ߘߎ߰ ߦߙߍߦߙߍ ߘߏ߫ ߞߍߣߍ߫ ߜߙߍ߬ߞߌ߬ ߓߌ߬ ߛߌ߬ߣߌ߲߬ߟߏ߲߫ ߡߊ߬

ߛߣߌ߲߬ߟߏ߲ ߞߏ߲ߓߌߕߌ߮ ߂߆/߂߀߁߈ ߠߊ߫
ߘߎ߰ߞߟߏ߬ ߦߙߍߦߙߍ ߘߏ߫ ߟߋ߬ ߞߍߣߍ߲߫ ߜ߭ߙߍ߬ߞߌ߫ ߓߌ߭ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߊ߬ ߞߍߣߍ߲߫ ߟߌߕߊߕߌߦߊ߫ ߕߏ߯ߘߊ ߥߙߏ߬ߘߎ߰ߝߊ߲ ߞߎߘߍ߫ ߃߅ ߖߊ߬ߕߋ ߟߋ߬ ߟߊ߫, ߖ߭ߊ߲ߕߋ߫ ߕߌ߲ ߘߐ߫. ߘߎ߰ ߦߙߍߦߙߍ ߣߌ߲߬ ߞߍߣߍ߲߫ ߣߍ߰ߛߎ߬ߓߊ߯ ߆.߈ ߠߋ߬ ߟߊ߫ (ߦߙߍߦߙߍ ߞߛߊߞߊ)߸ ߊߕߍ߲߯ߣ ߜߋ߬ߟߎ߲߬ߠߌ߲߬ߠߊ ߟߎ߬ ߓߘߴߊ߬ ߟߊߞߊ߬ߟߌ߫ ߞߏ߫ ߊ߬ ߞߊ߬ ߕߌߢߍߟߌ ߞߍ߫. ߊߡߋߙߌߞߌ߬ ߘߎ߰ߟߐ߲߬ߘߐ߬ߦߊ ߘߋ߬ߙߌ߬ߘߊ ߟߎ߬ ߟߋ߬ ߝߟߐߝߟߐ߫ ߞߊ߬ ߘߎ߰ߞߟߏ߬ ߦߙߍߦߙߍ ߣߌ߲߬ ߠߊߥߊ߲߬ߞߊ߬ ߟߊ߫߸ ߞߏ߫ ߊ߬ ߦߙߍߦߙߍߣߍ߲߫ ߦߋ߫ ߣߍ߰ߛߎ߬ߓߊ߯ ߆.߈ ߠߋ߬ ߟߊ߫. ߊߕߍ߲߯ߣ ߜߋ߬ߟߎ߲߬ߠߌ߲߬ߠߊ ߟߎ߬ ߞߊ߲߫ ߞߏ߫ ߢߎߡߍ߫ ߞߙߏߝߏ ߟߎ߬ ߓߍ߯ ߘߐߕߌߢߍ߫ ߣߍ߲߫ ߠߋ߬߸ ߞߏ߫ ߊ߬ ߟߊ߫ ߕߌߢߍߟߌ ߥߊ߬ߙߊ ߞߎ߲߭ ߞߍߣߍ߲߫ ߘߎ߰ ߕߏߙߏ߲ߘߏ ߟߋ߬ ߘߌ߫. ߕߌ߲߬ߞߎߘߎ߲ ߝߐ߰ߓߍ߬ߦߊ߬ߟߊ ߟߎ߬ ߞߊ߲߫ ߞߏ߫ ߕߌ߲ ߘߋߣߍ߲ ߘߏ߫ ߦߋ߫ ߖ߭ߊ߲ߕߋ߫ ߕߌ߲ ߕߙߐߝߍ߬߸ߞߴߊ߬ ߞߵߏ߬ ߝߙߎߕߎ ߘߏ߫ ߘߐߕߌߢߍ߫߸ ߡߍ߲ ߟߐ߬ ߘߊ߫ ߦߋ߲߬ ߞߊ߬ߦߌ߯ ߝߊ߯ߘߐߞߍ߫ ߁߂߲ ߠߊ߫.
ߊߕߍ߲߯ߣ ߜߋ߬ߟߎ߲߬ߠߌ߲߬ߠߊ ߟߎ߬ ߞߊ߲߫ ߞߴߊ߬ ߞߍߣߍ߲߫ ߦߏ߫ ߘߎ߰ ߦߙߍ߬ߦߙߍ߬ ߦߙߌߞߊ ߟߋ߬ ߕߎ߲߰ߣߍ߲߫ ߢߐ߲߮ ߠߊ߫߸ ߞߵߊ߬ ߕߊ߬ ߣߍ߰ߛߎ߬ߓߊ߬ ߄.߉ ߣߌ߫ ߆.߈ ߠߎ߬ ߕߍ߫. ߞߏ߫ ߘߎ߰ ߦߙߍߦߙߍ ߣߌ߲߬ ߞߍߣߍ߲߫ ߞߐ߰ߖߌ ߟߋ߬ ߘߐ߫߸ ߊߕߍ߲߯ߣ ߞߎߘߍ߫ ߂߈߇ ߟߊ߫߸ ߏ߬ ߟߋ ߦߙߍߦߙߍ ߛߋߣߍ߲߫ ߖ߭ߊ߲ߕߋ߫ ߕߌ߲ ߘߐ߫.
ߊߡߋߙߌߞߌ߬ ߞߊ߬ߝߏ߫ ߘߍ߬ߣߍ߲ ߘߎ߰ߟߐ߲߬ߘߐ߬ߦߊ ߘߋ߬ߙߌ߬ߘߊ ߞߊ߲߫ ߞߏ߫ ߘߎ߰ ߦߙߍߦߙߍ ߣߌ߲߬ ߞߍߣߍ߲߫ ߞߐ߰ߖߌ ߟߋ߬ ߞߘߐ߫߸ ߘߎ߲߰ߧߊ ߞߎߘߍ߫ ߁߆ ߣߌ߫ ߜߟߊ߬ߜߟߊ ߆߀߀ ߟߊ߫߸ ߓߌߟߏ߲ ߛߎ ߘߐ߫ ߞߵߊ߬ ߘߎ߬ߛߊߜߍ߫ ߛߌ߬ߣߌ߲߬ߟߏ߲ ߠߊ߫߸ ߂߂ ߙߋ߲ ߅߀ ߟߊ߫ ߡߊ߲߬ߘߋ߲߫. ߜ߭ߙߍ߬ߞߌ߫ ߛߌ߰ߣߍ߲߫ ߝߟߐߡߐ߱ ߟߎ߬ ߛߌ߰ߦߙߐ ߟߋ߬ ߘߐ߫߸ ߊ߬ ߓߘߊ߫ ߘߎ߰ ߦߙߍ߬ߦߙߍ߬ ߛߌߦߊߡߊ߲߫ ߠߎ߫ ߟߋ߬ ߡߊߜߙߏ߬ ߘߐ߬ߝߐ ߞߎ߲߬ߕߊ߮ ߘߐ߫.
ߞߊ߬ߙߌ߬ߝߐ ߟߊ߫ ߂߀߁߇ ߟߊ߫߸ ߘߎ߰ ߦߙߍ߬ߦߙߍ߬ ߘߏ߫ ߞߍ߫ ߘߊ߫ ߆.߄ ߟߊ߫ ߞߐߛ ߕߌ߲ ߘߐ߫߸ ߏ߬ ߞߊ߬ ߡߐ߰ ߂ ߟߋ߬ ߝߊ߰߸ ߞߊ߬ ߕߌߢߍߟߌ߫ ߘߍ߰ߜߍ ߞߍ߫. ߘߎ߰ ߦߙߍ߬ߦߙߍ߬ ߜߘߍ߫ ߞߍ߫ ߘߊ߫ ߆.߂ ߟߊ߫ ߡߌߛߋߙߌ ߘߎ߰ߓߊ ߟߊ߫ ߞߟߊߡߕߊ߸ ߏ߬ ߞߊ߬ ߡߐ߰ ߂߀ ߝߊ߰ ߞߊ߬ ߓߏ߲߫ ߦߙߌߞߊ ߟߎ߬ ߛߍ߲ߞߍ߫.
ߘߎ߰ ߦߙߍߦߙߍ ߜߘߍ߫ ߞߍ߫ ߘߊ߫ ߖ߭ߊ߲ߕߋ߫ ߕߌ߲ ߣߌ߲߬ ߘߐ߫ ߘߓߊ߬ߕߊ ߟߊ߫ ߁߉߅߃ ߟߊ߫߸ ߏ߬ ߞߊ߬ ߡߐ߰ ߗߡߍ߬ ߦߙߌߞߊ ߟߋ߬ ߝߊ߰ ߞߊ߬ ߥߊ߯ ߦߙߌߞߊ ߖߏߞߌ߫߸ ߏ߬ ߞߊ߬ ߖ߭ߊ߲ߕߋ߫ ߕߌ߲ ߘߐߕߌߢߍ߫ ߟߋ߬.
ߛߎ߲ߞߎ߲ ߠߊ߫ ߞߏ ߥߢߊ ߟߋ߬ ߦߋ߫ ߣߌ߲߬߸ ߊ߬ ߦߋ߫ ߢߎ߬ߡߊ߬ ߛߘߍߡߊ߲߫ ߠߎ߫ ߞߍ߫ ߟߴߊ߲ ߧߋ߫ ߛߊ߫߸ ߞߏ߬ߣߵߊ߬ ߦߴߊ߲ ߕߙߐ߫ ߟߊ߫ ߝߣߊ߫.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫ ߓߟߏ߫// ߛߏ߬ߟߏ ߝߙߊ߬ߓߊ-ߘߐ߫