߸ߊߟߎ߫ ߣߌ߫ ߕߎ߬ߡߊ߬ ߊߟߎ߫ ߣߌ߫ ߖߐ߫ ߒߞߏ ߛߓߍߟߌ ߘߌߦߊߓߐߟߌ߫،..
ߏ߬ ߞߐ߫ ߊ߲ ߘߟߊߝߎ߬ ߒߞߏ ߡߌߙߌ߲ߘߌ ߦߋ߫ ߛߓߍߛߋ߲߫ ߟߊߢߎߡߍߙߋ߲ߦߊߣߍ߲ ߢߌ߲߬ ߠߎ߬ ߟߊ߫ ߕߋ߬ߟߋߝߌ߬ߟߊ ߣߌ߲߬ ߘߐ߫ ߜ߭ߎߜ߭ߎߟ ߓߟߏ߫.
ߞߘߐ߬ߡߊ߲߫ ߞߊ߬ߓߌ߯ ߁߉߈߅ ߝߊ߲߭ ߝߍ߬ ߸ ߦߋߟߋ߲ ߝߐ߰ߓߍ߬ ߖߏߣߊ ߛߓߍ߫ ߘߊ߫ ߓߟߏ ߟߋ߬ ߟߊ߫ ߸ ߊ߬ ߞߎߡߊߘߋ߲ ߛߓߍߘߋ߲ ߠߎ߫ ߕߍ߰ߕߍ߰ߣߍ߲ ߸ ߕߎ߬ߡߊ ߏ߬ ߞߎߘߊߟߊ߲ߜߏ ߟߎ߫ ߞߵߊ߬ߟߎ߫ ߓߊ߲߬ ߞߍߢߊ ߏ߬ ߘߐ߫ ߞߏ߫ ߞߊ߬ߙߊ߲߬ߡߐ߯ ߓߊ߬ߓߊ߬ ߓߘߊ߫ ߒߞߏ ߡߊߦߟߍ߬ߡߊ߲߫ ߞߊ߬ ߞߎߡߊߘߋ߲ ߠߎ߬ ߛߓߍߘߋ߲ ߠߎ߫ ߕߍ߰ߕߍ߰، ߞߵߊ߬ ߕߘߍ߬ ߜߎ ߏ߬ ߕߊ߬ߣߍ߲߫ ߝߏߘߋ߫ ߛߟߏ߬ߡߊ߯ߣߊ߫ ߖߍ߬ߘߍ ߟߊ߫ ߞߐߣߊߞߙߌ߫ ߞߝߊ߬ ߜߌߙߌ߲ߘߌߣߍ߲ ߠߎ߬ ߞߐߝߘߊ ߟߋ߫ ߡߊ߬ ߞߍߢߊ ߏ߬ ߘߐ߫،..
ߞߏ߬ߣߌ߲߬ ߝߐ߰ߓߍ ߏ ߣߊ߬ߣߍ߲ ߦߌ߬ߘߊ߬ ߟߊ߫ ߞߊ߬ߙߊ߲߬ߡߐ߯ ߛߟߏ߬ߡߊ߯ߣߊ߫ ߟߊ߫ ߖߊ߰ߣߍ ߓߟߏ߫ ߸ ߞߵߊ߬ ߢߊߝߐ߫ ߊ߬ ߦߋ߫ ߞߏ߫ ߡߐ߱ ߟߎ߫ ߛߐ߲߬ߣߍ߲߫ ߕߍ߫ ߊ߬ ߡߊ߬ ߸ ߊ߬ ߞߵߊ߬ ߝߐ߫ ߞߏ߫ “ߤߐ߲ ߸ ߣߌ߫ ߡߐ߱ ߟߎ߬ ߡߊ߫ ߛߐ߲߬ ߕߍ߰ߕߍ߰ߣߍ߲ ߣߌ߲߬ ߡߊ߬ ߓߌ߬ ߸ ߊ߬ ߞߍߟߊ߲߫ ߠߊ߫ ߛߓߍߟߌ ߓߊ߯ ߓߐ߫ ߟߏ߲ ߡߍ߲ ߠߊ߫ ߸ ߊ߬ߟߎ߬ ߕߍߣߊ߬ ߛߐ߲߬ ߊ߬ ߡߊ߬ ߓߊ߬”.
ߞߊ߬ߓߌ߯ ߦߙߐ ߏ߬ ߘߐ߫ ߸ ߞߊ߬ߙߊ߲߬ߡߐ߯ ߓߊ߬ߓߊ߫ ߞߊ߬ ߕߍ߰ߒߞߊ߲߫ ߛߐ߬ߘߐ߲߬ ߞߏ߫ ߝߏߘߋ ߦߟߌ߫ ߦߴߊ߬ ߟߊ߫ ߟߋ߬ ߸ ߣߌ߫ ߒߞߏ ߞߍߟߊ߲߫ ߠߊ߫ ߛߓߍߟߌ ߞߍ߫ ߘߊ߫ ߓߐ߫ ߟߊ߫ ߸ ߞߏ߫ ߊ߬ ߕߍ߰ߕߍ߰ߕߐ߫ ߟߋ߬ ߛߎߋ߫.
ߞߏ߬ߣߌ߲߬ ߊ߬ߛߐߍ ߸ ߟߊ߬ߕߟߋ߬ߓߊ߰ߦߊ߬ߟߌ ߘߊߡߌ߬ߘߊ߬ߣߍ߲ ߁߉߉߉ ߟߊ߫ ߸ ߛߓߍߘߋ߲ ߠߎ߬ ߣߙߊߣߍ߲ ߣߌ߫ ߕߍ߰ߕߍ߰ߣߍ߲ ߓߍ߯ ߟߊߘߊ߲߫ ߘߊ߫ ߸ ߡߍ߲ ߓߊ߯ ߡߍ߲ ߘߌߦߊ߫ ߏ߬ ߦߋ߫ ߛߓߍߟߌ ߞߍ߫ ߏ߬ ߟߊ߫ ، ߓߡߊ߬ߞߐ߬ߞߊ ߣߌ߫ ߓߊߕߍߞߊ ߘߐߓߍ߲߬ ߘߊ߫ ߏ߬ ߢߊ ߟߋ߫ ߞߊ߲߬ ߕߍ߰ߕߍ߰ߣߍ߲ ߘߌ߫ ߸ ߞߊ߬ ߞߘߏߥߊߙߌߞߊ ߣߌ߫ ߛߌ߯ߙߌ߲ߞߊ ߟߎ߬ ߣߌ߫ ߘߏ߫ ߜߘߍ߫ ߟߎ߫ ߞߍ߫ ߣߙߊߣߍ߲ ߘߌ߫ ، ߘߏߝߙߍߕߍߟߌ ߣߐ߬ ߞߟߊߡߊ߲ ߘߐ߫ ߡߌߞߙߏߛߐߝߕ ߞߊ߬ ߞߘߏߥߊߙߌߞߊ ߞߍ߫ “ߋߓߙߋߡߊ” ߘߌ߫ ߸ ߝߏ߫ ߕߟߋ߬ߟߋߝߌ߬ߟߊ ߣߌ߲߬ ߘߐ߫ ߣߴߊ߲ ߓߊ߯ߙߊߢߐ߮ ߟߎ߬ ߓߘߊ߫ ߓߊ߲߫ “ߓߡߊ߬ߞߐ߬ߞߊ” ߘߐߓߍ߲߬ ߠߊ߫ ߞߵߊ߬ ߞߍ߫ “ߣߕߏߛߊ߲” ߘߌ߫ ߜ߭ߎߜ߭ߎߟ ߓߟߏ߫
ߦߊ߲߬ ߛߐ߲߬ߞߌ߲߫ ߞߵߊ߬ߟߋ߬ ߒߞߏ ߛߓߍߛߋ߲߫ ߞߎߘߊ ߟߊߖߌ߰ ߜ߭ߎߜ߭ߎߟ ߛߌߟߊ ߝߍ߬
ߒ߬ߓߊ߬ ߊߟߎ߫ ߣߌ߫ ߛߓߍߟߌ߫ ߊߟߎ߫ ߛߊ߬ߥߏ ߟߊ߫.
ߊ߲ ߞߏ߬ߣߌ߲߬ ߓߘߊ߫ ߛߓߍߛߋ߲ ߛߎ߯ߦߊ߫ ߥߙߍߓߊ ߟߊߛߋ߫ ߊ߬ߟߎ߫ ߡߊ߬ ߸ ߞߏ߬ߣߌ߲߬ ߘߏߣߍߘߏߣߍ߲߫ ߠߋ߫ ߞߐ߭ߵ ߝߊ߬ ߟߊ߫ ߸ ߦߏ߫ ߞߣߐ߬ߣߍ߲ ߦߴߊ߬ ߢߊ߲߭ ߟߊ߫ ߟߊ߫ ߕߋ߲߬ ߢߊ ߡߍ߲ ߞߊ߲߬، ߊ߲ ߕߊ߯ ߒߞߏ ߓߊ߯ߙߊ ߡߊ߬ ߘߋ߬ ߸ ߕߎ߬ߡߊ ߟߋ߬ ߘߐߙߐ߲߫ ߦߴߊ߲ ߣߌ߫ ߥߙߎߞߌ ߕߍ߫ ߦߏ߫ ߝߏߘߋ߫ ߛߟߏ߬ߡߊ߯ߣߊ߫ ߕߎ߲߬ ߦߟߌ߫ ߦߴߊ߬ ߟߊ߫ ߢߊ ߡߍ߲ ߞߊ߲߬ ߸ ߏ߬ ߛߌߦߊߡߊ߲߫ ߖߍ߬ߘߍ ߓߘߊ߫ ߓߊ߲߫ ߞߍ߫ ߟߊ߫ ߛߓߍߟߌ߫ ߞߎ߲ߠߊ߫ ߓߌ߬
ߐ߲߬ߤߐ߲߫ ߸ ߦߊ߯ߟߊ߫ ߸ ߌ ߘߌ߫ ߣߌ߲߬ ߕߣߐ߬ߓߐ߫ ߊ߬ ߘߐߜߍ߫ ߜߊ߲ߛߊ߲ ߠߊ߫ ߓߊ߬ ߣߌ߫ ߓߊ߯ߙߊ ߥߓߊ߬ߞߏ߬ߞߍ ߕߍ؟
ߊߟߎ߫ ߣߌ߫ ߖߐ߫.
ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫ ߓߟߏ߫