ߖߌ߬ߣߍ߬ ߟߊ߫ ߘߍ߲ߒߖߘߍߟߦߊ ߛߊ߲߬ ߆߀ ߘߝߊ ߟߋ߬ ߕߘߍ߬ ߦߋ߫ ߞߎߣߎ߲߬ ߘߌ߫߸ ߞߏߟߌ߲ߞߏߟߌ߲ ߂/߂߀߁߈. ߢߊ߰ߢߊ߮ ߣߌ߲߬ ߞߍ߫ ߘߴߊߝߙߌߞߌ߬ ߞߊ߲ߕߌ߯ ߁߁ ߠߎ ߟߋ߬ ߟߊ߫ ߓߎ߬ߢߊ ߞߐ߬ߣߐߡߊ߬، ߊ߬ ߢߊ߰ߢߊ߮ ߞߍ߫ ߘߊ߫ ߞߊߡߊ߲ ߕߎߟߊߝߌ߲ ߂߈ ߠߋ߬ ߟߊ߫.
ߊߝߙߌߞߌ߬ ߞߊ߲ߕߌ߯ ߛߘߍߡߊ߲߫ ߠߎ߫ ߟߋ߬ ߣߊ߬ ߘߊ߫ ߖߌ߬ߣߍ߬ ߞߊ߲ߕߌ߯ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߟߊ߫ ߞߟߌߟߌ ߟߊߡߌ߬ߣߊ߬، ߞߏ߲߬ߜ߭ߏ߬ ߞߊ߲ߕߌ߯ ߘߋߣߌߛ ߛߊߛߎ߫ ߒߜ߭ߋߛߏ߫߸ ߡߊ߬ߟߌ߬ߓߊ ߞߊ߲ߕߌ߯ ߌߓߎߙߊߤߌߡ ߓߎߓߊߞߊߙ ߞߋߕߊ߬߸ ߗߊߘߌ߬ ߞߊ߲ߕߌ߯ ߌߘߙߌߛ ߘߋߓߌ߫߸ ߓߙߎߞߌߣߊ߫ ߞߊ߲ߕߌ߯ ߙߏߛ߭ ߡߊߞ ߞߙߌߛߑߕߌߦߊ߲ ߞߊߓߏߙߋ߫، ߏ߬ ߟߎ߫ ߟߋ߬ ߝߟߐ߫ ߞߵߊ߬ߟߎ߬ ߛߋ߲߭ ߛߎ߫ ߖߌ߬ߣߍ ߘߎ߰ߞߟߏ ߞߊ߲߬. ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߞߊ߬ ߓߋߟߋ߲ߠߊ ߡߍ߲ ߞߍ߫ ߞߏߟߌ߲ߞߏߟߌ߲ ߕߟߋ߬ ߝߟߐ ߡߊ߬ ߂߀߁߈ ߠߊ߫߸ ߊ߬ ߞߵߊ߬ ߡߌ߬ߙߌ߲߬ߘߌ ߟߎ߬ ߘߐߛߎ߫ ߓߍ߲߭ ߣߌ߫ ߦߊ߰ߝߊ ߡߊ߬߸ ߊ߬ ߣߌ߫ ߝߊ߬ߛߏ ߓߟߏߘߏ߲ߢߐ߲߰ߓߟߏ ߡߊ߬. ߒ ߧߋ߫ ߦߊ߰ߝߊ ߕߙߊ߫ ߟߊ߫ ߓߍ߯ ߝߍ߬߸ ߊ߬ ߣߌ߫ ߞߊ߬ ߜߊ߲ߞߎ߲ߠߊ ߞߍ߫ ߣߡߌߛߊ߫ ߞߏ߫ ߟߎ߫ ߘߐ߫߸ ߡߍ߲ ߠߎ߬ ߞߍ߫ ߘߊ߫ ߡߐ߱ ߛߎ_ߎ߯_ߛߎ߫ ߟߊ߫ ߦߟߍ߬ߘߐ߬ߞߍ ߕߊ߬ߡߌ߲߬ߣߍ߲ ߢߌ߲߬ ߠߎ߬ ߞߘߐ߫. ߛߋߞߎ߬ ߕߎ߬ߙߋ ߣߌ߫ ߖߌ߬ߣߍ߫ ߡߌ߬ߙߌ߲߬ߘߌ ߟߎ߬ ߘߍ߬ ߘߊ߫ ߘߍ߬ ߘߊ߫ ߞߊ߬ ߝߊ߬ߙߊ߲߬ߛߌ߬ ߟߊ߫ ߘߍ߬ߓߊ߬ ߞߏ ߡߙߌߣߊ߲ ߠߊߕߊ߲߬ߞߌ߲߬ ߞߊ߲ߘߌ ߘߏ߫ ߛߋ߲߬ߝߍ߬ ߕߎߟߊߝߌ߲ ߂߈ ߠߋ߬ ߟߊ߫߸ ߁߉߅߈ ߠߊ߫. ߊߤߊߡߊߘߎ߫ ߛߋߞߎ߬ ߕߎ߬ߙߋ ߡߍ߲ ߕߘߍ߬ ߦߋ߫ ߥߛߊ߬ߘߋ߲ ߘߌ߫ ߝߊ߬ߙߊ߲߬ߛߌ߫ ߝߊ߬ߛߏ߬ߜߙߊ ߟߊ߫߸ ߊ߬ ߣߌ߫ ߞߐߣߊߞߙߌ߫ ߘߎ߰ߕߌ ﴿ ߡߍߙߌ﴾. ߊ߬ߟߋ ߟߋ߬ ߛߋ߫ ߘߊ߫ ߒߕߍ ߘߝߐ߬ߡߊ ߝߐ߫ ߟߊ߫ ߞߟߍ߬ߕߌ߯ ߛ߭ߊߙߑߟ ߘߋ ߜ߭ߏߟ ߢߊߞߘߐ߫߸ ߞߊ߬ ߛߌߟߊ ߕߍ߰ ߊ߬ ߢߍ߫ ߊ߬ ߟߊ߫ ߞߎ߬ߙߎ߲߬ߘߎ߬ ߞߎߘߊ ߛߘߊߟߊ ߘߐ߫. ߛߋߞߎ߬ ߕߎ߬ߙߋ ߟߋ߬ ߞߊ߬ ߓߋߟߋ߲ߠߊ߫ ߡߊߞߓߊߣߍ߲ ߣߌ߲߬ ߞߊ߬ߙߊ߲߬ ߠߊ߫ ߘߓߊ߬ߕߊ ߂߅ ߡߊ߬߸ ߁߉߅߈ ߠߊ߫،﴿ߞߏ߫ ߡߊ߲߬ߕߎ߬ߙߋ߬ߦߊ߫ ߕߍ߫ ߣߌ߫ ߞߊ߲ߠߊߓߌߟߊ ߕߍ߫߸ ߠߎ߬ ߥߊ߬ߞߊ߬ߟߌ߬ߣߍ߲߬ ߕߍ߯ߜߍߦߊ ߟߊ߫ ߞߊ߲ߠߊߓߌߟߊ ߡߊ߬߸ ߞߊ߬ ߕߊ߬ߡߌ߲߬ ߖߐ߲߬ߧߊ ߓߣߊ߬ߦߊ ߞߊ߲߬﴾.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫ ߓߟߏ߫/ ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫