ߡߏߙߥߊߢߊ ߓߘߊ߫ ߣߌ߬ߣߌ߫ ߋߙߐߔߎ߬ ߕߌ߲߬ߞߎߘߎ߲ ߞߣߐ߫

ߦߏ߫ ߊߟߎ߫ ߦߴߊ߬ ߞߊ߬ߟߊߡߊ߬ ߢߊ ߡߍ߲ ߓߌ߬ ߞߏ߫: ߡߏߙߥߊߢߊ ߓߘߊ߫ ߣߌ߰ߣߌ߫ ߕߟߋ߬ߖߌ߰ ߖߡߊߣߊ ߟߎ߬ ߞߣߐ߫، ߦߏ߫ ߋߙߐߔߎ߬ ߖߡߊߣߊ ߘߏ߫ ߟߎ߫ ߣߌ߫ ߊߡߋߙߌߞߌ߬ ߞߊ߬ߝߏ߫ ߘߍ߬ߣߍ߲ ߦߋ߫ ߢߊ ߡߍ߲߸ ߣߴߌ ߞߊ߬ ߋߙߐߔߎ߫ ߖߡߊߣߊ ߟߎ߬ ߘߐߜߍ߫، ߊ߬ ߣߌ߬ߣߌ߬ߣߍ߲߫ ߖߡߊ߬ߣߊ߬ ߄ ߠߋ߬ ߘߐ߫ ߞߊ߬ ߕߊ߬ߡߌ߲߫ ߕߐ߭ ߟߎ߫ ߞߊ߲߬߸ ߌߕߊߟߌ߫ ߦߴߏ߬ ߛߟߊ߫ ߟߊ߫، ߞߊ߬ ߊߛߌߔߊ߲߫ ߕߎ߲߰ ߏ߬ ߟߊ߫، ߝߊ߬ߙߊ߲߬ߛߌ߫ ߝߣߊ߫ ߕߎ߲߰ߣߍ߲ ߏ߬ ߟߊ߫، ߊ߲ ߧߋ߫ ߟߏ߲ ߡߍ߲ ߘߐ߫ ߓߌ߬ ߕߋ߲߬ߕߋ߲߬ ߞߏ߲ߞߏߘߓߌ ߕߟߋ߬ ߁/ ߂߀߂߀، ߊ߬ ߓߘߊ߫ ߡߐ߰ ߁߀߅߇߉߂ ߡߌ߬ߘߊ߬ ߌߕߊߟߌ߫، ߡߐ߰ ߁߅߇߂߉ ߓߘߊ߫ ߞߍߘߍߦߊ߫ ߡߐ߬ ߡߌ߬ߘߊ߬ߣߍ߲ ߦߙߌߞߊ ߢߌ߲߬ ߘߐ߫، ߞߊ߬ ߡߐ߰ ߁߂߄߂߈ ߝߊ߰ ߕߋ߲߬ߕߋ߲߬. ߊ߬ ߓߘߊ߫ ߡߐ߰ ߁߀߂߁߃߆ ߡߌ߬ߘߊ߬ ߊߛߌߔߊ߲߫، ߞߊ߬ ߡߐ߰ ߂߂߆߄߇ ߞߍ߲ߘߍߦߊ߫، ߞߊ߬ ߡߐ߰ ߉߀߅߃ ߝߊ߰ ߕߋ߲߬ߕߋ߲߬. ߣߴߌ ߞߵߊߡߋߙߌߞߌ߬ ߘߐߜߍ߫ ߘߏ߲߬، ߦߋ߲߬ ߡߏߙߥߊߢߊߕߐ ߓߘߊ߫ ߡߐ߱ ߁߈߉߅߄߃ ߡߌ߬ߘߊ߫، ߡߐ߰ ߇߁߃߆ ߓߘߊ߫ ߞߍ߲ߘߍߦ߫߫ ߏ߬ ߘߐ߫، ߞߊ߬ ߄߀߂߈ ߝߊ߰ ߕߋ߲߬ߕߋ߲߬. ߊ߬ ߓߘߊ߫ ߡߐ߰ ߅߂߁߂߈ ߡߌ߬ߘߊ߫ ߝߊ߬ߙߊ߲߬ߛߌ߬، ߞߊ߬ ߡߐ߰ ߉߄߄߄ ߞߍߘߍߦߊ߫، ߞߊ߬ ߡߐ߰ ߃߅߂߃ ߝߊ߰ ߕߋ߲߬ߕߋ߲߬. ߡߏߙߥߊߢߊ ߢߌ߲߬ ߓߐߛߎ߲ ߦߋ߫ ߛߌߣ ߡߍ߲ ߘߌ߫، ߊ߬ ߓߘߊ߫ ߡߐ߰ ߈߁߅߅߄ ߡߌ߬ߘߊ߫ ߦߋ߲߬، ߡߐ߰ ߇߆߂߃߈ ߓߘߊ߫ ߞߍ߲ߘߍߦߊ߫ ߏ߬ ߘߐ߫، ߞߊ߬ ߡߐ߰ ߃߃߁߂ ߝߊ߰.

ߣߴߌ ߞߵߌ ߢߊ ߟߊߛߊ߬ߦߌ߫ ߝߘߊ߬ߝߌ߲߬ߠߊ߫ ߜߙߋ ߞߊ߲߬، ߌ ߘߴߊ߬ ߦߋ߫ ߟߊ߫ ߡߐ߳߰ ߡߌ߬ߘߊ߬ߣߍ߲ ߣߴߊ߬ ߟߊ߫ ߡߐ߰ ߝߊ߰ߣߍ߲ ߦߋ߫ ߝߎߍ߲߫، ߦߏ߫ ߖߌ߬ߣߍ߫ ߞߊ߲ߓߍ߲ ߦߋ߫ ߢߊ ߡߍ߲߸ ߊ߬ ߓߘߊ߫ ߡߐ߰ ߂߂ ߡߌ߬ߘߊ߬، ߡߐ߰ ߡߊ߫ ߝߊ߰ ߦߋ߲߬ ߡߎߣߎ߲߬، ߊ߬ ߓߘߊ߫ ߡߐ߰ ߁߈ ߡߌ߬ߘߊ߫ ߡߊ߬ߟߌ߬ߓߊ ߟߊ߫، ߞߊ߬ ߡߐ߰ ߂ ߝߊ߰ ߦߋ߲߬߸ ߊ߬ ߓߘߊ߫ ߡߐ߰ ߂߆߁ ߡߌ߬ߘߊ߬ ߓߙߎߞߌߣߊ߫ ߝߊ߬ߛߏ߫، ߡߐ߰ ߃߂ ߓߘߊ߫ ߞߍߘߍߦߊ߫ ߏ߬ ߘߐ߫، ߞߊ߬ ߡߐ߬ ߁߄ ߝߊ߰. ߊ߬ ߓߘߊ߫ ߁߉߀ ߡߌ߬ߘߊ߫ ߛߣߍ߬ߜߊ߯ߟߌ߫، ߡߐ߰ ߄߅ ߓߘߊ߫ ߞߍߘߍߦߊ߫ ߏ߬ ߘߐ߫، ߞߊ߬ ߡߐ߰ ߁ ߝߊ߰. ߊ߬ ߓߘߊ߫ ߡߐ߰ ߁߃߉ ߡߌ߬ߘߊߘߊ߫ ߖߋ߬ߟߌ߬ߓߊ߬ߟߊ߫، ߡߐ߬ ߉ ߓߘߊ߫ ߞߍ߲ߘߍߦߊ߫ ߏ߬ ߘߐ߫، ߞߊ߬ ߡߐ߰ ߂ ߝߊ߰. ߊ߲ ߧߋ߫ ߟߌ߬ߤߟߊ ߢߌ߲߬ ߣߐ߰ߣߐ ߞߊ߲߬ ߕߎ߬ߡߊ ߡߍ߲، ߏ߬ ߟߌ߬ߤߟߊ ߟߎ߬ ߢߊߞߎ߲ߓߊ ߘߏ߫ ߟߎ߫ ߟߋ߬ ߢߌ߲߬ ߘߌ߫، ߊ߬ ߣߌ߫ ߝߣߊ߫، ߘߎߢߊ߫ ߡߌ߬ߙߌ߲߬ߘߌ߫ ߝߊ߲߬ߓߊ ߘߟߊߛߌ߰ߣߍ߲ ߠߋ߬ ߕߋ߲߬ߕߋ߲߬.  ߝߎ߬ߖߎߖߎ ߣߌ߲߬ ߓߘߊ߫ ߣߐ߭ ߟߊ߫ ߖߊ߯ߓߊ ߛߐ߬ߘߐ߲ ߝߣߊ߫ ߞߊ߲߬ ߞߏߛߓߍ߫، ߝߏ߫ ߖߊ߬ߥߏ߬ߡߊ߲ߕߊ߮ ߟߎ߬ ߛߌߦߊߡߊ߲߫ ߓߘߊ߫ ߖߌ߬، ߊ߲ ߧߋ߫ ߕߎ߬ߡߊ߬ߘߊ ߡߍ߲ ߘߐ߫ ߣߌ߲߬، ߏ߬ ߞߵߊ߬ ߕߘߍ߬ ߕߊߖߌ ߣߍ߰ߘߎ߲ ߛߐ߲߬ߞߐ ߦߋ߫ ߘߟߊ߫ ߂߀ ߖߊ߬ߕߋ߫ ߟߋ߬ ߘߐ߫، ߞߊ߬ ߞߐ߲߬ ߝߎ߬ߖߎߖߎ ߣߌ߲߬ ߢߍ߫، ߕߊߖߌ ߣߍ߰ߘߎ߲ ߛߐ߲߬ߞߐ ߕߘߍ߬ ߦߋ߫ ߘߟߊ߫ ߄߈ ߣߌ߫ ߘߟߊ߫ ߅߅ ߟߋ߬ ߕߍߟߊ ߟߋ߬ ߘߐ߫، ߛߊ߲߬ ߂ ߓߌ߬ ߢߍ߫، ߣߍ߰ߘߎ߲ ߕߘߍ߬ ߦߋ߫ ߘߟߊ߫ ߁߁߈ ߠߋ߬ ߘߌ߫.

ߡߏߙߥߊߢߊ ߡߊ߲߬ߕߊ߲߬ߞߊ߬ ߢߊ ߘߏ߫ ߟߎ߫ ߝߟߍ߫ ߖߌ߬ߦߊ߬ߓߍ ߘߐ߫ ߛߊ߲ߘߐ߫߸ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬ߕߋ߲߬ ߤߊߟߌߓߌ߬، ߓߊߛߌ߫ ߖߐ߲ߖߐ߲߫ ߡߊ߫ ߛߐ߬ߘߐ߲߬ ߝߎ߬ߖߎߖߎ ߢߌ߲߬ ߠߊ߫، ߊ߲ ߧߴߊ߲ ߞߣߊߓߐ߫ ߟߴߊ߲ ߠߊ߫ ߒߞߏ ߓߊߛߌߦߟߊ ߟߎ߫ ߡߊ߬ ߦߊ߲߬، ߊ߬ߟߎ߬ ߦߋ߫ ߕߌߙߌ߲ߠߌ߲ ߡߊߞߊ߬ߝߏ߫ ߛߊ߫ ߝߘߊ߬ߝߌ߲߬ߠߊ߫ ߝߣߊ߫ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߝߎ߬ߖߎߖߎ ߢߌ߲߬ ߠߊߢߐ߲߬ߣߌ߲߫ ߘߎߢߊ߫ ߡߌ߬ߙߌ߲߬ߘߌ ߞߊ߲߬، ߊ߲ ߞߵߊ߬ ߟߐ߲߫ ߞߏ߫ ߒߞߏ ߓߊߛߌߦߟߊ ߓߘߍ ߟߎ߬ ߦߋ߫ ߕߌߙߌ߲ߠߌ߲ ߠߋ߬ ߞߊ߲߬ ߕߋ߲߬ߕߋ߲߬߸ ߊ߲ ߞߐ߬ߣߌ߲ ߘߌ߫ ߡߍ߲ ߡߊߜߟߍ߬ߦߊ߫، ߏ߬ ߟߋ߬ ߡߐ߰ ߛߌ߫ ߞߣߵߊ߬ ߘߟߊߞߊߟߌߦߊ߫ ߓߊߛߌ ߟߎ߬ ߟߊߞߏ߫ ߘߐ߫، ߝߏ߫ ߊ߬ ߓߊ߯ ߡߍ߲ ߠߊߦߙߊ߬ߓߌ߫ ߞߵߊ߬ ߓߍ߲߬ߒ߬ߛߋ߲߬ߡߊ ߟߐ߲߫ ߕߍ߰ߞߊ߲߬ ߓߟߏߡߊ߬ ߉߀ ߟߊ߫.

ߛߏ߬ߟߏ ߝߙߊ߬ߓߊ-ߘߐ߫