ߞߐ߯ߘߐߞߘߎ߫ ߓߊߛߌ ߓߘߊ߫ ߞߎ߲߬ߠߊߞߊ߫ ߒߞߏ ߓߊߛߌߦߟߊ ߟߎ߬ ߓߟߏ߫ ߡߊ߲߬ߖߊ߬ߠߊ߫ ( ߖߌ߬ߣߍ߫ )

ߞߐ߯ߘߐߞߘߎ߫ ߖߊ߲ߞߊߙߏ߫ ߓߊߛߌ ߓߘߊ߫ ߛߐ߬ߘߐ߲߬ ߒߞߏ ߘߐ߫ ߝߋߎ߫ :
ߞߐ߬ߓߊ߬ߟߏ߲ ߞߏ߲ߓߌߕߌ߱ ߕߋ߬ߟߋ߫ ߂߂ – ߂߀߁߈-߇߈߃ߞߜ ،ߛߌߦߙߊ߫ ߓߐ߫ ߟߊ߲߰ߛߌ߬ߣߍ߫ ߞߏ߬ߣߊ߬ߕߍ߫ ߞߏߝߐ߫ ߘߊ߫ ߖߊ߲߬ߞߊ߬ߙߏ߬ߕߐ߫ ߘߐߜߍ߬ߘߍ߲߬ߣߍ߲ ߘߏ߫ ߦߋ߫ ߞߐ߬ߟߏ߲ ߘߏ߫ ߡߊ߬ ߞߏ߲ߓߌߕߌ߱ ߕߟߋ߬ ߁߆ – ߂߀߁߈- ߠߊ߫ ߸ߊ߬ ߕߐ߯ ߞߏ߫ ߡߊ߬ߡߊߘߎ߬ ߖߊ߬ߞߌ߬ߕߋ߫ ߞߊ߬ ߓߐ߫ ߞߊ߲߬ߜߍ߬ߟߊ߫ ߡߊ߲߬ߖߊ߲߬ߠߊ߫ ߡߊ߬ߙߊ ߘߐ߫،ߜߦߐߞߟߐ ߡߍ߲ ߦߋ߫ ߖߋ߬ߟߌ ߟߊߡߙߊ߬ ߟߊ߫ ߝߊ߬ߘߌ ߘߐ߫ ߏ߬ ߓߘߊ߫ ߕߌߢߍ߫ ߡߊ߬ߡߊߘߎ߬ ߖߊ߬ߞߌ߬ߕߋ߫ ߝߊ߬ߘߌ ߘߐ߫ ߸ߏ߬ ߡߍ߲ ߥߙߏ߬ߝߋ߬ߟߋ߲ ߥߊߣߍ߲߫ ߘߏ߲߬ ߠߊ߫ ߞߐ߯ߘߐߞߘߎ ߘߐ߫ ߸ߏ߬ ߞߘߐ ߟߋ߬ ߞߏ߫ ߞߐ߯ߘߐߞߘߎ ߟߋ߬ ߦߋ߫ ߏ߬ ߦߙߐ ߡߊߛߐ߫ ߟߊ߫ ߖߋ߬ߟߌ ߟߊ߫ ߸ߞߊ߬ ߖߋ߬ߟߌ ߛߍ߲ߛߍ߲߫ ߞߵߊ߬ ߟߊ߫ ߢߐߢߐߦߊ߫ ߘߊߘߐ߫ ߓߍ߲߬ ߕߋߙߎߦߊ߫ ߓߟߏ߫ ߡߊ߬ ߞߵߊ߬ ߡߊߡߙߊ߬ ߸ߊ߬ ߦߌ߬ߘߊ߫ ߞߊ߬ ߘߊ߫ ߗߍ߭ ߣߌ߲߬ ߠߊ߫ ߕߎ߬ߓߊ߬ߓߎ߬ ߘߊ߲ߘߟߊ ߟߎ߬ ߓߟߏ߫ ߞߴߏ߬ ߓߘߊ߫ ߕߌߢߍ߫ ߝߋߎ߫ ߞߵߊ߬ ߞߎ߲߭ ߞߍ߫ ߞߐ߯ߘߐߞߘߎ ߟߊ߫ ߝߍ߬ ߛߐߘߐ߲ ߘߌ߬،ߖߋ߬ߟߌ ߕߏ߲ߜߊ߫ ߈ ߠߋ߬ ߓߘߊ߫ ߞߍ߫ ߗߍ߭ ߣߌ߲߬ ߘߐ߫ ߞߏ߬ߣߌ߲߬ ߖߋ߬ߟߌ ߓߍ߯ ߦߋ߫ ߜߛߍߛߍ߫ ߟߊ߫ ߟߋ߬ ߞߊ߬ ߓߐ߫ ߊ߬ ߘߐ߫ ߞߋߟߋ߲ߘߌ߫ ߸ߞߵߏ߬ ߟߊ߫ ߞߣߐ߫ ߘߌߡߌ߲߫ ߜߍߟߍ߲߫ ߞߊ߲߬ ߛߎ ߣߌ߫ ߕߋ߬ߟߋ ߸ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫ ߖߊ߲߬ߞߊ߬ߙߏ߬ߕߐ ߣߌ߲߬ ߕߍ߫ ߛߋ߫ ߟߊ߫ ߊ߬ ߟߐ߬ ߟߊ߫ ߟߋ߬ ߝߊ߲߭ ߒ ߕߍߣߊ߬ ߞߎߡߊ߫ ߞߵߊ߬ ߕߊ߯ߡߊ߫ ߸ߊ߬ߟߎ߬ ߓߘߊ߫ ߓߡߊ߬ߞߐ߬ ߞߍ߫ ߛߋ߲߬ߧߊ߬ ߄ߏ߬ ߟߎ߬ ߞߊ߲߫ ߞߏ߫ (ߞߐ߯ߘߐߞߘߎ߫ ߖߊ߲ߞߊߙߏ߫ ߟߋ߬ ߡߊ߬ߡߊߘߎ߬ ߖߊ߬ߞߌ߬ߕߋ߫ ߟߊ߫ ߞߊ߬ ߞߐߣߊߞߙߌ߫ ߣߌ߫ ߞߊ߲ߞߊ߲߫ ߞߍ߫ ߛߋ߲߬ߧߊ߬ ߇ ߞߊ߬ ߣߊ߬ ߡߊ߲߬ߖߊ߲߬ߠߊ߫ ߘߊ߲ߘߊߛߏߓߊ ߝߣߊ߫ ߞߍ߫ ߏ߬ ߟߎ߬ ߓߍ߯ ߟߊߘߍ߬ߣߍ߲ ߞߊ߲߫ ߞߏ߫ ߞߐ߯ߘߐߞߘߎ ߟߋ߬،) ߡߐ߱ ߘߏ߫ ߟߎ߫ ߞߊ߬ ߛߌߦߙߊ߫ ߓߐ߫ ߟߊ߲߰ߛߌ߬ߣߍ߫ ߞߏ߬ߣߊ߬ߕߍ߫ ߞߏߝߐ߫ ߊ߬ߟߎ߬ ߢߍ߫ ߏ߬ ߟߋ ߘߐ߫ ߞߏ߫ ߊ߬ߟߎ߬ ߦߋ߫ ߛߋ߫ ߛߌߦߙߊ߫ ߝߍ߬ ߸ߛߌߦߙߊ߫ ߥߊ߫ ߢߊ߫ ߟߋ߬ ߞߍߣߍ߲߫ ߏ߬ ߘߌ߫ ߞߊ߬ ߕߊ߯ ߖߊ߲߬ߞߊ߬ߙߏ߬ߕߐ߫ ߡߊ߬ߡߊߘߎ߬ ߖߊ߬ߞߌ߬ߕߋ߫ ߦߋ߫ ߊ߬ ߢߊ ߟߊ߫ ߸ߊ߬ ߝߊ߬ߘߌ ߓߘߊ߫ ߡߌ߬ߘߊ߬ ߞߊ߬ ߟߊ߲߰ߝߏ߲߫ ߞߊ߬ ߘߐ߫ ߓߊ߲߫ ߞߏߖߎ߯ߦߊ߫ ،ߖߊ߲߬ߞߊ߬ߙߏ߬ߕߐ߫ ߖߍ߬ߘߍ ߞߊ߲߫ ߛߌߦߙߊ߫ ߢߍ߫ ߕߊ߲߬ ߠߋ߬ :
߁-ߘߊ ߦߋ߫ ߒ ߝߎ߬ߘߎ ߝߊ߲߬ߞߋߟߋ߲ ߠߊ߫ ߞߎ߬ߘߎ߫ ߝߣߊ߫ ߦߋ߫ ߒ ߓߟߏߡߊߙߊ߲߫ ߝߘߎ߫ ߞߣߐ߫߸ߏ߬ ߟߋ ߦߴߊ߬ ߞߍ߫ ߟߊ߫ ߒ ߞߣߐ ߦߋ߫ ߒ ߘߌߡߌ߲߫ ߠߊ߫ ߛߐ߲߬.
߂-ߊ߬ ߞߍߣߍ߲߫ ߦߏ߫ ߌ ߘߴߊ߬ ߝߐ߫ ߝߣߊ߫ ߞߏ߫ ߞߎ߬ߘߎ ߟߋ߬ ߒ ߛߏ߬ߙߏ ߘߐ߫ ߸ߏ߬ ߝߋ߲߫ ߞߍ߲ߘߍߟߡߊ ߟߋ߬ ߦߋ߫ ߝߊߦߌߘߊ߫ ߸ߒ ߕߴߛߋ߫ ߟߊ߫ ߒ ߕߊ߯ߡߊ߫ ߟߊ߫ ߕߋ߲߬ ߸ߒ ߕߍ߫ ߛߎ߯ߣߊ߫ ߛߌߦߊߡߊ߲߫ ߛߐ߬ߘߐ߲߬ ߠߊ߫ ߸ߖߋ߬ߟߌ ߡߍ߲ ߓߘߊ߫ ߞߍ߫ ߒ ߘߐ߫ ߏ߬ ߓߘߊ߫ ߕߏ߲ߜߊ߫ ߈ ߓߐ߫ ߏ߬ ߓߍ߯ ߣߴߊ߬ ߕߊ߫ ߖߋ߬ߟߌ߬ ߞߏߖߊ ߦߋ߫ ߒ ߠߊ߫ ߡߎߣߎ߲߬ ،ߘߊ߲ߘߊߟߌߟߊ ߜߘߍ߫ ߟߎ߫ ߞߊ߲߫ ߒ ߧߋ߫ ߞߏ߫ ߝߍ߭ ߦߋ߫ ߒ ߞߐ߯ߘߐߞߘߎ ߟߊ߫ ߞߴߏ߬ ߟߋ߬ ߦߴߊ߬ ߞߍ߫ ߟߊ߫ ߖߋ߬ߟߌ ߕߍ߫ ߛߐ߲߬ ߠߊ߫ ߡߊߡߙߊ߬ ߟߊ߫ ߡߎ߰ߡߍ߫߸ߒ ߓߘߊ߫ ߓߐ߫ ߦߙߐ߫ ߛߌߦߊߡߊ߲߫ ߘߐ߫،ߊ߬ߟߎ߫ ߞߊ߬ ߛߌߦߙߊ߫ ߓߐ߫ ߟߊ߲߰ߛߌ߬ߣߍ߫ ߞߏ߬ߣߊ߬ߕߍ߫ ߞߏߝߐ߫ ߒ ߧߋ߫ ߟߋ߬ ߞߵߊ߬ ߓߍ߲߬ ߕߐ߮ ߡߊ߬ ߸ߒ ߘߏ߲߬ ߓߘߊ߫ ߝߟߐ߫ ߒ ߖߌ߰ ߡߝߊ߬ ߦߙߐ ߦߋ߫ ߊ߬ ߟߊ߫ ߞߏ ߘߐ߫ ߝߋߎ߫ ߞߵߊ߬ ߞߎ߲߭ ߞߍ߫ ߊ߬ ߟߊ߫ ߘߊ߲ߘߊߟߌ ߕߊ߯ ߛߋ߲߫ ߥߊ߫ ߢߊ ߘߌ߬ ߓߊߏ߬ ߸ߊ߬ ߓߘߊ߫ ߞߐ߯ߘߐߞߘߎ߫ ߔߙߎ ߘߏ߫ ߞߍ߫ ߒ ߠߊ߫ ߸ߒ ߓߘߴߏ߬ ߢߊ߬ߞߏ ߖߍ߬ߘߍߖߍ߬ߘߍ ߟߋ߬ ߦߋ߫ ߒ ߡߊ߬ ߝߋߎ߫ ߸ ߖߋ߬ߟߌ߬ ߛߘߍ߬ߓߊ ߡߍ߲ ߠߎ߬ ߕߘߍ߬ ߦߋ߫ ߞߍ߫ ߟߊ߫ ߒ ߠߊ߫ ߸ߞߊ߬ߓߌ߯ ߒ ߞߊ߬ ߛߌߦߙߊ߫ ߓߐ߫ ߟߊ߲߰ߛߌ߬ߣߍ߫ ߟߊ߫ ߔߙߎ ߣߌ߲߬ ߕߊ߬ ߖߋ߬ߟߌ߬ߞߏ ߓߘߊ߫ ߓߍ߲߬ ߝߛߊߦߌ߫ ߸ߊ߬ ߣߌ߫ ߝߣߊ߫ ߸ߒ ߕߎ߲߬ ߕߍ߫ ߛߋ߫ ߟߊ߫ ߒ ߥߟߌ߬ ߟߊ߫ ߸ߓߊ߬ߙߌ߬ ߒ ߧߋ߫ ߒ ߘߐߕߊ߯ߡߊ ߟߊ߫ ߟߋ߬ ߕߋ߲߬ ߝߋߎ߫ ،ߊ߬ ߣߌ߫ ߝߣߊ߫ ߒ ߕߎ߲߬ ߕߍ߫ ߛߎ߯ߣߊ߫ ߛߐ߬ߘߐ߲߬ ߠߊ߫ ߞߊ߬ߓߌ߬ߣߌ߫ ߒ ߞߊ߬ ߔߙߎ ߣߌ߲߬ ߕߊ߬ ߒ ߓߘߊ߫ ߛߎ߯ߣߊ߫ ߛߐ߬ߘߐ߲߫ ߘߊߡߌ߬ߣߊ߬߸ ߔߙߎ ߓߊߞߍ߫ ߞߏߕߊ߲߫ ߘߌߡߌ߲ ߘߌ߫ ߕߎߣߎ߲߫ ߒ ߛߏ߬ߙߏ ߘߐ߫،ߒ ߧߋ߫ ߕߍ߫ ߡߍ߲ ߘߐ߫ ߣߌ߲߬ ߒ ߧߋ߫ ߊߟߊ߫ ߕߙߊ߫ ߟߊ߫ ߒ ߞߍ߲ߘߍߦߊ ߟߋ߬ ߟߊ߫ ߸ߊߟߎ߫ ߓߍ߯ ߦߋ߫ ߕߌ߲ߞߌ߫ ߓߊ߲ߓߊ߲ߣߍ߲߫ ߞߍ߫ ߒ ߧߋ߫ ߸ߒ ߞߏ߬ߣߌ߲ ߦߋ߫ ߒߞߏ ߘߊ߲ߘߊߟߌ ߘߊߞߘߐ߫ ߕߋ߲߬.
ߛߌߦߙߊ߫ ߓߐ߫ ߟߊ߲߰ߛߌ߬ߣߍ߫ ߞߏ߬ߣߊ߬ߕߍ߫ ߓߟߏ߫/ ߛߏ߬ߟߏ ߝߙߊ߬ߓߊ-ߘߐ߫