ߡߊߌߞߙߏߛߐߝߕ ߓߘߊ߫ ߓߊ߲߫ ߊ߬ ߟߊ߫ ߟߊ߬ߞߎ߬ߘߦߊ߬ߟߌ ߞߎߘߊ ߝߊ߲߬ߝߘߊ ߡߊߞߍ߲߰ ߠߊ߫߸ ߣߴߊ߬ ߓߌ߬ߟߊ߬ ߘߊ߫ ߛߋ߲߬ ߠߊ߫ ߟߏ߲ ߡߍ߲߸ ߡߐ߰ ߘߌ߫ ߛߋ߫ ߌ ߟߊ߫ ߊ߲ߘߙߏߌߘ ߜߋߟߋ߲ߜߋߟߋ߲ ߟߊ߬ߥߊ߬ߟߌ߬ߟߊ߲﴿ ߊߔߟߌߞߊߛ߭ߐ߲﴾ ߠߎ߬ ߟߊߓߊ߯ߙߊ߫ ߟߴߌ ߟߊ߫ ߥߌ߲ߘߏ ߁߀߲ ߠߊ߫߸ ߡߌߞߙߏߛߐߝߕ ߓߘߊ߫ ߟߊ߬ߥߊ߬ߟߌ߬ߟߊ߲߬߬ ߞߎߘߊ߫ ߟߊߘߊ߲﴿ ߦߐ߬ߙ ߝߏߣ﴾߸ ߡߍ߲ ߞߍߕߐ߫ ߊ߬ ߞߍ߫ ߟߊ߫ ߡߐ߰ ߘߌ߫ ߛߴߌ ߟߊ߫ ߊ߲ߘߙߏߌߘ ߜߋߟߋ߲ߜߋߟߋ߲ ߟߊ߬ߥߊ߬ߟߌ߬ߟߊ߲ ﴿ ߊߔߑߟߌߛ﴾ ߛߎ߮ ߓߍ߯ ߟߊߓߊ߯ߙߊ߫ ߟߴߌ ߟߊ߫ ߥߌ߲ߘߏ ߁߀߲ ߠߎ߬ ߟߊ߫. ߡߌߞߙߏߛߐߝߕ ߞߊ߬ ߣߌ߲߬ ߦߌ߬ߘߴߊ߬ ߟߊ߫ ߜߊ߬ߙߊ ߘߏ߫ ߟߋ߬ ߛߋ߲߭ ߝߍ߬߸ ߊ߬ ߞߵߊ߬ ߟߊ߫ (Microsoft your phone) ߟߊ߫ ߞߏ ߝߊߙߊ߲ߝߊ߯ߛߌ߫ ߖߊ߬ߡߊ ߢߍ߫ ߡߍ߲ ߘߐ߫߸ ߞߏ߫ ߊ߬ ߞߍߕߐ߫ ߕߍ߫ ߊ߲ߘߙߏߌߘ ߜߋߟߋ߲ߜߋߟߋ߲ ߠߎ߬ ߟߊ߬ߥߊ߬ߟߌ߬ߟߊ߲ ߠߎ߬ ߘߐߙߐ߲߫ ߠߊߓߊ߯ߙߊ߫ ߟߊ߫ ߘߋ߬߸ ߞߏ߬ߣߵߊ߬ ߞߍߕߐ߫ ߦߋ߫ ߊ߬ ߖߌ߬ߦߊ߬ߓߍ ߟߎ߬ ߣߌ߫ ߗߋߛߓߍ ߟߎ߬ ߟߋ߬ ߦߋ߫ ߟߊ߫߸ ߊ߬ ߣߌ߫ ߤߊߟߌ߬ ߜߋߟߋ߲ߜߋߟߋ߲߫ ߝߙߍߕߍ ߟߎ߫. ߟߏ߲ ߣߊ߬ߕߐ ߟߎ߬ ߘߐ߫߸ ߊ߬ ߘߌߣߊ߬ ߌ߫ ߟߊ߫ ߜߋߟߋ߲ߜߋߟߋ߲ ߘߊ߬ߣߊ߲߬ߥߟߊ﴿ ߋߞߊߙߊ߲ = ߛߞߑߙ߭ߌ߲﴾ ߠߎ߬ ߦߌ߬ߘߴߌ ߟߊ߫ ߞߵߊ߬ ߕߏ߫ ߖߌ߬ߦߊ߬ߖߟߎ ߣߌ߫ ߖߌ߬ߦߊ߬ߞߊ߲߬ ߠߊߓߐ ߟߊ߫. ߊ߬ ߘߊ߲߭ ߕߴߏ߬ ߘߌ߫ ߘߋ߬߸ ߊ߬ ߞߍߕߐ߫ ߦߴߌ ߘߍ߬ߡߍ߲߬ ߠߊ߫ ߞߵߌ ߟߊ߫ ߕߟߋ߬ߓߊ߮ ߞߣߐߞߏ ߟߎ߬ ߟߋ߬ ߛߊߣߌߡߊ߲ ߦߋ߫ ߟߴߌ ߟߊ߫ ߜߋߟߋ߲ߜߋߟߋ߲ ߝߣߊ߫ ߞߣߐ߫. ߡߌߞߙߏߛߐߝߕ ߞߵߊ߬ ߟߊ߫ ߡߊ߬ߝߍ߬ߣߍ߲߬ߠߌ߲ ߣߌ߲߬ ߞߍ߫ ߛߊߡߑߛߎ߲߫ ߜߋߟߋ߲ߜߋߟߋ߲ ߘߏ߫ ߟߋ߬ ߟߊ߫߸ ߡߐ߱ ߟߎ߬ ߞߵߊ߬ ߦߋ߫ ߡߍ߲ ߘߐ߫ ߕߟߋ߬ߓߊ߮ ߛߑߣߋߔ ߗߊߕ ߞߣߐߞߏ ߡߎ߰ߡߍ ߓߘߊ߫ ߦߟߍ߬ߡߊ߲߬ ߜߋߟߋ߲ߜߋߟߋ߲ ߏ߬ ߞߣߐ߫. ߞߍߞߌߦߊ ߣߌ߲߬ ߠߊߞߋ߲߬ߛߎ߬ ߣߍ߲߫ ߦߋ߫ ߊ߲ߘߙߏߌߘ ߜߋߟߋ߲ߜߋߟߋ߲ ߠߎ߬ ߟߋ߬ ߢߍ߫߸ ߞߊ߬ ߓߍ߲߬ ߊߌߝߐ߲ߣ ߛߐ߰ߟߌ ߡߊ߬߸ ߏ߬ ߘߐ߫ ߊߌߝߐ߲ߣ ߕߍߣߊ߬ ߛߋ߫ ߟߊ߫ ߣߌ߲߬ ߕߣߐ߬ߓߐ߫ ߟߊ߫ ߢߊ߫ ߛߌ߫ ߡߊ߬. ߡߊߌߞߙߏߛߐߝߕ ߞߍߕߐ߫ ߦߋ߫ ߊ߬ ߟߊ߫﴿ ߦߐ߬ߙ ߝߏߣ﴾ ߣߌ߲߬ ߠߊߘߏ߲߬ ߠߊ߫߸ ߊ߬ ߟߊ߫ ߟߊ߬ߞߎ߬ߘߦߊ߬ߟߌ ﴿ ߐߔߑߘߋߕ﴾ ߣߊ߬ߕߐ ߟߋ߬ ߘߐ߫߸ ߣߴߏ߬ ߞߍ߫ ߘߊ߫߸ ߊߟߎ߫ ߘߌ߫ ߛߋ߫ ߓߊ߯ߙߊ߫ ߕߣߐ߬ߡߊ ߣߌ߲߬ ߕߣߐ߬ߓߐ߫ ߟߊ߫، ߞߏ߬ߣߌ߲߬ ߡߌߞߙߏߛߐߝߕ ߡߊ߫ ߕߎ߬ߡߊ߬ߘߊ߫ ߛߌ߫ ߝߐ߫ ߊ߬ ߟߊ߫ ߟߊ߬ߞߎ߬ߘߦߊ߬ߟߌ ߣߌ߲߬ ߠߊ߫ ߡߎߣߎ߲߬.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫ ߓߟߏ߫/ ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫