ߓߙߌߕߊ߲ߓߊ߫ 🇬🇧 ߟߐ߲ߞߏ ߕߌߙߌ߲ߘߊ ߡߍ߲ ߕߐ߯ ߞߏ߫ ﴿ ߙ߭ߏߦߊߟ ߛߏ߬ߛߊߌߕߋ ߏߔߌ߲ ߛߊߍ߲ߛ﴾ ߟߎ߫ ߟߋ߬ ߓߊ߲߫ ߛߊ߲߮ ߦߋ߫ ߘߐ߬ߛߙߋ ߘߏ߫ ߟߊߥߊ߲߬ߞߊ߬ ߟߊ߫߸ ߕߎߟߊߝߌ߲ ߂߆ ߡߊ߬. ߊ߬ ߛߓߍ߫ ߣߴߏ߬ ߘߐ߫ ߞߏ߫ ߊ߬ߟߎ ߣߊ߬ ߞߐ߬ߣߐ ߝߌ߬ߙߌ߲ߞߐ߲߬ߞߐ߲ ߘߏ߫ ߜߛߊߞߙߊ ߦߋ߫ ߟߊ߫ ߡߘߊߜ߭ߊߛߑߞߊߙ ߁߈߉߄ ߠߊ߬߸ ߞߏ߫ ߊ߬ߟߎ ߓߘߊ߫ ߝߛߍ߬ߝߛߍ߬ߟߌ߬ ߜߘߍ߫ ߞߍ߫ ߏ߬ ߟߊ߫ ߞߏ ߞߊ߲߬߸ ߡߍ߲ ߓߐߣߍ߲߫ ߝߟߐߡߐ߱ ߟߎ߬ ߕߊ ߡߊ߬ ߗߊߎ߲߲߫߹ ߊ߬ߟߋ߬ ߞߐ߬ߣߐ ߕߐ߯ߟߊ߫ ߘߴߊ߬ߟߎ߬ ߓߟߏ߫ ߟߋ߬ ߞߏ߫ ߛߋ߲߬ߓߊ߬-ߞߣߐ. ߛߋ߲߬ߓߊ߬-ߞߣߐ ߣߌ߲߬ ߞߊ߬ ߛߊ߲߭ ߞߋ߲߬ߥߟߎ߬ ߆߀ ߟߋ߬ ߞߍ߫ ߡߘߊߜ߭ߊߛߑߞߊߙ ߕߎߞߘߐߟߊ ߣߴߊ߬ ߜߍߞߊ߲ߠߊ ߟߎ߬ ߕߊ߯ߡߊ ߞߊ߲߬߸ ߊ߬ ߛߌߟߊߛߊ߭ ߛߊ߲߬ ߁߀߀߀ ߘߐߙߐ߲߫ ߠߋ߬ ߦߋ߫ ߣߌ߲߬. ߓߙߌߕߊ߲ߓߊ߫ ߟߐ߲ߞߏߕߌ߯ ߊ߲ߘߙ߭ߌߥ ߟߋ߬ ߝߟߐ߫ ߞߊ߬ ߛߋ߲߬ߓߊ߬-ߞߣߐ߬ ߜߘߍ߫ ߕߐ߮ ߛߓߍ߫ ߁߈߉߄ ߠߊ߫߸ ߞߏ߬ߣߌ߲߬ ߏ߬ ߣߌ߫ ߘߐ ߣߌ߲߬ ߓߊ߯ ߟߊ߫ ߢߐ߲߮ ߡߊ߬߸ ߏ߬ ߘߴߊ߬ ߕߏ߫ ߘߐ ߣߌ߲߬ ߓߟߏ߫. ߛߋ߲߬ߓߊ߬-ߞߣߐ ߣߌ߲߬ ߖߌߘߊ߲ ߦߋ߫ ߞߌߘߊ߫ ߈߆߀ ߟߋ߬ ߘߌ߫߸ ߥߟߊ߫ ߕߎߟߋ﴿ ߕߎߡߌ߬ߣߊ߲߬ߖߊ߲﴾ ߞߌ߬ߣߊ ߖߌߘߊ߲߸ ߖߋߡߛ ߤߊ߲ߛߑߝߐߘ ߕߊ߫ ߝߐߟߌ߫ ߘߐ߫߸ ߞߏ߫ ߊ߬ ߕߍ߫ ߞߣߐ߬ ߜߊ߲ߠߌ߲ߠߊ ߘߌ߫، ߏ߬ ߡߍ߲ ߦߋ߫ ߕߌߙߌ߲ߠߌ߲ ߢߍߡߌߘߊ ߘߌ߫﴿ ߖߌߏߟߏߖߌߞߊߟ ߛߏ߬ߛߊߌߕߋ ߐߝ ߟߐ߲ߘߐ߲﴾.ߖߋߡߛ ߤߊ߲ߛߑߝߐߘ ߞߵߊ߬ ߦߌ߬ߘߊ߬ ߞߏ߫ ߊ߬ ߣߌ߫ ߛߋ߲߬ߓߊ߬-ߞߣߐ߬ ߜߘߍ ߡߍ߲ ߠߎ߬ ߜߛߊߞߙߊ ߕߎ߲߬ ߓߘߊ߫ ߦߋ߫ ߘߎߢߊ߫ ߝߊ߲߭ ߓߍ߯ ߢߊߝߍ߬ ߞߘߐ߬ߡߊ߲߫߸ ߞߴߊ߬ ߣߴߏ߬ ߟߎ߬ ߕߍ߫ ߞߋߟߋ߲߫ ߘߌ߫ ߢߊ߫ ߛߌ߫ ߡߊ߬߸ ߓߊ߫ ߝ߭ߏߙߏ߲ߓߏ߫ ߕߌߕߊ߲ ߟߐ߬ߜߊ߲ ߦߋ߫ ߜߟߊ߬ߜߟߊ߫ ߃ ߟߋ߬ ߘߌ߫߸ ߞߵߊ߬ ߕߘߍ߬ ߊ߬ ߖߌߘߊ߲ ߦߋ߫ ߞߌߘߊ߫ ߆߅߀ ߟߋ߬ ߘߌ߫.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ ߝߏߝߣߊ߫
