ߛߌ߬ߛߌ߬ߞߎߟߎ߲ ߝߌ߬ߟߊ߫ ߣߊ߬ ߢߐ߲߮ߓߍ߲߬ ߠߊ߫ ߊ߲ߞߙߊ߫߸ ߞߊ߬ ߡߐ߰ ߉ ߝߊ߰ ߞߊ߬ ߄߇ ߟߎ߫ ߖߐߞߌ߫.
ߡߐ߰ ߗߍ߬ߡߍ߫ ߝߌ߬ߟߊ߫ ߕߘߍ߬ ߦߋ߫ ߛߌ߬ߛߌ߬ߞߎߟߎ߲ ߘߏ߫ ߘߐ߫ ߞߊ߬ ߊ߲ߞߙߊ߫ ߡߊߜߍ߲߫߸ ߏ߬ ߣߌ߫ ߘߏ߫ ߜߘߍ߫ ߞߊ߬ ߢߐ߲߮ߓߍ߲߬߸ ߞߊ߬ ߡߐ߰ ߉ ߕߏ߫ ߊ߬ ߘߐ߫.
ߛߌ߬ߛߌ߬ߞߎߟߎ߲ ߞߎ߲߬ߞߊߟߌ߲ ߘߏ߫ ߣߊ߬ ߛߌ߬ߛߌ߬ߞߎߟߎ߲ ߞߎ߲߬ߛߎߡߊ߲ ߘߏ߫ ߟߋ߬ ߛߐ߲ߛߐ߲߫ ߠߊ߫ ߊ߲ߞߙߊ߫ ߞߎߣߎ߲߬ ߓߌߟߏ߲ ߡߊ߬߸ ߣߍߣߍߓߊ ߕߟߋ߬ ߁߁ ߡߊ߬߸ ߞߊ߬ ߡߐ߰ ߉ ߝߊ߰ ߞߊ߬ ߄߇ ߖߐߞߌ߫. ߛߌ߬ߛߌ߬ߞߎߟߎ߲ ߞߎ߲߬ߞߊߟߌ߲ ߏ߬ ߕߘߍ߬ ߦߋ߫ ߊ߲ߞߙߊ߫ ߡߊߜߍ߲ ߠߋ߬ ߞߊ߳߬߸ ߏ߬ ߟߋ ߣߌ߫ ߛߌ߬ߛߌ߬ߞߎߟߎ߲ ߞߎ߲߬ߛߎߡߊ߲ ߏ߬ ߓߍ߲߬ ߘߊ߫ ߕߊ߲ߓߊ߲ ߘߐ߫ (ߞߏ߲ߦߊ߫) ߸ ߏ߬ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߕߣߍ߬ߣߍ߬ ߣߍ߰ߛߌߟߊ ߞߊ߲߬߸ ߕߎߙߑߞߌ߫ ߞߎ߲߬ߠߊ߬ߛߌ߮ ߥߊߛߌߔ ߛߊߤߌ߲߫ ߟߎ߬ ߞߵߏ߬ ߟߋ ߝߐ߫. ߕߎߙߑߞߌ߫ ߖߌ߰ߣߌ߬ߦߟߍ ߞߏߕߌ߯ ߞߊߤߌߕ ߕߎߙߑߤߊ߲߫ ߞߊ߲߫ ߞߏ߫ ߝߊ߰ߓߊ߰ߕߐ ߟߎ߬ ߡߐ߰ ߆ ߟߋ߬ ߦߋ߫ ߦߟߍ߬ߒߞߊ߲߬ߓߊ߮ ߟߎ߬ ߘߌ߫߸ ߊ߬ ߕߐ߬ ߃ ߦߋ߫ ߛߌ߬ߛߌ߬ߞߎ߬ߟߎ߲߬ ߓߏ߬ߙߌ߬ߟߊ ߟߎ߬ ߟߋ߬ ߘߌ߫. ߞߏ߫ ߡߐ߰ ߄߇ ߜߘߍ߫ ߟߎ߫ ߝߣߊ߫ ߖߐߞߌ߫ ߘߊ߫߸ ߞߊߤߌߕ ߕߎߙߑߤߊ߲߫ ߞߵߊ߬ ߦߌ߬ߘߊ߬ ߘߊߞߘߎߡߊ (ߕߑߥߌߕߍߙ) ߛߌߟߊ ߝߍ߬߸ ߞߏ߫ ߊ߬ ߦߋ߫ ߘߎߓߊ߫ ߟߊ߫ ߖߐߞߌߓߊ߯ߕߐ ߟߎ߬ ߝߊ߬ߘߌ ߘߐߞߍ߲ߘߍߦߊ ߟߊ߫ ߖߏߣߊ߫. ߓߌ߬ߟߊ߬ߒߘߐ ߣߌ߲߬ ߞߍߣߍ߲߫ ߕߌ߲߬ߞߎ߬ߘߎ߲߬ߙߋ߲߫ ߦߋߡߌߣߤߊߟ ߜߙߋߘߊ߲ ߠߋ߬ ߟߊ߫߸ ߞߎߓߋߘߊ ߕߟߋ߬ߓߋ ߘߐ߫. ߓߌ߬ߟߊ߬ߒߘߐ ߣߌ߲߬ ߞߍߣߍ߲߫ ߛߌ߬ߛߌ߬ߞߎߟߎ߲ ߥߟߌ߬ߣߍ߲߬ ߞߎߘߊ ߟߋ߬߸ ߞߵߊ߬ ߞߎߟߎ߲ߓߏ߲߫ (ߥߊߜ߭ߏ߲) ߞߋߟߋ߲߫ ߡߎ߰ߡߍ ߕߌߢߍ߫߸ ߡߐ߰ ߂߀߀ ߣߌ߫ ߞߐ߫ ߟߎ߫ ߟߋ߬ ߕߘߍ߬ ߊ߬ ߞߣߐ߫߸ ߕߎߙߑߞߌ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߘߊ߲߬ߕߍ߰ߟߌ߬ ߘߐ߫.
ߢߊ߬ߢߌ߬ߣߌ߲߬ߠߌ߲ ߘߏ߫ ߓߘߊ߫ ߓߌ߬ߟߊ߫ ߛߋ߲߬ߠߊ߫߸ ߞߵߊ߬ ߞߎ߲߬ ߖߐ߲߬ߖߐ߲߬ ߞߋߟߋ߲ ߟߐ߲߫. ߓߊ ߕߎߙߑߞߌ߫ ߓߘߴߊ߬ ߟߊ߫ ߣߍ߰ߛߌߟߊ ߢߊߞߎߘߦߊ߫ ߛߊ߲߬ ߦߙߌߞߊ߫ ߕߊ߬ߡߌ߲߬ߣߍ߲ ߢߌ߲߬ ߠߎ߬ ߞߘߐ߫߸ ߞߊ߬ ߛߌ߬ߛߌ߬ߞߎߟߎ߲ ߞߎ߲߬ߞߊߟߌ߲ ߦߙߌߞߊߖߊ߲ ߠߎ߬ ߓߌ߬ߟߊ߬ ߛߋ߲߬ߠߊ߫߸ ߞߊ߬ ߛߊ߲ߡߊߞߎߟߎ߲߫ ߞߏ ߟߎ߬ ߟߊߢߊ߬߸ ߊ߬ ߣߌ߫ ߖߌ߰ߖߊ߮ ߟߎ߬. ߞߏ߬ߣߵߏ߬ ߣߴߊ߬ ߕߊ߸ ߛߌ߬ߛߌ߬ߞߎߟߎ߲ ߠߊ߫ ߓߌ߬ߟߊ߬ߒߘߐ߬ ߛߌߦߊߡߊ߲߫ ߠߎ߫ ߟߋ߬ ߝߣߊ߫ ߓߘߊ߫ ߞߍ߫ ߕߎߙߑߞߌ߫ ߛߊ߲߬ ߘߊ߲ߘߊ߫ ߕߊ߬ߡߌ߲߬ߣߍ߲ ߣߌ߲߬ ߠߎ߬ ߞߘߐ߫. ߟߊߒߡߊ߫ ߘߐ߫߸ ߘߏ߫ ߞߍ߫ ߘߊ߫ ߞߊ߬ߙߌ߬ߝߐ ߕߊ߬ߡߌ߲߬ߣߍ߲ ߠߊ߫߸ ߞߊ߬ ߡߐ߰ ߂߄ ߕߏ߫ ߊ߬ ߘߐ߫. ߡߍ߲ ߝߊ߰ߟߌ ߥߙߊ߬ ߘߴߊ߬ ߓߍ߯ ߘߌ߫߸ ߏ߬ ߝߣߊ߫ ߞߍ߫ ߘߊ߫ ߞߊ߬ߙߌ߬ߝߐ ߟߋ߬ ߟߊ߫ ߂߀߀߄ ߠߊ߫߸ ߛߌ߬ߛߌ߬ߞߎߟߎ߲ ߠߋ߬ ߝߘߏ߬ ߘߊ߫ ߣߍ߰ߛߌߟߊ ߡߊ߬߸ ߞߊ߬ ߡߐ߰ ߄߁ ߝߊ߰ ߞߊ߬ ߆߀ ߖߐߞߌ߫, ߏ߬ ߞߍ߫ ߘߊ߫ ߛߞߊߙߌߦߊ߫ ߕߌ߲߬ߞߎߘߎ߲ ߠߋ߬ ߘߐ߫߸ ߞߊ߬ߝߏ ߞߐ߬ߘߎ߮-ߕߟߋ߬ߓߋ ߘߐ߫.
ߛߌ߬ߛߌ߬ߞߎߟߎ߲ ߏ߬ ߓߕߐ߫ ߕߘߍ߬ ߦߋ߫ ߓߎߟߑߜ߭ߊߙߌ߫ ߓߐߕߏ߲ ߝߊ߲߭ ߠߋ߬ ߝߍ߬߸ ߕߋߞߎߙߑߘߊߞ ߕߌ߲߬ߞߎߘߎ߲ ߘߐ߫ ߞߊߔߌߞߎߟ߸ ߏ߬ ߟߋ ߞߎߟߎ߲ߓߏ߲߫ ߆ ߝߘߏ߬ ߘߊ߫ ߣߍ߰ߛߌߟߊ ߡߊ߬.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ ߝߏߝߣߊ߫/ ߛߏ߬ߟߏ ߝߙߊ߬ߓߊ-ߘߐ߫