ߟߊ߬ߛߋ߬ߟߌ: ߒߞߏ ߕߐ߲߫ ߖߊ߯ߓߡߊ ߟߊ߫ ߝߘߏ߬ߓߊ߬ ߜߙߊ߬ ߥߐ߯ߙߐ߲ߥߌߟߊߣߊ߲

ߒߞߏ ߕߐ߲߫ ߖߊ߯ߓߡߊ ߟߊ߫ ߝߘߏ߬ߓߊ߬ ߜߙߊ߬ ߥߐ߯ߙߐ߲ߥߌߟߊߣߊ߲ ߟߊ߬ߛߋ߬ߟߌ
ߒߞߏ ߕߐ߲߫ ߖߊ߯ߓߡߊ ߡߙߊ߬ߘߊ ߞߏߟߊߕߍ߮ ߟߊ߫ ߘߋ߬ߙߌ߬ߣߍ߲߬ ߟߊߘߍ ߡߍ߲ ߞߍߣߍ߲߫ ߞߊ߬ߙߌߝߐ߭ ߁߄ ߞ.ߜ. ߇߈߄/߂߀߁߉، ߏ߬ ߓߍ߲߬ߡߊ߬ߞߊ߲ ߠߋ߬ ߞߍߣߍ߲߫ ߕߐ߲ ߠߊ߫ ߝߘߏ߬ߓߊ߬ ߜߙߊ߬ ߥߐ߯ߙߐ߲ߥߌߟߊߣߊ߲ ߞߍߟߌ ߘߌ߫، ߡߍ߲ ߞߍߕߐ߫ ߞߊ߬ߙߌߝߐ߭ ߣߌ߲߬ ߕߋ߬ߟߋ߫ ߂߈߸ ߞߊ߲߬ߖߊ߬ߡߊ߯ߘߌ߫ ߖ߭ߎߡ ߠߊ߫ ߓߟߐߟߐ ߟߊ߫ ߞߊߙߌߟߏ߲߸ ߇߲ / ߂߈ / ߞ.ߜ. ߇߈߄ / ߂߀߁߉ ߣߌߦߐߙߞ ߁߀:߀߀ ߖߋߞߎ ߟߊ߫߸ ߏ߬ ߦߋ߫ ߓߍ߲߬ ߠߊ߫ ߖߊ߯ߓߊ ߁߄ߙߋ߲:߀߀ ߖߋߞߎ ߟߋ߫ ߡߊ߬ ߝߘߊ߬ߝߌ߲߬ߠߊ߫ ߕߟߋ߬ߓߋ ߡߊ߲߬ߘߋ߲߬ ߖߡߊߣߊ ߟߎ߬ ߞߣߐ߫. https://zoom.us/j/3479930891
ߏ߬ ߘߐ߫߸ ߞߏ߫ ߞߊ߬ ߝߘߏ߬ߓߊ߬ ߜߙߊ߬ߞߏ ߟߊߛߋ߫ ߕߐ߲ ߛߌ߲߬ߝߏ߲ ߠߎ߬ ߣߌ߫ ߒߞߏ ߘߍߞߙߎ ߟߎ߬ ߣߌ߫ ߒߞߏ ߥߎߟߊߟߊ߫ ߞߊߙߊ߲ߘߋ߲ ߠߎ߬ ߣߌ߫ ߒߞߏ ߞߊ߬ߣߌ߲߬ߒߕߋ ߓߍ߯ ߟߊߘߍ߬ߣߍ߲ ߡߊ߬ ߞߐߘߍ߫.
ߝߘߏ߬ߓߊ ߜߙߊ ߣߌ߲߬ ߕߐ߬ߣߐ ߥߊ߬ߙߊ ߞߏߛߐ߲߬߸ ߘߌ߬ߢߍ߬ ߡߊ߫ ߞߍ߫ ߡߐ߰ ߛߌ߫ ߡߊ߬ ߞߐߓߊ߯ߦߊ ߘߐ߫߸ ߓߊߏ߬ ߞߏ߫ ߟߋ߬ ߡߍ߲ ߡߊ߲߫ ߞߊ߲߫ ߞߊ߬ ߝߐ߫ ߡߐ߰ ߞߐ߫.
ߕߐ߲ ߛߌ߰ߞߊ߲ ߞߊ߬ ߡߍ߲ ߝߐ߫ ߊ߬ߟߋ߬ ߜߊ߬ߙߊ ߞߊ߲߬߸ ߏ߬ ߘߏ߫ ߝߟߍ߫ ߣߌ߲߬:
ߒ.ߥ.ߛ.ߖ. ߞߣߐߘߐ߫ ߞߎߙߎ߲ߘߎ ߣߌ߲߬ ߠߋ߫ ߘߍ߬ߞߙߎ ߛߌ߰ߞߊ߲ ߘߝߊ߫ ߟߊ߫߸ ߞߵߏ߬ ߟߊ߫ ߛߌ߲߬ߝߏ߲߬ߧߊ߬ߟߌ ߣߌ߫ ߟߊ߬ߕߊ߰ߡߊ߬ߟߌ ߛߙߊߕߌ ߟߎ߫ ߞߊ߲߬، ߝߣߊ߫߸ ߊ߬ߟߋ ߟߋ߬ ߛߋߓߊ߯ߦߊ ߟߎ߫ ߘߊ߲߬ߠߊߕߍ߰ ߟߊ߫߸ ߛߓߍߘߓߊ ߣߌ߫ ߖߋ߬ߕߌ߰ߘߊ ߟߎ߬ ߞߣߐ߫߸ ߊ߬ߟߋ ߟߋ߬ ߞߏߟߊߘߍߢߐ߲߮ ߠߎ߬ ߣߌ߭ ߣߴߊ߬ߟߎ߬ ߕߊ߫ ߞߍߕߊ ߟߎ߬ ߟߊߕߍ߰ ߟߊ߫.
ߛߌ߰ߘߊ ߝߟߐ: ߛߌ߲߬ߝߏ߲ ߠߎ߬:
ߞߎ߬ߙߎ߲߬ߘߎ߬ߛߋ߲ ߁߭:
ߡߐ߰ ߞߎ߲߬ߞߋߟߋ߲ ߥߟߊ߫ ߘߍ߬ߞߙߎ ߡߍ߲ ߓߊ߯ ߘߌ߬ߢߍ߬ ߒ.ߥ.ߛ.ߖ. ߛߌ߰ߞߊ߲ ߠߎ߬ ߣߌ߫ ߛߊ߬ߙߌ߬ߦߊ ߘߏ߲߬ߖߟߎ߬ߡߊ ߟߎ߫ ߡߊ߬߸ ߏ߬ ߞߊ߫ ߞߊ߲߫ ߞߵߊ߬ ߟߊ߫ ߓߟߏߟߊߘߍ ߟߋ߫ ߛߙߊ߬ ߝߓߊ߬ߘߋ߲߬ߧߊ ߟߊ߫.
ߞߎ߬ߙߎ߬ߘߎ߬ߛߋ߲߂߲: ߛߌ߲߬ߝߏ߲ ߛߎ߯ߦߊ ߟߎ߬:
ߛߌ߲߬ߝߏ߲ ߛߎ߯ߦߊ ߡߍ߲ ߠߎ߬ ߡߊߘߊ߲ߣߍ߲߫ ߛߌ߰ߞߊ߲ ߞߎ߬ߙߎ߲߬ߘߎ߬ߛߋ߲ ߞߣߐ߫߸ ߣߴߏ߬ ߟߎ߬ ߦߋ߫ ߟߥߊ߬ߟߌ߬ߟߌ߬ ߛߌ߲ߝߏ߲ ߣߌ߫ ߝߘߏ߬ߓߊ߬ ߛߌ߲ߝߏ߲ ߣߌ߫ ߛߌ߲߬ߝߏ߲߬ ߞߙߍߞߙߍߣߍ߲ ߠߎ߬ ߘߌ߫߸ ߏ߬ ߟߎ߬ ߘߌ߫ ߛߋ߫ ߣߐ߬ߘߐߓߌ߬ߟߊ߬ ߟߊ߫ ߝߘߏ߬ߓߊ߬ ߜߙߊ ߟߊ߫ ߓߍ߲߬ߒ߬ߡߊ߬ߞߊ߲ ߠߊ߫.
ߛߌ߰ߘߊ ߝߌߟߊߣߊ߲: ߝߘߏ߬ߓߊ߬ ߜߙߊ:
ߞߎ߬ߙߎ߲߬ߘߎ߬ߛߋ߲ ߇߲: ߝߘߏ߬ߓߊ߬ ߜߙߊ ߛߋߞߏߦߊ ߟߋ߫ ߘߍ߬ߞߙߎ ߟߊ߫ ߛߋߓߊ߯ߦߊ ߛߊ߲ߘߐߕߊ ߘߌ߫߸ ߊ߬ ߦߋ߫ ߡߙߊ߬ߘߊ ߞߏߟߊߕߍ߮ ߟߊ߫ ߟߊ߬ߘߍ߫ ߞߎ߲߬ߠߊߛߌ߰ߕߊ ߟߋ߬ ߘߌ߫ ߸ ߊ߬ ߣߌ߫ ߡߐ߱ ߢߌ߲߬ ߠߎ߬:
ߗߋ߲ߘߋ߲߫ ߂-߂ ߡߍ߲ ߠߎ߬ ߦߋ߫ ߟߐ߬ߒ߬ߗߋ߬ߟߊ߬ ߛߋ߲ߛߋߘߋ߲ ߠߎ߬ ߘߌ߫ ߞߊ߬ ߝߘߊ߫ ߛߌ߲߬ߝߏ߲߬ ߛߓߍߘߊ ߟߎ߬ ߟߊ߫.
ߞߎ߬ߙߎ߲߬ߘߎ߬ߛߋ߲ ߈߲: ߝߘߏ߬ߓߊ߬ ߜߙߊ ߟߊ߫ ߟߊ߬ߘߍ:
ߝߘߏ߬ߓߊ߬ ߜߙߊ ߟߊ߫ ߟߊ߬ߘߍ ߦߋ߫ ߛߎ߯ߦߊ ߢߌ߲߬ ߠߎ߫ ߟߋ߬ ߘߌ߫:
ߊ)- ߟߊ߬ߥߊ߲߬ߞߊ߲߬ߠߌ߲߬ ߜߙߊ:
ߛߋߓߊ߯ߦߊ߫ ߝߌ߬ߟߊ߫ ߟߋ߬ ߟߊ߬ߥߊ߲߬ߞߊ߲߬ߠߌ߲߬ ߜߙߊ ߏ߬ ߢߍ߫:
ߝߟߐ: ߞߊ߬ ߘߍ߬ߞߙߎ ߛߌ߰ߞߊ߲ ߣߌ߫ ߞߣߐߘߐ߫ ߞߎߙߎ߲ߘߎ ߟߊߥߊ߲߬ߞߊ߫.
ߝߌߟߊߣߊ߲: ߞߊ߬ ߛߓߍߘߊ߫ ߖߊ߯ߓߡߊ ߛߏ߯ߙߏ߫:
ߋ)- ߘߋ߬ߙߌ߬ߒ߬ߠߊ߬ ߟߊߘߍ: ߏ߬ ߦߋ߫ ߞߍ߫ ߟߊ߫ ߘߍ߬ߞߙߎ ߟߊ߫ ߝߊ߲ߓߊ ߟߋ߬ ߟߊ߫߸ ߛߊ߲߭ ߞߘߐ߫ ߛߋ߲߬ߧߊ߬ ߞߋߟߋ߲߫ ߥߟߊ߫ ߡߙߊ߬ߘߊ ߞߏߟߊߕߍ߮ ߓߊ߯ ߦߙߐ߫ ߜߘߍ ߡߍ߲ ߠߎ߬ ߛߎߥߊ߲ߘߌ߫ ߝߘߏ߬ߓߊ߬ ߜߙߊ ߦߴߏ߬ ߟߊߘߌ߬ߢߍ߬، ߊ߬ߟߋ ߟߋ߬ ߡ.ߞ. ߟߊ߫ ߓߊ߯ߙߊ ߟߎ߬ ߡߊߞߕߌ߫ ߟߊ߫ ߸ ߞߊ߬ ߛߐ߲߬ ߢߍߥߟߊ ߟߎ߫ ߡߊ߬ ߸ ߞߊ߬ ߛߓߍߘߊ ߛߌ߲߬ߝߏ߲߬ߧߊ ߘߏ߫ ߡߊߝߊ߬ߟߋ߲߬ ߣߴߏ߬ ߞߊ߫ ߞߊ߲߲߫ ߸ ߞߊ߬ ߛߓߍߘߊ߫ ߖߊ߯ߓߡߊ ߟߊߞߎߘߦߊ߫ ߣߴߊ߬ ߛߕߊ ߘߝߊ߫ ߘߊ߫، ߞߊ߬ ߛߌ߲߬ߝߏ߲ ߠߊ߫ ߘߏ߲߬ߠߌ߲ ߥߟߊ߫ ߓߌ߬ߟߊ߬ߟߌ ߘߐߞߕߌ߫߸ ߊ߬ ߣߌ߫ ߝߙߋߞߋ߫ ߜߘߍ ߡߍ߲ ߓߊ߯ ߟߴߊ߬ ߞߘߐ߫߸ ߝߘߏ߬ߓߊ߬ ߜߙߊ ߟߊ߫ ߘߋ߬ߙߌ߬ߒ߬ߠߊ߬ ߟߊߘߍ ߢߣߊߓߊ߮ ߟߎ߬ ߡߊ߲߫ ߞߊ߲߫ ߞߊ߬ ߘߛߍ߫ ߟߥߊ߬ߟߌ߬ߟߌ ߛߌ߲߬ߝߏ߲ ߣߌ߫ ߛߌ߲߬ߝߏ߲߬ ߛߓߍߘߊ ߟߎ߬ ߞߐߦߌߘߊߓߊ߮ ߟߎ߬ ߛߓߊߢߐ߲߮ ߝߌ߬ߟߊ (߃/߂) ߘߐ߫ ߸ ߡߙߌߘߐ ߟߎ߬ ߦߋ߫ ߕߊ߬ ߟߊ߫ ߞߏߟߊߒߞߘߐߢߐ߲߯ߦߊ ߟߋ߬ ߘߐ߫ ߝߘߏ߬ߓߊ߬ ߜߙߊ ߓߟߏ߫ ߢߣߊߕߊߟߌ ߛߌߟߊ ߝߍ߬ ߖߊ߬ߡߊ ߝߊ߲߬ߓߊ߬ߦߊ ߟߊ߫.
ߏ߬ ߘߐ߫߸ ߣߌ߲߬ ߓߍ߯ ߞߐ߫߸ ߢߌ߬ߣߊ߲߫ ߝߘߏ߬ߓߊ߬ ߜߙߊ߬ ߥߐ߯ߙߐߣߊ߲ ߣߌ߲߬ ߛߋ߲߬ߝߍ߬߸ ߡߙߊ߬ߘߊ ߞߏߟߊߕߍ߮ ߛߌ߲߬ߝߏ߲ ߘߏ߫ ߟߎ߫ ߘߌ߫ ߡߊߝߊ߬ߟߋ߲߬، ߡߍ߲ ߠߎ߬ ߡߊ߫ ߞߎ߬ߙߎ߲߲߬ߘߎ ߢߌ߲߬ ߠߎ߬ ߡߊߓߏ߲ߧߊ߬.
ߊ)- ߛߌ߲߬ߝߏ߲߬ ߔߊߔߘߊ: ߓߊߏ߬ ߡߐ߰ ߕߴߛߋ߫ ߞߍ߫ ߟߊ߫ ߕߐ߲߫ ߛߌ߫ ߡߊ߬ߞߟߐ ߘߌ߫߸ ߝߏ߫ ߌ ߦߋ߫ ߞߍ߫ ߊ߬ ߛߌ߲߬ߝߏ߲ ߠߋ߬ ߝߟߐ߫ ߘߌ߫، ߏ߬ ߘߐ߫ ߣߌ߫ ߛߌ߲߬ߝߏ߲߬ ߔߊߔߘߊ ߡߊ߫ ߕߊ߬ ߡߍ߲ ߓߟߏ߫߸ ߥߟߴߊ߬ ߕߎ߬ߡߊ߬ߘߊ ߓߘߊ߫ ߓߊ߲߫، ߏ߬ ߦߴߊ߬ ߕߊ߬ ߥߟߊ߫ ߞߵߊ߬ ߟߊߞߎߘߦߊ߫ ߦߊ߬ߣߌ߫ ߝߘߏ߬ߓߊ߬ ߜߙߊ߬ ߥߐ߯ߙߐߣߊ߲ ߕߍ߫، ߣߴߏ߬ ߕߍ߫ ߏ߬ ߘߌ߫ ߣߐ߬ߘߐߓߌ߬ߟߊ߬.
ߋ)- ߟߊ߬ߘߍ߬ߞߏ ߛߌߟߊ ߝߍ߬߸ ߓߍ߲߬ ߞߍ߫ ߘߴߊ߬ ߡߊ߬ ߟߋ߬ ߞߏ߫ ߞߊ߬ ߟߊ߬ߘߍ ߞߍ߫ ߟߐ߯ߞߎ߲߫  ߝߌ߬ߟߊ-ߝߌ߬ߟߊ߬߸ ߦߏ߫ ߊ߰ ߞߍ߫ ߟߊ߫ ߢߊ ߡߍ߲ ߞߘߐ߬ߡߊ߲߬߸ ߞߊ߬ ߓߍ߲߬ ߡߊ߲߬ߘߋ߲߫ ߕߎ߬ߡߊ߬ߙߋ߲߬ ߁߄:߀߀ ߖߋߞߎ ߣߌ߫ ߣߌߦߐߙߞ ߛߐ߰ߡߊ߬ ߁߀:߀߀ ߡߊ߬.
ߞߏ߬ߣߌ߲߬ ߡߍ߲ ߓߊ߯ ߛߊ߬ߦߌ߬ ߟߊ߬ߘߍ߫ ߃ ߘߐ߫ ߞߵߊ߬ ߕߎ߲߰ ߢߐ߲߮ ߠߊ߫ ߣߌ߫ ߘߊ߬ߟߎ߬ ߖߐ߲ߖߐ߲߫ ߕߍ߫ ߡߍ߲ ߠߊ߫߸ ߏ߬ ߘߌ߫ ߘߟߊ߫ ߅ ߛߙߊ߬ ߖߊ߲߬ߞߌ߬ߟߌ ߘߌ߫، ߣߌ߫ ߡߍ߲ ߞߊ߬ ߛߊ߲߬ ߞߋߟߋ߲߫ ߞߍ߫߸ ߊ߬ ߡߊ߫ ߦߋ߫ ߟߊ߬ߘߍ ߘߐ߫߸ ߏ߬ ߘߌ߫ ߓߐ߫ ߡߙߊ߬ߘߊ ߞߏߟߊߕߍ߮ ߟߐ߬ߘߎ߮ ߘߐ߫.
ߌ) – ߓߟߏߟߊߘߍߞߏ ߓߟߏ ߡߊ߬߸ ߓߍ߲߬ ߞߍߣߴߊ߬ ߡߊ߬ ߞߏ߫ ߛߌ߲߬ߝߏ߲ ߓߍ߯ ߦߴߊ߬ ߟߊ߫ ߓߟߏߟߊߘߍ ߛߙߊ߬ ߝߓߊ߬ߘߋ߲ߧߊ ߟߊ߫߸ ߛߊ߲߬ ߞߋߟߋ߲ ߓߟߏߟߊߘߍ ߦߋ߫ ߓߍ߲߬ ߠߊ߫ ߘߟߊ߫ ߁߀߀ ߟߋ߫ ߡߊ߬߸ ߏ߬ ߦߋ߫ ߞߊߙߏ ߓߍ߯ ߘߟߊ߫ ߈.߃߃ߟߋ߬ ߘߌ߫߸ ߝߏ߫ ߣߌ߫ ߡߍ߲ ߛߋ߫ ߘߊ߫ ߞߊ߬ ߘߏ߫ ߝߊ߬ߙߊ߫ ߏ߬ ߞߊ߲߬ ߓߟߏߘߐߢߌ߲ߦߊ ߣߌ߫ ߝߎߣߎ߲ߛߙߋߦߊ ߟߊ߫ ߒߞߏ ߟߊ߫ ߥߙߎߞߌ ߛߋ߲߬ߠߊ߬ߞߊ߬ߟߌ߬ߦߊ߬ߞߏ ߘߐ߫.
ߏ߬ ߘߐ߫߸ ߣߌ߫ ߡߊ߬ߞߟߐ ߡߍ߲ ߡߴߊ߬ ߕߊ߫ ߓߟߏߟߊߘߍ ߛߙߊ߬ ߸ ߏ߬ ߦߴߊ߬ ߕߊ ߛߙߊ߬ ߦߊ߬ߣߌ߫ ߝߘߏ߬ߓߊ߬ ߜߙߊ߬ ߥߐ߯ߙߐ߲ߥߌߟߊߣߊ߲ ߕߍ߫، ߣߴߏ߬ ߕߍ߫ ߏ߬ ߘߌ߫ ߣߐ߬ߘߐߓߌ߬ߟߊ߬.
ߞߊ߬ ߝߘߊ߫ ߒߞߏ ߕߐ߲߫ ߖߊ߯ߓߡߊ ߡߙߊ߬ߘߊ ߞߏߟߊߕߍ߮ ߞߊ߲ߕߌ߮ ߟߊ߫߸ ߞߊ߬ߙߊ߲߬ߡߐ߯/ ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߬.