ߞߏߢߌߡߊߟߐ߲߫ ߝߏߟߌ ߞߊ߬ߕߘߍ߬ ߒߛߙߍߜߘߍ߬ ߒ.ߢ.ߦ.ߘ. ߛߓߍߘߊ ߣߌ߫ ߒߛߙߍߜߍ߬ߘߍ߫ ߒߞߏ ߡߌ߬ߙߌ߲߬ߘߌ ߓߍ߯ ߟߊߘߍ߬ߣߍ߲ ߡߊ߬߸ ߞߵߊ߬ ߓߍ߲߬ ߒߞߏ ߕߐ߲߫ ߖߊ߯ߓߡߊ ߞߊ߲ߕߌ߯ ߛߙߍߞߍ߫ ߂߲ ߠߊ߫ ߕߊ߯ߟߌ ߡߊ߬ ߛߎ߬ߞߏ ߘߐ߫ ߒߛߙߍߜߘߍ߫߸ ߣߊߟߌߡߎ߲߫ ߞ.ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫ ߘߌ߫. ߞߊ߬ߦߌ߯ ߒߛߙߍߜߘߍ߬ ߒ.ߢ.ߦ.ߘ. ߛߓߍߘߊ ߞߊ߬ ߟߌ߬ߤߟߊ ߟߎ߫ ߛߐ߬ߘߐ߲߬ ߞߙߊ߬ߡߐ߯ ߡߊߙߑߟߌ߫ ߡߏߙߌ߫ ߛߌ߬ߛߋ߫ ߣߌ߫ ߞߙߊ߬ߡߐ߯ ߛߌ߬ߘߊ߬ߝߊ߫ ߛߌ߬ߛߋ ߟߎ߬ ߛߌߟߊ ߝߍ߬، ߓߊߏ߬، ߣߌ߲߬ ߞߵߊ߬ ߕߘߍ߬ ߡߐ߰ ߂ ߣߌ߲߬ ߛߌ߫ ߕߍ߫ ߒߛߙߍߜߘߍ߬ ߛߏ ߞߣߐ߫، ߞߵߊ߬ ߕߘߍ߬ ߊ߬ߟߎ߫ ߦߋ߫ ߕߊ߯ߡߊ ߘߐ߫ ߞߐߣߊߞߙߌ߫. ߏ߬ ߟߎ߬ ߟߊ߫ ߞߟߌߟߌ ߟߎ߫ ߛߌߟߊ ߝߍ߬ ߛߊ߫، ߒߛߙߍߜߘߍ߬ ߒߞߏ ߡߌ߬ߙߌ߲߬ߘߌ ߟߎ߬ ߛߣߍߡߊ ߘߊߡߌ߬ߣߊ߬ ߘߊ߫ ߛߎ߬ߓߏ߲߬ߘߊ ߟߊ߫ ߤߙߍߡߊߞߐߣߐ߲߫ ߞߌ߲߬ߘߊ ߟߊ߫، ߊ߬ߟߎ߬ ߓߊ߫ ߘߊ߫ ߞߵߊ߬ߟߎ߬ ߟߊߘߍ߬ ߞߙߎߓߊ߫ ߞߋߟߋ߲߫ ߘߌ߫ ߞߊ߬ ߣߊ߬ ߛߦߊ߬ߝߏ ߞߍ߫ ߞ. ߛߏ߬ߟߏ ߝߙߊ߬ߓߊ-ߘߐ߫ ߘߐ߯ߞߍ߫ ߟߊ߫ ߟߎ ߡߊ߫ ߤߙߍߡߊߞߐߣߐ߲߫ ߞߌ߲߬ߘߊ ߟߊ߫ ߓߌߟߏ߲߫ ߕߊ߬ߡߌ߬ߣߍ߲ ߁߇ ߕߎߡߊ ߟߊ߫߸ ߞߵߏ߬ ߟߊ߫ ߛߦߊ߬ߝߏ ߥߏ߬ߙߏ߫ ߉ ߛߐ߲߬ߞߐ ߞߊ߲߬. ߏ߬ ߕߊ߬ߡߌ߬ߣߍ߲ ߞߐ߫: ߒߛߙߍߜߘߍ߬ ߒ.ߢ.ߦ.ߘ. ߞߊ߲ߕߌ߮ ߞߙߊ߬ߡߐ߯ ߛߊ߬ߦߌߓߊ߬ ߕߙߊߥߊߟߋ߫ ߣߌ߫ ߒߞߏ ߡߌ߬ߙߌ߲߬ߘߌ ߞߊ߬ ߘߍ߰ߡߎ߲ ߢߌߣߌ߲߫ ߞ.ߛߏ߬ߟߏ ߝߙߊ߬ߓߊ-ߘߐ߫ ߝߍ߬، ߞߵߊ߬ ߓߍ߲߬ ߒߞߏߞߏ ߟߌ߬ߤߟߊ ߟߎ߫ ߡߊ߬ ߞߌߢߍ߲߫ ߞߊߓߋ ߟߊ߫߸ ߏ߬ ߘߊߡߌ߬ߣߊ߬ ߘߊ߫ ߁߇ ߕߎߡߊ ߡߌ߬ߛߍ߲߬ ߄߅ ߟߋ߬ ߟߊ߫، ߊ߬ ߞߎ߲߬ߘߏ߲߬ ߘߊ߫ ߂߁ ߕߎߡߊ ߡߌ߬ߛߍ߲߬ ߃߄ ߠߊ߫߸ ߏ߬ ߓߟߏߡߊ߬، ߒߞߏ ߕߐ߲߫ ߖߊ߯ߓߡߊ ߞߏߟߊߕߍ߯ߘߊ ߦߋ߫ ߒߛߙߍߜߘߍ߬ ߒ.ߢ.ߦ.ߘ. ߛߓߍߘߊ ߣߌ߫ ߒߛߙߍߜߘߍ߬ ߒߞߏ ߡߌ߬ߙߌ߲߬ߘߌ ߞߏߢߊߡߊߟߐ߲߫ ߠߴߊ߬ߟߎ߬ ߟߊ߫ ߡߊ߬ߓߘߍ߬ߓߘߍ߬ߟߌ ߞߏߢߌߡߊ ߣߌ߫ ߛߦߊ߬ߝߏ ߟߊ߫߸ ߞߴߊ߬ߟߎ߬ ߞߎߟߎ߲ߖߋ߫ ߘߏ߲߯ ߹ ߘߍ߰ߡߎ߲ ߞߍ߫ ߘߊ߫ ߒߞߏ ߝߊ߬ߘߌ߬ߞߋ߬ߟߋ߲߬ߡߊ ߣߌ߫ ߒߞߏ ߥߌ-ߞߌߔߘߋߞߎ ߟߋ߬ ߞߊ߬، ߊ߬ ߣߌ߫ ߡߌߞߙߏߛߐߝߕ ߘߟߊߡߌߘߊߟߌ ߣߌ߫ ߘߊ߲ߞߎ߲߫ ߜߘߍ ߟߎ߫.
ߞߊ߬ ߝߘߊ߫ ߞߙߊ߬ߡߐ߯ ߖߌ߬ߓߙߌߟߊ߫ ߖߊ߰ߣߍ߫ ߟߊ߫/ ߒߞߏ ߕߐ߲߫ ߖߊ߯ߓߡߊ ߝߘߏ߬ߓߊ߬ ߞߟߊ߬ߕߌ߮ ߣߌߦߐߙߑߞ/ ߊߡߋߙߌߞߌ߬ ߞߊ߬ߝߏ߫ ߘߍߣߍ߲