ߡߌߞߙߏߛߐߝߕ ߟߊ߫ ߝߢߐߘߊ ߇߲ ߓߘߊ߫ ߛߴߊ߬ ߛߊ߬ߘߋ߲߬ߞߊ߬ ߟߊ߫߸ ߞߏ߬ߣߴߏ߬ ߓߍ߯ ߣߴߊ߬ ߕߊ߸ ߥߊߟߌߘߊߕߌ߮ % ߅߀ ߦߋ߫ ߓߊ߯ߙߊ߫ ߟߊ߫ ߊ߬ߟߋ ߟߋ߬ ߟߊ߫.
ߛߊߕߑߦߊ ߣߊߘߋߟߊ߫ ߟߋ߬ ߣߵߊ߬ ߝߐ߫ ߟߊ߫߸ ߏ߬ ߡߍ߲ ߦߋ߫ ߡߌߞߙߏߛߐߝߕ ߗߋߘߊ ߞߊ߲ߕߌ߮ ߘߌ߫߸ ߞߏ߫ ߥߌ߲ߘߏߥߛ ߇߲ ߠߊ߫ ߢߣߊߡߦߊ ߓߘߊ߫ ߛߴߊ߬ ߘߊ߲߭ ߠߊ߫߸ ߞߵߊ߬ ߕߘߍ߬ ߥߌ߲ߘߏߛ ߁߀߲ ߡߊ߬ ߛߋ߫ ߥߊߟߌߘߊߕߌ߮ ߟߎ߬ ߟߊߤߊߕߍߦߊ߫ ߟߊ߫߸ ߊ߬ ߟߊ߫ ߢߣߊߡߦߊ ߛߊ߲߭ ߃ ߞߎ߲߬ߕߊ߮ ߞߘߐ߫.
ߞߊ߲ߕߌ߮ ߞߊ߬ ߣߌ߲߬ ߝߐ߫ ߊ߫ ߟߊ߫ ߂߀߁߉ ߛߓߊߢߐ߲߯ ߝߛߐߡߊ ߘߊ߲߬ߕߍ߰ߟߌ ߟߋ߬ ߛߋ߲߬ߝߍ߫߸ ߊ߬ ߞߴߊ߬ ߦߌ߬ߘߊ߬ ߏ߬ ߟߋ ߘߐ߫߸ ߞߏ߫ ߝߢߐߘߊ߫ ߁߀߲ ߓߐ ߛߊ߲߬ ߛߓߊߣߊ߲ ߠߋ߬ ߦߋ߫ ߕߋ߲߬߸ ߥߊߟߌߘߊߕߌ߮ ߟߎ߬ ߓߘߴߊ߬ %߅߀ ߟߋ߬ ߛߎߥߊ߲ߘߌ߫ ߡߎߣߎ߲߬߸ ߊ߬ ߕߐ߬ %߅߀ ߟߎ߬ ߦߋ߫ ߓߊ߯ߙߊ߫ ߟߊ߫ ߊ߬ߟߋ ߖߎ߬ߞߘߐ߬ߕߊ ߟߎ߬ ߟߋ߬ ߟߊ߫߸ ߒ߬ ߠߊ߫ ߞߊ߲ߞߋ ߞߣߐ߫.
ߞߊߙߏ߫ ߁߄ ߠߋ߬ ߦߴߊߟߎ߫ ߦߋ߫ ߡߎ߬ߕߎ߲߬߸ ߊߟߎ߫ ߦߋ߫ ߝߎ߲ߘߌ߫ ߞߊ߬ ߓߐ߫ ߥߌ߲ߘߏߥߛ ߇߲ ߘߐ߫߸ ߞߊ߬ ߕߊ߯ ߁߀߲ ߘߐ߫.
ߡߌߞߙߏߛߐߝߕ ߓߘߊ߫ ߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߌ߫ ߕߏ߫ ߝߢߐߘߊ ߇߲ ߞߐߞߘߐ߫ ߤߊ߲߯ ߂߀߂߀ ߓߌ߲ߠߊߥߎߟߋ߲߸ ߝߢߐߘߊ߫ ߇߲ ߓߍ߯ ߦߋ߫ ߝߎ߲ߘߌ߫ ߞߊ߬ ߥߊ߫ ߝߢߐߘߊ ߁߀߲ ߘߐ߫. ߣߴߏ߬ ߞߏ߬ߣߌ߲ ߕߊ߬ߡߌ߲߬ ߘߊ߫ ߓߊ߬߸ ߡߊߌߞߙߏߛߐߝߕ ߘߌ߫ ߊ߬ ߟߊ߫ ߟߊ߬ߞߊ߲߬ߘߊ߬ߟߌ ߓߐ߫ ߊ߬ߟߎ߫ ߞߎ߲߬ߠߊ߫߸ ߏ߬ ߓߊ߯ ߞߍ߫ ߛߊߞߍߟߌ ߟߏ߲ߘߐߦߊߟߌ ߟߎ߬ ߘߌ߫ ߞߍ߫ ߛߙߊ߬ߕߊ ߘߌ߫.
ߒ߬ ߧߴߊ߬ ߟߊߛߊ߲ߣߌ߲ߧߊ߫ ߟߴߊߟߎ߫ ߦߋ߫߸ ߒ ߞߏ߫ ߒ߬ ߕߍߣߊ߬ ߒ߬ ߓߊ߲߬ ߣߴߊߟߎ߫ ߟߊߞߊ߲ߘߊ߫ ߟߊ߫ ߓߏ߰߸ ߞߏ߬ߣߌ߲߬ ߝߴߊߟߎ߫ ߓߴߊߟߎ߫ ߓߟߏ ߓߌ߬ߟߴߊߟߎ߫ ߖߎߝߊ ߘߐ߫ ߟߋ߬ ߕߘߋ߫߹
ߒ߬ ߞߴߊ߬ ߟߐ߲߫ ߛߋߚߋ߫߹ ߒߞߏ߫ ߥߊߟߌߘߊ ߝߊ߲߬ߓߊ ߡߊ߫ ߛߐ߲߬ ߝߢߐߘߊ ߇߲ ߠߊߓߊ߯ߙߊ߫ ߞߏ ߡߊ߬߸ ߝߏ߫ ߝߢߐߘߊ ߁߀߲ ߓߐ߫ ߕߎߡߊ ߛߋ߫ ߟߋ߲߸ ߏ߬ ߘߏ߫ ߟߎ߫ ߘߌ߫ ߕߴߏ߬ ߟߊߓߊ߯ߙߊ߫ ߟߊ߫ ߝߎߚߎ߫߹ ߝߏ߫ ߟߊ߬ߞߊ߲߬ߘߊ߬ߟߌ ߕߎ߬ߡߊ ߘߌ߫ ߓߊ߲߫.
ߡߍ߲ ߠߊߞߙߐ߬ߛߌ߬ߕߊ ߦߋ߫߸ ߣߌ߲߬ ߢߐ߲߱ ߠߋ߬ ߞߍ߫ ߘߊ߫ ߌߞߛ ߔߋ ߣߌ߫ ߝߢߐߘߊ ߇߲ ߕߍ߫.
ߊ߬ ߕߋ߲߬ߕߋ߲߬ ߝߐߟߌ ߘߐ߫߸ ߝߢߐߘߊ ߁߀߲ ߦߋ߫ %߄߈ ߠߋ߬ ߘߌ߫߸ ߞߴߊ߬ ߕߘߍ߬ ߝߢߐߘߊ ߇߲ ߦߋ߫ %߃߉ ߘߌ߫, ߊ߬ ߕߐ߭ ߟߎ߫ ߦߋ߫ ߓߊ߯ߙߊ߫ ߟߊ߫ ߥߌ߲ߘߏߥߛ ߇߲ ߖߎ߬ߞߘߐ߬ߟߊ ߟߎ߬ ߟߋ߬ ߘߐ߫߸ ߒ߬ ߠߊ߫ ߞߊ߲ߞߋ ߘߐ߫.
(ߞߌ߬ߛߊ߬ ߓߏߟߏ߲ ߡߌ߬ߘߊ߬߸ߖߊ߬ߡߎ߲߬ ߓߏߟߏ߲ ߡߌ߬ߣߊ߬߸ ߓߊߞߐ߫ ߛߌߟߊ ߡߟߊ߫ ߞߋߟߋ߲߫ ߘߌ߫)
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫/ ߛߏ߬ߟߏ ߝߙߊ߬ߓߊ-ߘߐ߫