ߒߞߏ ߟߊ߫ ߜߊ߬ߙߊ ߓߘߊ߫ ߛߎ߬ߘߎ߲߬ߧߊ߫ ߣߌߦߐߙߑߞ ﴿ ߊߡߋߙߌߞߌ߬ ߞߊ߬ߝߏ߫ ߘߍ߬ߣߍ߲ ﴾ ߞߣߐ߫߸ ߣߌߦߐߙߑߞ ߜߊ߬ߙߊ ߢߌ߲߬ ߦߋ߫ ߞߍ߫ ߟߊ߫ ߛߊ߲߬-ߊ߲߯-ߛߊ߲߬ ߠߋ߬ ، ߞߵߊ߬ ߓߍ߲߬ ߒߞߏ ߟߊ߫
ߛߌ߲߬ߓߏ߲߬ߛߌ߬ ߞߊߙߏ ߝߣߊ߫ ߡߊ߬߸ ߏ߬ ߓߟߏߡߊ߬߸ ߞߵߊ߬ ߓߍ߲߬ ߜߊ߬ߙߊ ߓߟߏߘߐߓߍ߲ ߡߊ߬߸ ߞߙߊ߬ߡߐ߯ ߓߊ߰ߓߊ߫ ߖߊ߰ߣߍ߫ ߓߘߊ߫ ߛߊ߲߬ߡߊߞߎߟߎ߲ ߕߊ߬ ߓߌ߬ ߖߍߡߎߙߍ߲ ﴿ ߛߎߓߊ߮ ﴾ ߝߍ߬ ߋߖ߭ߌߔߕ، ߞߵߊ߬ ߞߎ߲߬ߛߌ߲߫ ߣߌߦߐߙߑߞ ߟߊ߫، ߛߴߊ߬ ߘߌ߫ ߕߍ߬ߘߍ߫ ߜߊ߬ߙߊ ߛߌ߬ߝߏ߲߬ߧߊ߬ߟߌ ߓߟߏߘߐߓߍ߲ ߠߎ߬ ߘߐ߫߸ ߓߊߏ߬، ߣߌߦߐߙߑߞ ߜߊ߬ߙߊ ߞߍߕߐ߫ ߞߏ߲ߞߏߘߌ߬ߓߌ ߕߟߋ߬ ߁߄ ߠߋ߬ ߡߊ߬ ߕߋߙߎ߫، ߏ߬ ߟߋ߬ ߘߏ߲߬ ߦߋ߫ ߒߞߏ ߦߋ߫ ߟߊ߫ ߟߏ߲ߓߊ ߘߌ߫ ߛߊ߲߭ ߞߘߐ߫. ߊ߲ ߧߋ߫ ߛߌ߬ߕߊߙߌ ߢߌ߲߬ ߣߐ߬ߣߐ ߞߊ߲߬ ߕߎ߬ߡߊ ߡߍ߲، ߏ߬ ߞߵߊ߬ ߕߘߍ߬ ߞߙߊ߬ߡߐ߯ ߓߊ߰ߓߊ߫ ߖߊ߰ߣߍ߫ ߦߋ߫ ߕߍ߲ߘߊ ߟߊ߫ ߖ߭ߐߙߑߘߊߣߌ߫ ߛߊ߲ߡߊߘߊ߲ ߠߊ߫߸ ߣߴߊ߬ߟߎ߬ ߥߟߌ߫ ߘߊ߫ ߦߋ߲߬ ߊ߬ߟߎ߬ ߦߋ߫ ߕߎ߬ߡߊ߬ߙߋ߲߬ ߁߁ ߠߋ߬ ߞߍ߫ ߟߊ߫ ߛߊ߲ ߡߊ߬߸ ߣߴߊ߬ߟߎ߬ ߘߌ߫ ߘߏ߲߬ ߣߌߦߐߙߑߞ. ߏ߬ ߓߟߏߡߊ߬، ߡߊ߬ߞߟߌ߬ߟߌ߬ ߛߓߍ ߘߏ߫ ߟߎ߫ ߓߘߊ߫ ߟߊߕߊ߯ ߡߊ߬ߘߋ߲߬ ߖߡߊߣߊ ߘߏ߫ ߟߎ߫ ߘߐ߫߸ ߦߏ߫: ߡߊ߬ߟߌ߬ߓߊ، ߜ߭ߊ߲ߓߌ߫، ߊ߬ ߣߌ߫ ߗߋ߬ߥߎ߬ߣߍ߲߬ߗߋߥߎ ߘߏ߫ ߟߎ߫، ߒߞߏ ߕߐ߲߫ ߖߊ߯ߓߡߊ ߣߌ߫ ߡߍ߲ ߠߎ߬ ߘߊ߬ߙߌ߬ߣߍ߲߫ ߓߊ߯ߙߊ߫ ߟߊ߫ ߒߞߏ ߟߥߊߟߌߟߊ߲ ߠߎ߬ ߓߊ߯ߙߊ ߘߐ߫߸ ߏ߬ ߟߎ߬ ߦߋ߫ ߊߡߋߙߌߞߌ߬ ߞߊ߬ߝߏ߬ ߜߘߍ߫ ߟߎ߫ ߟߋ߬ ߞߣߐ߫߸ ߏ߬ ߟߎ߬ ߝߣߊ߫ ߞߊ߫ ߞߊ߲߫ ߞߊ߬ ߕߘߍ߬ ߜߊ߬ߙߊ ߢߌ߲߬ ߘߐ߫. ߡߊ߬ߞߟߌ߬ߟߌ߬ ߛߓߍ ߟߊߕߊ߯ߣߍ߲߫ ߡߊ߬ߘߋ߲߬ ߖߡߊߣߊ ߡߍ߲ ߘߐ߫ ߝߟߐ߫، ߣߴߏ߬ ߖߡߊ߬ߣߊ ߟߎ߬ ߒߞߏ ߛߓߍߘߊ ߟߎ߬ ߓߊ߲߫ ߘߊ߫ ߢߐ߲߯ߦߋ ߟߊ߫߸ ߞߊ߬ ߡߐ߰ ߡߊ߬ߞߟߌߣߍ߲ ߠߎ߫ ߘߊ߲߬ߠߊߕߍ߰߸ ߊ߲ ߘߴߏ߬ ߟߎ߬ ߕߐ߮ ߟߎ߬ ߘߴߊߟߎ߫ ߡߊ߬. ߦߏ߫ ߊߟߎ߫ ߦߴߊ߬ ߞߊ߬ߟߊߡߊ߬ ߢߊ ߡߍ߲، ߜߊ߬ߊߙߊ߫ ߝߌ߬ߟߊ߬ߣߍ߲ ߠߋ߬ ߕߘߍ߬ ߦߋ߫ ߞߍ߫ ߟߊ߫ ߊߡߋߙߌߞߌ߬߸ ߘߏ ߦߋ߫ ߤߊߝ߭ߊߘ ߖߊ߯ߓߘߊ ߟߊ߫ ߝߘߊ߬ߝߌ߲߬ߞߊ߲ ߠߎ߬ ߟߊ߫ ߜߊ߬ߙߊ ߘߌ߫߸ ߘߏ ߦߋ߫ ߒߞߏ ߟߊ߫ ߜߊ߬ߙߊ ߘߌ߫ ߣߌߦߐߙߑߞ߸ ߞߐ߬ߣߵߊ߬ ߓߘߊ߫ ߛߊ߲߬ ߘߊ߲ߘߐ߫ ߓߐ߫ ߛߌߛߍ߲߬، ߤߊߝ߭ߊߘ ߖߊ߯ߓߘߊ ߕߊ ߏ߬ ߦߋ߫ ߝߌߙߌ߲ߝߌߙߌ߲߫ ߠߊ߫ ߝߘߊ߬ߝߌ߲߬ ߖߡߊߣߊ ߘߏ߫ ߟߎ߫ ߣߌ߫ ߢߐ߲߯ ߕߍ߫߸ ߏ߬ ߟߋ߬ ߘߏ߫ ߞߍ߫ ߘߊ߫ ߞߏ߬ߝߌ߫ ߊߣߊߣ ߂߀߁߇ ߟߊ ߖߌ߬ߣߍ߫، ߞߊ߬ ߂߀߁߈ ߕߊ ߞߍ߫ ߞߋߣߌߦߊ߫߸ ߊ߲ ߡߴߊ߬ ߟߐ߲߫ ߡߎߣߎ߲߬ ߤߊ߯ߝ߭ߊߘ ߖߊ߯ߓߘߊ ߦߴߊ߬ ߟߊ߫ ߢߌ߬ߣߊ߲߬ ߜߊ߬ߙߊ ߞߍ߫ ߟߊ߫ ߖߡߊ߬ߣߊ ߡߍ߲ ߘߐ߫.
ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫ ߓߟߏ߫