ߞߏߟߐ߲ߓߌ߫ ߣߊ߲߬ߕߌ߰ ߞߘߐ ߘߏ߫ ߞߕߌ߫ ߘߊ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߡߌߦߊߡߌ߫ ߞߎ߲߬ߞߏ߬ߓߊ ߟߎ߬ ߞߕߌߖߌ߲ ߠߊ߫߸ ߊ߬ ߦߋ߫ ߘߊ߫ ߞߏ߫ ߊ߬ ߛߋ߲߬ ߦߋ߫ ߤߊߦߕߌ߫ ߞߊ߲ߕߌ߮ ߖ߭ߏߝ߭ߋߣߍߟ ߡߏ߬ߦߌߖ߭ ߝߊ߰ ߞߏ ߘߐ߫ ߂߀߂߁ ߠߊ߫.
ߊ߬ߟߋ߬ ߣߊ߲߬ߕߌ߰ ߞߘߐ ߣߌ߲߬ ߕߐ߯ ߟߋ߬ ߞߏ߫ ߡߊߙߌߦߏ߫ ߔߟߊߛߌߦߏ߫߸ ߊ߬ ߛߊ߲߬ ߄߅ ߟߋ߬ ߕߋ߲߬߸ ߡߍ߲ ߠߊ߫ ߞߕߌ ߞߍ߫ ߘߊ߫ ߡߌߦߊߡߌ߫ ߞߙߎߝߊ ߞߕߌߘߊ ߟߊ߫߸ ߊ߬ ߦߋ߫ ߘߊ߫ ߛߐ߲߬ߡߊ߬ ߘߌ߫߸ ߞߵߊ߬ ߛߐ߬ߘߐ߲߬ ߊ߬ ߓߘߊ߫ ߞߊߙߏ ߞߍ߫߸ ߊ߬ ߦߴߊ߬ ߛߐ߬ߛߐ ߟߊ߫߸ ߞߏ߫ ߊ߬ߟߋ ߛߐ߲߬ ߛߌ߫ ߕߍ߫ ߝߊ߰ߟߌ߬ ߞߏ ߣߌ߲߬ ߘߐ߫.
ߞߊ߲ߕߌ߮ ߡߍ߲ ߝߊ߰ ߞߏ ߝߐ߫ ߞߊ߲߫ ߣߌ߲߬߸ ߖ߭ߏߝ߭ߋߣߍߟ ߡߏ߬ߦߌߖ߭߸ ߊ߬ ߝߊ߰ ߘߊ߫ ߞߎ߲߬ߞߊ߬ߓߊ߯ (ߞߐߡߊ߲ߘߏ߫) ߡߙߊ߬ߒ߬ߡߊ߬ߝߋ߲߬ߕߌ߮ ߘߏ߫ ߟߎ߫ ߟߋ߬ ߓߟߏ߫ ߂߀߂߁ ߞߊ߬ߙߌ߬ߝߐ ߕߟߋ߬ ߆ ߛߎ ߘߐ߫߸ ߞߵߊ߬ ߘߎ߰ߛߊ ߜߍ߫ ߕߟߋ߬ ߇ ߟߊ߫߸ ߞߵߊ߬ ߕߏ߫ ߊ߬ ߖߘߍ߬ߞߊߣߌ߲ ߡߊߞߍ߫ ߦߌߟߊ ߘߐ߫ ߔߐߙ ߏ߬ ߔߑߙߍ߲ߛ، ߊ߬ ߘߏ߲߬ ߝߊ߰ ߘߊ߫ ߟߋ߬߸ ߞߊ߬ ߞߐ߲߰ ߊ߬ ߝߊ߬ߘߌ߬ߞߣߐ߬ߜߍ߲߬ߘߋ߲ ߠߎ߬ ߣߊ߭ ߢߍ߫، ߓߊߏ߬߸ ߊ߬ ߝߊ߰ ߘߊ߫ ߝߊ߰ߟߌ߬ߟߊ߬ ߞߎߛߊ߲ ߠߎ߬ ߟߋ߬ ߓߟߏ߫ ߝߋߎ߫، ߡߍ߲ ߠߎ߬ ߝߊ߲߬ߓߊ ߕߎ߲߬ ߦߋ߫ ߛߙߊ߬ߟߊ߬ߞߟߍ߬ߟߊ ߟߎ߬ ߘߌ߫.
ߒ߬ߓߊ߬߸ ߛߟߊߕߌ߯ ߔߟߊߛߌߦߏ߫ ߡߊߝߌ߲߬ߣߍ߲ ߠߋ߬߸ ߞߏ߫ ߊ߬ ߣߌ߫ ߛߙߊ߬ߟߊ߬ߞߟߍ߬ߟߊ ߏ߬ ߟߎ߫ ߟߋ߬ ߘߏ߲߬ ߘߊ߫ ߞߊ߲ߕߌ߮ ߓߘߊ ߞߋߟߋ߲ߘߌ߫߸ ߞߏ߫ ߊ߬ ߘߏ߲߬ ߞߊ߬ ߥߊߘߌ ߣߌ߫ ߡߊ߬ߖߐ߯ߙߊ߲ ߘߏ߫ ߟߎ߫ ߛߏ߲߬ߧߊ߫ ߝߊ߰ߟߌ ߏ߬ ߛߋ߲߭ߝߍ߬.
ߊߡߙߌߞߌ߬ ߞߊ߬ ߣߐ߬ߝߍ߬ߜߍ߲߬ߠߌ߲ ߘߏ߫ ߟߎ߫ ߛߌ߰ ߟߋ߬ ߛߋ߲߬ߠߊ߫ ߞߊ߲ߕߌ߮ ߢߌ߲߬ ߠߊ߫ ߛߊ߬ߦߊ ߞߐ߫߸ ߓߌ߬ߟߊ߬ ߞߍ߫ ߘߊ߫ ߡߐ߰ ߁߁ ߠߋ߬ ߞߐ߫߸ ߞߏ߫ ߊ߬ߟߎ߫ ߛߋ߲߬ ߦߋ߫ ߝߊ߰ߟߌ ߣߌ߲߬ ߘߐ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߞߊ߲ߕߌ߮ ߝߊ߰ ߞߏ ߓߍ߲߬ߓߍ߲߬ߓߍ߲ ߕߐ߲߬ߕߍ߬ ߘߊ߫ ߝߑߟߏߙߌߘ ߟߋ߬.
ߡߐ߰ ߣߊ߯ߣߌ߲߫ ߓߌ߬ߟߊ߬ ߘߊ߫ ߟߋ߬ ߥߛߎ߫ ߓߊ߲ߓߊߟߌ ߟߊ߫ (ߔߍߙߑߔߋߕߎ߳ߕߋ)߸ ߏ߬ ߓߍ߯ ߞߎ߲߭ ߞߍ߫ ߘߴߊ߬ߟߋ߬ ߝߊ߰ߟߌ߬ ߞߏ ߢߌ߲߬ ߠߋ߬ ߘߌ߫.
ߘߏ߫ ߝߣߊ߫ ߕߎ߲߬ ߓߍ߫߸ ߞߏ߫ ߖ߭ߏ߬ߗ߭ߍߝ ߝ߭ߍ߲ߛߊ߲߫߸ ߏ߬ ߦߋ߫ ߊߡߙߌߞߌߞߊ߫ ߤߊߦߕߌߞߊ ߟߋ߬ ߘߌ߫߸ ߛߊ߲߬ ߅߈ ߠߵߊ߬ ߓߟߏ߫߸ ߏ߬ ߝߣߊ߫ ߞߕߌ߫ ߘߊ߫ ߞߏ߲ߞߏߜߍ ߕߋ߬ߟߋ߫ ߉ ߟߋ߬ ߡߊ߬߸ ߊ߬ ߦߋ߫ ߘߊ߫ ߛߐ߲߬ߡߊ߬ ߘߌ߫ ߞߊ߬ߦߌ߯ ߞߏߟߌ߲ߞߏߟߌ߲ ߞߕߌ ߟߋ߬ ߝߍ߬.
ߘߏ߫ ߜߘߍ߫ ߟߎ߫ ߝߣߊ߫ ߓߍ߫߸ ߡߍ߲ ߠߎ߬ ߓߌ߬ߟߊ߬ ߘߊ߫ ߛߌ߭ ߡߎ߰ߡߍ ߟߊ߬ߥߛߎ߬ߟߌ ߟߊ߫߸ ߏ߬ ߘߏ߫ ߟߋ߬ ߤߊߦߕߌ߫ ߞߊ߲߬ߜߍ߬ ߞߘߐ ߘߏ߫ ߘߌ߫߸ ߡߍ߲ ߕߐ߯ ߞߏ߫ ߖ߭ߏ߬ߗ߭ߍߝ ߖ߭ߏߍߟ، ߊ߬ ߣߌ߫ ߞߏߢߊߕߌ߮ ߘߏ߫߸ ߤߊߦߕߌߞߊ߫ ߛ߭ߟߌߞߊ ߟߵߏ߬ ߘߌ߫߸ ߞߏ߫ ߙߘߏߝߐߟ ߖ߭ߊ߯ߙ߸ ߞߵߏ߬ ߟߊ߫ ߞߏߟߐ߲ߓߌ߫ ߣߊ߲߬ߕߌ߰ ߟߊߣߡߐ߬ߣߍ߲ ߘߏ߫ ߞߊ߲߬߸ ߡߍ߲ ߕߐ߯ ߞߏ߫ ߖ߭ߍߙߑߡߊ߲߫ ߙߌߝ߭ߋߙߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߦߊ߬ߟߊ