ߣߖ߭ߊ ߟߊ߫
ߝߏ߬ߣߊ߲߬ߦߋ߬ߟߊ߲ ߕߊ߯ߡߊߘߋ߲ ߂߲ (ߝ߭ߏߦߊߗ߭ߍߙ ߂) ߓߘߊ߫ ߛߋ߫ ߊ߲ ߠߊ߫ ߕߟߋ߬ ߞߊ߲ߞߋ ߞߐߞߘߐ߫ ߓߐߕߏ߲ ߠߊ߫߸ ߊ߬ ߓߍߣߊ߬ ߦߋ߲߬ ߞߐߛߊ߬ߥߏ߲߬ ߞߊ߬ ߘߏ߲߬ ߞߊ߲ߞߋ߫ ߞߎߘߊ߫ ߟߎ߫ ߘߐ߫. ߕߊ߯ߡߊߘߋ߲ ߁߭ ߡߍ߲ ߦߋ߫ ߡߐ߱ ߟߊ߫ ߘߊ߲ߝߋ߲ ߓߍ߯ ߘߐ߫ ߖߊ߲߬ߝߊ߬ߣߍ߲ ߘߌ߫ ߓߌ߬߸ ߂߀߁߇ ߞߏߟߌ߲ߞߏߟߌ߲ ߞߵߊ߬ ߕߘߍ߬ ߞߎߘߍ߫ ߥߟߎ߬ߡߊ߬ ߄߁ ߠߋ߬ ߦߴߊ߬ ߣߴߊ߲ ߠߊ߫ ߘߎ߱ ߕߍ߫. ߕߊ߯ߡߊߘߋ߲ ߂߲ ߡߍ߲ ߓߎ߰ߓߎ߰ߡߊ߬ ߣߍ߲߫ ߁߉߇߇ ߟߊ߫߸ ߊ߬ ߟߋ ߦߋ߫ ߞߎߘߍ߫ ߥߟߎ߬ߡߊ߬ ߁߇ ߣߌ߫ ߞߋ߲߬ߥߟߎ߫ ߇߀߀ ߟߋ߬ ߦߴߊ߬ߟߋ ߣߴߊ߲ ߠߊ߫ ߘߎ߱ ߕߍ߫. ߞߊߙߏ߫ ߆ ߘߐߙߐ߲߫ ߠߋ߬ ߦߋ߫ ߣߖ߭ߊ ߟߊ߫ ߘߐ߬ߛߏ߰ߙߋ߬ߟߊ߲ ߝߌ߬ߟߊ ߢߌ߲߬ ߠߎ߬ ߕߍ߫߸ ߣߴߌ ߞߊ߬ ߕߊ߯ߡߊߘߋ߲ ߝߌߟߊߣߊ߲ ߕߏ߫ ߣߍ߲ ߦߋ߫ ߞߐ߫ ߕߊ߲߬߸ ߊ߬ߟߋ ߕߊ߬ߡߌ߲߬ߣߍ߲߫ ߓߌ߬ߟߊ߬ ߟߊ߫ ߊ߲ ߠߊ߫ ߕߟߋ߬ ߞߊ߲ߞߋ ߖߊ߯ߓߊߟߌ ߘߏ߫ ߟߎ߫ ߟߋ߬ ߝߍ߬߸ ߞߣߊ߬ ߕߏ߫ ߛߌߟߊ ߕߊ߬ ߟߴߏ߬ ߞߐ߫ ߛߊ߫. ߕߊ߯ߡߊߘߋ߲ ߁߭ ߞߊ߬ ߘߊ߲߭ ߏ߬ ߞߐߛߊ߬ߥߏ߬ ߂߀߁߂ ߟߋ߬ ߟߊ߫߸ ߘߐ߬ߛߏ߰ߙߋ߬ߟߊ߲ ߞߣߐ߫ ߡߎ߬ߙߊ߲ ߠߎ߬ ߓߘߴߊ߬ ߦߌ߬ߘߊ߬߸ ߞߏ߫ ߕߋ߬ߟߋ ߦߋߟߋ߲ %߅ ߟߋ߬ ߦߋ߫ ߛߋ߫ ߟߊ߫ ߓߐߕߏ߲ ߠߊ߫ ߦߋ߲߬، ߏ߬ ߝߣߊ߫ ߦߋ߫ ߘߊ߲߬ ߠߊ߫ ߓߐߕߏ߲ߠߊ߫ ߜߟߎߞߘߎ ߟߎ߬ ߟߋ߬ ߟߊ߫ ߦߋ߲߬߸ ߏ߬ ߟߋ ߝߣߊ߫ ߦߋ߫ ߕߋ߬ߟߋ ߂ ߘߊ߲߭ ߘߌ߫. ߣߖ߭ߊ 🇺🇲 ߓߘߊ߫ ߖߊ߲߬ߕߏ߬ߒߘߐ ߖߐ߲ߖߐ߲߫ ߕߵߊ߬ ߟߊ߫ ߘߐ߬ߛߏ߰ߙߋ߬ߟߊ߲ ߖߛߐ߫ ߞߏ ߡߊ߬ ߦߋߟߋ߲ ߠߊߝߐߦߊ߫ ߛߎ߮ ߏ߬ ߘߐ߫ ߦߋ߲߬߸ ߖߐ߲߬ߛߴߊ߬ ߞߊߣߊ߬ ߓߌ߬ߟߊ߬ ߥߊ߲߭ ߠߊ߫. ߞߊ߬ߦߌ߯ ߕߊ߯ߡߊߘߋ߲ ߁߭ ߞߊ߬ ߞߊߙߏ߫ ߃ ߞߍ߫ ߘߊ߲߬ ߜߟߎߞߘߎ ߏ߬ ߞߐߛߊ߬ߥߏ߲ ߠߊ߫߸ ߞߊ߬ ߥߴߊ߬ ߢߊ ߟߊߕߊ߬ ߞߓߊߞߏ ߟߎ߬ ߟߊ߫߸ ߞߊ߬ ߞߎ߲߬ߠߊ߬ߞߊ߬ߟߌ ߥߙߍ ߘߊߡߌ߬ߣߊ߬، ߣߖ߭ߊ ߟߊ߫ ߔߛߊߘߋߣߊ߫ ߖߍߕ ߔߑߙ߭ߏߔߎߟߑߛߋ߫ ߟߊߓߏߙ߭ߊߕߏߙߋ߫ ߞߵߊ߬ ߦߌ߬ߘߊ߬߸ ߞߏ߫ ߊ߬ ߓߘߊ߫ ߓߐߕߏ߲ ߏ߬ ߞߐߛߊ߬ߥߏ߬، ߒ߬ ߧߴߏ߬ ߢߐ߲߭ ߖߌ߰ ߟߊ߫ ߕߊ߯ߡߊߘߋ߲ ߂߲ ߣߌ߲߬ ߝߣߊ߫ ߦߋ߫. ߊ߬ ߞߣߊ߫ ߞߍ߫ ߡߐ߱ ߟߎ߬ ߞߣߐ߫ ߞߏ߫ ߣߌ߲߬ ߦߋ߫ ߞߐߛߊߥߏ߲ߠߌ߲ ߞߌ߬ߓߊ߬ߙߏ ߟߋ߬ ߘߌ߫߸ ߊ߬ ߦߋ߫ ߛߎ߬ߘߎ߲߬ߧߊ߬ߟߌ ߟߊ߬ߛߋ߬ߒ߬ߡߊ߬ߟߌ ߟߋ߬ ߘߌ߫. ߣߖ߭ߊ ߓߊ߲߫ ߘߊ߫ ߞߵߊ߬ ߞߘߐߞߍ߬ߙߍ߲߬ߘߍ߫߸ ߞߏ߫ ߕߊ߯ߡߊߘߋ߲ ߂߲ ߣߌ߲߬ ߓߍߣߊ߬ ߞߍ߫ ߝߟߐߡߊ ߘߎ߬ߡߊ߬ߙߋ ߘߌ߫߸ ߏ߬ ߓߊ߯ ߞߍ߫ ߊ߬ ߘߌ߫ ߛߋ߫ ߝߟߐߡߊ ߟߊ߫ ߞߏ߫ ߦߋߣߍ߲ ߠߎ߬ ߦߋ߫ ߟߊ߫. ߔߑߦߍߙ ߞߵߊ߬ ߦߌ߬ߘߊ߬߸ ߞߏ߫ ߊ߲ ߓߍߣߊ߬ ߞߍ߫ ߞߏ߫ ߛߌߦߊߡߊ߲߫ ߠߎ߫ ߞߊ߬ߟߊߡߊ߬ ߞߊߙߏ߫ ߣߊ߬ߕߊ ߟߎ߬ ߟߊ߫߸ ߊ߲ ߞߏ߬ߣߌ߲ ߡߴߊ߬ ߟߐ߲߫ ߝߟߐ߫߸ ߣߴߊ߲ ߛߋ߫ ߕߐ߫ ߓߐߕߏ߲ ߠߊ߫ ߦߋ߲߬ ߕߎ߬ߡߊ߬ ߞߋߟߋ߲ ߡߍ߲ ߠߊ߫، ߊ߲ ߘߌ߫ ߛߋ߫ ߕߎ߬ߢߊ߬ ߞߋߟߋ߲ ߡߍ߲ ߝߐ߫ ߟߴߊߟߎ߫ ߦߋ߫߸ ߒ߬ ߓߊ߲ߣߍ߲߫ ߏ߬ ߟߋ ߝߐ߫ ߟߊ߫ ߣߌ߲߬.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫ ߓߟߏ߫/ ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫