ߞߎߣߎ߲߲߬ߟߏ߲߫ ߛߎ ߞߵߊ߬ ߘߎ߬ߛߊߜߍ ߓߌ߬ ߓߌߟߏ߲߫ ߠߊ߫/ ߞߊ߬ߙߌߝߐ߭ ߕߋ߬ߟߋ߫ ߂߅/ ߂߀߁߉߸ ߞߊ߲ߓߋ߲ߓߊ ߘߏ߫ ߟߋ߬ ߝߘߌߣߍ߲߫ ߓߎ߬ߙߋ߫ ߛߌߟߊ ߞߊ߲߬ ߞߊ߬ ߡߐ߰ ߈ ߣߌ߫ ߕߏ߫ ߊ߬ ߘߐ߫، ߞߊ߬ ߡߐ߰ ߛߌߦߊߡߊ߲߫ ߝߣߊ߫ ߖߐߞߌ߫߸ ߞߏ߫ ߞߊ߲ߓߋ߲ ߢߌ߲߬ ߕߘߍ߬ ߦߋ߫ ߓߐ߫ ߟߊ߫ ߞߙߎߞߊ߲-ߓߎߤߊߙߌߦߊ߫ ߟߐߘߎ߮ ߟߋ߬ ߟߊ߫߸ ߓߎ߬ߙߋ߫ ߛߏ ߢߌ߲߬ ߦߋ߫ ߛߌ߯ߙߌ߲߫ ߡߙߊ߬ߘߊ߬-ߘߎ߯ߟߊ ߘߏ߫ ߟߋ߬ ߘߌ߫߸ ߡߐ߰ ߆ ߝߟߐ ߛߊ߬ ߘߊ߫ ߓߌ߬ߟߊ߲߬ߒ߬ߘߐ߬ߖߎ߮ ߣߐ߬ߞߟߊߡߊ߲ ߠߋ߬ ߘߐ߫ ߞߎߣߎ߲߬ ߛߐ߱ߡߊ߬، ߊ߬ ߕߐ߬ ߂ ߛߊ߬ߣߍ߲߫ ߓߌ߬ ߓߌߟߏ߲߫ ߛߐ߱ ߢߌ߲߬ ߠߋ߬ ߡߊ߬߸ ߡߐ߰ ߁߁ ߠߋ߬ ߖߐߞߌߣߍ߲ ߞߏߖߎ߮ ߞߍ߫، ߏ߬ ߟߎ߬ ߓߘߊ߫ ߛߋ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫߸ ߘߊ߲ߘߟߊ ߟߎ߬ ߦߴߊ߬ ߞߊ߲߬ ߞߊ߬ ߓߊߛߌ ߜߊ߬ ߏ߬ ߟߎ߬ ߟߊ߫ ߕߋ߲߬ߕߋ߲߬. ߛߋߞߎ߬ ߔߋߟߋ߫ ߞߋߕߊ߬ ߡߍ߲ ߟߐ߬ ߦߙߐ ߦߋ߫ ߓߌ߬ߟߊ߲߬ߒ߬ߘߐ߬ߖߎ߰ߞߏ ߟߎ߬ ߢߊߓߐ ߘߌ߫، ߏ߬ ߕߊ ߝߐߟߌ߫ ߘߐ߫: ߞߴߊ߬ ߟߊ߫ ߞߎ߲߬ߕߌ߬ ߟߋ߬ ߞߵߊ߬ ߞߟߌ߫ ߞߎߣߎ߲߬، ߞߵߊ߬ ߟߊߟߐ߲ߠߌ߲ ߞߏ߫ ߓߌ߬ߟߊ߲߬ߒ߬ߘߐ߬ߖߎ߮ ߘߏ߫ ߓߘߊ߫ ߞߍ߫ ߛߌ߯ߙߌ߲߫ ߞߌ߲߭ ߘߏ߫ ߟߊ߫، ߞߏ߫ ߕߟߋ߬ߟߊߖߌ߮، ߞߵߊ߬ ߦߋ߫ ߕߊ߯ ߦߋ߫ ߖߏߣߊ߫߸ ߊ߬ ߛߋ ߦߋ߲߬ ߏ߬ ߘߐ߫߸ ߞߵߊ߬ ߟߊ߫ ߞߙߐ߬ߛߌ߬ߟߌ ߟߎ߬ ߞߍ߫߸ ߊ߬ ߞߵߊ߬ ߦߋ߫ ߏ߬ ߘߐ߫ ߞߏ߫: ߓߏ߬ߙߌ ߝߊ߲߬ߞߊ ߟߊߥߊ߬ߙߊ ߣߌ߫ ߞߊ߲ߓߋ ߠߊߢߎ߲ߣߍ߲߫ ߕߘߍ߬ ߞߏߛߓߍ߫߸ ߞߴߏ߬ ߟߋ߬ ߞߍߣߍ߲߫ ߓߌ߬ߟߊ߲߬ߒ߬ߘߐ߬ߖߎ߮ ߞߎ߲߭ ߘߌ߫. ߡߍ߲ ߠߎ߬ ߣߌ ߕߏߣߍ߲߫ ߓߌ߬ߟߊ߲߬ߒ߬ߘߐ߬ߖߎ߮ ߢߌ߲߬ ߘߐ߫، ߏ߬ ߟߎ߫ ߝߎ߬ߙߋ ߓߘߊ߫ ߘߴߊ߬ߟߎ߬ ߓߘߊߡߐ߮ ߟߎ߫ ߡߊ߬.
ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫ ߓߟߏ߫