ߘߎ߰ߞߟߏ߬ ߦߙߍߦߙߍ ߞߍߣߍ߲߫ ߍ߲ߘߏߣߏߛߌ߫

ߞߏ߲ߓߌߕߌ߮ ߕߋ߬ߟߋ ߂/ ߂߀߁߈ ߠߊ߫߸
ߘߎ߰ߞߟߏ߬ ߦߙߍߦߙߍ ߣߌ߫ ߖߌ߫ ߖߌ߲﴿ ߕߑߛߎߣߊߡߌ﴾ ߡߍ߲ ߟߊߣߍ߲߫ ߍ߲ߘߏߣߛߌߞߊ ߟߎ߬ ߞߊ߲߬ ߛߌ߬ߣߌ߲߬ߟߏ߲ ߕߊ߬ߡߌ߬ߣߍ߲ ߡߊ߬߸ ߕߎߟߊߝߌ߲ ߂߈/߂߀߁߈ ߠߊ߫߸ ߣߴߊ߬ ߞߊ߬ ߓߏ߲߫ ߦߙߌߞߊ ߟߊߥߎ߬ߦߊ߬߸ ߏ߬ ߓߐ߬ߣߐ ߦߋ߫ ߕߊ߬ߡߌ߲߬ ߠߊ߫ ߡߊߦߍ߬ߟߍ ߟߋ߬ ߞߊ߲߬ ߥߊ߯ߕߌ ߟߎ߬ ߣߌ߫ ߢߐ߲߮ ߕߍ߫. ߊ߬ ߛߊ߬ߦߊ ߖߊ߬ߕߋ ߡߍ߲ ߠߊߥߊ߲߬ߞߊ߬ߣߍ߲ ߕߘߍ߬ ߦߋ߫ ߞߎߣߎ߲߬ ߥߎ߬ߙߊ ߟߊ߫߸ ߝߊ߬ߛߏ ߥߊ߬ߥߎ߬ߟߋ߬ ߞߏ ߟߎ߫ ߜߋ߬ߟߎ߲ ߠߴߊ߬ ߡߐ߱ ߟߎ߬ ߡߊߞߊߘߊ߲߫ ߠߊ ߟߎ߬ ߓߟߏ߫߸ ߏ߬ ߟߋ ߦߋ߫ ߡߐ߰ ߈߄߄ ߘߌ߫، ߊ߬ ߓߌ߬ ߝߐߟߌ ߣߌ߲߬ ߘߐ߫ ߕߊ߲߬߸ ߊ߬ ߛߊ߬ߓߊ߰ߕߐ ߓߘߊ߫ ߕߊ߬ߡߌ߬ ߡߐ߰ ߁߂߀߀ ߟߊ߫. ߘߎ߰ߦߙߍߦߙߍ ߡߍ߲ ߞߍ߫ ߘߊ߫ ߛߎߟߊߥߋߛߌ߫߸ ߏ߬ ߟߋ ߞߊ߬ ߕߑߛߎߣߊߡߌ﴿ߖߌ﴾ ߟߊߕߊ߲߬ߜߊ߬ߟߌ߬ߡߊ߫ ߔߊߟߎ߫. ߡߐ߱ ߡߍ߲ ߠߎ߬ ߦߋ߫ ߕߌ߲߬ߞߎߘߎ߲ ߏ߬ ߘߐ߫ ߦߋ߬߸ ߏ߬ ߟߎ߬ ߦߋ߫ ߖߌ߰ߕߍ߰ ߓߟߏ ߟߋ߬ ߡߊ߬ ߦߋ߲߬ ߕߋ߲߬، ߡߌ߲߬ ߖߌ߫ ߞߏ ߟߊ߫߸ ߓߊߟߏ߫ ߞߏ ߟߊ߫߸ ߊ߬ ߣߌ߫ ߖߋ߬ߣߌ߲߬ߕߊ߬ ߞߏ ߟߊ߫.
ߊ߬ ߤߊߡߌ߲ ߦߋ߫ ߢߌߣߌ߲ߠߌ߲ ߠߊ ߟߎ߬ ߟߊ߫߸ ߞߵߊ߬ ߝߐ߫ ߞߏ߫ ߤߊ߲߯ ߓߌ߬߸ ߡߐ߱ ߘߏ߫ ߟߎ߫ ߢߣߊߡߊ ߘߌ߫ ߞߍ߫ ߜߊ߲ߜߊߘߊ ߟߎ߬ ߞߘߐ߫ ߡߎߣߎ߲߬. ߍ߲ߘߣߏߛߌ߫ ߓߊߙߊ߲ߕߏ߲߫ ߥߎߟߋ߲﴿ ߞߙߏߥߊ ߙߎߗ߭﴾ ߟߎ߬ ߞߊ߲ ߞߏ߫ ߊ߬ߟߎ ߥߊߣߍ߲߫ ߓߙߊ߬ ߟߊ߫ ߞߊ߬ߙߊ߲߬ߠߊ߬ߘߋ߲߬ ߃߄ ߘߐ߫ ߕߎ߲߬ߕߎ߲ ߠߎ߬ ߘߐ߫ ߢߐ߲߬ߞߌ߲߬ߘߊ﴿ ߋߜ߭ߑߟߌߛ﴾ ߘߏ߫ ߟߊ߫. ߞߊ߬ߙߊ߲߬ߠߊ߬ߘߋ߲ ߈߆ ߡߍ߲ ߠߎ߬ ߝߋ߬ߟߋ߲߬ߝߋ߬ߟߋ߲߬ߣߍ߲ ߕߘߍ߬ ߦߋ߫ ߖߏߣߎߗ߭ ߢߐ߲߬ߞߌ߲߬ߘߊ ߟߊ߫߸ ߊ߬ߟߎ߬ ߦߴߏ߬ ߟߎ߬ ߘߏ߫ ߟߎ߫ ߟߋ߬ ߘߌ߫.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫ ߓߟߏ߫/ ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫