ߒߞߏ ߝߘߏ߬ߓߊ߬ ߞߙߏߝߏ ߖߌ߲߬߬ߓߊ߲ ߞߘߐ߫ ߸ ߒߞߏ ߝߘߏ߬ߓߊ߬ ߘߎ߲ߓߎ ߓߘߊ߫ ߓߊ߲߫ ߖߌ߬ߣߍ߲߬ߞߊ߲ߓߍ߲ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߘߟߊߡߌ߬ߘߊ߬ ߟߊ߫ ߞߵߊ߬ ߓߌ߬ߟߊ߬ ߒߞߏߡߐ߮ ߟߎ߫
ߛߊ߬ߥߏ ߘߐ߫. ߏ߬ ߓߟߏߡߊ߬ ߸ ߂߀߁߉ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߸ ߒߞߏ ߝߘߏ߬ߓߊ߬ ߘߎ߲ߓߎ ߞߵߊ߬ ߟߊ߫
ߘߋ߬ߙߌ߬ߒ߬ߠߊ߬ ߟߊߘߍ ߞߍ߫ ߞߐߣߊߞߙߌ߫ ߦߌ߲ߓߦߊ߫ ߕߊ߬ߣߍ߯ߣߍ߬ ߸ ߁߆ߙߋ߲ ߣߌ߫ ߁߈ߙߋ߲ ߕߍߟߊ ߘߐ߫ ߸
ߞߊ߬ ߖߌ߬ߣߍ߬ ߞߊ߲ߓߍ߲ ߛߌ߰ߞߊ߲߬ ߞߎߘߊ ߘߟߊߡߌߘߊߟߌ ߟߤߊ߬ߕߍ߬ߦߊ߬ߟߌ߬ ߟߊ߬ߓߊ߲ ߞߍ߫ ߸ ߊ߬
ߣߌ߫ ߞߊ߬ ߞߏ߲߬ߓߏ߫ ߣߝߊ߬ߖߌ߫ ߛߏ߬ߙߌ߬ ߞߐ߲ߘߍ߫ ߞߙߍߞߙߍ߫ ߊ߬ ߓߊߖߙߌ ߟߊߖߍ߲ߛߍ߲ ߠߊ߫
ߢߊ߫ ߢߊߟߐ߲ߣߍ߲߫ ߡߊ߬. ߊ߬ ߘߐߢߌߡߌ߲ ߞߐ߫ ߞߵߊ߬ ߦߋ߫ ߞߏ߫ ߞߊ߲ߓߍ߲ ߞߊ߲ߕߌ߮ ߣߊ߬ ߛߌ߰ߞߊ߲ ߣߌ߲߬ ߓߌ߬ߟߊ߬ ߟߊ߫
ߓߍ߯ ߛߊ߬ߥߏ ߘߐ߫ ߟߋ߬ ߖߐ߲߰ߛߊ߫ ߘߎ߲߰ߘߋ߲ ߓߍ߯ ߘߴߊ߬ ߘߐߖߎ߯ߓߍ߫ ߞߵߊ߬ ߞߌ߬ߛߍ߬ߡߊ߬ߦߊ
ߣߴߊ߬ ߕߊ߲ߓߏ߲߫ ߦߙߐ ߟߎ߬ ߟߊߞߙߐ߬ߛߌ߫ ߞߣߊ߬ߕߏ߫ ߡߙߌߘߐ߫ ߕߊ߬ ߟߊ߫ ߞߊ߲ߘߟߌ ߟߏ߲ ߢߍ߫ ߸
ߛߌ߲߬ߝߏ߲߬ߧߊ߬ߟߌ߬ ߘߍ߲ߓߊߟߌ߫ ߞߎ߲߬ߠߊ߬ߛߌ߰ߟߊ ߟߎ߫ ߘߏ߲߬ ߕߊ߫ ߞߍߕߊ ߘߏ߫ ߟߋ߬
ߞߎ߲߬ߠߊ߬ߛߌ߮ ߟߊ߫ ߝߘߏ߬ߓߊ߬ ߛߙߊߣߎ߲ ߠߎ߬ ߟߊߛߋ ߘߌ߫ ߡߌ߬ߙߌ߲߬ߘߌ ߡߊ߬ ߸ ߒ߬ߠߎ߬ ߝߣߊ߫
ߞߵߏ߬ ߟߋ ߦߋ߫ ߞߵߊ߬ ߘߟߊߡߌ߬ߘߊ߫ ߝߘߊ߬ߝߌ߲߬ߠߊ߫ ߛߓߍߛߎ߲߫ ߞߊ߲ߡߊߛߙߋߡߊ ߘߐ߫
ߣߊ߬ߟߌ߬ߡߎ߲߫ ߒߞߏ ߘߌ߫،ߊ߬ ߘߊ߲ߞߎ߲ ߘߐ߫ ߞߏ߫ ߞߙߏ߬ߝߏ ߕߊ߫ ߞߍߕߊ ߘߏ߫ ߟߋ߬ ߒߞߏ ߘߌ߲߬ߞߏ ߟߎ߬ ߟߊߞߍ ߘߌ߫
ߡߊ߲߬ߘߋ߲߫ ߖߡߊ߬ߣߊ ߟߎ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߢߍߥߟߊ ߟߎ߫ ߞߊ߬ߟߊߡߊ߬ ߸ ߊ߬ ߜߋ߲ߜߋ߲߫
ߢߍߥߟߊ ߡߍ߲ ߠߎ߫ ߟߐ߬ߣߍ߲߫ ߡߙߌߘߐ߫ ߓߟߋߓߟߋ ߟߎ߬ ߟߊ߫ ߞߏ ߡߊ߬ ߡߌ߬ߙߌ߲߬ߘߌ ߟߊߛߌ߲ ߣߌ߫
ߓߐ߲ߛߐ߲ ߠߎ߬ ߢߍߛߌߞߏ ߘߐ߫.
ߒ߬ ߧߋ߫ ߓߍ߯ ߡߊߞߟߌ߫ ߟߊ߫ ߛߌ߰ߞߊ߲߬ ߞߎߘߊ ߣߌ߲߬ ߘߐߞߊ߬ߙߊ߲ ߡߊ߬ ߸ ߡߍ߲
ߠߊߖߍ߲ߛߍ߲ߣߍ߲߫ ߞߊ߲ߝߌߟߦߊ߫ ߝߊߘߌ ߘߐ߫ ߸ ߖߐ߲߰ߛߊ߫ ߓߍ߯ ߘߴߊ߬ ߘߐߞߊ߬ߙߊ߲߬ ߞߣߊ߬ߕߏ߫ ߖߘߍ߬ߞߊ߬ߣߌ߲߬
ߤߊߞߟߌߣߊ߲ ߛߐ߬ߘߐ߲߬ ߠߊ߫ ߸ ߡߍ߲ ߘߴߊ߬ ߟߐ߬ ߊ߬ ߢߣߊߕߊ߬ ߟߊ߫ (ߒ߬ߤߎ߲߫) ߥߟߊ߫ (ߒߕߍ߫) ߟߊ߫ ߞߊ߲ߘߟߌ ߛߋ߲߭ߝߍ߬. ߝߘߏ߬ߓߊ߬ ߞߙߏߝߏ ߣߴߊ߬ ߛߌ߲߬ߝߏ߲߬ߘߊ ߟߎ߫ ߞߏ߬ߣߌ߲ ߥߋ߬ߣߌ߲߬ߞߋ ߦߋ߫ ߒߞߏ߫ ߞߊߙߊ߲ߠߊ ߠߎ߬ ߟߊ߫ ߞߎ߲߬ߠߊ߬ߝߏ߬ߣߌ߲ ߤߊߞߍ ߡߞߊߘߊ߲ ߠߋ߬ ߘߌ߫ ߟߌ߬ߤߟߊ ߓߍ߯ ߘߐ߫. ߏ߬ ߞߏߛߐ߲߬ ߸ ߊߟߎ߫ ߓߍߣߊ߬ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߡߊߛߐ߬ߘߐ߲߬ ߒߞߏ ߞߍߦߙߐ߫ ߡߊߟߐ߲ߣߍ߲ ߘߏ߫ ߟߎ߫ ߟߊ߫.
ߒߞߏ ߝߘߏ߬ߓߊ߬ ߘߎ߲ߓߎ ߝߘߏ߬ߓߊ߬ ߞߟߊ߬ߕߌ߮
ߡߎߛߊ߫ ߓߊߟߊ߲ߘߎ߯ ߖߊߟߏ߫.
ߛߏ߬ߟߏ ߝߙߊ߬ߓߊ-ߘߐ߫