ߞߎߣߎ߲߬ ߓߌߟߏ߲߸ ߞߏ߲ߞߏߜߍ ߕߋ߬ߟߋ߫ ߂߉ ߡߊ߬߸ ߕߊ߲ߖ߭ߊߣߌ߫ ߞߊ߲ߕߌ߯ ߞߘߐ ߊ߬ߟߌ ߤߛߊߣ ߒߥߢߌ߫ ߛߊ߬ ߘߊ߫߸ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߉߈ ߘߐ߫، ߊ߬ߟߋ ߟߋ߬ ߞߊ߬ ߓߍ߯ߦߊ ߞߙߎߞߊ߫ ߥߙߍ߫ ߞߏ ߟߊߘߏ߲߬ ߕߊ߲ߖ߭ߊߣߌ߫ ߖߡߊ߬ߣߊ ߞߣߐ߫.
ߡߏ߬ߛߏ ߡߍ߲ ߦߋ߫ ߕߊ߲ߖ߭ߊߣߌ߫ ߞߊ߲ߕߌ߯ߦߊ ߟߊ߫ ߕߋ߲߬߸ ߣߴߊ߬ ߕߐ߯ ߞߏ߫ ߛߊߡߌߦߊ߬ ߛߟߎߤߎ߫ ߤߊߛߛߊߣ߸ ߏ߬ ߖߍ߬ߘߍ ߟߋ߬ ߞߊ߬ ߛߊ߲߬ߞߟߊ߬ߕߋ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߛߎ߬ߣߎ߲߬ߣߍ߲ ߣߴߊ߬ ߢߊߖߌߞߎߘߎ߲ߕߐ ߟߋ߬ ߛߊ߲߬ߞߊ ߢߌ߲߬ ߠߊߕߋ߬ ߟߊ߫߸ ߞߵߊ߬ ߓߍ߲߬ ߊ߬ߟߎ߬ ߟߊ߫ ߞߊ߲ߕߌ߯ ߞߘߐ ߟߊ߫ ߛߦߊ߬ ߞߏ ߡߊ߬، ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߝߘߎ߬ ߘߐ߬ ߥߊ߲ߞߏ߲ ߠߋ߬ ߕߘߍ߬ ߒߥߢߌ߫ ߟߊ߫߸ ߊ߬ ߟߊߟߊ߫ ߘߊ߫ ߟߐ߲ߘߙ ߘߊ߲ߘߊߛߏ ߟߊ߫ ߞߊ߬ߦߌ߯ ߂߀߂߃ ߣߍߣߍߓߊ ߟߋ߬ ߡߊ߬߸ ߊ߬ ߓߐ߫ ߘߊ߫ ߦߋ߲߬ ߠߋ߬ ߞߊ߬ ߣߵߊ߬ ߟߊ߫ ߘߊ߲ߘߊߟߌ ߕߐ߭ ߜߋ߬ߟߎ߲߬ ߞߊ߲ߡߊ߬ ߕߊ߲ߖ߭ߊߣߌ߫߸ ߘߊߙߑߛߊ߬ߟߊߡ.
ߊ߬ ߟߊ߫ ߛߊ߬ߦߊ ߣߌ߲߬ ߞߏߛߐ߲߬߸ ߊ߬ߟߎ߬ ߓߘߊ߫ ߖߡߊ߬ߣߊ ߓߌ߬ߟߊ߫ ߕߟߋ߬ ߥߐߙߐ߲ߥߌ߬ߟߊ߫ ߝߙߌ߬ߦߊ ߘߐ߫.
ߞߊ߲ߕߌ߮ ߡߍ߲ ߛߊ߬ ߞߏ ߝߐ߫ ߞߊ߲߫ ߣߌ߲߬߸ ߊ߬ ߛߐ߬ߘߐ߲߬ ߘߊ߫ ߁߉߂߅ ߘߓߊ߬ߕߊ ߕߟߋ߬ ߈ ߠߋ߬ ߡߊ߬߸ ߕߊ߲ߜ߭ߊߣߌߞߊ߫߸ ߊ߬ ߞߊ߬ ߛߌ߬ߟߡߊ߬ߦߊ ߞߊ߬ߙߊ߲ ߞߍ߫ ߖ߭ߊ߲ߖ߭ߌߓߊߙ ߟߋ߬. ߊ߬ ߘߏ߲߬ ߘߊ߫ ߓߘߍ߬ߓߘߍ߬ߟߌ ߘߐ߫ ߁߉߆߀ ߟߋ߬ ߟߊ߫߸ ߕߊ߲ߜ߭ߊߣߌߞߊ߫ ߞߊ߲ߠߊߓߌ߬ߟߊ߬ߣߍ߲ ߞߐ߫. ߊ߬ ߞߊ߬ ߟߐ߬ߘߎ߰ ߛߌߦߊߡߊ߲߫ ߕߌ߰ߦߊ ߞߍ߫ ߦߋ߲߬߸ ߦߏ߫ ߊ߬ ߞߍ߫ ߘߊ߫ ߟߊ߬ߛߌ߰ߘߋ߲ ߘߌ߫ ߡߌߛߌ߬ߙߊ߲߬߸ ߞߊ߬ ߞߍ߫ ߜߋߙߋ߲ߜߋߙߋ߲ߧߊ ߞߏߕߌ߮ ߘߌ߫߸ ߞߊ߬ ߞߍ߫ ߞߣߐߟߊ ߞߏߕߌ߮ ߘߌ߫.
ߊ߬ ߞߍ߫ ߘߊ߫ ߖ߭ߊ߲ߖ߭ߌߓߊߙ ߞߊ߲ߕߌ߮ ߘߌ߫ ߁߉߈߄ ߠߋ߬ ߟߊ߫߸ ߞߵߊ߬ ߛߌ߰ ߁߉߈߅ ߟߊ߫. ߁߉߈߅ ߟߋ߬ ߟߊ߫߸ ߖ߭ߎ߬ߟߌߛ ߒߦߙߋߙߋ߫ ߞߴߊ߬ ߓߌ߬ߟߴߊ߬ ߣߐ߭ ߘߐ߫ ߕߊ߲ߖ߭ߊߣߌ߫ ߞߊ߲ߕߌ߯ߦߊ ߟߊ߫ ߛߊ߲߬ ߕߊ߲߫ ߢߐ߲߰ ߞߘߐ߫߸ ߤߊ߲߯ ߁߉߉߅.
ߊ߬ ߟߊ߫ ߦߟߍ߬ߘߐ߬ߞߍ߬ ߞߋߟߋ߲߫ ߞߊ߲ߕߌ߯ߦߊ ߏ߬ ߞߘߐ߫߸ ߡߐ߰ ߛߌߦߊߡߊ߲߫ ߞߵߊ߬ ߡߊߓߎ߬ߙߎ߲߬ߕߌ߫߸ ߞߏ߫ ߊ߬ ߓߘߊ߫ ߛߌ߬ߟߡߊ߬ߦߊ ߕߊ߬ ߓߊ߫ ߘߐ߫߸ ߞߊ߬ ߞߏ ߟߎ߬ ߘߌߦߊ߫ ߛߌ߬ߟߊ߬ߡߊ ߟߎ߬ ߟߊ߫. ߞߵߏ߬ ߟߎ߫ ߓߌ߬ߟߊ߫ ߖߡߊ߬ߣߊ ߗߋߘߊ߫ ߓߟߋߓߟߋ ߟߎ߬ ߟߊ߫߸ ߘߎ߰ߡߟߊ߬ߡߌߘߊ ߝߣߊ߫ ߥߙߊ߬ ߘߴߊ߬ ߕߋ߬ߟߋ ߘߐ߫ ߞߏߛߓߍ߫.
ߞߊ߲ߕߌ߯ߡߛߏ߫ ߛߊߡߌߦߊ߬ ߛߟߎߤߎ߫ ߞߏ߬ߣߌ߲ ߞߵߊ߬ ߕߊ߲߬ߘߏ߫߸ ߞߏ߫ ߊ߬ ߢߐ߲߰ ߛߓߊ߫ ߟߊߘߍ߲߰ߕߊ߬ ߕߍ߫ ߊ߬ߟߎ߬ ߕߍߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߦߊ߬ߟߊ