ߣߖ߭ߊ ߦߴߊ߬ ߟߊ߫ ߛߊ߲߬ ߆߀߲ ߢߊ߰ߢߊ߮ ߞߊ߲߬ ߓߌ߬ ߞߏ߲ߓߌߕߌ߮ ߕߟߋ߬ ߁߭ ߂߀߁߈ ߠߊ߫.
ߣߖ߭ߊ ߟߊ߫ ߝߏ߬ߟߏ߲߬ߝߊ߬ߟߊ߲߬ߕߍ ߞߐ߲ߛߐ߲ߧߊ ߘߊߡߌ߬ߣߊ߬ ߘߊ߫ ߞߏ߲ߓߌߕߌ߮ ߕߟߋ߬ ߝߟߐ ߟߋ߬ ߡߊ߬ ߁߉߅߈ ߠߊ߫. ߊ߬ߟߎ߬ ߞߍߕߐ߫ ߢߊ߰ߢߊ߮ ߏ߬ ߞߍ߫ ߟߊ߫ ߘߊߞߎ߲ ߆ ߘߐߙߐ߲߫ ߠߋ߬ ߞߊ߲߬، ߞߎ߲߬ߠߊ߬ߞߊ ߘߐ߫߸ ߓߐ߬ߣߐ ߘߐ߫߸ ߊ߬ ߣߌ߫ ߛߋ߲߬ߝߊ߬ ߕߊ ߘߐ߫. ߣߖ߭ߊ ߛߌ߲ߘߌ ߛߊ߲߬ ߆߀ ߣߌ߲߬ ߡߊ߬߸ ߊ߬ߟߎ߬ ߓߘߊ߫ ߛߋ߫ ߞߊ߬ ߞߎ߲߬ߠߊ߬ߞߊ߬ߟߌ ߟߎ߬ ߣߌ߫ ߛߌߟߊߓߐߛߐ߯ߣߦߊ߸ ߊ߬ ߣߌ߫ ߞߏ߫ ߞߎߘߊ߫ ߛߌ߲ߘߌ ߟߎ߬ ߥߙߍ ߟߋ߬ ߞߍ߫ ߊ߬ߟߎ߬ ߟߊ߫ ߖߌ߬ߦߊ߬ߓߍ߬ ߞߋߟߋ߲ ߣߌ߲߬ ߘߌ߫، ߤߊ߲߯ߓߌ߬߸ ߣߖ߭ߊ ߟߋ߬ ߦߋ߫ ߝߏ߬ߟߏ߲ߝߊ߬ߟߊ߲߬ ߛߏ߯ߓߊ ߢߍߦߊ ߟߊ߫ ߘߎߢߊ߫ ߘߐ߫. ߊߡߋߙߌߞߌ߬ ߞߊ߲ߕߌ߯ ߞߘߐ߫ ߘߑߥߊߌߕ ߌߛߍ߲ߤߏߥߊ߫ ߟߋ߬ ߞߵߊ߬ ߛߌ߲ߘߌ߫ ߁߉߅߈ ߠߊ߫߸﴿ ߣߊߛ߭ߐ߲ߣߊߟ ߊߋߙߋߣߏߕߌߝ ߍ߲ߘ ߛߑߔߋߛ ߊߘߑߡߌߛߕߑߙ߭ߋߛ߭ߐ߲﴾ ߏ߬ ߡߍ߲ ߞߘߐ ߦߋ߫ ߒߞߏ ߘߐ߫ ߞߏ߫ * ߝߊ߬ߛߏ ߛߊ߲ߡߊߞߎߟߎ߲߫ ߞߏ ߣߌ߫ ߝߏ߬ߟߏ߲߬ߝߊ߬ߟߊ߲߬ߕߍ ߡߙߊ߬ߘߊ * ߸ ߊ߬ߟߋ߬ ߛߌ߲ߘߌߣߍ߲߫ ߣߞߊ ߟߋ߬ ߞߐ߫߸ ߏ߬ ߡߍ߲ ߛߌ߲ߘߌߣߍ߲߫ ߝߏ߬ߟߏ߲߬ߝߊߟߊ߲ ߠߎ߬ ߖߎ߯ߓߍ߫ ߞߊ߲ ߡߊ߬.
ߛߏߝ߭ߌߦߋ ߘߍ߱ ߓߊ߲ ߞߐ ߘߐ߫ ߊ߬ߟߎ߬ ߟߊ߫ ߓߌ߬ߢߍ߬ߞߎ߬ߟߎ߲߬ ߝߟߐ﴿ ߛߑߔߎߕߑߣߌߞ ߁߭ ߓߎ߰ߓߎ߰ߡߊ߬ ߟߊ߫ ߞߏ߲ߓߌߕߌ߮ ߕߟߋ߬ ߄ ߡߊ߬߸ ߁߉߅߇ ߟߊ߫، ߏ߬ ߟߋ ߞߍ߫ ߘߊ߫ ߊ߲ ߠߊ߫ ߘߎ߱ ߞߐߓߌߟߊ߫ ߝߟߐߝߟߐ ߘߌ߫. ߛߏߝ߭ߌߦߋ ߘߍ߱ ߞߵߊ߬ ߟߊ߫ ߣߌߡߊ߫ ߝߟߐ﴿ߥߎ߬ߟߎ ߡߍ߲ ߕߐ߯ ߕߘߍ߬ ߞߏ߫ ߟߊߌߞߊ﴾ ߓߎ߰ߓߎ߰ߡߊ߬ ߊ߬ߟߋ߬ ߁߉߅߇ ߞߋߟߋ߲ ߏ߬ ߟߊ ߕߎ߲߯߸ ߞߏ߫ ߝߌ߬ߟߊ ߏ߬ ߟߎ߬ ߟߋ߬ ߞߊ߬ ߏߕߊ߲ ﴿ ߟߌ߲ߓߊ߲ߡߊ߲ߞߊ߲ ߞߐ߬ߘߎ߮ ߛߌ߲߬ߝߏ߲߬ߧߊ߬ߟߌ ߘߍ߱﴾ ߠߎ߫ ߓߊ ߓߐ߫ ߊ߬ߟߎ߫ ߡߊ߬، ߞߵߊ߬ߟߎ߬ ߓߌ߬ߟߊ߬ ߥߊ߲߭ ߠߊ߫. ߊߡߋߙߌߞߌ߬ ߝߣߊ߫ ߕߘߍ߬ ߦߴߊ߬ ߝߍ߬ ߞߊ߬ ߞߘߐߕߏ ߏ߬ ߘߟߊߝߊ߰ ߖߏߣߊ߫.
߁߭. ߊ߬ ߟߊ߬ ߊߔߟߏ߫ ߢߍߥߟߊ߸ ߣߖ߭ߊ ߛߋ߫ ߘߊ߫ ߞߊ߬ ߞߏߓߊ ߟߎ߬ ߘߊߡߌ߬ߣߊ߬ ߏ߬ ߟߋ ߡߊ߬߸ ߖߐ߲ߣ ߞߣߍߘߌ߫ ߟߋ߬ ߞߵߊ߬ ߓߋߟߋ߲ߠߊ߫ ߝߟߐ ߞߍ߫ ߁߉߆߁ ߠߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߲ ߓߘߊ߫ ߝߊ߯ߘߐߞߍ߫ ߦߙߌߞߊ ߞߍ߫ ߊ߲ ߡߙߌ ߟߊ߫ ߞߊߙߏ߫ ߞߊ߲ ߦߟߍ߫ ߞߏ ߡߊ߬߸ ߞߏ߬ߣߌ߲߬ ߒ߬ ߧߴߊ߬ ߦߌ߬ߘߊ߬ ߟߊ߫ ߓߌ߬ ߞߏ߫ ߊߟߎ߫ ߦߋ߫ ߝߍ߬ߙߍ ߓߍ߯ ߞߍ߫߸ ߞߊ߬ ߡߐ߱ ߟߊߦߟߍ߬ ߞߊߙߏ ߞߐߞߊ߲߬߸ ߞߊ߬ ߓߊ߲߫ ߞߵߊ߬ߟߎ߬ ߟߊߖߌ߰ ߘߎ߱ ߡߊ߬ ߦߊ߲߬ ߟߊ߬ߞߊ߲߬ߘߊ߬ߟߌ ߘߝߊߣߍ߲ ߘߐ߫. ߡߐ߱ ߟߎ߬ ߛߋ߫ ߘߊ߫ ߟߊߦߟߍ߬ ߟߊ߫ ߞߊ߬ߙߌ߬ߝߐ ߕߟߋ߬ ߂߀ ߠߋ߬ ߡߊ߬ ߁߉߆߉ ߟߊ߫، ߣߋߌߟ ߊߡߛߑߕߐߙߐ߲߫߸ ߓߎߖ߭ ߊߟߘߑߙߍ߲߫߸ ߊ߬ ߣߌ߫ ߡߊߌߞߍߟ ߞߏߟߌ߲߫ ߠߎ ߟߋ߬ ߝߟߐ߫ ߞߵߊ߬ߟߎ߬ ߛߋ߲߭ ߛߎ߫ ߞߊߙߏ ߞߊ߲߬ ߕߎ߬ߡߊ߬ߘߊ ߏ߬ ߟߊ߫. ߊߔߟߏ߫ ߈߲ ߠߋ߬ ߝߟߐ߫ ߞߊ߬ ߞߊߙߏ ߖߊ߰ߟߋ߬ ߛߊ߲ߡߊߛߓߍߟߊ ߢߌ߲߬ ߠߎ߬ ߘߌ߫߸ ߥߌߟߑߦߊߡ ߟߊ߲ߘߊ߬߸ ߖߋߡߛ ߟߏߝ߭ߋ߸ ߊ߬ ߣߌ߫ ߝߊߙߊ߲ߞ ߓߏߙߑߡߊ߲ߣ. ߊߔߟߏ߫ ߁߀߲ ߡߍ߲ ߘߊ߲߬ ߘߊ߫ ߛߊ߲ߡߊߛߓߍߟߊ ߢߌ߲߬ ߠߎ߬ ߘߌ߫ ߞߊߙߏ ߞߎߘߍ߫ ߁߅.߆ߟߊ߫، ߕߐߡߊ ߛߊߕߑߝߐߘ߸ ߖߐ߲ߣ ߦߎ߲ߜ߭߸ ߊ߬ ߣߌ߫ ߏ߲ߗ߭ߍߣ ߛߍߙߑߣߊ߲߫. ߊߔߟߏ߫ ߟߎ߫ ߟߋ߬ ߞߊ߬ ߊߡߋߙߌߞߌ߬ ߡߊߘߍ߬ߡߍ߲߬ ߞߵߊ߬ ߞߍ߫ ߝߏ߬ߟߏ߲ߝߊ߬ߟߊ߲߬ ߛߏ߲߰ߓߊ߬ߟߌ ߢߍߡߐ߮ ߘߌ߫߸ ߊ߬ ߞߍ ߘߐ߫ ߞߊ߬ ߡߐ߱ ߟߊߦߟߍ߬ ߡߐ߲ߕߐ߲ ߛߊ߲ߘߐ߫ ߤߊ߲߯ ߞߊߙߏ ߞߊ߲߬
ߣߖ߭ߊ ߞߊ߬ ߓߌ߬ߢߍ߬ߞߎ߬ߟߎ߲߬ ߞߎߘߊ߫ ߟߊߛߓߊ߬ߕߌ߬ ߁߉߇߀ ߣߌ߫ ߁߉߈߁ ߕߍߟߊ ߘߐ߫߸ ߞߎߟߎ߲ߓߌߦߊ߫ ߓߎ߰ߓߎ߰ߡߊ߬ ߘߊ߫ ߞߏ߲ߞߏߘߌ߬ߓߌ ߁߂ ߟߋ߬ ߡߊ߬ ߁߉߈߁ ߠߊ߫߸ ߏ߬ ߟߋ ߞߍ߫ ߘߊ߫ ߝߏ߬ߟߏ߲ߝߊ߬ߟߊ߲߬ ߛߏ߲߰ߓߊ߬ߟߊ߲߬ ߝߟߐ ߛߐ߬ߘߐ߲ ߘߌ߫ ߡߐ߱ ߓߟߏ߫.
߂߲. ߡߊ߲߬ߕߏ߲߬ߕߍ߬ߦߊ ߝߏ߬ߟߏ߲߬ߝߊ߬ߟߊ߲߬ߕߍ ߡߊ߬ߞߍ߬ߘߊ߸ ߁߉߈߅ ߟߊ߫
ߣߖ߭ߊ ߓߊ߲ ߞߐ ߡߐ߱ ߟߊߦߟߍ߬ ߟߊ߫ ߞߊߙߏ ߞߊ߲߬߸ ߊ߬ ߞߊ߬ ߢߊߢߌߣߌ߲߫ ߞߏ߫ ߜߘߍ߫ ߡߊ߬߸ ߛߑߞߊߌߟߊߓ، ߊ߬ߟߎ߫ ߞߵߏ߬ ߟߋ ߓߎ߰ߓߎ߰ߡߊ߬ ߁߉߆߀ ߟߊ߫߸ ߞߏ߬ߣߌ߲߬ ߊ߬ ߕߌߢߍߣߍ߲ ߡߐ߲ߕߐ߲ ߘߐ߫ ߦߋ߲߬߸ ߊ߬ߟߎ߫ ߞߵߊ߬ ߘߐߓߍ߲߬ ߞߊ߬ ߓߊ߲߫ ߞߊ߬ ߘߏ߲߬ ߊ߬ ߞߣߐ߫، ߏ߬ ߡߊ߫ ߡߍ߲߫߸ ߊ߬ ߕߌߢߍ߫ ߘߊ߫.
ߞߏ߬ߣߌ߲߬ ߥߛߎ߬ ߞߋߟߋ߲ ߏ߬ ߟߊ߫߸ ߛߏߝ߭ߌߦߋ ߘߍ߱ ߝߣߊ߫ ߞߊ߬ ߝߏ߬ߟߏ߲߬ߝߊ߬ߟߊ߬ߕߍ ߡߊ߬ߞߍ߬ߘߊ ߘߏ߫ ߛߌ߰ ߛߋ߲߭ ߞߊ߲߬ ߁߉߆߈ ߣߌ߫ ߂߀߀߁ ߕߍ߫.
ߏ߬ ߟߋ ߞߐ߫ ߁߉߈߃ ߟߊ߫߸ ߊߡߋߙߌߞߌ߬ ߞߊ߲ߕߌ߯ ߞߘߐ߫ ߙߏߣߊߟߘ ߙߋߜ߭ߊ߲ ߞߊ߬ ߝߏ߬ߟߏ߲߬ߝߊ߬ߟߊ߲߬ߕߍ ߡߊ߬ߞߍ߬ߘߊ ߘߏ߫ ߟߊߘߊ߲߫߸ ߟߐ߲ߞߏߕߌ߮ ߟߎ߬ ߘߴߊ߬ߟߎ߬ ߘߊ߯ߡߊߞߍ߫ ߡߍ߲ ߘߐ߫ ߞߎߘߊߦߌ߫، ߊ߬ ߣߌ߫ ߞߊ߬ ߡߊ߲߬ߕߏ߲߬ ߜߘߍ ߟߎ߬ ߟߊߕߘߍ߬ ߊ߬ ߘߐ߫߸ ߋߖ߭ߊ🇪🇺߸ ߞߣߊߘߊ߸ ߊ߬ ߣߌ߫ ߣߌߔߐ߲߫ 🇯🇵، ߊ߬ ߞߴߏ߬ ߖߐ߰ߣߍ ߘߌ߫ ߣߊ߬ ߓߍ߲߬ ߘߟߊ ߥߟߎ߬ߡߊ߬ ߈ ߠߋ߬ ߡߊ߬. ߏ߬ ߓߎ߰ߓߎ߰ߡߊ ߘߊߡߌ߬ߣߊ߬ ߁߉߉߈ ߠߋ߬ ߟߊ.
߃߲ ߗߌߙߏ߲ߠߌ߲ ߥߊ߬ߙߊ߲߬ߞߏ߬ߟߊ
ߛߊ߲ߡߊߛߓߍ ߓߐ߬ߣߐ ߞߊߟߌߡߊ߲߫ ߓߊ ߟߋ߬ ߦߋ߫߸ ߊ߬ ߡߊ߫ ߡߍ߲߫ ߌߞߘߐ߫ ߛߊ߲ߡߊߛߓߍ ߞߵߊ߬ ߟߊ߫ ߗߌߙߏ߲ߠߌ߲ ߝߟߐ ߞߍ߫. ߁߉߈߆ ߟߊ߫߸ ߗߊ߬ߟߊ߲ߖߊ߬ ߝߏߘߏ߲߫ ߘߊ߫ ߊ߬ ߝߌ߬ߟߊ߲߬ ߇߄ ߝߟߐ ߡߊ߬، ߏ߬ ߞߐ߫߸ ߞߎߟߎ߲ߓߌߦߊ߫ ߝߣߊ߫ ߝߏߘߏ߲߫ ߘߴߊ߬ ߝߌ߬ߟߊ߲߬ ߁߀ ߝߟߐ ߡߊ߬߸ ߂߀߀߃ ߟߊ߫. ߡߐ߰ ߁߄ ߠߋ߬ ߓߣߐ߬ ߘߊ߫ ߝߏߘߏ߲ߠߌ߲ ߝߌ߬ߟߊ ߏ߬ ߟߎ߬ ߘߐ߫߸ ߊ߬ ߡߊ߫ ߞߍ߫ ߞߴߏ߬ ߞߊ߬ ߊߡߋߙߌߞߌߞߊ ߟߎ߬ ߟߋ߬ ߞߋߟߋ߲߫ ߓߐ߫ ߊ߬ߟߎ߬ ߤߊߞߟߌ ߞߊ߲߬ ߘߋ߬߸ ߞߏ߫ߣߌ߲߬ ߘߎߢߊ߫ ߝߊ߲߭ ߓߍ߯.
߄߲. ߘߐ߬ߛߏ߰ߙߋ߬ߟߊ߲ ߣߌ߫ ߛߍ߲߬ߛߍ߲߬ߞߎߟߎ߲
ߞߊ߬ߦߌ߯ ߣߖ߭ߊ ߟߊ߫ ߛߊ߲ߡߊߛߓߍߟߊ ߟߎ߬ ߖߌ߰ ߘߊ߫ ߛߍ߲߬ߛߍ߲߬ߞߎߟߎ߲﴿ ߙ߭ߏߝ߭ߊ߬﴾ ߘߴߊ߬ߟߎ߬ ߝߍ߬ ߞߊߙߏ ߞߊ߲߬߸ ߊߔߟߏ߫ ߁߁߲ ߛߋ߲߭ ߝߍ߬ ߁߉߇߁ ߠߊ߫߸ ߣߴߏ߬ ߞߊ߬ ߞߊߙߏ ߛߏ߲߯ߓߊߟߌ ߣߐ߰ߦߴߊ߬ߟߎ߫ ߡߊ߬،﴿ ߟߎߣߊ߫ ߙ߭ߏߝߌ߲ ߝ߭ߋߤߌߞߏ߫﴾. ߏ߬ ߞߊ߬ ߖߛߎ߬ ߞߎߘߊ߫ ߘߏ߲߬ ߊߡߋߙߌߞߌ߬ ߞߘߐ߫߸ ߊ߬ ߣߌ߫ ߗߋ߫ ߞߎߘߊ߫. ߒ߬ߞߴߊߡߋߙߌߞߌ߬ ߕߏ߫ ߘߊ߫ ߞߐ ߘߐ߫ ߏ߬ ߘߐ߫ ߞߏߛߓߍ߫. ߛߏߝ߭ߌߦߋ ߞߵߊ߬ ߟߊ߫ ߛߍ߲߬ߛߍ߲߬ߞߎߟߎ߲߫ ߝߟߐ﴿ߟߎߣߏߞߏߘ﴾ ߟߊߕߊ߯ ߞߊߙߏ ߞߊ߲߬ ߁߉߇߀ ߟߋ߬ ߟߊ߫߸ ߣߖ߭ߊ ߡߊ߫ ߛߴߊ߬ ߞߎ߲߭ ߞߘߐߕߊ߬ ߟߴߏ߬ ߞߐ߫߸ ߝߏ߫ ߛߊ߲߬ ߁߆ ߕߊ߬ߡߌ߲߬ߣߍ߲ ߞߐ߫، ߊ߬ ߡߴߏ߬ ߟߊߥߊ߫ ߞߊߙߏ ߞߊ߲߬ ߏ߬ ߘߐ߫ ߘߋ߬߸ ߊ߬ ߞߵߊ߬ ߟߥߊ߫ ߤߐߞߎ﴿ ߡߊߙߛ﴾ ߟߋ ߞߊ߲߬. ߣߖ߭ߊ ߓߘߊ߫ ߛߋ߫ ߛߍ߲߬ߛߍ߲߬ߞߎߟߎ߲ ﴿ ߙ߭ߏߝ߭ߊ߬﴾ ߄ ߠߋ߬ ߟߊߦߟߍ߬ ߟߊ߫ ߤߐߞߎ ߞߊ߲߬ ߡߎߣߎ߲߬. ߛߏߗ߭ߎߙߑߣߋ߫߸ ߁߉߉߆ ߟߊ߫، ߊ߬ ߞߊ߬ ߕߟߋ߬ ߇ ߟߋ߬ ߢߣߊߡߦߊ ߞߍ߫.
ߛߔߑߙߊߌߕ߸ ߂߀߀߃ ߣߌ߫ ߂߀߁߀ ߕߍ߫߸ ߊ߬ ߞߵߏ߬ ߟߋ ߓߊ߯ߙߊ ߞߍ߫.
ߏߔߐߙߑߕߣߌߕߋ ߂߀߁߃߸ ߊ߬ ߞߊ߫ ߞߊ߲߫ ߞߵߊ߬ ߟߐ߬ ߂߀߂߀ ߠߋ߬ ߟߊ߫߸
ߟߊߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫ ߓߟߏ߫/ ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫