ߦߏ߫ ߊߟߎ߫ ߦߴߊ߬ ߞߊ߬ߟߊߡߊ߬ ߢߊ ߡߍ߲، ߞߎߣߊ߬ߛߌߣߌ߲߫ ߞߐ߬ߟߏ߲߫ ߡߊ߬، ߓߌ߲ߠߊߥߎߟߋ߲ ߕߋ߬ߟߋ߫ ߂߅/ ߂߀߂߀، ߞߊ߬ߙߊ߲߬ߝߊ߫ ߡߏߙߌ߫ ߞߡߊ߬ߙߊ߫ ߖߐ߲߬ߡߊ߬ߛߌߣߌ߲ߟߐ߲߫ ߠߊ߫ ߞߊ߬ߝߊ߫ ߗߡߍ߬ߣߊ߲ ߞߎ߲߬ߠߊ߬ߓߐ ߕߘߌ߬ ߦߴߌ ߘߐ߫ ߞߊ߲ߞߊ߲߫ ߖߊ߯ߓߘߊ ߖ߭ߎ߳ߟߌߛ ߢߙߋߢߙߋ߫ ߝߏ߯ߓߊ ߞߣߐ߫߸ ߏ߬ ߡߍ߲ ߞߍߣߍ߲߫ ߞߊ߲ߞߊ߲߫ ” ߘߏ߲߬ߖߟߎ߬ߡߊ߬ߘߊ ߛߍ߲ߓߊ ” ߛߌ߲߬ߝߏ߲߬ߧߊ߬ߟߌ ߞߣߐߡߊ߬، ߊߟߎ߫ ߦߋ߫ ” ߛߍ߲ߓߊ߫ ߘߏ߲߬ߖߟߎ߬ߡߊ߬ߘߊ ” ߞߊ߲ߕߌ߮ ߓߊߛߓߊ߬ߕߌ߫ ߟߊ߫ ߟߊ߬ߛߣߍ߬ߟߌ߬ ߓߋߟߋ߲ߠߊ ߞߊ߬ߙߊ߲߬ ߦߊ߲߬:
ߊ߲ ߧߋ߫ ߞߎߡߊ ߕߊ߬ ߟߴߊ߲ ߠߊ߫ ߡߐ߰ߓߊ߬ ߛߊߣߌ߲ ߢߌ߲߬ ߠߎ߬ ߛߘߊ߫ ߘߐ߫߸ :ߛߟߊߕߌ߮ ߞߊ߲ߞߊ߲߫ ߕߌ߲߬ߞߎߘߎ߲ ߟߊ߬ߞߟߏ߬ߞߟߏ߬ߟߌ ߜߋ߬ߟߎ߲߬ߓߊ߮ . (I.R.E)ߛߟߊߕߌ߮ ߞߊ߲ߞߊ߲߫ ߡߙߊ߬ߓߊ߰ߘߊ ߟߊ߬ߞߟߏ߬ߞߟߏ߬ߟߌ ߜߋ߬ߟߎ߲߬ߓߊ߮. (D.P.E)
ߛߟߊߕߌ߮ ߞߟߌߣߍ߲߫ ߞߙߍߞߙߍߣߍ߲ ߠߎ߬ ߣߌ߬ ߕߘߍ߬ߒ߬ߘߐ߬ߓߊ߮ ߟߎ߬. ߛߟߊߕߌ߮ ߖߊ߲߬ߖߏ߲ ߝߊ߬ߓߘߍ߸ ߓߐ߬ߟߐ߲߬ߞߊ߫ ߖߊ߲߬ߖߏ߲ ߣߌ߲߬ ߣߊ߬ߓߘߍ، ߒߞߏ ߡߐ߰ߓߊ߬ ߛߊߣߌ߲ ߠߎ߬߸ ߛߏ߫ ߛߌ߯ߓߊ߮ ߟߎ߬ ߣߌ߫ ߕߎ߲ߞߊ߲߫ ߠߊ߫ ߡߐ߮ ߟߎ߬߸ ߊߟߎ߫ ߣߌ߫ ߛߣߍ߫.
ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߞߊ߲߫ ߞߏ߫ ߊߟߎ߫ ߣߌ߫ ߛߣߍ߫߸
ߊߟߎ߫ ߦߋ߫ ߕߏߟߌ߫ ߘߐ߫، ߊߟߎ߫ ߦߴߊ߬ ߟߐ߲߫߸ ߞߏ߫ ߊ߲ ߧߋ߫ ߡߐ߰ ߁ ߠߊ߫ ߛߊ߲߬ ߄ ߓߊ߯ߙߊ ߟߋ߬ ߞߎ߲߬ߠߊ߫ ߕߋ߲߬، ߣߴߏ߬ ߦߋ߫ ߞߊ߬ߝߊ߫ ߗߍ߬ߡߍ߫ ߣߐ߬ߣߐ ߘߌ߫ ߡߊ߲߬ߘߋ߲߬ ߡߌߙߌ߲ߘߌ ߣߌ߫ ߟߐ߲ߠߌ߲ߟߊ߲ߘߌ ߟߎ߬ ߦߋ߫ ߛߊ߲߬ ߄ ߘߐߙߐ߲߫ ߞߘߐ߫، ߡߊ߲߬ߘߋ߲߫ ߗߍ߬ߓߊ߬ ߞߋߟߋ߲ ߣߌ߫ ߘߎߢߊ߫ ߘߐ߬ߝߐ ߞߟߊ߬ߘߏ߲ߛߏ߫ ߗߍ߬ߓߊ߬ ߞߋߟߋ߲ ߏ߬ ߟߋ ߕߐ߯ ߞߏ߫ ߞߊ߬ߙߊ߲߬ߝߊ߬ ߡߏߙߌ߫ ߞߊ߬ߡߙߊ߫ ߖߐ߲߬ߡߊߛߌߣߌ߲ߟߐ߲߫، ߡߍ߲ ߡߏߦߌ߫ ߘߊ߫ ߈߲/߈/߁߉߈߈، ߏ߬ ߛߊ߲߬ ߃߁ ߣߌ߫ ߞߊߙߏ߫ ߅ ߣߌ߫ ߞߎ߲߬ߢߐ߲߯ ߂ ߣߌ߫ ߕߋ߬ߟߋ߫ ߃ ߟߋ߬ ߓߌ߬ ߘߌ߫، ߏ߬ ߓߘߴߊ߬ ߦߌ߬ߘߊ߬ ߞߏ߫ ߖߐ߲߬ߡߊߛߌߣߌ߲ߟߐ߲߫ ߞߊߙߏ߫ ߃߇߆ ߟߋ߬ ߣߌ߲߬߸ ߊ߬ ߣߌ߫ ߕߟߋ߬ ߥߊ߯ ߕߊ߲ ߣߌ߫ ߞߋߟߋ߲߫ ߗߍ߬ߡߍ߫ ߛߓߊ߬ ߣߌ߫ ߕߊ߲ ߣߌ߫ ߟߏ߯ߟߎ߫ (߁߁߃߁߅)، ߊ߬ ߘߏ߲߬ ߣߐ߬ ߞߊ߬ߝߊ߫ ߗߍ߬ߡߍ ߡߍ߲ ߛߓߍ߫ ߟߊ߫ ߛߊ߲߬ ߄ ߞߘߐ߫ ߣߌ߲߬߸ ߏ߬ ߞߙߎߞߍ߬ߙߍ ߦߋ߫ ߓߍ߲߬ ߠߊ߫ ߞߐߜߍ߫ ߇߀߇߃ ߟߋ߬ ߡߊ߬߸ ߊ߬ ߛߌ߬ߕߊ߬ߙߌ ߟߎ߬ ߦߙߌߞߊ ߦߋ߫ ߓߍ߲߬ ߠߊ߫ ߛߌ߬ߕߊ߬ߙߌ߬ ߁߉ ߈߀߄߄ ߠߋ߬ ߡߊ߬.
ߏ߬ ߘߐ߫߸
ߞߊ߬ߙߊ߲߬ߝߊ߬ ߡߏߙߌ߫ ߞߊ߬ߡߙߊ߫ ߖߐ߲߬ߡߊߛߌߣߌ߲ߟߐ߲߫ ߓߘߊ߫ ߢߍߓߊ߯ߦߊ ߘߊ߬ߘߌ߫ ߡߊ߲߬ߘߋ߲߬ ߣߌ߫ ߘߎߢߊ߫ ߞߣߐ߫، ߌ ߕߴߏ߬ ߟߐ߲߫ ߕߎ߬ߢߊ߬ ߘߌ߫߸ ߝߏ߫ ߣߴߌ ߞߵߊ߬ ߟߊ߫ ߛߊ߲߬ ߄ ߓߊ߯ߊߙߊ ߣߌ߲߬ ߠߴߊ߬ ߛߐ߬ߘߐ߲߬ ߛߌ ߛߎߡߊ߲߫ ߢߐ߲߮ ߡߊ߬، ߓߊ߸ ߣߴߌ ߞߊ߬ ߗߍ߬ߡߍ ߘߐߕߟߊ߫ ߛߊ߲߬ ߄ ߕߍ߫߸ ߏ߬ ߦߋ߫ ߞߊ߬ߝߊ߫ ߂߅ ߟߋ߬ ߘߌ߫ ߛߊ߲߬ ߺ ߊ ߺ ߛߊ߲߬، ߛߊ߲߬ ߄ ߘߏ߲߬ ߦߋ߫ ߞߊߙߏ߫ ߄߈ ߠߋ߬ ߘߌ߫߸ ߏ߬ ߦߋ߫ ߞߊߙߏ ߺ ߞߊߙߏ߫ ߞߊ߬ߝߊ߫ ߂ ߟߋ߬ ߘߌ߫ ߞߊ߬ߝߊ߫ ߁߀߀ ߘߐ߫، ߞߊߙߏ߫ ߄߈ ߝߣߊ߫ ߦߋ߫ ߓߍ߲߬ ߠߊ߫ ߕߟߋ߬ ߁ ߄߆߀ ߟߋ߬ ߡߊ߬.
ߊ߬ ߟߊ߫ ߞߝߊ߬ ߁߀߀ ߣߐ߬ߣߐ߬ߣߍ ߞߐߜߍ߫ ߇߀߇߃ ߓߊ߯ ߘߐߕߟߊ߫ ߕߟߋ߬ ߁ ߄߆߀ ߕߍ߫߸ ߏ߬ ߦߋ߫ ߓߍ߲߬ ߠߊ߫ ߞߐߜߍ߫ ߅ ߟߋ߬ ߡߊ߬ ߕߋ߬ߟߋ ߺ ߕߟߋ߬، ߏ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߕߟߋ߬ ߁ ߔߋ߫ ߘߐߖߊߛߌ߫.
ߣߴߌ ߘߏ߲߬ ߞߊ߬ ߖߐ߲߬ߡߊߛߌߣߌ߲ߟߐ߲߫ ߛߐ߬ߘߐ߲߬ ߟߏ߲ ߣߌ߫ ߓߌ߬ ߕߍ ߡߊߝߟߍ߫߸ ߏ߬ ߦߋ߫ ߓߍ߲߬ ߠߊ߫ ߕߟߋ߬ ߁߁ ߅߇߅ ߟߋ߬ ߡߊ߬، ߡߐ߰ ߓߊ߯ ߞߊ߬ߝߊ߫ ߁߀߀ ߛߌ߬ߕߊ߬ߙߌ߬ ߁߉߈ ߀߄߄ ߕߟߊ߫ ߏ߬ ߕߍ߫߸ ߌ ߘߴߊ߬ ߦߋ߫ ߌߞߘߐ߫߸ ߞߵߊ߬ ߕߊ߬ ߊ߬ ߛߐ߬ߘߐ߲߬ ߟߏ߲ ߡߊ߬߸ ߞߵߊ߬ ߛߌ߰ ߓߌ߬ ߟߊ߫߸ ߊ߬ ߛߋ߫ ߘߊ߫ ߛߌ߬ߕߊ߬ߙߌ߬ ߁߇،߀߅ ߟߋ߬ ߛߓߍ߫ ߟߊ߫ ߟߏ߲ ߺ ߏ ߺ ߟߏ߲߫، ߏ߬ ߡߊ߬߸ ߞߊ߬ߙߊ߲߬ߝߊ߬ ߡߏߙߌ߫ ߞߊ߬ߡߙߊ߫ ߖߐ߲߬ߡߊߛߌߣߌ߲ߟߐ߲߫ ߓߘߊ߫ ߕߘߍ߬ ߞߏߓߊ߫ ߞߍߟߊ ߟߎ߬ ߛߙߍߘߍ ߘߐ߫߸ ߞߏߓߊߞߍߟߊ ߘߏ߫ ߟߊ߫ ߞߏߓߊ ߟߊߥߙߎߞߌߕߐ ߝߍ߬߸ ߣߴߏ߬ ߦߋ߫ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߘߌ߫ (ߊ.ߘ.)، ߊ߬ ߘߏ߲߬ ߟߐ߲ߣߍ߲߫ ߒ߬ ߓߍ߯ ߓߟߏ߫ ߞߊ߬ߦߌ߯ ߟߐ߲ߠߌ߲ ߥߛߎ߬ ߖߏߣߊ ߟߊ߫߸ ߞߏ߫ ߞߊ߲ ߘߐ߬ߛߙߋ ߟߊ߫ ߛߌߦߊߦߊ ߟߋ߬ ߞߊ߲ ߠߊ߫ ߣߌߡߦߊ ߣߴߊ߬ ߟߊ߫ ߝߌ߬ߛߡߊ߬ߒ߬ߕߋ߬ߦߊ ߕߐ߰ߡߊ߬ߛߙߋ ߘߌ߫.
ߡߊ߲߬ߘߋ߲߬ ߓߘߊ߫ ߞߎ߲߬ߠߊ߬ߦߋߙߋ߲ ߛߐ߬ߘߐ߲߬ ߘߎߢߊ߫ ߞߣߐ߫ ߓߌ߬ ߞߏߛߓߍ߫، ߓߊߏ߬߸ ߝߎߣߎ߲ߞߋ߫ ߁߁ ߡߍ߲ ߠߎ߬ ߟߊߞߏߟߐ߲ߣߍ߲߫ ߞߏ߲߬ߓߏ߬ߦߊ ߖߐ߲ߓߐ߲ ߘߐ߫߸ ߞߊ߬ ߞߏ߲߬ߓߏ߬ߦߊ߫ ߞߵߊ߬ ߛߐ߬ߘߐ߲߬ ߊ߬ߟߎ߫ ߛߐ߬ߘߐ߲߬ ߛߌ ߡߊ߫ ߛߊ߲߬ ߃߀ ߓߐ߫߸ ߖߐ߲߬ߡߊߛߌߣߌ߲ߟߐ߲߫ ߠߋ߬ ߏ߬ ߟߎ߬ ߁߁߲ ߣߴߊ߬ߟߎ߬ ߟߊߓߊ߲ ߘߌ߫ ߘߎߢߊ߫ ߕߋ߬ߟߋ ߣߌ߲߬ ߘߐ߫ ߕߋ߲߬، ߊ߬ߟߋ ߟߋ߬ ߘߎߢߊ߫ ߘߐ߬ߝߐ ߗߍ߬ߓߊ߬ ߞߋߟߋ߲ ߘߌ߫ ߓߌ߬߸ ߡߍ߲ ߢߐ߲߰ ߡߊ߫ ߛߐ߬ߘߐ߬ ߞߝߊ߬ ߣߐߣߐ ߘߐ߫ ߡߎߣߎ߲߬، ߏ߬ ߟߵߊ߬ ߦߌ߬ߘߊ߬ ߟߊ߫߸ ߞߏ߫ ߞߏߓߊ ߓߍ߯ ߟߊ߫ ߞߏߓߦߊ ߦߋ߫ ߕߏ߫ ߟߴߊ߬ ߡߊ߬߸ ߖߘߍ߬ߡߊ߬ߜߊ ߟߋ߬ ߛߊߓߎ߫ ߟߊ߫، ߏ߬ ߞߘߐ ߟߋ߬߸ ߞߏ߫ ߒ߬ ߝߣߊ߫ ߣߌ߫ ߟߊ߬ߖߊ߲߬ߞߏ߬ߟߌ ߟߋ߬ ߦߊ߫ ߞߊ߲߫ ߣߌ߲߬ ߘߐ߫߸ ߡߍ߲ ߘߌ߫ ߘߎߢߊ߫ ߟߊߝߏ߬.
ߊ߲ ߓߊߘߋ߲ ߠߎ߬߸ ߒ߬ߓߊ߬ ߣߴߌ ߞߵߊ߬ ߦߋ߫ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߞߵߊߟߎ߫ ߡߊߞߟߌ߫ ߓߌ߬߸ ߊ߬ ߞߎ߲߭ ߠߋ߬ ߣߌ߲߬، ߖߐ߲߰ߛߴߊߟߎ߫ ߖߍ߬ߘߍ ߞߏߟߊ ߦߋ߫ ߣߊ߬ ߛߙߋߦߊ߫ ߓߊ߯ߙߊ߫ ߞߟߊ߬ߥߟߎ ߣߌ߲߬ ߡߊ߬߸ ߞߵߊ߬ ߟߐ߲߫ ߞߏ߫ ߖߊ߰ ߒߞߏ ߡߊߞߎ߲߬ߣߍ߲߬ ߟߐ߲ߠߌ߲߫ ߘߍ߬ߜߍ ߟߋ߬ ߞߊ߲߬، ߞߵߊ߬ ߦߌ߬ߘߴߊߟߎ߫ ߟߊ߫ ߝߣߊ߫߸ ߞߏ߫ ߒߞߏ ߓߟߏߡߟߊ ߦߋ߫ ߓߊ߯ߙߊ ߟߋ߬ ߘߌ߫߸ ߍ߲߬ߺߍ߲߫ ߞߎߡߊ߫ ߓߙߎߕߎߕߎ߫ ߕߍ߫ ߘߋ߬، ߏ߬ ߞߏߛߐ߲߬߸ ߊߟߎ߫ ߘߌߣߊ߬ ߖߌ߲ߞߌ߲߫ ߞߟߊ߬ߘߏ߲ߛߏ ߣߌ߲߬ ߖߍ߬ߘߍ ߞߙߊ߫ ߘߐ߫ ߞߊ߲ ߠߎ߫ ߡߊ߬ ߛߌߛߍ߲߬߸ ߊ߬ ߟߊ߫ ߓߊ߯ߙߊ ߕߎ߬ߜߍ߬ߕߎ߬ߜߍ߬ߢߊ ߘߐ߫߸ ߊ߬ ߣߴߊߟߎ߫ ߘߌߣߊ߬ ߘߎߢߊ߫ ߛߓߍߦߊߟߌ ߘߐ߬ߝߐ ߟߎ߬ ߟߊߡߍ߲߫ ߊ߬ ߞߙߊ߫ ߘߐ߫ ߝߣߊ߫߸ ߊ߲ߠߎ߬ ߘߊ ߡߊ߫ ߛߋ߫ ߛߋ߫ ߟߊ߫ ߡߍ߲ ߠߎ߬ ߡߊ߬ ߦߊ߲߬.
ߏ߬ ߘߐ߫ ߓߊߘߋ߲ ߠߎ߬߸ ߡߊ߬ߞߟߐ߬ ߛߣߍߣߍ߲ ߠߎ߬߸ ߞߟߌߣߍ߲߫ ߞߙߍߞߙߍߣߍ߲ ߠߎ߬߸ ߊߟߎ߫ ߣߌ߫ ߖߐ߫߸ ߊߟߎ߫ ߣߌ߫ ߗߋ߫ ߣߊ߬ߟߌ ߟߊ߫߸ ߓߊߏ߬ ߞߟߌߟߌ ߗߋ߫߸ ߊ߬ ߟߊߡߌ߬ߘߊ ߗߋ߫، ߌ ߘߏ߲߬ ߓߴߌ ߓߊߘߋ߲ ߞߟߌ߫ ߣߴߌ ߡߴߊ߬ ߘߴߊ߬ ߡߊ߬߸ ߝߏ߫ ߌ ߦߴߊ߬ ߝߐ߫ ߊ߬ ߢߍ߫ ߟߋ߬، ߏ߬ ߡߊ߬߸ ߊ߲ ߣߐ߬ ߊߟߎ߫ ߞߟߌ߫ ߟߊ߫ ߡߍ߲ ߡߊ߬ ߓߌ߬߸ ߏ߬ ߟߋ ߣߌ߲߬.
ߣߴߊ߲ ߛߋ߫ ߘߊ߫ ߘߌ߲߬ߞߌߙߊ ߢߌ߲߬ ߘߐ߫߸ ߊ߲ ߧߋ߫ ߡߊ߲߬ߘߋ߲߬ ߞߎߡߊ߫ ߘߏ߲ߛߏ ߟߎ߬ ߟߊ߫ ߞߎߡߊ ߢߐ߲߰ ߠߋ߬ ߝߐ߫ ߟߊ߫߸ ߞߏ߫ ߞߎߡߊ߫ ߦߊ߫ ߘߌ߫߸ ߕߐ߬ ߕߏ߫ ߒ ߞߣߐ߫ ߝߣߊ߫ ߦߊ߫ ߝߌ߬ߛߊ߬، ߏ߬ ߘߐ߫߸ ߊ߲ ߘߌ߫ ߞߎߡߊ ߟߊߘߎ߲߫ ߦߊ߲߬߸ ߊ߲ ߠߊ߫ ߞߎߟߎ߲ߖߋߟߌ ߦߋ߫ ߣߊ߬ߓߊ߮ ߓߍ߯ ߦߋ߫߸ ߊߟߎ߫ ߦߋ߫ ߕߏߟߌ߫ ߘߐ߫.
ߖߐ ߦߴߊߟߎ߫ ߡߊ߬.
ߛߍ߲ߓߊ߫ ߘߏ߲߬ߖߟߎ߬ߡߊ߬ߟߌ߬ߟߊ
ߓߊߛߓߊ߬ߕߌ߫ ߛߘߌ߬ߓߋ߬ ߓߟߏ߫
ߞߊ߲ߞߊ߲߫ ߂߀߂߀ ߓߌ߲ߠߊߥߎߟߋ߲ ߕߋ߬ߟߋ߫ ߂߅
ߛߏ߬ߟߏ ߝߙߊ߬ߓߊ-ߘߐ߫
Bonjour en ce jour béni du vendredi, le plaisir est pour moi de laisser une bonne trace ici comme commentaire pour manifester mon intérêt à la lecture l’écriture et la méthode d’apprentissage nko.
ߌ ߣߌ߫ ߗߋ߫ ߓߊߘߋ߲߫ ߓߘߍ߫، ߦߊ߲߬ ߞߊ߲߬ߞߎߡߊ ߟߎ߬ ߢߌߣߌ߲ߣߍ߲߫ ߝߊ߬ߛߏ߬ߞߊ߲ ߠߎ߬ ߛߓߍߟߌ ߟߋ߬ ߡߊ߬، ߏ߬ ߓߊ߯ߞߍ߫، ߌ ߘߌ߫ ߖߋ߬ߓߌ߬ ߌߞߘߐ߫، ߌ ߣߌ߫ ߝߊ߬ߡߎ߲߬ߦߊ߬ߟߌ ߟߊ߫