ߬ߝߏ߬ ߖߊߛߏ߲ ߘߐ߫.
߁߉߈߆ ߓߌ߲ߠߊߥߎߟߋ߲ ߕߟߋ߬ ߀߆ ߟߋ߬ ߡߊ߬߸ ߛߟߌ߫ ߓߐ߫ ߘߊ߫ ߥߊߘߌߦߊ ߟߊ߫ ߟߊ߲߬ߛߣߊ߬ ߞߐ߲ߕߍ߬ ߟߊ߫ ߡߙߊ߬ߞߊ߲ ߓߟߏ߫߸ ߞߵߊ߬ ߣߐ߬ߘߐߓߌ߬ߟߊ߫ ߖߌ߬ߣߍ߬ ߕߊߡߊ߲ ߠߊ߫߸ ߞߵߏ߬ ߣߌ߫ ߛߟߌ߫ ߓߍ߯ ߘߐߞߢߊ߫ ߖߋߞߎ߫߸ ߛߟߌ߫ ߁ = ߖߌ߬ߣߍ߬ ߕߊߡߊ߲ ߁. ߕߎ߬ߡߊ ߏ߬ ߟߊ߫߸ ߊߡߙߌߞߌ߬ ߘߟߊ߫ ߁ ߕߎ߲߬ ߦߋ߫ ߖߌ߬ߣߍ߬ ߕߊߡߊ߲ ߃߀߀ ߟߋ߬ ߘߌ߫.
ߒ߬ߞߊ߬ ߤߋߦߌ߬߸ ߖߌ߬ߣߍ߬ ߕߊߡߊ߲ ߏ߬ ߣߌ߫ ߥߊߘߌ߫ ߜߘߍ ߟߎ߬ ߕߍ ߦߊ߫ ߖߊ߲߬ ߕߋ߲߬ ߞߟߋ߫، ߓߊߏ߬߸ ߂߀߀߇ ߟߊ߫߸ ߋߙߏ߫ ߁ ߕߎ߲߬ ߦߋ߫ ߖߌ߬ߣߍ߬ ߕߊߡߊ߲ ߄ ߄߀߀ ߠߋ߬ ߘߌ߫.
߂߀߁߂ ߟߊ߫߸ ߋߙߏ߫ ߁ ߕߎ߲߬ ߦߋ߫ ߖߌ߬ߣߍ߬ ߕߊߡߊ߲ ߉ ߀߀߀ ߟߋ߬ ߘߌ߫.
߂߀߁߇ ߟߊ߫߸ ߋߙߏ߫ ߁ ߕߎ߲߬ ߦߋ߫ ߖߌ߬ߣߍ߬ ߕߊߡߊ߲ ߁߀ ߀߀߀ ߠߋ߬ ߘߌ߫.
߂߀߂߄ ߢߌ߲߬ ߠߊ߫߸ ߋߙߏ߫ ߞߋߟߋ߲ ߦߋ߫ ߖߌ߬ߣߍ߬ ߕߊߡߊ߲ ߉߂߈߈ ߠߋ߬ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߦߊ߬ߟߊ