ߖߌ߬ߣߍ߫ ߝߊ߬ߛߏ߬ߜߙߊ ߥߛߊ߬ߘߋ߲߬ ߞߎߘߊ ߟߎ߬ ߓߘߊ߫ ߝߊ߬ߛߏ߬ߜߙߊ ߞߊ߲ߕߌ߯ ߞߎߘߊ ߟߊߛߌ߰ ߞߎߣߎ߲߬ ߞߐ߬ߟߏ߲߫ ߡߊ߬، ߞߏ߲ߞߏߘߌ߬ߓߌ ߕߋ߬ߟߋ߫ ߂߁/ ߂߀߂߀߸ ߝߊ߬ߛߏ߬ߜߙߊ ߞߊ߲ߕߌ߯ ߞߎߘߊ ߛߎߥߊ߲ߘߌ ߢߌ߲߬ ߘߐ߫: ߏ߬ ߝߣߊ߫ ߦߴߊ߬ ߕߊ߫ ߢߣߊߕߊߟߌ߫ ߛߎߘߎ߲ߣߍ߲ ߘߏ߫ ߟߋ߬ ߘߌ߫ ߥߛߊ߬ߘߋ߲ ߠߎ߫ ߜߊ߲߰ߛߊ߲߫ ߣߌ߫ ߢߐ߲߯ ߕߍ߫، ߢߣߊߕߊߟߌ ߏ߬ ߞߍߢߊ ߝߟߍ߫ ߣߌ߲߬، ߞߙߎߞߊ ߡߍ߲ ߠߊ߫ ߥߛߊ߬ߘߋ߲ ߓߊ߯ ߛߌߦߊߦߊ߫، ߝߊ߬ߛߏ߬ߜߙߊ ߞߊ߲ߕߌ߮ ߦߋ߫ ߓߐ߫ ߟߴߏ߬ ߟߋ߬ ߘߐ߫ ߕߎ߬ߡߊ߬ ߛߌߦߊߡߊ߲߫، ߦߏ߫ ߊߟߎ߫ ߦߴߊ߬ ߞߊ߬ߟߊߡߊ߬ ߢߊ ߡߍ߲، ߞߏ߫ ߖ.ߡ.ߟ. ߞߙߎߞߊ ߟߋ߬ ߛߎߘߊ߲߫ ߘߊ߫ ߥߛߊ߬ߘߋ߲߬ ߢߣߊߕߊߟߌ ߕߊ߬ߡߌ߬ߣߍ߲߬ ߞߎߘߊ ߢߌ߲߬ ߘߐ߫، ߏ߬ ߟߋ ߞߏߛߐ߲߬ ߖߌ߬ߣߍ߫ ߥߛߊ߬ߘߋ߲߬ ߞߎߘߊ ߢߌ߲߬ ߠߎ߬ ߞߵߊ߬ߟߎ߬ ߟߊ߫ ߟߊ߬ߘߍ ߝߟߐ ߞߍ߫ ߝߊ߬ߛߏ߬ߓߏߟߏ߲ ߞߣߐ߫ ߞߎߣߎ߲߬ ߞߐ߬ߟߏ߲ ߡߊ߬، ، ߊ߬ߟߎ߬ ߞߊ߬ ߞߏ߲߬ߓߏ߫ ߊߡߊߘߎ߫ ߘߡߊߙߏ߫ ߞߡߊ߬ߙߊ߫ ߟߋ߬ ߛߎߥߊ߲ߘߌ߫ ߞߵߊ߬ ߞߍ߫ ߖߌ߬ߣߍ߫ ߝߊ߬ߛߏ߬ߜߙߊ߬ ߞߎߘߊ ߞߊ߲ߕߌ߮ ߘߌ߫ ߞߏߙߌ߫ ߞߏ߲߬ߖߌ߬ߦߊ߬ߣߏ߫ ߣߐ߭ ߘߐ߫. ߊߡߊߘߏ߫ ߘߡߊߙߏ߫ ߞߡߊ߬ߙߊ߫ ߢߌ߲߬ ߦߋ߫ ߖߐ߲ ߘߌ߫؟ ߊߡߊߘߎ߫ ߘߡߊߙߏ߫ ߞߡߊ߬ߙߊ߫ ߛߐ߬ߘߐ߲߬ߣߍ߲߫ ߒߛߙߍߜߍ߬ߘߍ߫ ߟߋ߬ ߁߉߅߂ ߟߊ߫، ߊ߬ ߝߊ߬ߛߏ ߦߋ߫ ߘߡߊߙߏ߫ ߛߏ ߟߋ߬ ߘߌ߫ ߞߊߦߌߙߊߥߊ߯ߣߌ߫ ߡߊ߬ߙߊ ߘߐ߫߸ ߘߡߊߙߏ ߛߏ ߣߌ߲߬ ߦߋ߫ ߞߊߦߌߙߊߥߊ߯ߣߌ߫ ߡߙߊ߬ߘߊ߬-ߘߎ߯ߟߊ ߘߏ߫ ߟߋ߬ ߘߌ߫، ߊ߬ ߣߌ߫ ߊ߬ߟߌ߬ߡߊ߯ߡߌ߫ ߛߊ߭ߡߏ߬ߙߌ߫ ߛߐ߬ߘߐ߲߬ ߛߏ ߡߌߣߌ߲ߢߊ߲ߓߟߊߘߎ߯ ߡߊ߫ ߖߊ߲߬ ߢߐ߲߯ ߠߊ߫߸ ߝߏߣߌ߲ߞߡߊ߫ ߓߊ߬ߟߊ ߡߍ߲ ߦߋ߫ ߞߏߝߐ߫ ߟߊ߫ ߢߊ߰ߙߊ ߟߎ߬ ߓߟߏ߫، ߏ߬ ߡߊ߬ߡߊ߬ߙߋ߲ ߘߏ߫ ߟߋ߬ ߊߡߊߘߎ߫ ߘߡߊߙߏ߫ ߞߡߊ߬ߙߊ߫ ߢߌ߲߬ ߘߌ߫. ߊߟߊ߫ ߓߊ߯ߙߊ ߣߐ߰ߦߴߊ߲ ߠߊ߫ ߥߛߊ߬ߘߋ߲߬ ߞߎߘߊ ߢߌ߲߬ ߓߟߏ߫. ߊ߲ ߤߊߞߟߌ߫ ߦߴߊ߬ ߟߊ߫ ߝߣߊ߫ ߞߏ߫ ߒߞߏ ߞߊߙߊ߲ߘߋ߲ ߘߏ߫ ߘߌߣߊ߬ ߞߍ߫ ߥߛߊ߬ߘߋ߲߬ ߞߎߘߊ ߢߌ߲߬ ߠߎ߬ ߘߐ߫، ߊ߬ ߖߍ߬ߘߍ ߝߊ߲߭ ߞߴߊ߬ ߕߘߍ߬ ߦߋ߫ ߛߏ ߘߏ߫ ߒߞߏ ߛߓߍߘߊ ߟߋ߬ ߞߊ߲ߕߌ߯ߦߊ߫ ߟߊ߫، ߊ߲ ߡߊ߫ ߓߊ߲߫ ߊ߬ ߟߌ߬ߤߟߊ ߟߎ߬ ߟߊߛߐ߬ߘߐ߲߬ ߠߊ߫ ߡߎߣߎ߲߬، ߏ߬ ߞߘߐ ߟߋ߬ ߞߏ߫ ߒߞߏ ߦߴߊ߬ ߞߊ߲߬ ߞߵߊ߬ ߡߊߦߟߍ߬ ߓߘߍ߬ߓߘߍ߬ߟߌ ߛߌߟߊߓߘߍ ߟߎ߫ ߝߍ߬، ߊ߬ ߣߌ߫ ߘߊ߲ߞߎ߲߫ ߛߌߡߊ߲߫ ߠߎ߫ ߘߐ߫، ߣߌ߫ ߟߌ߬ߤߟߊ ߟߎ߬ ߘߝߊ߫ ߘߊ߫ ߞߐ߲ߞߐ߲߫ ߟߏ߲ ߡߍ߲، ߏ߬ ߟߋ߬ ߦߋ߫ ߒߞߏ ߟߊ߫ ߟߏ߬ߟߏ߬ߡߊ߬ߦߊ ߘߌ߫ ߡߎ߬ߕߎ߲߬ ߛߊ߫.
ߛߏ߬ߟߏ ߝߙߊ߬ߓߊ-ߘߐ߫