ߝߏ߬ߟߌ ߣߌ߫ ߞߎߟߎ߲ߖߋߟߌ ߞߐ߫،.. ߝߊ߬ߛߏ߬ ߜߋ߲-ߞߐ߰ߖߌ߬ߘߊ “ߒߞߏ ߥߙߎߞߌ ߛߌ߲߬ߝߏ߲߬ߧߊ߬ߟߌ߬ ߖߊ߯ߓߡߊ (ߒ.ߥ.ߛ.ߖ.)” ߥߟߊ߫ ߕߐ߲߫ ߖߊ߯ߓߡߊ ߞߐߦߌߘߊߘߊ ߟߊ߫ ߛߊ߲߬ߠߊ߬ߜߙߊ ߡߍ߲ ߟߐ߯ߟߊߣߍ߲߫ ߕߘߍ߬ ߞߵߊ߬ ߓߌ߬ߟߊ߫ ߘߓߊ߬ߓߌߟߊ ߕߟߋ߬ ߃߀ ߟߊ߫/ ߂߀߁߉ ߟߊ߫߸ ߣߴߊ߬ ߞߍߦߙߐ ߝߣߊ߫ ߕߘߍ߬ ߡߊߟߐ߲ߣߍ߲߫ ߞߵߊ߬ ߕߏ߫ ߜߋ߲-ߞߐ߬ߖߌߘߊ ߞߎߓߋߛߏ ﴿ ߊߓߌߖߊ߲߬ ﴾ ߠߊ߫߸ ߖߡߊ߬ߣߊ߬ ߓߛߍ ߣߌ߲߬ ߛߊ߲߬ ߃߲ ߠߋ߬ ߕߎ߲߬ ߦߋ߫ ߜߊ߬ߙߊ ߢߌ߲߬ ߛߌ߲߬ߝߏ߬ߧߊ߬ߟߌ ߟߊߞߘߎߞߘߎ ߘߐ߫ ߣߌ߲߬ ߊ߬ ߒߞߏߡߊ ߦߙߐ ߟߎ߫ ߘߎ߰ߓߊ ߟߎ߬ ߣߌ߫ ߢߐ߲߮ ߕߍ߫، ߊ߬ ߝߟߐߡߊ ߞߍ߫ ߘߊ߫ ߞߙߐߞߙߐ߫ ߘߎ߱ ߟߋ߬ ߞߣߐ߫ ߊ߬ ߕߋ߲߬ߕߋ߲߭ ߞߊ߲ߕߌ߮ ߡߊߞߏ ߘߎ߮، ߞߵߊ߬ ߂߲ ߞߍ߫ ߡߊ߲߯ ߘߎ߱ ߞߣߐ߫ ߒߞߏ ߞߟߊߓߎߡߊ ߟߎ߬ ߘߊ߯ ߡߊߟߐ߲ߣߍ߲ ߘߏ߫ ߟߋ߫ ߏ߬ ߘߌ߫، ߊ߬ ߛߓߊߣߊ߲ ߣߌ߲߬ ߛߊ߫߸ ߏ߬ ߞߍߣߍ߲߫ ߒߞߏ ߛߓߍߛߎ߲ ߛߌ߲ߘߌ ߦߙߐ߫ ߓߛߍ ߟߋ߬ ߡߊߜߍ߲ ߘߐ߫ ߖߡߊ߬ߣߊ ߞߎߓߋ ߟߊ߫ ߊߓߌߖߊ߲߬.
ߊ߬ ߘߏ߲߬ ߡߍ߲ ߦߋ߫߸ ߜߋ߲-ߞߐ߰ߖߌ߬ߘߊ ߟߊ߫ ߜߊ߬ߙߊ ߢߌ߲߬ ߓߍ߲߬ ߘߴߊ߬ ߛߋ߲߬ߡߊ߬ ߟߋ߬ ߞߏߛߓߍ߫، ߓߊߏ߬߸ ߊ߬ߟߎ߬ ߕߍ߫ ߘߊ߲߬ ߠߴߊ߬ߟߎ߫ ߜߊ߲߬ߛߊ߲ ߡߊ߬ ߦߋ߲߬ ߘߋ߬߸ ߊ߬ߟߎ߬ ߦߋ߫ ߡߊ߬ߞߟߌ߬ߟߌ ߟߊߕߊ߯ ߟߊ߫ ߡߊ߲߬ߘߋ߲߬ ߖߡߊߣߊ ߘߎ߰ ߞߎ߲ߓߊ ߛߌߦߊߡߊ߲߫ ߠߋ߬ ߡߊ߬߸ ߊ߬ ߣߌ߫ ߡߊ߲߬ߕߎ߬ߙߋ߬ ߞߎ߲ߕߎߙߎ߲ ߡߍ߲ ߠߎ߫ ߘߐ߰ߘߏ߲߬ߣߍ߲߬ ߒߞߏ ߟߊ߫ ߘߎߢߊ߫ ߢߊߝߍ߬، ߊ߬ߟߎ߫ ߘߏ߲߬ ߣߵߏ߬ ߞߍ߫ ߟߊ߫ ߟߋ߬߸ ߛߊ߫ ߞߵߊ߬ߟߎ߬ ߕߐ߮ ߥߊߟߋߦߊ߫ ߊ߬ߟߎ߬ ߟߊ߫ ߞߏߟߊߕߊ߯ߡߢߊ ߟߎ߬ ߘߐ߫߸ ߣߊߟߌ߬ߡߎ߲߫ “ߕߐ߲-ߖߊ߯ߓߡߊ” ߞߎߡߊ ߘߌ߫، ߞߊ߬ߕߎ߲߯߸ ߊ߬ߟߎ߬ ߟߊ߫ ߡߐ߰ ߡߊߞߟߌߣߍ߲ ߏ߬ ߟߎ߫ ߘߏ߲߬ ߛߌߦߊߡߊ߲߫ ߞߵߏ߬ ߘߌߦߊߘߏ߲߬ ߊ߬ߟߎ߬ ߘߐ߫ ߟߋ߫ ߘߋ߬߸ ߓߊߏ߬ ߊ߬ߟߎ߬ ߓߐߙߐ߲ߘߐ߫ ߘߊ߫ ߊߓߌߖߊ߲߬ ߞߊ߲߬ ߞߊ߬ ߓߐ߫ ߓߐߕߏ߲ ߓߍ߯ ߟߊ߫ ߞߊ߬ ߣߊ߬ ߜߊ߬ߙߊ ߢߣߊߓߊ߯ߦߊ߫.
ߢߌߣߊ߲߬ߕߊ ߣߌ߲߬ ߘߐ߫߸ ߣߴߌ ߞߊ߬ ߛߏ ߘߏ߫ ߟߎ߫ ߟߊ߫ ߕߘߍ߬ߒ߬ߘߐ߬ߟߌ ߞߙߐ߬ߛߌ߫ ߡߊ߬ߟߌ ߣߌ߫ ߖߌ߬ߣߍ߫ ߞߣߐ߫߸ ߊ߬ ߣߌ߫ ߤߊߟߌ߫ ߜߋ߲-ߞߐ߰ߖߌ߬ߘߊ ߘߎ߰ ߞߎ߲ߓߊ ߟߎ߬߸ ߌ ߘߌ߫ ߏ߬ ߛߌߦߊߡߊ߲߫ ߕߘߍ߬ߣߍ߲ ߦߋ߫ ߜߊ߬ߙߊ ߘߐ߫، ߝߊ߬ߛߏ߫ ߖߌ߬ߣߍ߬ߕߊ ߟߎ߬ ߘߏ߫ ߝߟߍ߫: ߒߛߙߍߜߘߍ߬߸ ߞߐߣߊߞߙߌ߫߸ ߓߊ߬ߣߊ߲߬ߞߘߐ߫߸ ߞߊ߲ߞߊ߲߫߸ ߛߌ߯ߙߌ߲، ߏ߬ ߡߊ߲߬ߕߎ߬ߙߋ߫ ߣߊ߬ߣߍ߲ ߠߎ߫ ߣߊ߬ ߘߊ߫ ߦߋ߲߬ ߕߐ߲ ߢߌ߲߬ ߠߎ߫ ߟߋ߬ ߞߐߦߌ߬ߘߊ߬: ߟ.ߞ.ߝ. ߞߙߊ߬ߡߐ߯ ߛߏ߬ߙߌ߫ ߡߊ߲߬ߘߋ߲߬ߞߊ߫ ﴿ ߥߎ߬ߦߊ߲߬ߞߌ߬ߟߌ ߝߊ߲߬ ﴾ ߸ ߒ.ߢ.ߦ.ߘ. ߞߎ߲߬ߕߌ߮ ߞߊ߲ߞߊ߲߫ ߞߙߊ߬ߡߐ߯ ߣߊ߲߬ߝߏ߫ ߛߎߡߊߦߌߟߊ߫ ߖߊ߰ߓߌ߫. ߛߍ߲ߓߊ߫ ” ߞߊ߲ߞߊ߲߫ ” ߞߙߊ߬ߡߐ߯ ߓߊߛߓߊ߬ߕߌ߫ ߛߘߌ߬ߓߋ߫. ߞߙߏ߬ߝߏ ߞߐߣߊߞߙߌ߫، ߞߙߊ߬ߡߐ߯ ߣߝߊ߬ߖߌ߫ ߛߏ߬ߙߌ߬ ߞߐ߲ߘߍ߫. ߒ.ߢ.ߦ.ߘ. ߞߎ߲߬ߕߌ߮ ߒߛߙߍߜߍ߬ߘߍ߫ ߞߙߊ߬ߡߐ߯ ߛߊߦߌߓߊ߬ ߕߙߊߥߊߟߋ߫..
ߝߊ߬ߛߏ߫ ߡߊ߬ߟߌ߬ߓߊ ߕߊ ߘߏ߫ ߟߎ߫ ߝߟߍ߫: ߓߡߊ߬ߞߐ߫߸ ߞߎ߬ߗߟߊ߫߸ ߊ߬ ߣߌ߫ … ، ߏ߬ ߡߊ߲߬ߕߎ߬ߙߋ߫ ߣߊ߬ߣߍ߲ ߠߎ߫ ߣߊ߬ ߘߊ߫ ߦߋ߲߬ ߕߐ߲ ߢߌ߲߬ ߠߎ߫ ߟߋ߬ ߞߐߦߌ߬ߘߊ߬: ߒ.ߝ.ߦ. ߗߍ߬ߡߐ߯ ߢߊ߬ߡߊ߲߫ ߛߟߏ߬ߡߊ߯ߣ ߛߊ߲ߜ߭ߊߙߋ߫، ߒ.ߟ.ߦ. ߞߙߊ߬ߡߐ߯ ߡߌߣߍߡߊ߯ߘߌ߫ ߛߊ߰ߣߐ߫.
ߜߋ߲ߞߐ߰ߖߌ߬ߘߊ ߕߊ ߘߏ߫ ߟߎ߫ ߝߟߍ߫: ߞߙߐߞߐ߫߸ ߡߊ߲߯߸ ߘߊߟߏߥߊ߫߸ ߊ߬ ߣߌ߫ ߘߎ߰ ߞߎ߲߬ߓߊ߬ ߛߌߦߊߡߊ߲߫߸ ߊ߲ ߡߊ߫ ߡߍ߲ ߠߎ߬ ߓߍ߯ ߛߙߍߘߍ ߟߊߛߐ߬ߘߐ߲߬ ߣߐ߬ߣߐ߬ߟߌ ߢߌ߲߬ ߕߎ߬ߡߊ ߟߊ߫.
ߞߊ߬ߕߎ߲߯߸ ߕߐ߲߫ ߖߊ߯ߓߡߊ ߛߓߍߘߊ߫ ߖߊ߯ߓߡߊ ߞߐߦߌ߬ߘߊ߬ ߘߊ߫ ߛߌ߲߬ߝߏ߲߬ ߞߟߊߒߞߋ߫ ߝߌ߬ߟߊ߫ ߟߋ߬ ߓߟߏ߫߸ ߏ߬ ߞߋߟߋ߲ ߓߐ߫ ߘߊ߫ ߡߊ߬ߟߌ߬ߓߊ ߟߊ߫ “ߞߎ߬ߗߊ߬ߟߊ߫” ߣߊߟߌ߬ߡߎ߲߫ ߛߟߊߕߌ߯ “ߡߊ߬ߘߎ߬ߓߊ߫ ߖߙߊ߬” ߘߌ߫߸ ߊ߬ ߕߐ߬ ߞߋߟߋߟߋ߲ ߓߐ߫ ߘߊ߫ ߝߊ߬ߛߏ߫ ߖߌ߬ߣߍ߫ ߓߊ߬ߣߊ߲߬ߞߘߐ߫߸ ߣߊߟߌ߬ߡߎ߲߫ ߛߟߊߕߌ߯ ߞߙߊ߬ߡߐ߯ “ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߬” ߘߌ߫.
ߝߣߊ߫߸ ߒߞߏ ߓߊߛߌߦߊ ߘߍ߭ ߟߎ߬ ߞߐߦߌ߬ߘߊ߬ߣߍ߲߫ ߕߘߍ߬ ߘߊ߲ߘߟߊ߫ ߥߣߊ߫ “ߞߏߕߍߓߊ߲߫ ߞߊ߬ߡߙߊ߫” ߣߌ߫ ߘߊ߲ߘߟߊ߫ ߞߎߛߊ߫ “ߝߊ߲ߕߊ߫ ߛߏߙߌ߬ ߛߌ߬ߛߋ߫” ߟߎ߫ ߟߋ߬ ߓߟߏ߫ ߞߊ߲ߞߊ߲߫ ߣߌ߫ ߛߌ߯ߙߌ߲ ߠߎ߫ ߘߐ߫.
ߜߊ߬ߙߊ ߣߌ߲߬ ߞߎ߲߬ߕߊ߮ ߕߘߍ߬ ߕߋ߬ߟߋ߫ ߛߊ߬ߓߊ߫ ߟߋ߬ ߘߌ߫߸ ߞߵߊ߬ ߘߊߡߌ߬ߘߊ߫ ߂߀߁߉ ߘߓߊ߬ߓߌߟߊ ߕߟߋ߬ ߃߀ ߛߌ߬ߣߌ߲߬ߟߏ߲ ߡߊ߬߸ ߞߵߊ߬ ߕߟߋ߬ ߃߁ ߞߍ߫߸ ߞߵߊ߬ ߟߊߞߎߙߊ߲߫ ߕߎߟߊߝߌ߲ ߕߟߋ߬ ߝߟߐ ߟߊ߫ ߞߍߞߏߢߌߡߊ ߛߎ߮ ߓߍ߯ ߘߐ߫، ߏ߬ ߓߍ߲߬ ߘߊ߫ ߞߊ߯ߙߌߟߏ߲ ߠߋ߫ ߡߊ߬߸ ߏ߬ ߟߋ ߞߍ߫ ߘߊ߫ ߜߊ߬ߙߊ ߘߊߕߎ߲߯ߣߍ߲ ߘߌ߫ ߡߎ߬ߕߎ߲߬ ߛߊ߫.
ߜߊ߬ߙߊ ߞߏߓߊ߫ ߞߍߣߍ߲߫ ߞߍ߫ ߞߏߓߊ߫ ߂ ߟߋ߬ ߘߌ߫ ߕߊ߲߬: ߊ߬ ߝߟߐ: ߏ߬ ߟߋ߬ ߞߍ߫ ߘߴߊ߬ ߟߊߛߋ ߘߌ߫ ߜߊ߬ߙߊ ߘߊ߲ߕߎ߲߯ ߟߏ߲ ߞߣߍ ߞߊ߲߬ ߞߏ߫: “ߜߋ߲-ߞߐ߰ߖߌ߬ߘߊ ߒߞߏ ߕߐ߲ ߠߎ߬ ߓߍ߯ ߓߘߊ߫ ߝߙߊ߬ ߢߐ߲߮ ߞߊ߲߬ ߕߐ߲ߓߊ߫ ߞߋߟߋ߲߫ ߘߌ߫ ߒߞߏ ߕߐ߲߫ ߖߊ߯ߓߡߊ ߞߐߦߌߘߊߘߊ ߞߣߐ߫”، ߞߵߏ߬ ߞߍ߫ ߒߞߏ ߥߓߊ߬ߕߐ߲߬ߞߏ ߘߌ߫ ߛߊ߫߸ ߏ߬ ߞߍ߫ ߘߊ߫ ߜߊ߬ߙߊ ߕߘߍ߬ߒ߬ߘߐ߬ߓߊ߮ ߓߍ߯ ߛߍߥߊߞߏ߫ ߘߌ߫، ߊ߬ ߣߌ߫ ߞߊ߬ ߜߋ߲-ߞߐ߬ߖߌ߬ߘߊ ߞߍ߫ ߕߐ߰ߡߊ߬ߛߙߋ߬ ߢߌߡߊ߫ ߘߌ߫ ߞߋ߲߬ߟߋ߲߬ߧߊ ߟߊߛߓߊ߬ߕߌ ߘߐ߫ ߡߊ߬ߘߋ߲߬ ߖߡߊߣߊ ߟߎ߬ ߞߣߐ߫߸ ߏ߬ ߘߏ߲߬ ߕߍ߫ ߓߙߊ߬ ߡߐ߰ ߘߐ߫، ߓߊߏ߬ ߒߞߏ ߛߌ߲ߘߌߣߍ߲߫ ߜߋ߲-ߞߐ߰ߖߌ߬ߘߊ ߖߡߊ߬ߣߊ ߢߌ߲߬ ߠߋ߬ ߝߣߊ߫ ߞߣߐ߫ ﴿ ߓߍ߲ߖߍߘߎ߯ ﴾ ߡߎߣߎ߲߬߸ ߞߊ߬ ߖߡߊ߬ߣߊ ߕߐ߬ߡߊ ߟߎ߬ ߟߊߛߐ߬ߘߐ߲߫ ߏ߬ ߞߐ߫. ߣߌ߫ ߒߞߏ ߕߐ߲ ߠߎ߬ ߝߣߊ߫ ߟߊ߫ ߝߙߊ߬ߢߐ߲߰ߞߊ߲ ߘߊߡߌ߬ߣߊ߬ ߘߊ߫ ߡߊ߲߬ߘߋ߲߫ ߖߡߊ߬ߣߊ߬ ߞߋߟߋ߲ ߏ߬ ߘߐ߫߸ ߏ߬ ߦߋ߫ ߡߐ߰ ߦߟߌߡߊߞߏ߫ ߟߋ߬ ߘߌ߫.
ߜߊ߬ߙߊ ߞߏߓߊ߫ ߂߲، ߏ߬ ߟߋ ߞߍ߫ ߘߊ߫ ߜߊ߬ߙߊ ߕߘߍ߬ߒ߬ߘߐ߬ߓߊ߮ ߓߍ߯ ߥߌ߬ߟߌ ߘߌ߫ ߞߋߟߋ߲߫ ߘߌ߫ ߞߊ߬ ߕߊ߯ ߒߞߏ ߛߌ߲ߘߌ߫ ߦߙߐ ߞߎ߲ߝߊ߲ߓߐ߫ ߓߍ߲ߖ߭ߍߙߑߝ߭ߌߟ ߘߎ߱ ߞߣߐ߫، ߦߋ߲߬ ߡߍ߲ ߕߘߍ߬ ߦߋ߫ ߜߋ߲-ߞߐ߰ߖߌ߬ߘߊ ߞߎߓߋߛߏ ߘߌ߫ ߒߞߏ ߛߌ߲ߘߌ߫ ߕߎߡߊ ߟߊ߫ ߁߉߄߉ ߟߊ߫. ߏ߬ ߓߟߏߡߊ߬ ߓߊߘߋ߲ ߠߎ߬،…
ߕߐ߲߫ ߖߊ߯ߓߡߊ ߛߓߍߘߊ߫ ߖߊ߯ߓߡߊ ߟߊ߫ ߝߏ߬ߟߌ߬ ߞߙߍߞߙߍߣߍ߲ ߦߋ߫ ߛߋ߫ ߟߊ߫ ߕߐ߲߫ ߖߊ߯ߓߡߊ ߞߐߦߌߘߊߘߊ ߞߊ߲ߕߌ߮ ߛߟߊߕߌ߯ “ߦߊ߬ߞߎߓߊ߬ ߓߍ߲߬ߒ߬ߛߋ߬ߡߊ߫ ߕߙߊߥߊߟߋ߫” ߣߌ߫ ߕߐ߲ ߛߌ߲߬ߝߏ߲ ߠߎ߬ ߓߍ߯ ߟߊߘߍ߬ߣߍ߲ ߡߊ߬ ߞߐߘߍ߫߸ ߏ߬ ߟߎ߬ ߡߍ߲ ߠߎ߬ ߓߍ߯ ߞߵߊ߬ ߞߏ ߞߍ߫ ߊ߬ߟߎ߫ ߛߍ߬ߓߍ ߣߴߊ߬ߟߎ ߛߍ߲ߓߍ ߟߊ߫ ߖߌߖߊ ߘߝߊߣߍ߲ ߘߐ߫߸ ߞߊ߬ ߛߌ߲߬ߝߏ߲߬ߧߊ߬ߟߌ ߞߍ߫ ߞߊ߲ߕߌ߮ ߝߍ߬ ߢߊ߫ ߞߋߟߋ߲߫ ߡߊ߬ ߝߏ߫ ߞߊ߬ ߕߊ߬ߡߌ߲߬.
ߝߏ߬ߟߌ߬ ߞߙߍߞߙߍߣߍ߲߫ ߞߋߟߋ߲ ߏ߬ ߦߋ߫ ߛߋ߫ ߞߙߊ߬ߡߐ߯ ߛߟߊߕߌ߯ “ߛߎ߬ߡߊߦߌߟߊ߫ ߖߊ߰ߓߌ߫” ߡߊ߬ ߊߓߌߖߊ߲߬ ߜߊ߬ߙߊ ߛߌ߲߬ߝߏ߲߬ߦߊ߬ߟߌ߬ߞߏ߬ ߢߌߡߊ ߘߐ߫߸ ߊ߬ߟߎ߬ ߝߏ߫ ߊ߲ ߕߍ߫ ߓߊ߲߫ ߊ߬ߟߎ߬ ߟߊ߫ ߖߌߖߊ ߝߐ߫ ߟߴߊ߬ ߞߏߢߊ ߘߐ߫߸ ߞߊ߬ ߜߊ߬ߙߊ ߖߍ߬ߘߍ ߟߊߖߊ߯ߓߦߊ߫ ߛߋߒߞߏߟߦߊ ߛߌߟߊ ߝߍ߬ ߝߏ߫ ߘߎߢߊ߫ ߖߡߊ߬ߣߊ߬ ߜߘߍ ߕߐ߬ߡߊ ߓߍ߯ ߞߵߊ߬ ߢߣߊߓߊ߯ߦߊ߫ ߓߟߐߟߐ ߟߴߊ߬ ߕߎ߬ߡߊ ߟߎ߬ ߟߊ߫.
ߝߏ߬ߟߌ ߏ߬ ߢߐ߲߰ ߦߋ߫ ߛߋ߫ ߟߊ߫ ߕߐ߲ߘߋ߲ ߣߴߊ߬ߟߎ߫ ߝߍ߬ߡߐ߮ ߓߍ߯ ߟߊߘߍ߬ߣߍ߲ ߡߊ߬߸ ߛߣߍߓߊ߮ ߟߎ߬ ߟߊߛߣߍߞߏ߫ ߢߌߡߊ ߘߐ߫ ߖߌ߬ߦߊ߬ߓߏ߲ ߠߎ߬ ߟߊ߫߸ ߞߵߊ߬ ߟߊ߫ ߡߊ߬ߕߎ߬ߙߍ߬ߕߎ߬ߙߍ߬ߟߌ߬ ߢߌߡߊ ߞߊ߲߬ ߞߊ߬ ߓߐ߫ ߊ߬ߟߎ߫ ߘߏ߲߬ߟߏ߲ ߡߊ߬ ߞߊ߬ ߕߊ߯ ߛߋ߫ ߊ߬ߟߎ߬ ߓߐߟߏ߲ ߠߊ߫߸ ߞߏ߫ ߓߍ߯ ߞߎߟߎ߲ߖߋ߫ ߘߏ߲߯.
ߊ߲ ߧߋ߫ ߜߊ߬ߙߊ ߞߊ߲߬ߞߎߡߊ ߟߎ߬ ߘߐߞߐ߬ߣߐ߲߬ ߠߊ߫، ߞߵߊ߬ߟߎ߫ ߛߌ߬ߘߌ߫ ߞߊ߲߬ߖߊ߬ߡߊ߯ߘߌ߫ ߞߍߦߙߐ ߟߊ߫߸ ߊ߲ ߘߴߏ߬ ߛߐ߰ߒߡߊ߬ ߞߍ߫ ߕߐ߲߫ ߖߊ߯ߓߡߊ ߞߐߦߌߘߊߓߊ߮ ߛߏ߬ߟߏ ߝߙߊ߬ߓߊ-ߘߐ߫ ߟߊ߫ ߓߋߟߋ߲ߠߊ ߘߌ߫ ߦߊ߲߬: ߞߟߐ߬ߡߊ ߣߌ߲߬ ߛߐ߲߬ߞߌ߲߫ ߞߵߏ߬ ߘߐߞߊ߬ߙߊ߲߬ ߓߊ߫