ߒߞߏ ߣߌ߫ ߓߘߍ߬ߓߘߍ߬ߟߌ

ߒߞߏ ߡߌ߬ߙߌ߲߬ߘߌ ߣߌ߫ ߓߘߍ߬ߓߘߍ߬ߟߌ: ߊ߬ ߕߎ߬ߡߊ߬ ߘߌߡߊ߲ ߓߘߊ߫ ߛߋ߫، ߒߞߏ ߡߌ߬ߙߌ߲߬ߘߌ ߝߣߊ߫ ߦߋ߫ ߓߘߍ߬ߓߘߍ߬ߟߌ߬ ߞߙߎߞߊ ߛߌ߰ ߛߋ߲߬ߞߊ߲߬، ߏ߬ ߘߌ߫ ߞߍ߫ ߛߊߓߎ߫ ߘߌ߫، ߊ߲ ߡߙߌߦߊ ߟߎ߬ ߘߌ߫ ߕߊ߯ ߦߙߐ߫ ߖߊ߲߫، ߓߊߏ߬، ߣߴߌ ߞߵߊ߲ ߠߊ߫ ߓߘߍ߬ߓߘߍ߬ߟߌ ߗߏ߯ߦߊ ߡߊߝߟߍ߬ ߓߌ߬، ߌ ߘߴߊ߬ ߦߋ߫ ߡߍ߲ ߠߎ߫ ߞߊ߬ ߋߙߐߔߎ߬ ߞߊ߲ ߠߎ߫ ߞߊ߬ߙߊ߲߬، ߏ߬ ߟߎ߫ ߜߊ߲߬ߛߊ߲߫ ߠߋ߬ ߦߋ߬ ߓߘߍ߬ߓߘߍ߬ߟߌ߬ ߞߙߎߞߊ ߟߎ߬ ߟߊߘߊ߲߫ ߠߊ߫، ߣߴߊ߬ ߘߏ߲߬ ߓߍ߲߬ ߘߊ߫ ߡߍ߲ ߝߣߊ߫ ߛߎߘߊ߲ ߡߊ߬، ߏ߬ ߟߋ߬ ߖߡߊ߬ߣߊ ߟߊߖߌ߰ ߟߊ߫ ߢߊ߫ ߡߊ߬، ߡߍ߲ ߣߴߊ߬ ߟߊ߫ ߓߘߍ߬ߓߘߍ߬ߟߌ ߞߙߎߞߊ ߞߎ߲߬ߕߋߟߋ߲ ߓߍ߲߬ߣߍ߲߫ ߢߐ߲߮ ߡߊ߬߸ ߊ߲ߠߎ߬ ߡߍ߲ ߠߎ߬ ߝߊ߬ߛߏ߬ ߞߊ߲ ߠߎ߫ ߞߊ߬ߙߊ߲߬ߓߊ߮ ߘߌ߫، ߣߴߊ߲ ߝߣߊ߫ ߡߴߊ߲ ߓߌ߬ߟߊ߫ ߓߘߍ߬ߓߘߍ߬ߟߌ ߖߌ߫ ߟߊ߫، ߊ߬ ߘߌ߫ ߜߟߍ߬ߦߊ߫، ߊ߲ ߡߙߌߦߊ ߟߎ߬ ߦߋ߫ ߓߐ߫ ߜߍ߫ ߟߊ߫، ߥߟߊ߫ ߞߊ߬ ߓߟߏߦߊ߫߸ ߏ߬ ߓߟߏߡߊ߬ ߓߊߘߋ߲ ߠߎ߬، ߝߏ߫ ߊ߲ ߧߋ߫ ߦߟߍ߬ߡߊ߲߫ ߘߏ߲߬ ߊ߲ ߕߊ߯ ߗߏ߯ ߘߐ߫ ߘߎߢߊ߫ ߞߊ߬ߞߎ߬ߘߊ߬ ߕߟߋ ߢߌ߲߬ ߘߐ߫، ߓߊߏ߬، ߊ߲ ߧߋ߫ ߓߌ߬ ߕߋ߬ߟߋ ߡߍ߲ ߘߐ߫ ߣߌ߲߬، ߣߌ߫ ߓߘߍ߬ߓߘߍ߬ߟߌ߬ ߝߊ߲ߞߊ ߕߴߌ ߓߟߏ߫، ߊ߬ ߞߊ߫ ߜߟߍ߬ ߌ ߟߊ߫ ߞߏ ߘߏ߫ ߟߎ߫ ߦߋ߫ ߕߊ߯ ߢߍ߫߸ ߊ߲ ߠߊ߫ ߴߞߎ߬ߙߎ߲߬ߘߎ ߟߎ߫ ߘߏ߲߬ ߛߌߟߊ ߕߍ߰ ߡߐ߬ ߛߌ߫ ߢߍ߫ ߓߘߍ߬ߓߘߍ߬ߟߌ ߞߙߎߞߊ߫ ߟߊߘߊ߲ߞߏ ߘߐ߫، ߓߘߍ߬ߓߘߍ߬ߟߌ߬ ߞߙߎߞߊ ߛߌ߱ ߛߋ߲߬ߞߊ߲߬، ߏ߬ ߣߌ߫ ߛߙߊߕߌ ߡߍ߲ ߠߎ߬ ߛߘߌ߬ߣߍ߲߫ ߢߐ߲߯ ߠߊ߫، ߌ ߦߴߏ߬ ߟߎ߫ ߟߋ߬ ߘߝߊ߫ ߟߊ߫، ߏ߬ ߞߏߛߐ߲߬، ߌ ߘߴߊ߬ ߦߋ߫ ߟߏ߲߫-ߏ-ߟߏ߲߫، ߓߘߍ߬ߓߘߍ߬ߟߌ ߘߏ߫ ߦߋ߫ ߛߌ߰ ߟߊ߫ ߛߋ߲߬ߞߊ߲߬.

ߊ߬ ߘߏ߲߬ ߓߊ߯ ߞߍ߫ ߢߊ߯-ߊ-ߢߊ߫ ߡߊ߬ ߓߌ߬߸ ߒߞߏ ߡߌ߬ߙߌ߲߬ߘߌ߫ ߦߙߌߞߊ ߦߋ߫ ߘߊߞߎ߲ ߡߍ߲ ߘߐ߫ ߓߌ߬ ߊ߲ ߠߊ߫ ߡߊ߲߬ߘߋ߲߬ ߖߡߊߣߊ ߟߎ߬ ߞߣߐ߫، ߏ߬ ߞߊ߬ ߥߛߊ߬ ߞߍ߫ ߡߐ߰ ߛߎߘߊ߲ߞߏ ߘߐ߫ ߞߊ߲ߕߌ߯ߦߊ ߟߊ߫، ߣߌ߫ ߒߞߏ ߡߌ߬ߙߌ߲߬ߘߌ ߞߵߊ߬ ߓߟߏ ߘߏ߲߬ ߢߐ߲߯ ߓߟߏ߫ ߡߊ߬ߟߌ߬ߓߊ ߟߊ߫، ߖߌߣߍ߫، ߜ߭ߊ߲ߓߌ߫، ߜߋ߲-ߞߐ߬ߖߌ߬ߘߊ، ߓߎߙߑߞߌߣߊ߫ ߝߊ߬ߛߏ߫، ߊ߲ ߕߍ߫ ߞߢߊ߬ ߛߎ߲ߘߊ߲߫ ߠߊ߫ ߡߊ߲߬ߘߋ߲߫ ߖߡߊ߬ߣߊ߬ ߞߏߝߏߣߍ߲ ߢߌ߲߬ ߠߎ߬ ߘߏ߫ ߟߎ߫ ߘߐ߫ ߝߛߊߦߌ߫߸ ߞߏ߫ ߘߏ߫ ߟߎ߫ ߓߍ߫، ߡߐ߰ ߕߴߏ߬ ߟߎ߬ ߟߐ߲߫ ߝߏ߫ ߌ ߓߊ߯ ߌ ߓߌ߬ߟߴߊ߬ ߖߌ߫ ߟߊ߫، ߡߊ߲߬ߘߋ߲߫ ߛߊ߲߬ߘߊ ߞߵߏ߬ ߟߋ߬ ߝߐ߫ ߞߏ߫ ” ߌ ߕߍ߫ ߛߣߍ߬ߞߍ߬ ߘߎ߮ ߟߊߜߟߍ߬ߦߊ ߟߐ߲߫ ߣߴߌ ߡߊ߫ ߘߊ߬ߓߊ ߓߌ߬ߟߴߊ߬ ߘߐ߫” ߏ߬ ߓߟߏߡߊ߬ ߓߊߘߋ߲ ߠߎ߬، ߝߏ߫ ߊ߲ ߧߴߊ߲ ߡߌ߬ߙߌ߲߬ߘߌ ߛߌ߲߬ߝߏ߲߬ߧߊ߫ ߛߌߟߊ߫ ߞߍ߲ߘߍ ߟߎ߫ ߟߋ߬ ߞߊ߲߬، ߝߘߊ߬ߜߍ ߟߎ߬ ߟߊ߫ ߞߏ߫ ߟߎ߫ ߞߣߴߊ߲ ߘߐߛߌߟߊ߲߫، ߞߵߊ߬ ߝߐ߫ ߛߍ߲߫ ߞߏ߫ ߣߴߌ ߣߌ߫ ߝߘߊ߬ߜߍ ߟߎ߬ ߘߊ ߕߍ߫ ߝߎ߬ߟߋ߬ ߞߋߟߋ߲߫ ߘߐ߫، ߞߴߌ ߕߍ߫ ߡߊ߬ߛߊ߬ߦߊ ߛߐ߬ߘߐ߲߫، ߏ߬  ߦߋ߫ ߖߌ߰ߟߌ߬ ߜߊ߲߯ߛߊ߲߫ ߠߋ߬ ߘߌ߫، ߊ߲ ߧߴߊ߬ ߦߋ߫ ߟߊ߫ ߦߙߐ߫ ߛߌߦߊߡߊ߲߫ ߘߐ߫،  ߣߊ߲߬ߕߌ߮ ߟߎ߬ ߘߌ߫ ߞߊ߬ߝߏ߬ߖߊߛߏ߲ ߞߍ߫، ߓߍ߯ ߘߴߏ߬ ߘߐߜߏߦߊ߫ߟߏ߬ ߟߎ߬ ߓߟߏ߫، ߞߊ߬ ߓߊ߲߫ ߞߵߌ ߓߊ߲߫ ߊ߬ ߡߊ߬، ߌ ߘߴߌ ߦߋ߫ ߝߣߊ߫ ߡߐ߰  ߞߋߟߋ߲ ߡߍ߲ ߠߎ߬ ߦߋ߫ ߞߊ߬ߝߏ߬ߖߊ߬ߛߏ߲߬ߠߊ ߏ߬ ߟߎ߫ ߟߊ߫ ߘߐߝߏ߲߰ߓߌ߬ ߟߊ߫، ߌ ߘߴߊ߬ ߦߋ߫ ߓߊ߯ߙߊߢߐ߲߯ߦߊ ߦߴߏ߬ ߟߎ߬ ߕߍ߫ ߕߎ߲߯߸ ߕߎ߬ߡߊ߬ ߘߏ߫ ߟߎ߫ ߟߊ߫، ߊ߲ ߧߋ߫ ߞߏ߫ ߘߏ߫ ߟߎ߫ ߖߌ߰ ߟߊ߫ ߢߊ ߘߏ߫ ߞߊ߲߬، ߞߊ߬ ߛߌߟߊ߲߫ ߊ߬ ߦߋ߫، ߣߴߌ ߞߵߌ ߓߌ߬ߟߊ߫ ߏ߬ ߖߌ߫ ߟߊ߫ ߛߌ߲߬ߝߏ߲߬ߧߊ߬ߟߌ ߢߌߡߊ߫ ߘߐ߫، ߌ ߘߴߊ߬ ߦߋ߫ ߊ߬ ߕߍ߫ ߢߊ ߏ߬ ߡߊ߬. ߣߌ߲߬ ߦߋ߫ ߦߟߌߓߌߟߊߟߌ߫ ߟߋ߬ ߘߐߙߐ߲߫ ߘߌ߫ ߞߵߊ߬ ߟߐ߬ ߒߞߏ ߡߌ߬ߙߌ߲߬ߘߌ ߡߊ߬، ߓߊߏ߬، ߊ߲  ߧߴߊ߬ ߦߋ߫ ߟߊ߫، ߡߍ߲ ߠߎ߫ ߞߊ߬ߙߊ߲߬ߣߍ߲߫ ߝߊ߬ߙߊ߲߬ߛߌ߬ߞߊ߲ ߘߐ߫ ߊ߲ ߠߊ߫ ߡߊ߲߬ߘߋ߲߬ ߖߡߊߣߊ ߟߎ߬ ߞߣߐ߫، ߏ߬ ߟߎ߫ ߟߋ߬ ߢߐ߲߮ ߘߍ߬ߡߍ߲߬ ߠߊ߫ ߞߏ ߓߍ߯ ߡߊ߬، ߤߊߟߌ߫ ߣߴߏ߬ ߓߘߍ߬ߓߘߍ߬ߟߌ ߞߙߎߞߊ ߏ߬ ߘߏ߫ ߟߎ߫ ߞߊ߲ߕߌ߮ ߟߎ߬ ߦߋ߫ ߡߐ߰ ߘߐ߬ߞߏߟߏ߲ ߠߎ߫ ߟߋ߬ ߘߌ߫. ߣߴߊ߲ ߞߊ߬ ߊߖ߭ߌ߫ ߖߡߊߣߊ ߟߎ߬ ߘߐߜߍ،  ߌ ߘߴߏ߬ ߓߘߍ߬ߓߘߍ߬ߟߌ߬ ߞߙߎߞߊ ߟߎ߫ ߞߊ߲ߕߌ߮ ߘߏ߫ ߟߎ߬ ߦߋ߫، ߞߵߊ߬ ߕߘߍ߬ ߊ߬ߟߎ߬ ߡߊ߫  ߝߊ߬ߙߊ߲߬ߛߌ߬ߞߊ߲߫ ߟߐ߲߫، ߊ߬ߟߎ߬ ߡߊ߫ ߥߊߟߌߞߊ߲߫ ߜߘߍ߫ ߟߐ߲߫߸ ߤߊߟߌ߫ ߣߴߊ߲ ߡߊ߫ ߞߊ߲ߕߌ߯ߦߊ ߛߐ߬ߘߐ߲߬ ߊ߬ ߛߋ߲߬ߢߊ߬ ߝߟߐ ߟߎ߬ ߘߐ߫،  ߊ߲ ߕߍ߫ ߞߢߊ߬ ߥߛߊ߬ߘߋ߲ ߘߏ߫ ߟߎ߫ ߛߐ߬ߘߐ߲߬ ߠߊ߫، ߡߌ߬ߙߌ߲߬ߘߌ ߓߊ߯ ߞߏ ߟߎ߫ ߝߊ߰ߡߎ߲߫ ߕߎ߬ߡߊ ߡߍ߲، ߊ߲ ߛߎߘߊ߲߫ ߕߎߡߊ ߟߴߏ߬ ߘߌ߫. ߓߘߍ߬ߓߘߍ߬ߟߌ ߞߙߎߞߊ ߘߏ߫ ߟߎ߫ ߦߋ߫ ߖߌߣߍ߫ ߓߌ߬، ߞߊ߬ ߞߐ߲߬ ߛߊ߲߬ ߁߅ ߢߍ߫، ߏ߬ ߟߎ߫ ߕߘߍ߬ ߦߋ߫ ߛߋ߲߬ߘߐ߬ ߞߏߟߏ߲ ߠߎ߫ ߟߋ߬ ߘߌ߫، ߣߴߌ ߞߊ߬ ߖߌ߬ߣߍ߫ ߓߘߍ߬ߓߘߍ߬ߟߌ߬ ߞߊ߲ߞߋ ߘߐߜߍ߫ ߓߌ߬، ߌ ߘߴߏ߬ ߟߎ߬ ߛߌߦߊߡߊ߲߫ ߦߴߊ߬ ߕߍߡߊ߬، ߣߌ߫ ߒߞߏ ߡߌ߬ߙߌ߲߬ߘߌ ߟߊ߫ ߓߘߍ߬ߓߘߍ߬ߟߌ ߞߙߎߞߊ ߞߊ߬ ߥߛߊ߬ߘߋ߲߬ ߦߙߌߞߊ߫ ߛߐ߬ߘߐ߲߬ ߝߊ߬ߛߏ߬ߜߙߊ ߞߣߐ߫، ߊ߲ ߘߛߍߕߐ߫ ߡߎ߲߬ ߝߐ߫ ߟߊ߫ ߦߋ߲߬، ߊ߲ ߠߊ߫ ߡߌ߬ߙߌ߲߬ߘߌ ߞߋߟߋ߲ ߢߌ߲߬ ߠߋ߬ ߘߏ߲߬ ߦߋ߫ ߛߎߥߊ߲ߘߟߌ ߟߎ߬ ߞߍ߫ ߟߊ߫، ߊ߲ ߘߌ߫ ߡߐ߰ ߟߎ߫ ߛߎߥߊ߲ߘߌ߫، ߣߴߏ߬ ߟߎ߫ ߞߊ߬ ߟߐ߬ߘߎ߮ ߟߎ߫ ߡߊߛߐ߬ߘߐ߲߬، ߊ߬ߟߎ߬ ߘߴߊ߬ ߞߍ߫ ߦߏ߫ ߡߐ߰  ߡߊ߫ ߢߣߊߕߊߟߌ߫ ߞߍ߫ ߞߵߊ߬ߟߎ߬ ߟߊߛߌ߮߸ ߞߎߡߊߕߍ߫ ߞߵߊ߲ ߞߎ߲߬ߞߏ ߟߎ߬ ߘߊ߲ߞߎ߲߫، ߦߏ߫ ߊ߲ ߠߊ߫ ߝߊ߬ߛߏ߬ߞߊ߲، ߥߟߊ߫ ߞߊ߬ ߓߊ߯ߙߊ ߟߎ߬ ߞߍ߫ ߊ߲ ߠߊ߫ ߝߊ߬ߛߏ߬ߞߊ߲ ߠߎ߬ ߘߐ߫. ߊ߲ ߘߴߊ߬ ߕߐ߭ ߓߟߏߟߊߕߎ߲߰ ߛߋ߲߬ߢߊ߬ ߜߘߍ߫

ߛߏ߬ߟߏ ߝߙߊ߬ߓߊ-ߘߐ߫