ߘߊߞߓߊߣߊ߲ ߞߏ ߘߏ߫ ߓߘߊ߫ ߞߍ߫ ߍ߲ߘߏߣߛߌ߫ ߘߎ߰ߞߟߏ߬ ߦߙߍߦߙߍ ߣߌ߫ ߖߌ߫ ߕߊ߲ߜߊߟߌߡߊ ߞߐ߫. ߘߋߣߍ߲ ߛߊ߲߬ ߅ ߘߏ߫ ߢߣߊߡߊ ߓߘߊ߫ ߦߋ߫ ߍ߲ߘߣߏߛߌ߫߸ ߘߎ߰ߞߟߏ߬ ߦߙߍߦߙߍ ߕߟߋ߬ ߈߲ ߡߊ߬. ߖߌ߰ߕߍ߰ ߓߘߊ߫ ߞߍ߫ ߞߛߌߓߊ߯ߕߐ ߞߎߘߊ߫ ߟߎ߫ ߦߋ߫ ߞߏ ߟߊ߫߸ ߍ߲ߘߏߣߛߌ߫ ߘߎ߰ߦߙߍߦߙߍ ߣߌ߫ ߖߌ߫ ߕߊ߲ߜߊߟߌߡߊ ߕߟߋ߬ ߈ ߞߐߝߍ߬، ߞߎ߲߬ߠߊ߬ߛߌ߮ ߘߏ߲߬ ߣߐ߬ ߕߍ߫ ߢߌߣߌ߲ߠߌ߲ ߠߊߟߐ߬ ߞߏ ߖߊ߬ߡߊߙߌ ߘߌ߫ ߟߊ߫ ߡߎߣߎ߲߬. ߘߋ߲ߣߍ߲ ߘߏ߫ ߟߋ߬ ߢߣߊߡߊ ߦߋ߫ ߣߍ߲߫ ߍ߲ߘߣߏߛߌ߫ ߘߎ߰ߦߙߍߦߙߍ ߕߟߋ߬ ߈߲ ߡߊ߬߸ ߘߎ߰ߦߙߍߦߙߍ ߏ߬ ߡߍ߲ ߓߘߊ߫ ߞߍ߫ ߡߐ߰ ߁߇߃߄ ߠߎ߫ ߟߎ߫ ߛߕߊ ߘߌ߫߸ ߊ߬ ߓߌ߬ ߞߎ߲ ߣߌ߲߬ ߠߊ߫.
ߊ߬ ߝߊ߬ ߞߊ߲ ߞߏ߫ ߒ ߕߘߍ߬ ߡߴߊ߬ ߟߐ߲߫ ߣߴߊ߬ ߘߌ߫ ߦߋ߫ ߏ߬ ߞߐ߫.
ߘߎ߰ߦߙߍߦߙߍ ߓߊ߲ ߞߐ ߘߐ߫ ߒ ߣߌ߫ ߒ ߠߊ߫ ߘߋ߲ߓߦߊ ߓߍ߯ ߟߊߝߋߝߋ߫ ߟߊ߫ ߢߐ߲߯ ߡߊ߬߸ ߊ߲ ߕߘߍ߬ ߓߘߴߊ߬ ߢߣߊߡߊ ߣߴߊ߬ ߛߎ߭ ߓߍ߯ ߢߌߣߌ߲߫ ߞߊ߬ ߘߍߛߴߊ߬ ߟߊ߫ ߞߟߍߞߕߍ߫߹
ߊ߬ ߓߏߙߌ߲߫ ߖߌ߱ߕߍ߰ ߘߴߊ߬ ߦߋ߫ ߞߏ ߟߊ߫ ߡߍ߲ߞߍ߭߸ ߊ߬ ߞߊ߬ ߘߋߣߍ߲߫ ߖߎߡߊߘߌߟ ߖߌ߬ߦߊ߬ߓߍ ߣߴߊ߬ ߞߌ߬ߓߊ߬ߙߏ ߟߎ߬ ߟߊߦߟߍ߬ ߝߋߛߑߓߎߞ ߖߊ߬ߕߋ߬ߘߊ ﴿ ߕߑߛߎߣߊߡߌ ߘߐ߫ ߞߛߌߓߊ߯ߕߐ ߟߎ߬﴾ ߞߊ߲߬. ߏ߬ ߞߵߊ߬ ߕߘߍ߬ ߖߎߡߊߘߌߟ ߕߘߍ߬ ߓߘߊ߫ ߘߌ߫ ߘߋ߲ߓߦߊ ߘߏ߫ ߟߎ߫ ߡߊ߬߸ ߏ߬ ߟߎ߫ ߟߋ߬ ߝߣߊ߫ ߥߊߣߍ߲߫ ߞߌ߬ߓߊ߬ߙߏ ߏ߬ ߦߋ߫ ߟߊ߫ ߝߋߛߑߓߎߞ ߖߊ߬ߕߋ߬ߘߊ߫ ߏ߬ ߞߊ߲߬߸ ߞߴߊ߬ ߡߏߦߌߓߊ߮ ߟߎ߬ ߟߎ߬ ߞߟߌ߫، ߤߊ߲߯ ߊ߬ߟߎ߫ ߞߵߊ߬ߟߎ߬ ߘߋ߲ ߡߊߛߐ߬ߘߐ߲߬.
ߡߐ߱ ߛߌ߫ ߡߊ߫ ߓߴߊ߬ ߘߐ߫.
ߡߐ߱ ߟߎ߬ ߓߘߊ߫ ߖߌ߱ߕߍ߰ ߞߛߌߓߊ߯ߕߐ߫ ߞߎߘߊ߫ ߟߎ߫ ߦߋ߫ ߞߏ߫ ߟߊ߫ ߔߊߟߎ߫، ߓߊ ߤߊ߲߯ ߓߌ߬߸ ߡߐ߰ ߅߀߀߀ ߖߊ߬ߕߋ߬ ߟߌ߬ߤߟߊ߬ ߛߌ߫ ߡߊ߫ ߟߊߞߐߟߐ߲߫ ߞߌ߲߬ߘߊ ߝߌ߬ߟߊ ߢߌ߲߬ ߠߎ߬ ߘߐ߫ ߡߎߣߎ߲߬߸ ߔߋߕߓߏ߫ ߣߌ߫ ߓߟߊߙߏߥߊ߫߸ ߞߌ߲߬ߘߊ ߏ߬ ߟߎ߬ ߡߍ߲ ߠߎ߬ ߟߊߕߎߣߎ߲ߣߍ߲߫ ߦߋ߫ ߘߎ߱ ߞߊ߲߬ ߕߊ߲߬، ߏ߬ ߟߎ߬ ߓߍ߯ ߘߌ߫ ߞߍ߫ ߓߏ߲ߜߘߊ ߟߎ߬ ߟߋ߬ ߞߘߐ߫߸ ߥߟߴߊ߬ߟߎ߬ ߦߋ߫ ߓߙߏ߬ߓߙߏ ߞߘߐ߫. ߢߌߣߌ߲ߣߌ߲ߠߊ ߟߎ߬ ߞߊ߲߫ ߞߏ߫ ߊ߬ߟߎ߫ ߦߋ߫ ߞߛߌߓߊ߯ߕߐ ߘߏ߫ ߟߎ߫ ߦߋ߫ ߟߊ߫ ߡߎߣߎ߲߬߸ ߞߏ߬ߣߌ߲߬ ߊ߬ߟߎ߬ ߓߍߣߊ߬ ߡߙߌߘߐ ߕߊ߬߸ ߞߊ߬ ߦߋߓߊߟߌ ߟߎ߬ ߟߊ߫ ߛߦߊ߬ ߞߏ߫ ߝߐ߫ ߡߐ߱ ߟߎ߬ ߦߋ߫، ߥߟߊ߫ ߞߊ߬ ߞߌ߲߬ߘߊ ߂ ߏ߬ ߟߎ߬ ߟߊ߫ ߛߊ߬ߙߌ߬ߟߏ߬ߦߊ ߘߐ ߝߐ߫ ߡߐ߱ ߟߎ߬ ߢߍ߫. ߡߐ߱ ߟߎ߬ ߦߋ߫ ߥߎ߲߬ߝߊ߲ ߠߋ߬ ߞߊ߲߬ ߕߊ߲߬ ߞߊ߬ ߓߐ߫ ߛߋߟߍ߯ߙ ߕߌ߲ ߘߐ߫߸ ߞߵߊ߬ߟߎ߫ ߞߎ߲߬ ߟߊ߫ ߕߌ߲ ߜߘߍ ߕߐ߭ ߟߎ߬ ߞߊ߲߬߸ ߘߊ߲ߘߊߛߏ ߘߡߊߛߙߊߓߊ ߟߊ ߞߏ߫ ߛߐ߲߬، ߊ߬ ߝߋ߲ ߓߍ߯ ߕߏ߬ߙߏ߲߬ߘߏ߬ ߣߍ߲߫ ߠߋ߬ ߖߌ ߓߟߏ߫.
ߔߊߟߎ߫ ߦߋ߫ ߖߌ߰ߕߍ߮ ߟߋ߬ ߘߐ߫ ߕߋ߲߭ߕߋ߲߬.
ߡߐ߱ ߛߌߦߊߡߊ߲߫ ߠߎ߫ ߓߘߊ߫ ߕߏ߲ ߕߊ߬ ߞߊ߬ ߞߏ߲ ߠߎ߬ ߞߊߘߌ߫߸ ߛߴߊ߬ߟߎ߬ ߘߌ߫ ߊ߬ߟߎ߬ ߣߌߟߊߞߛߌ߫ ߛߎߡߊ߲ ߠߎ߬ ߛߐ߬ߘߐ߲߬. ߕߐ߲ߓߟߏߡߊ ߟߎ߬ ߞߵߊ߬ߟߎ߬ ߢߊ ߟߊߜߊ߲߫ ߊ߬ߟߎ߫ ߞߎ߲߬ߠߊ߫ ߞߎ߲߬ߝߟߐ ߘߐ߫ ߕߋ߲߬ ߝߛߊߦߌ߫߸ ߞߏ߬ߣߌ߲߬ ߞߐ ߢߌ߲߬ ߠߊ߫߸ ߊ߬ߟߎ߬ ߓߘߊ߫ ߘߊߞߊߘߌߟߊ ߦߙߌߞߊߖߊ߲ ߠߎ߬ ߡߌ߬ߘߊ߬، ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߡߐ߱ ߕߐ߭ ߟߎ߬ ߟߊ߫߸ ߞߏ߫ ߡߐ߰ ߛߌ߫ ߞߊ߬ ߘߊ ߞߊߘߌ߫ ߏ߬ ߞߐ߫߸ ߞߏ߫ ߊ߬ߟߎ߬ ߘߌ߫ ߡߎ߮ ߜߊ߬ߛߌ߬ ߏ߬ ߟߊ߫.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫/ ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫