ߞߙߎߞߊߕߌ߮ ߘߏ߫ ߓߘߴߊ߬ ߞߣߊߓߐ߫ ߖߌ߬ߣߍ߫ ߞߎ߬ߙߎ߲߬ߘߎ ߡߊߦߟߍ߬ߡߊ߲߬ߞߏ ߞߊ߲߬߸ ߓߊߏ߬، ߞߏ߫ ߝߊ߬ߙߊ߲߬ߛߌ߫ ߣߌ߫ ߝߘߊ߬ߝߌ߲߬ߠߊ߫ ߟߊ߫ ߜߊ߬ߙߊ ߁߆߲ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߔߊ߬ߙߌ߫ ߁߉߉߀ ߟߊ߫߸ ߣߌ߫ ߕߎ߬ߡߊ ߏ߬ ߞߍ߫ ߘߊ߫ ߓߍ߯ߦߊ ߟߊߘߏ߲߬ ߕߎߡߊ ߘߌ߫ ߝߘߊ߬ߝߌ߲߬ߠߊ߫ ߜߙߋ ߞߊ߲߬߸ ߞߏ߫ ߝߊ߬ߙߊ߲߬ߛߌ߫ ߞߵߊ߬ ߟߊ߫ ߓߍ߯ߦߊ ߢߍߥߟߊ ߟߋ߬ ߘߌߦߊߜߏߦߊ߫ ߝߘߊ߬ߝߌ߲߬ߠߊ߫ ߞߎ߲߬ ߕߎ߬ߡߊ ߏ߬ ߟߊ߫ ߜߡߊ߫߸ ߞߴߏ߬ ߓߟߏߡߊ߬، ߝߊ߬ߙߊ߲߬ߛߌ߫ ߟߊ߫ ߓߍ߯ߦߊ ߏ߬ ߣߌ߫ ߝߘߊ߬ߝߌ߲߬ߠߊ߫ ߟߌ߬ߤߟߊ ߕߍ߫ ߓߍ߲߬ ߠߊ߫ ߢߐ߲߮ ߡߊ߬. ߞߙߎߞߊ ߣߌ߲߬ ߕߐ߯ ߞߏ߫: ߝ.ߥ.ߞ. ﴿ ߝߘߊ߬ߝߌ߲߬ߠߊ߫ ߥߎ߬ߦߊ߲߬ߞߌ߬ߟߌ ߞߙߎߞߊ ﴾ ߊ߬ ߞߊ߲ߕߌ߮ ߕߐ߯ ߞߏ߫ ߌߛߑߡߊߌߟ ߞߐ߲ߘߍ߫߸ ߌߛߑߡߊߌߟ ߞߐ߲ߘߍ߫ ߞߵߊ߬ ߦߌ߬ߘߴߏ߬ ߟߋ߬ ߘߐ߫߸ ߞߴߊ߬ߟߋ߬ ߟߊ߫ ߞߙߎߞߊ ߟߊ߫ ߦߋߗߏ߮ ߣߴߊ߬ ߘߍ߰ߢߐ߰ ߞߙߎߞߊ ߕߐ߭ ߟߎ߬ ߟߊ߫ ߦߋߗߏ߮ ߕߍ߫ ߞߋߟߋ߲߫ ߘߌ߫ ߓߘߍ߬ߓߘߍ߬ߟߌ ߘߊߞߎ߲ ߘߐ߫߸ ߓߊߏ߬، ߞߏ߫ ߕߟߋ߬ߖߌ߰ߞߊ ߟߎ߫ ߟߊ߫ ߓߍ߯ߦߊ ߡߍ߲ ߦߋ߫ ߣߌ߲߬߸ ߞߏ߫ ߝߊ߬ߙߊ߲߬ߛߌ߫ ߡߐ߰ ߞߎ߲߬ߓߊ߬ ߛߌߦߊߡߊ߲߫ ߞߵߊ߬ ߦߌ߬ߘߊ߫ ߟߋ߬ ߕߎ߬ߡߊ ߏ߬ ߟߊ߫߸ ߞߴߊ߬ ߦߋ߫ ߖߐ߬ߘߐ ߟߋ߬ ߘߌ߫ ߝߘߊ߬ߝߌ߲߬ߠߊ߫ ߡߊ߬߸ ߏ߬ ߡߐ߰ ߞߎ߲ߓߊ ߘߏ߫ ߟߋ߬ ߓߍߙߑߣߊ߯ߙ ߟߎߜ߭ߊ߲߫ ߘߌ߫، ߊ߬ ߣߌ߫ ߜ߭ߋ߳ߦߌ߫ ߖ߭ߐߙߑߖ߭ߌ߫، ߊ߬ ߣߌ߫ ߝߣߊ߫ ߞߏ߫߸ ߝߊ߬ߙߊ߲߬ߛߌ߫ ߞߊ߲ߕߌ߯ ߞߘߐ ߖ߭ߊߞ ߛߌߙߊߞ ߕߘߍ߬ ߖߏ ߘߌ߫ ߟߊ߫ ߞߊ߲ߕߌ߯ ߛߋߞߎ߫ ߕߎ߬ߙߋ߫ ߡߊ߬ ߕߎ߬ߡߊ߬ ߛߌߦߊߡߊ߲߫. ߣߌ߫ ߝߘߊ߬ߝߌ߲߬ ߖߡߊߣߊ ߟߎ߫ ߞߊ߬ ߌߛߑߡߊߌߟ ߞߐ߲ߘߍ߫ ߟߊ߫ ߤߊߞߟߌ ߣߌ߲߬ ߝߊ߰ߡߎ߲߫߸ ߏ߬ ߘߌ߫ ߛߌߟߊ߫ ߘߴߊ߲ ߠߊ߫ ߖߡߊ߬ߣߊ ߟߎ߫ ߡߊ߬، ߓߍ߯ߦߊ ߛߌ߲߬ߝߏ߲߬ߧߊ߬ ߢߊ ߘߐ߫߸ ߓߊߏ߬، ߣߌ߫ ߡߐ߰ ߦߋ߫ ߞߎ߲߬ߙߎ߲߬ߘߎ߬ ߞߎ߬ߘߊ߬ߞߏ ߘߐ߫߸ ߌ ߞߊ߫ ߞߊ߲߫ ߞߵߌ ߓߋ߲ߓߊ ߟߎ߫ ߟߊ߫ ߞߎ߬ߙߎ߲߬ߘߎ߬ ߞߘߐ ߟߎ߫ ߟߋ߬ ߝߟߐ߫ ߘߐߜߍ߫ ߦߋߟߋ߲ ߠߊ߫߸ ߞߵߌ ߕߊ߫ ߞߎ߬ߙߎ߲߬ߘߎ߬ ߞߎߘߊ ߛߎߡߊ߲߫ ߏ߬ ߡߊ߬߸ ߦߏ߫ ߊ߲ ߓߋ߲ߓߊ߫ ߟߎ߫ ߞߊ߬ ߞߎ߬ߙߎ߲߬ߞߊ߲߬ߝߎߥߊ߫ ߞߎ߬ߙߎ߲߬ߘߎ ߡߍ߲ ߠߊߥߊ߲߬ߞߊ߫ ߁߂߃߆ ߟߊ߫ ߞߊ߯ߓߊ߫߸ ߏ߬ ߖߍ߬ߘߍ߫ ߞߵߊ߬ ߕߘߍ߬ ߟߋ߬ ߕߎ߬ߓߊ߬ߓߎ߬ ߖߡߊ߬ߣߊ߬ ߛߌ߫ ߡߊ߫ ߞߎ߬ߙߎ߲߬ߘߎ߬ ߖߐ߲ߖߐ߲߫ ߠߊߘߊ߲߫ ߡߎߣߎ߲߬، ߡߍ߲ ߘߌ߫ ߟߊߥߊ߲߬ߞߊ߫. ߏ߬ ߘߐ߫، ߘߐ߰ߝߐ ߟߋ߬ ߡߌ߬ߙߌ߲߬ߘߌ ߓߍ߯ ߟߊ߫߸ ߦߊߣߵߊ߲ ߧߋ߫ ߞߏ߫-ߏ߯-ߞߏ߫ ߞߍ߫߸ ߊ߲ ߧߋ߫ ߓߋ߲ߓߊ ߟߎ߬ ߜߋ߬ߙߋ ߟߋ߬ ߘߐߜߍ߫ ߡߎߣߎ߲߬߸ ߏ߬ ߟߋ߬ ߘߴߊ߲ ߠߊ߫ ߝߌ߬ߟߌ ߟߎ߬ ߡߊߘߐ߯ߦߊ߫.
ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫ ߓߟߏ߫