ߜ߭ߊߓߐ߲ߞߊ ߟߎ߬ ߟߊ߫ ߘߐ߬ߕߊߡߌ߲ ߞߊ߲ߕߌ߮߸ ߡߍ߲ ߣߊ߬ ߘߊ߫ ߝߊ߲߬ߞߊ ߟߊ߫ ߂߀߂߃ ߘߓߊ߬ߓߌߟߊ ߕߟߋ߬ ߃߀ ߡߊ߬߸ ߏ߬ ߓߘߴߊ߬ ߢߍߥߟߊߦߊ߫ ߞߏ߫ ߊ߬ ߣߌ߫ ߝߊ߬ߙߊ߲߬ߛߌ߬ ߞߊ߲ߕߌ߮ ߋߡߊߣߎ߳ߍߟ ߡߊߞߐߙߐ߲߫ ߘߌ߫ ߢߐ߲߮ ߦߋ߫ ߞߊߙߏ߫ ߣߊ߬ߕߐ ߟߎ߬ ߘߐ߫، ߊ߬ ߘߌ߫ ߥߊ߫ ߝߊ߬ߙߊ߲߬ߛߌ߬ ߞߎߓߋ ߟߊ߫ ߋߟߌߖ߭ߋ߫߸ ߛߴߊ߬ ߣߌ߫ ߦߋ߲߬ ߞߊ߬ߝߏ߬ ߞߎ߲ߕߌ߮ ߢߊ ߘߌ߫ ߓߐ߫ ߜߍ߫ ߞߋߟߋ߲߫ ߘߐ߫.
ߊ߲ ߠߊ߫ ߞߎ߲߬ߠߊ߬ߝߎߟߋ߲ ߠߎ߬ ߘߐ߫߸ ߝߊ߬ߙߊ߲߬ߛߌ߬ ߣߌ߫ ߜ߭ߊߓߐ߲߫ ߦߋ߫ ߞߟߍ߬ߕߌ߰ ߓߙߌߛ ߞߑߟߏߕߍߙ ߏߟߖߌ߫ ߒߖߋߡߊ߫ ߟߊ߫ ߔߊ߬ߙߌ߬ ߕߊ߰ ߞߏ ߓߟߏߘߐߓߍ߲ ߞߊ߲߬ ߕߋ߲߬ ߞߏߛߓߍ߫، ߕߎ߬ߡߊ߬ߘߐ߫߸ ߊ߬ߟߎ߬ ߟߊ߫ ߢߍߥߟߊ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߥߊߕߐ߫ ߥߊ߬ߛߌ߬ߥߙߊ ߟߋ߬ ߡߊ߬߸ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ߟߎ߫ ߖߍ߬ߘߍ ߡߊ߫ ߕߎ߬ߡߘߊ߬ ߟߊߕߍ߰ߣߍ߲߬ ߖߋߞߎߖߋߞߎ߫ ߝߐ߫ ߡߎߣߎ߲߬، ߊ߬ ߟߊ߫ ߝߊ߬ߙߊ߲߬ߛߌ߬ ߕߊ߯ߟߌ ߣߌ߲߬ ߦߋ߫ ߓߊ߯ߙߊߢߐ߲߯ߦߊ߫ ߕߊ߯ߡߊ ߟߋ߬ ߘߌ߫.
ߗߍ߬ ߝߌ߬ߟߊ ߢߌ߲߬ ߠߎ߫ ߞߊ߬ ߢߐ߲߮ ߟߐ߲߫߸ ߊ߬ ߡߊ߫ ߡߍ߲߫ ߡߎߣߎ߲߬، ߏ߬ ߞߍ߫ ߘߊ߫ ߘߎ߬ߓߊߦߌ߬ ߟߋ߬߸ ߞߟߍ߬ߕߌ߮ ߣߌ߫ ߡߊߞߐߙߐ߲߫ ߘߏ߲߬ ߘߊ߫ ߢߐ߲߮ ߘߐ߫ ߞߏߟߌ߲ߞߏߟߌ߲߫ ߕߊ߬ߡߌ߲߬ߣߍ߲ ߕߟߋ߬ ߁߭ ߟߋ߬ ߡߊ߬، ߌߞߘߐ߫߸ ߡߊߞߐߙߐ߲߫ ߠߊ߫ ߞߏߢߊߓߐߟߊ ߡߍ߲ ߘߐ߱ߘߏ߲߬ߣߴߊ߬ ߟߊ߫ ߞߏ ߟߎ߬ ߟߊ߫ ߝߘߊ߬ߝߌ߲߬ߠߊ߫ ߞߣߐ߫߸ ߣߴߊ߬ ߕߐ߯ ߞߏ߫ ߖ߭ߙߋߡߌ ߙߏߓߍߙ߸ ߞߟߍ߬ߕߌ߮ ߞߵߊ߬ ߞߊߘߊ߲߫߸ ߛߴߊ߬ ߣߴߏ߬ ߘߌ߫ ߢߐ߲߮ ߦߋ߫، ߏ߬ ߞߍ߫ ߘߊ߫ ߝߋ߬ߟߌߞߛ ߕߌߛߞߋߘߌ߫ ߟߊߛߌ߱ ߟߋ߬ ߝߍ߬ ߞߌ߲߬ߛߊߛߊ߬ ߓߌ߲ߠߊߥߎߟߋ߲ ߕߋ߬ߟߋ߫ ߂߀ ߕߊ߬ߡߌ߲߬ߣߍ߲ ߡߊ߬.
ߒ߬ߞߊ߬߸ ߞߟߍ߬ߕߌ߮ ߟߊ߫ ߝߊ߬ߙߊ߲߬ߛߌ߬ ߕߊ߯ߟߌ ߣߌ߲߬ ߘߐ߫ ߛߊ߫߸ ߝߊ߬ߙߊ߲߬ߛߌ߬ ߞߏߟߊߕߍ߮ ߟߎ߬ ߟߊ߫ ߕߋߟߋ߲ߓߊߟߌߦߊ߫ ߛߎ߮ ߢߌ߲߬ ߠߋ߬ ߓߊ߬ߟߌ ߦߋ߫ ߛߌߟߊߓߐߛߐ߯ߣߊ߫ ߟߊ߫، ߓߊߏ߬߸ ߏ߬ ߦߋ߫ ߞߏ߫ ߢߣߊߕߐߡߐ߲ ߘߝߊߣߍ߲ ߠߋ߬ ߘߌ߫، ߞߊ߬ߕߎ߲߯߸ ߡߐ߰ ߛߌ߫ ߞߊ߬ ߞߊ߬ߝߏ߬ ߖߊߛߏ߲ ߞߍ߫ ߝߘߊ߬ߝߌ߲߬ߠߊ߫ ߞߣߐ߫ ߦߊ߲߬߸ ߊ߬ߟߎ߬ ߢߊ ߕߍ߰ߣߍ߲߫ ߠߵߏ߬ ߓߍ߯ ߟߊ߫، ߦߏ߫ ߣߴߌ ߞߵߊ߬ ߕߊ߬߸ ߊߛߡߌ߫ ߞߏ߬ߦߌ߬ߕߊ߬ ߦߋ߫ ߡߊ߬ߟߌ ߟߊ߫ ߢߊ ߡߍ߲߸ ߊ߬ ߣߌ߫ ߌߓߙߊߤߌߡ ߕߙߊߥߟߋ߫ ߦߋ߫ ߓߙߎߞߌߣߊ߫ ߝߊ߬ߛߏ߬ ߞߣߐ߫ ߢߊ ߡߍ߲ ߡߊ߬، ߊ߬ ߣߌ߫ ߤߊߟߌ߬ ߖߋ߬ߟߌ߬ߓߊ߬ߘߎ߰ߞߊ ߟߎ߬ ߟߊ߫ ߊߓߘߎߙߊߤߑߡߊ߯ߣߌ߲߬ ߗߊ߬ߣߌ߲߬، ߊ߬ߟߎ߬ ߓߘߴߊ߬ߟߎ߬ ߢߊ ߕߍ߰ ߏ߬ ߟߎ߬ ߓߍ߯ ߟߊ߫߸ ߞߏ߫ ߊ߬ߟߎ߬ ߓߘߊ߫ ߞߊ߬ߝߏ߬ ߖߊߛߏ߲ ߞߍ߫.
ߊ߬ ߝߟߐ߫ ߘߏ߲߬ ߕߴߊ߬ߟߎ߬ ߓߟߏ߫ ߣߌ߲߬ ߘߌ߫ ߘߋ߬߸ ߊ߬ߟߎ߫ ߞߊ߬ ߗߊߘߌ߬ ߞߊ߲ߕߌ߮ ߡߤߊߡߊ ߌߘߙߌߛ ߘߋߓߌ ߌߕߑߣߏ߫ ߟߊߛߣߍ߫ ߕߊ߲߬ ߠߋ߬، ߊ߬ ߝߊ߲߭߸ ߏ߬ ߣߌ߫ ߡߊߞߐߙߐ߲߫ ߓߘߊ߫ ߢߐ߲߮ ߦߋ߫ ߋߟߌߖ߭ߋ߫ ߞߣߐ߫߸ ߤߊ߲߯ ߛߋ߲߬ߢߊ߫ ߝߌ߬ߟߊ߫ ߢߐ߲߰، ߓߊߏ߬߸ ߝߟߐߡߊ ߞߍ߫ ߘߊ߫ ߂߀߂߃ ߞߏ߲ߞߏߜߍ ߟߋ߬ ߟߊ߫߸ ߞߊ߬ ߝߌߟߊߣߊ߲ ߞߍ߫ ߞߏ߲ߓߌߕߌ߮ ߟߊ߫، ߝߊ߬ߙߊ߲߬ߛߌ߫ ߣߐ߬ ߞߟߊߓߊߒߕߋߦߊ߫ ߖߋߓߟߌ ߡߍ߲ ߛߐ߬ߘߐ߲߬ ߠߊ߫ ߛߌߟߊߓߐߛߐ߯ߣߊ߫ ߟߊ߫ ߞߎߡߊ߫ ߛߎ߮ ߣߌ߲߬ ߖߋ߬ߓߌ ߘߐ߫߸ ߞߏ߫ <<ߞߊ߬ߝߏ߬ ߖߊ߬ߛߏ߲߬ߠߊ ߟߎ߬ ߓߐߣߍ߲߫ ߢߐ߲߮ ߡߊ߬ ߢߊ ߡߍ߲ ߡߊ߬߸ ߊ߲ ߣߴߊ߬ߟߎ߬ ߟߊ߫ ߞߏߟߊߘߍߢߐ߲߯ߦߊ ߝߣߊ߫ ߦߋ߫ ߓߐ߫ ߟߊ߫ ߢߐ߲߮ ߡߊ߬ ߕߋ߲߬ ߠߋ߬>> ߊ߬ߟߎ߬ ߓߊ߲߫ ߘߊ߫ ߞߵߊ߬ ߝߐ߫ ߝߣߊ߫߸ ߞߏ߫ ߗߊߘߌߞߊ ߟߎ߬ ߣߌ߫ ߜ߭ߊ߬ߓߐ߲߬ߞߊ ߟߎ߬ ߣߌ߫ ߕߐ߭ ߟߎ߬ ߕߍ߫ ߞߋߟߋ߲߫ ߘߌ߫.
ߓߙߌߛ ߞߑߟߏߕߍߙ ߏߟߖߌ߫ ߒߖߋߡߊ߫߸ ߊ߬ߟߋ ߡߊ߬ߞߏ ߦߋ߫ ߝߊ߬ߙߊ߲߬ߛߌ߬ ߟߊ߫ ߞߐߡߊߓߌ߲ߓߌ߲ߠߌ߲ ߠߋ߬ ߟߊ߫ ߕߋ߲߬߸ ߞߵߊ߬ ߓߍ߲߬ ߊ߬ ߟߊ߫ ߘߐ߬ߕߊߡߌ߲ ߕߎ߬ߡߊ߬ߥߟߊ ߞߏߢߊ ߟߎ߬ ߡߊ߬߸ ߊ߬ ߣߌ߫ ߝߣߊ߫߸ ߞߐߞߊ߲߫ ߖߟߎ ߡߍ߲ ߠߎ߬ ߦߋ߫ ߜ߭ߊߓߐ߲߫ ߠߊ߫߸ ߞߏ߫ ߊ߬ߟߎ߬ ߦߴߊ߬ ߘߍ߬ߡߍ߲߫ ߏ߬ ߟߎ߫ ߛߙߊ߬ ߞߏ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߦߊ߬ߟߊ