ߜ߭ߎߜ߭ߎߟ ߟߊ߫ ߞߐ߲߬ߛߏ߬ ߟߊ߬ߜߊ߲߬ߞߏ

ߞߏ߲ߓߌߕߌ߮ ߁߅/߂߀߁߈ ߠߊ߫߸ ߜ߭ߎߜ߭ߎߟ ߗߋߝߊ ߟߊߙߌ߫ ߔߊߗ߭ ߟߊ߫ ߞߐ߲߬ߛߏ߬
ߜߊ߲ߠߌ߲ߠߊ ߝߋ߰ߙߋ ߘߌ߫ ߘߊߡߌ߬ߣߊ߬ ߂߀߁߉ ߟߊ߫߸ ߞߐ߲߬ߛߏ߬ ߜߊ߲ߠߌ߲ߠߊ ߡߍ߲ ߠߊߘߊ߲ ߕߘߍ߬ ߦߴߌ ߘߐ߫ ߜ߭ߎߜ߭ߎߟ ߞߏߟߊߘߍ ߓߟߏ߫ ߞߊ߬ߦߌ߯ ߕߎ߬ߡߊ߬ߖߊ߲߫߸ ߏ߬ ߓߍߣߊ߬ ߓߐ߫ ߢߟߊ߫ ߂߀߁߉ ߟߊ߫. ߟߊߙߌ߫ ߔߊߗ߭ ߟߋ߬ ߞߵߊ߬ ߣߊ߲߬ߝߟߏ߬ߦߊ߫߸ ߊ߬ ߘߐߞߏ ߟߎ߬ ߦߋ߫ ߞߓߊߣߊ߲߫ ߞߏ ߟߎ߬ ߟߋ߬ ߘߌ߫߸ ߊ߬ߟߎ߫ ߞߵߊ߬ ߕߐ߯ߟߊ߫ ߟߋ߬ ߞߏ߫ (ߓߟߊߞ ߝߟߊߌ)߸ ߗߋߝ ߞߊ߲߫ ߞߏ߫ ߊ߬ ߘߌߣߊ߬ ߓߌ߬ߟߊ߬ ߛߎ߮ ߘߐ߫ ߂߀߁߉ ߟߊ߫. ߞߏߟߊߘߍ߯ ߛߘߍߡߊ߲߫ ߠߎ߫ ߟߋ߬ ߓߘߴߊ߬ߟߎ߬ ߝߘߌ߫ ߊ߬ ߘߐ߫߸ ߊ߬ߟߋ ߟߊߘߊ߲ߣߍ߲߫ ߡߐ߱ ߟߎ߬ ߟߊߝߙߍ߫ ߞߊ߲ ߠߋ߬ ߡߊ߬ ߘߊߞߎ߲ ߘߏ߫ ߟߎ߫ ߘߐ߫߸ ߦߏ߫ ߕߐ߲߬ߕߐ߲ (ߊ߲ߕߎߕߌߦߊߛ) ߓߊ߯ ߥߙߊ߬ ߛߐ߲߬. ߊ߬ ߞߏ ߓߍ߯ ߡߊ߫ ߓߊ߲߫ ߛߌ߰ ߟߊ߫ ߛߋ߲߬ߠߊ߫ ߡߎߣߎ߲߬߸ ߞߏ߬ߣߌ߲߬ ߥߊߟߌߘߊ ߘߏ ߟߋ߬ ߓߘߴߊ߬ ߦߌ߬ߘߊ߬߸ ߞߏ߫ ߊ߬ߟߎ ߘߌߣߊ߬ ߊ߬ ߟߊ߫ ߥߟߏߒߘߐ ߣߌ߲߬ ߘߐߖߎ߬ߟߊ߬ߦߊ ߘߊߡߌ߬ߣߊ߬ ߦߊ߬ߣߌ߫ ߦߟߍ߬ߘߐ߬ߞߍ ߓߊ߲߫ ߕߍ߫. ߛߌ ߍ߲ߣ ߓߌ ߛߌ߫ ߕߊ߫ ߝߐߟߌ߫ ߘߐ߫߸ ߞߏ߫ ߊ߬ ߟߐ߯ ߦߋ߫ ߖߊ߬ߕߋ߬ߘߐ߬ߛߌ߮ ߟߞߊ߬ߟߌ߬ߟߊ (ߏߔߌߣߊ) ߟߊ߫ ߟߋ߬߸ ߞߵߊ߬ ߟߊ߫ ߞߐ߲߬ߛߏ߬ ߞߎߘߊ ߣߌ߲߬ ߝߋ߰ߙߋ ߘߊߡߌ߬ߣߊ߬ ߂߀߁߉ ߟߊ߫. ߟߊߙߌ߫ ߔߊߗ߭ ߡߊߢߌ߬ߣߌ߲߬ߞߊ߬ߣߍ߲ ߞߏ߫ ߌ ߞߊ߬ ߖߋ߬ߟߌ ߟߋ߬ ߛߙߊ߬ ߏߔߌߡߊ߬ ߣߌ߲߬ ߣߊ߲߬ߝߟߏ߬ߦߊ߬ߟߌ ߘߐ߫߸ ߊ߬ ߡߴߊ߬ ߛߐ߲߬ ߊ߬ ߘߊ߲߬ ߕߌ߯ߕߌ߯ ߝߐ߫ ߟߊ߫߸ ߞߏ߬ߣߌ߲߬ ߜ߭ߎߜ߭ߎߟ ߓߏߟߏ߲ ߡߍ߲ ߓߌ߲ߓߌ߲ߣߍ߲߫ ߦߋ߫ ߢߌߣߌ߲ߞߊ߬ߟߌ ߣߴߊ߬ ߖߋ߬ߓߌ ߡߊ߬߸ ߏ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߣߊ߲߬ߝߟߏ߬ߦߊ߬ ߣߍ߲߫ ߔߊߗ߭ ߟߋ߬ ߓߟߏ߫߸ ߊ߬ ߝߊ߲߭ ߕߴߊ߬ ߝߍ߬ ߡߐ߰ ߜߘߍ߫ ߦߴߊ߬ ߘߍ߬ߡߍ߲߬ ߖߊ߬ߕߋ߬ߛߌ߮ ߡߊ߬ ߟߏ߲߫ ߣߊ߬ߕߐ ߟߎ߬ ߘߐ߫. ߏߔߌߣߊ߬ ߜߊ߲ߠߌ߲ ߞߊ߲ߞߋ ߦߋ߫ ߢߎߡߍߙߋ߲߫ ߕߙߏߞߏ ߟߋ߬ ߘߌ߫߸ ߡߍ߲ ߓߍߣߊ߬ ߖߛߐ߫ ߦߏ߫ ߞߐ߲߬ߛߏ߬ ߢߎߡߍߙߋ߲ߡߊ ߕߐ߭ ߟߎ߬ ߦߋ߫ ߖߛߐ߫ ߟߊ߫ ߢߊ ߡߍ߲. ߒ߬ ߞߏ߬ߣߌ߲ ߡߴߊ߬ ߟߐ߲߫ ߝߟߐ߫߸ ߣߴߊ߬ ߟߊ߫ ߜߊ߲ߠߌ߲ ߛߋ߲߬ߕߊ ߓߍߣߊ߬ ߖߊ߲߬ߝߊ߬ ߟߞߊ߬ߟߌ߬ߟߊ ߥߎ߬ߛߎ ߣߊ߬ߕߐ ߘߐ߫߸ ߦߏ߫ ߛߊ߲ߡߊߞߎߟߎ߲ ߕߐ߱ ߟߎ߬ ߦߋ߫ ߢߊ ߡߍ߲. ߊ.ߞ ߛߊ߲ߡߊߞߎߟߎ߲߫ ߞߏ ߞߎ߲߬ߠߊ߬ߛߌ߰ߓߊ߮ ߟߎ߬ ߓߘߴߊ߬ ߦߌ߬ߘߊ߬߸ ߞߏ߫ ߓߑߟߊߞߝߑߟߊߌ ߓߍߣߊ߬ ߖߊ߬ߕߋ ߊ߬ߟߎ ߓߟߏ߫ ߟߋ߬߸ ߞߏ߫ ߛߊ߲ߡߊߞߎߟߎ߲ ߝߍߡߊ߲ ߞߐߘߊ߲߸ ߏ߬ ߟߋ ߦߴߊ߬ ߦߌ߬ߘߊ߬ ߟߊ߫ ߞߴߊ߬ ߡߊ߬ߞߏ߬ ߕߍ߫ ߟߊ߬ߛߌ߲߬ߓߊ߰ߦߊ (ߔߌߟߐߕ) ߘߌ߬ߢߍ߬ߒ߬ߡߊ߬ ߛߓߍ߫ ߟߊ߫. ߞߏ߬ߣߵߊ߬ ߦߋ߫ ߓߑߟߊߞߝߑߟߊߌ ߢߌ߬ߣߌ߲߬ߞߊ߬ߟߌ߬ ߡߊߛߊ߬ߦߌ߬ߕߊ (ߝߊߞ) ߟߎ߬ ߘߐ߫߸ ߞߏ߫ ߊ߬ ߘߌ߫ ߟߊ߬ߛߌ߲߬ߓߊ߰ߦߊ ߘߌ߬ߢߍ߬ߒ߬ߡߊ߬ ߛߓߍ ߕߊ߬.
ߟߊߙߌ߫ ߔߊߗ߭ ߘߐ߱ߘߏ߲߬ߣߍ߲߬ߓߊ ߟߋ߬ ߦߋ߫ ߞߐ߲߬ߛߏ߬ ߜߊ߲ߠߌ߲ߠߊ߫ ߞߏ ߢߌ߲߬ ߠߊ߫.
ߊ߬ ߞߊ߲ ߞߏ߫ ߝߏ߫ ߓߑߟߊߞߝߑߟߊߌ ߦߋ߫ ߣߊ߭ ߟߋ߬߸ ߞߊ߬ ߣߴߊ߲ ߠߊ߫ ߘߎ߰ߓߊ߬ ߖߛߐߣߍ߲ ߠߎ߬ ߓߐߒߣߘߐߟߌ ߟߊߛߣߐ߬ߦߊ߫. ߓߑߟߊߞߝߑߟߊߌ ߓߊ߲ ߞߐ ߘߐ߫ ߞߍ߫ ߟߊ߫ ߜߊ߲ߕߊ ߝߍߡߊ߲ ߞߐߘߊ߲ ߘߌ߫߸ ߊ߬ ߕߍߣߊ߬ ߛߋ߫ ߟߊ߫ ߓߏ߬ߙߌ߬ ߟߊ߫߸ ߝߏ߫ ߦߙߐ߫ ߟߊߞߊ߬ߣߍ߲߸ ߊ߬ ߘߏ߲߬ ߠߊ߫ ߜߊ߲ߠߌ߲߫ ߞߏ߫ ߞߋߟߋ߲ ߕߍߣߊ߬ ߕߊ߬ߡߌ߲߬ ߠߊ߫ ߞߎߘߍ߫ ߄߀ ߞߊ߲߬߸ ߊ߬ ߟߊ߫ ߓߏ߬ߙߌ ߝߣߊ߫ ߦߋ߫ ߞߎߘߍ ߁߀߀ ߟߋ߬ ߘߌ߫ ߕߎ߬ߡߊ߬ߙߋ߲ ߞߘߐ߫ ߊ߬ߡߋߙߌߞߌ߬߸ ߊ߬ ߞߍߕߐ߫ ߊ߬ ߓߏ߬ߙߌ߬ ߟߊ߫ ߊ.ߞ ߟߊ߫ ߞߐ߲߬ߛߏ ߟߎ߬ ߕߊ߫ ߤߊߞߍ ߟߋ߬ ߟߊ߫. ߊ߬ ߘߌ߫ ߛߋ߫ ߥߊ߯ߕߌ߫ ߖߊ߲ ߓߏ߬ߙߌ߬ ߟߊ߫ ߞߣߊߘߊ ߞߊ߬ ߕߊ߬ߡߌ߲߬ ߦߋ߲߬ ߞߐ߲߬ߛߏ ߟߎ߬ ߞߊ߲߬߸ ߊ߬ ߘߏ߲߬ ߘߌ߫ ߞߊߟߌߦߴߊ߬ߟߎ߬ ߘߌ߫ ߝߣߊ߫߸ ߞߊ߬ ߓߍ߲߬ ߖߡߊ߬ߣߊ ߟߎ߬ ߟߊ߫ ߛߊ߲ߡߊߦߟߍߟߌ ߞߎ߬ߙߎ߲߬ߘߎ ߟߎ߬ ߓߐߢߐ߲߰ߡߊ ߡߊ߬.
ߓߑߟߊߞߝߑߟߊߌ ߞߍߕߐ߫ ߓߏ߬ߙߌ߬ ߟߊ߫ ߟߋ߬߸ ߦߏ߫ ߞߐ߲߬ߛߏ߬ ߢߎߡߍߙߋ߲ߡߊ߸ ߣߴߙ߬ ߓߘߊ߫ ߓߊ߲߫ ߝߐ߫ ߟߴߊ߬ ߡߊ߬ ߞߏ߫ ߜߊ߲ߠߌ߲ߠߊ߸ ߊ߬ ߣߌ߫ ߘߏ ߟߎ߬ ߕߍߣߊ߬ ߞߍ߫ ߟߊ߫ ߢߊ߫ ߞߋߟߋ߲ ߡߊ߬߸ ߓߊ ߕߊ߬ߟߌ߬ ߦߙߐ߫ ߝߌ߬ߟߊ߬ ߘߐߙߐ߲߫ ߠߋ߬ ߞߍߕߐ߫ ߊ߬ ߟߊ߫. ߊ߬ ߘߌ߫ ߛߋ߫ ߡߐ߰ ߁ ߔߋ߫ ߟߋ߬ ߟߊߛߣߍ߫ ߟߴߊ߬ ߓߏ߬ߙߌ߬ߓߊ߮ ߞߐ߫߸ ߏ߬ ߖߊ߲߰ߧߊ߬ߣߍ߲߬ߓߊ ߦߋ߫ ߞߍ߫ ߜߟߊ߬ߜߟߊ߫ ߂ ߘߌ߫߸ ߊ߬ ߣߌ߫ ߞߌߘߊ߫ ߁߁߃ ߖߊ߬ߕߋ߫. ߞߏ߫ ߊ߬ ߟߊ߫ ߖߊ߬ߕߋ߬ߘߐ߬ߛߌ߯ ߏߔߌ߲ߣߊ߬ ߡߍ߲ ߦߋ߫ ߣߌ߲߬߸ ߞߏ߫ ߊ߬ ߞߍߕߐ߫ ߏ߬ ߝߋ߰ߙߋ߬ ߟߊ߫ ߘߐ߬ߦߊ߰ߟߊ߬ߟߌ߬ (ߕߎߙߌߛߡ) ߞߐ߲ߛߏ ߛߐ߲߬ߞߐ ߟߋ߬ ߟߊ߫߸ ߘߊ߫ ߘߌߡߊ߲߸ ߡߍ߲ ߟߕߐ߬ ߦߋ߫ ߖߌ߰ߣߌ߬ߦߟߍ ߟߊߣߐ߰ߦߊ߬ ߞߏ ߡߊ߬߸ ߊ߲ ߞߏ߬ߣߌ߲ ߡߊ߫ ߛߴߏ߬ ߘߎ߰ ߘߐ߫ ߡߎߣߎ߲߬. ߊ߬ ߞߏ߫ ߕߎ߬ߡߊ߬ߘߐ߫ ߦߊ߬ߣߌ߲߲߬ ߛߊ߲߬ ߄ ߺ ߅ ߸ ߏ߬ ߘߴߊ߬ ߕߘߍ߬ ߕߌ߲߬ߞߎߘߎ߲ ߠߊ߬ ߟߊ߬ߘߌ߬ߢߍ߬ߟߌ߬ ߛߓߍ ߣߌ߫ ߞߙߎߝߊ ߕߊ ߟߎ߬ ߘߌ߫ ߛߐ߬ߘߐ߲߬߸ ߊ߬ ߟߊߛߌߦߊߦߊ߫ ߞߏ ߣߌ߫ ߘߎ߲߬ߘߎ߬ߡߊ߬ ߞߐ߲ߛߏ ߞߏ ߟߎ߬ ߞߊ߲߬߸ ߞߎߡߊ ߣߌ߲߬ ߓߍ߯ ߟߐ߬ߣߍ߲ ߦߋ߫ ߊߡߋߙߌߞߌ߬ ߟߋ߬ ߡߊ߬. ߊ߬ ߘߌߡߴߊ߬ ߢߍ߫ ߞߵߊ߬ ߟߊ߫ ߡߐ߰ ߝߌ߬ߟߊ߬ ߛߌ߰ߦߙߐ ߟߊߓߐ߫ ߦߊ߬ߣߌ߲߬ ߛߊ߲߭ ߃߸ ߊ߬ ߦߴߊ߬ ߝߍ߬ ߞߵߊ߬ ߟߊ߫ ߖߊ߬ߕߋ߬ߘߐ߬ߛߌ߮ ߡߊߝߍߣߍ߲߫ ߞߕߌ߫ ߤߊߥߞ ߝߣߊ߫ ߠߊ߫.
ߗ߬ ߝߊ߲߭ ߠߊ߫ ߖߊ߬ߕߋ߬ߘߐ߬ߛߌ߰ ߜߘߍ߫ ߦߋ߫ ߛߋ߲߬ ߠߊ߫ ߖ߭ߋߟߊ߲ߘ ߞߎߘߊ߫ ߕߊ߲߬߸ ߞߊ߬ ߓߍ߲߬ ߘߌ߲߬ߞߌߙߊ ߟߊ߫ ߣߐ߰ߦߊ ߡߊ߬.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫ ߓߟߏ߫/ ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫