ߓߊߘߋ߲߫ ߓߘߍ ߟߎ߬߸ ߦߏ߫ ߊ߲ ߠߊ߫ ߞߎߡߘߊ߫ ߕߊ߬ߡߌ߲߬ߣߍ߲ ߠߎ߬ ߞߵߊ߬ ߦߌ߬ߘߴߊߟߎ߫ ߟߊ߫߸ ߞߏ߫ ߞߏߕߌ߯ ߝߟߐ߫ ߞߘߐ ߞߏ߲߬ߓߏ ߓߍߙߑߣߊ߯ߙ ߜ߭ߡߎ߫ ߞߊ߬ ߗߋߦߊߟߌ ߟߊߕߊ߬ߡߌ߲߬ ߞߎߣߎ߲߬߸ ߊ߬ ߟߊߓߋ߬ߣߍ߲ ߞߐ߫ ߕߟߋ߬ ߕߊ߲߫ ߢߐ߲߰ ߠߊ߫، ߞߵߊ߬ ߕߊ߬ ߟߊ߬ߓߋ߬ߟߌ ߏ߬ ߡߊ߬ ߤߊ߲߯ ߕߋ߲߬߸ ߞߎ߲߬ߠߊ߬ߛߌ߰ ߞߎߘߊ߫ ߡߊ߫ ߛߏ߯ߙߏ߫ ߝߟߐ߫، ߐ߲߬ߤߐ߲߫߸ ߖߌ߬ߣߍ߬ߞߊ ߟߎ߬ ߦߋ߫ ߞߎ߲߬ߠߊ߬ߛߌ߰ ߞߎ߬ߘߊ߬ ߡߊ߬ߞߐߣߐ߲ ߏ߬ ߛߌ߱ ߘߐ߫߸ ߞߏߕߌ߯ ߝߟߐ߫ ߞߎߘߊ ߕߐ߯ߦߊߣߍ߲ ߞߐ߫، ߞߏߕߌ߯ ߞߘߐ ߟߎ߬ ߣߌ߫ ߡߊ߬ߞߟߐ߬ߓߊ ߟߎ߬ ߝߣߊ߫ ߓߍ߯ ߞߌ߬ߙߌ߲߬ߣߍ߲ ߛߌ߰ߣߍ߲߫߸ ߛߴߊ߬ߟߎ߬ ߕߐ߮ ߘߌ߫ ߓߌ߬ߟߊ߫ ߞߎ߲߬ߠߊ߬ߛߌ߰ ߞߎ߬ߘߊ߬ ߛߏ߯ߙߏߕߊ ߘߐ߫، ߏ߬ ߞߐ߫ ߝߣߊ߫߸ ߞߵߊ߬ ߓߍ߲߬ ߖߡߊ߬ߣߊ ߜߟߍ߬ߦߊ ߡߊ߬߸ ߖߌ߬ߣߍ߬ߞߊ ߓߍ߯ ߞߙߐߕߐߣߍ߲ ߢߊ ߥߛߎߣߍ߲߫ ߞߊ߲ߕߌ߮ ߣߴߊ߬ ߣߐ߬ߟߊ ߘߐ߫߸ ߞߵߊ߬ߟߎ߬ ߟߊ߫ ߞߍߕߊ ߟߎ߬ ߘߐߜߍ߫ ߡߎߣߎ߲߬߸ ߊ߬ߟߎ߬ ߞߍߕߐ߫ ߞߎ߲߬ߠߊ߬ߛߌ߮ ߘߐߞߍ߫ ߟߊ߫ ߡߐ߰ ߞߎߘߊ ߡߍ߲ ߠߎ߬ ߟߊ߫߸ ߞߵߏ߬ ߟߐ߲߫.
ߊ߬ ߘߏ߲߬ ߝߐߣߍ߲߫ ߠߋ߬ ߞߏߕߌ߯ ߝߟߐ߫ ߞߎߘߊ߫ ߓߊ ߎ߯ߙߌ߬ ߦߋ߫߸ ߊ߬ߟߋ ߡߍ߲ ߠߊߛߌ߰ ߛߊ߲߬ ߞߎߘߊ ߦߋ߫ ߞߏߕߌ߯ ߝߟߐߦߊ ߥߊ߰ߣߍ߲ ߘߐ߫ ߕߋ߲߬߸ ߞߏߟߐ߲ߓ ߞߎߓߋ ߞߣߐ߫߸ ߞߏ߫ ߊ߬ ߦߋ߫ ߞߎ߲߬ߠߊ߬ߛߌ߮ ߛߏ߯ߙߏ߫ ߢߊ߫ ߡߊ߬߸ ߡߍ߲ ߦߋ߫ ߞߘߐ߬ߡߊ߲ ߢߍ߫ ߔߊߣߊ߲ߎ߲߫.
ߏ߬ ߟߋ ߘߐ߫߸ ߞ߲ߊߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߓߊ ߎ߯ߙߌ߬ ߞߐߜߊ߬߸ ߞߏ߫ ߊ߬ ߦߴߊ߬ ߟߊ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߛߏ߯ߙߏ߫ ߕߎ߬ߡߊ߬ ߛߎ߬ߘߎ߲߬ߣߍ߲߬ ߞߘߐ߫، ߊ߬ ߓߊ߲߫ ߘߊ߫ ߞߵߊ߬ ߝߐ߫ ߞߵߊ߬ ߟߴߊ߬ ߞߊ߲߬߸ ߞߏ߫ ߞߏߕߌ߯ ߝߟߐ ߦߴߊ߬ ߞߊߘߊ߲߫߸ ߡߛߏ߬ ߛߌߦߊߡߊ߲߫ ߦߋ߫ ߓߌ߬ߟߴߊ߬ ߘߐ߫، ߞߊ߲ߕߌ߯ߘߊ ߞߏߟߊߕߍ߮ ߟߎ߬ ߕߊ߫ ߝߐߟߌ߫ ߘߐ߫ ߝߣߊ߫߸ ߞߏ߫ ߞߎ߲߬ߠߊ߬ߛߌ߰ ߞߎߘߊ ߡߍ߲ ߛߏ߯ߙߏߕߐ߫ ߣߌ߲߬߸ ߏ߬ ߟߎ߬ ߞߍߕߐ߫ ߕߍߘߐߓߍ߲߫ ߞߎ߲ߠߊߛߌ߮ ߟߎ߫ ߟߋ߬ ߘߌ߫߸ ߡߍ߲ ߠߎ߬ ߥߊ߫ ߢߊ ߞߊ߫ ߢߌ߲߬ ߝߋߎ߫.
ߖߌ߬ߣߍ߬ߞߊ ߓߍ߯ ߞߏ߬ߣߌ߲ ߦߟߌ߫ ߕߍ߬ߘߍ߫ ߞߎ߲߬ߠߊ߬ߛߌ߰ ߞߎ߬ߘߊ߬ ߞߏ ߡߊ߬ ߞߊ߬ߦߌ߯ ߕߎ߬ߡߊ߬ ߖߊ߲߫ ߓߌ߬ ߢߍ߫، ߓߊߏ߬߸ ߛߘߋߦߊߥߏ ߕߎ߲߬ ߓߘߴߊ߬ ߘߊߣߐ ߕߏ߫ ߊ߬ ߡߊ߬߸ ߞߏ߫ ߝߏ߫ ߞߊ߬ ߖߡߊ߬ߣߊ ߟߊߛߊ߬ߦߌ߲߫ ߛߌ߰ߞߊ߲ ߞߎ߬ߙߎ߲߬ߘߎ ߞߣߐ߫، ߒ߬ߓߊ߬߸ ߖߌ߬ߣߍ߫ ߝߊ߰ߡߊ ߟߎ߫ ߣߐ߬ ߊ߬ߟߎ߬ ߢߊ ߟߐ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߬ߠߊ ߘߏ߫ ߟߋ߬ ߘߐ߫߸ ߡߍ߲ ߓߊ߯ߙߊ߫ ߘߊ߫ ߓߛߌߖߌ ߟߊ߫߸ ߛߊ߲߬ ߆߅ ߟߵߊ߬ ߓߟߏ߫߸ ߟߊ߫ ߞߍߣߴߊ߬ ߟߊ߫ ߞߏ߫ ߊ߬ ߘߌ߫ ߛߋ߫ ߘߐ߬ߕߊߡߌ߲ ߠߊߕߍ߰ ߟߊ߫ ߛߍ߲ ߠߊ߫߸ ߏ߬ ߟߋ ߓߍ߯ ߞߏߛߐ߲߬߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߟߊ߫ ߟߊߒߠߦߊ ߟߴߊ߬ ߘߐ߫߸ ߞߵߊ߬ ߛߎߥߊ߲ߘߌ߫.
ߞߎ߲߬ߠߊ߬ߛߌ߰ ߞߎߘߊ ߟߊ߫ ߓߊ߯ߙߊ ߞߍߕߐ߫ ߖߌ߬ߣߍ߫ ߟߐ߭ ߟߋ߬ ߘߌ߫ ߞߏߞߎߘߊ߫߸ ߞߊ߬ ߡߐ߱ ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߦߏ߫ ߞߊ߲ߕߌ߮ ߖߍ߬ߘߍ ߞߵߏ߬ ߝߐ߫ ߢߊ ߡߍ߲ ߡߊ߬، ߞߊ߬ߕߎ߲߯߸ ߞߊ߲ߕߌ߮ ߞߵߊ߬ ߝߐ߫ ߟߋ߬ ߊ߬ ߟߊ߫ ߛߊ߲߬ ߞߎߘߊ ߓߋߟߋ߲ߠߊ ߘߐ߫߸ ߞߏ߫ ߢߌ߬ߣߊ߲߬ ߞߍߕߐ߫ ߕߍߘߐߓߍ߲ ߛߊ߲߭ ߠߋ߬ ߘߌ߫߸ ߞߊ߬ ߣߊ߲߬ߝߟߏ ߞߍ߫ ߓߍ߯ ߘߍ߭ ߘߌ߫߸ ߞߊ߬ ߣߊ߲߬ߝߟߏ߬ ߖߊߛߌ ߜߍ߲߫ ߞߵߊ߬ ߓߊ߲߫ ߖߌ߬ߣߍ߬ ߞߣߐ߫ ߝߋߎ߫.
ߊ߬ ߞߵߊ߬ ߟߊ߫ ߞߎߡߊ߫ ߝߐߣߍ߲ ߏ߬ ߟߎ߬ ߓߟߏߦߊ߫ ߛߌߟߊ߫ ߝߟߐ ߡߍ߲ ߠߊߘߊ߲߫ ߏ߬ ߘߐ߫߸ ߏ߬ ߟߋ ߞߍ߫ ߘߊ߫ ߛߟߊߕߌ߯ ߓߊ ߎ߯ߙߌ߬ ߛߎߥߊ߲ߘߌ ߘߌ߫߸ ߞߵߊ߬ ߞߍ߫ ߞߏߕߌ߯ ߝߟߐ ߘߌ߫، ߒ߬ߓߊ߬߸ ߓߊ ߎ߯ߙߌ߬ ߝߣߊ߫ ߞߊ߬ ߞߎߡߊ ߕߊ߬ ߡߍ߲ߞߍ߭߸ ߊ߬ ߞߵߊ߬ ߝߐ߫ ߞߏ߫: <<ߊߟߎ߫ ߓߘߴߊߟߎ߫ ߣߌ ߟߊ߫ ߝߢߐ߫ ߞߎߘߊ߫ ߞߊ߲߬߸ ߡߍ߲ ߘߌ߫ ߞߍ߫ ߞߎ߲߬ߠߊ߬ߛߌ߰ ߞߎߘߊ ߛߌ߰ ߞߊ߲ ߘߌ߫߸ ߞߊ߬ ߞߙߎ߫ ߞߎߘߊ߫ ߛߌ߰ ߛߋ߲߬ߠߊ߫߸ ߡߍ߲ ߠߎ߬ ߘߌ߫ ߡߌ߬ߙߌ߲߬ߘߌ߬ ߣߌ߫ ߞߊ߲߫ ߞߏ ߟߎ߬ ߢߊߓߐ߫ ߖߏߣߊ߫، ߒ ߘߏ߲߬ ߟߊߣߴߊ߬ ߟߊ߫ ߛߋߚߋ߫߸ ߊߟߎ߫ ߣߌ߫ ߞߊ߲߫ ߞߏ ߺ ߏ߬ ߢߊߓߐ ߘߐ߫߸ ߒߠߋ ߖߍ߬ߘߍ ߓߘߊ߫ ߒ ߞߊ߲߫ ߘߌ߫߸ ߒ ߘߌ߫ ߛߋ߫ ߝߋߎ߫.>> ߓߊ ߎ߯ߙߌ߬ ߟߋ߬ ߞߊ߲߫ ߕߋ߲߬.
ߞߊ߬ ߞߐ߲߰ ߞߏߕߌ߯ ߞߎߘߊ ߟߎ߬ ߕߐ߯ߦߊ ߢߍ߫߸ ߊ߬ ߢߌߣߌ߲ߣߍ߲߫ ߠߋ߬ ߞߏߕߌ߯ ߞߘߐ ߓߍ߯ ߝߍ߬߸ ߞߏ߫ ߊ߬ߟߎ߬ ߦߋ߫ ߕߏ߫ ߖߡߊ߬ߣߊ ߞߣߐ߫ ߡߎߣߎ߲߬، ߏ߬ ߟߋ ߘߐ߫߸ ߊ߬ߟߎ߬ ߓߍ߯ ߦߋ߫ ߥߛߎ߫ ߓߛߌߞߌ߫ ߟߴߊ߬ߟߎ߬ ߟߊ߫ ߟߎ ߟߎ߬ ߞߣߐ߫ ߕߋ߲߬، ߊ߬ ߘߏ߲߬ ߕߍ߫ ߞߎ߲߫ ߊ߬ ߝߋ߲߫ ߘߐ߫ ߞߊ߬ ߓߐ߫ ߖߡߊ߬ߣߊ ߞߐߞߊ߲߬߸ ߝߏ߫ ߡߙߌߘߐ߫ ߞߎߘߊ߫ ߦߋ߫ ߕߊ߬ ߕߎ߬ߡߊ ߡߍ߲.
ߊߟߎ߫ ߦߴߊߟߎ߫ ߦߟߌߕߏ߫ ߝߣߊ߫߸ ߞߏ߫ ߖߌ߬ߣߍ߫ ߞߊ߬ ߞߏߕߌ߯ ߝߟߐ߫ ߞߎߘߊ ߕߐ߯ߦߊ߫ ߝߘߏ߬ߓߊ߬ ߝߎ߬ߙߎ߲߬ߞߎ߬ߟߌ߬ ߓߟߏߕߍ߰ߓߊߟߌ ߘߊߡߌ߬ߣߊ ߕߟߋ߬ ߝߌߟߊߣߊ߲ ߠߋ߬ ߡߊ߬، ߝߎ߬ߙߎ߲߬ߞߎ߬ߟߌ ߝߣߊ߫ ߘߊ߲߬ ߘߊ߫ ߏ߬ ߟߏ߲ ߠߋ߬ ߡߊ߬߸ ߊ߬ ߓߘߊ߫ ߟߊߘߎ߲߫ ߡߎߣߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߦߊ߬ߟߊ