ߛߊ߲ߝߍߙߍ߲ ߓߘߊ߫ ߕߌߢߍߟߌߓߊ߫ ߞߍ߫ ߕߌ߬ߙߏ߫، ߏ߬ ߦߋ߫ ߝߙߊߣߊ߫ ߡߙߊ߬ߘߊ߬-ߘߎ߯ߟߊ ߘߏ߫ ߟߋ߬ ߘߌ߫، ߛߊ߲ߖߌ ߖߍ߬ߘߍߖߍ߬ߘߍ ߟߋ߬ ߦߋ߫ ߣߊ߬ ߟߊ߫ ߖߌ߬ߣߍ߫ ߝߊ߲߬ ߛߌߦߊߡߊ߲߫ ߕߋ߲߬ߕߋ߲߬، ߞߊߕߘߍ߬ߕߍ߫ ߛߊ߬ߡߊ ߓߊ߲߫ ߕߎߡߊ ߡߊ߬ ߖߌ߬ߣߍ߫ ߖߡߊ߬ߣߊ ߦߙߐ ߘߏ߫ ߟߎ߫ ߘߐ߫߸ ߛߊ߲ߝߍߙߍ߲ ߣߐ߬ ߡߐ߰ ߂ ߟߋ߬ ߝߊ߰ ߟߊ߫ ߕߌ߬ߙߏ߫ ߛߏ ߞߣߐ߫، ߝߙߊߣߊ߫ ߕߌ߲߬ߞߎߘߎ߲ ߞߣߐ߫߸ ߊ߬ ߣߌ߫ ߝߙߊߣߊ߫ ߝߏ߬ߣߊ߲ ߦߋ߫ ߞߎߘߍ߫ ߄߂ ߟߋ߬ ߘߌ߫߸ ߡߏ߬ߛߏ ߘߏ߫ ߣߴߊ߬ ߘߋ߲߫ ߢߋߙߌ߲߫ ߞߊ߬ߣߌ߲߬، ߘߋ߲߫ ߢߋߙߌ߲ ߛߌ߭ ߕߘߍ߬ ߞߊߙߏ߫ ߆ ߟߋ߬ ߘߌ߫߸ ߘߋ߲ߠߊ ߕߐ߯ ߞߏ߫ ߛߊߙߊ߲߫ ߞߙߏ߬ߡߊ߫، ߊ߬ ߗߍ߬ ߕߐ߯ ߞߏ߫ ߡߊߡߐ߯ߙߍ߫ ߞߙߏ߬ߡߊ߫، ߏ߬ ߦߋ߫ ߞߙߊߟߌߟߊ ߟߋ߬ ߘߌ߫߸ ߛߊߙߊ߲߫ ߞߙߏ߬ߡߊ ߓߕߐ߫ ߛߍ߬ߣߍ ߘߐ߫، ߕߎߟߊߝߌ߲ ߕߋ߬ߟߋ߫ ߂߃/ ߂߀߁߉، ߟߊ߲߬ߛߙߊ߬ ߕߎߡߊ، ߊ߬ ߘߋ߲ ߓߎ߲߬ߓߎ߬ߣߍ߲߫ ߊ߬ ߞߐ ߘߐ߫، ߏ߬ ߟߋ߬ ߓߍ߲߬ߣߍ߲߫ ߛߊ߲ߖߌ߫ ߓߐߙߐ߲ߘߐ ߥߌ߬ߟߌ ߡߊ߬، ߞߵߊ߬ߟߎ߫ ߕߘߍ߬ ߛߌߟߊ ߞߊ߬ ߞߊ߬ ߕߊ߯ ߛߏ ߞߣߐ߫߸ ߛߊ߲ߝߍߙߍ߲ ߞߵߊ߬ߟߎ߫ ߡߌ߬ߘߊ߫ ߦߋ߲߬ ߠߋ߬، ߞߵߊ߬ ߘߋ߲߫ ߢߋߙߌ߲ ߛߟߐߡߌ߲ ߓߋ߬ ߦߙߐ ߏ߬ ߘߐ߫ ߌߞߘߐ߫߸ ߊ߬ߟߋ߫ ߕߊ߬ ߘߊ߬ ߞߊ߬ ߕߊ߯ ߊ߬ ߘߌ߫ ߕߌ߬ߙߏ߫ ߡߙߊ߬ߘߊ߬-ߘߎ߯ߟߊ ߘߊ߲ߘߊߛߏ ߟߊ߫߸ ߊ߬ߟߋ߬ ߝߣߊ߫ ߡߊ߫ ߛߋ߫ ߓߐ߫ ߟߴߊ߬ ߘߐ߫߸ ߊ߬ ߟߊ߫ ߛߙߎߓߊ߲ߣߍ߲ ߡߍ߲ ߕߘߍ߬ ߦߴߊ߬ ߝߍ߬߸ ߛߊ߲ߝߍߙߍ߲߫ ߝߢߐ ߞߵߏ߬ ߡߊߓߙߏ߬ߓߙߏ߫߸ ߏ߬ ߦߋ߫ ߘߊ߲ߘߊߟߌ ߘߊߞߘߐ ߘߊ߲ߘߊߛߏ ߟߊ߫ ߕߋ߲߬ߕߋ߲߬. ߞߊ߬ ߞߐ߲߬ ߣߌ߲߬ ߢߍ߫، ߛߊ߲ߝߍߙߍ߲ ߕߘߍ߬ ߓߘߊ߫ ߟߎߕߌ߮ ߘߏ߫ ߝߣߊ߫ ߥߊ߬ߟߏ߲߫ ߛߎ߲߬ߜߊ߬ߦߊ ߛߏ ߞߣߐ߫ ߞߵߏ߬ ߝߊ߰ ߔߌߘߏ߫، ߏ߬ ߦߋ߫ ߔߛߊߦߊ߫ ߡߙߊ߬ߘߊ߬-ߘߎ߯ߟߊ ߟߋ߬ ߘߐ߫.
ߖߊ߲߬ߕߏ߲߬ߒ߬ߘߐ: ߛߊ߲ߝߍߙߍ߲ ߢߌ߲߬ ߖߌ߰ ߕߎߡߊ ߡߏ߬ߛߏ ߣߴߊ߬ ߘߋ߲ ߘߐ߫، ߜߋߟߋ߲ߜߋߟߋ߲߫ ߛߌ߫ ߕߘߍ߬ ߕߴߊ߬ߟߎ߬ ߓߟߏ߫.
ߛߏ߬ߟߏ ߝߙߊ߬ߓߊ- ߘߐ߫