ߡߐ߰ ߞߊߞߊ߲߫ ߞߵߌ ߞߙߐ߬ߛߌ߬ ߕߏ߫ ߌ ߞߎ߲߬ߣߍ߮ ߘߐ߫߸ ߞߏ߫ ߜߍߟߍ߲ ߘߏ߫ ߞߊߣߵߊ߬ ߛߐ߬ߘߐ߲߬ ߟߏ߲ ߘߏ߫.
ߌ ߞߎ߲߬ߔߐߕߍ ߟߊ߫ ߘߍ߲ߘߍߦߊ ߞߣߐ߬ߜߍ߲ ߠߋ߬ ߦߋ߫ ߞߏ ߓߍ߯ ߢߍ߫߸ ߞߊ߬ ߓߊ߲߫ ߞߵߊ߬ ߟߊߞߊ߲ߘߊ߫ ߞߏ߫ ߟߎ߫ ߡߊ߬߸ ߡߍ߲ ߠߎ߬ ߘߌ߫ ߛߋ߫ ߕߙߐߦߊ ߟߊߛߋ߫ ߟߴߊ߬ ߡߊ߬ ߟߏ߲ ߘߏ߫.ߞߊ߬ ߝߙߍ߬ ߞߍ߫ ߞߊ߬ ߓߊߟߏ߫ ߟߎ߫ ߘߊߥߎ߲߫߸ ߡߍ߲ ߠߎ߬ ߘߌ߫ ߛߋ߫ ߞߊ߬ ߞߍ߲ߘߍߦߊ ߟߊߛߴߊ߬ ߡߊ߬. ߞߊ߬ ߛߎ߬ߣߐ߰ ߥߛߊ߬ߕߊ ߓߍ߬ߙߍ ߟߊ߫߸ ߏ߬ ߡߍ߲ ߦߋ߫ ߞߎ߲߬ߔߐߕߍ ߡߊߛߊ߲߬ߛߊ߲߬ ߠߊ߫߸ ߏ߬ ߣߌ߫ ߞߊ߬ 
ߟߎ߬ ߟߊߓߐ߫ ߊ߬ ߘߐ߫. ߌ ߓߏ߬ߙߌ߫ ߞߏ߫ ߞߋߟߋ߲߫ ߠߊߓߊߕߏ ߡߊ߬ (ߞߊ߬ ߕߏ߫ ߞߏ߫ ߞߋߟߋ߲߫ ߞߍ߫ ߟߊ߫ ߛߐ߲߬߸ ߌ ߝߛߊ߬ ߟߊ߫ ߦߙߐ߫ ߞߋߟߋ߲ ߡߊ߬ ߛߐ߲߬߸ …) ߞߋ߬ߟߋ߲߬ߠߊ߬ߕߏ ߡߊ߬߸ ߖߐ߬ߘߐ (ߛߌߟߊ߲߸ ߤߊߡߌ߲߸ ߛߎ߬ߣߎ߲) ߡߊ߬ {ߛߑߕߙߍߛ}߸ ߊ߬ ߣߌ߫ ߞߊ߬ ߞߏ ߓߍ߯ ߡߊߕߊ߲߬ߞߊ߬߸ ߡߍ߲ ߠߎ߬ ߘߌ߫ ߝߛߊ߬ߝߏߋ ߟߎ߬ ߟߊߘߊ߲߫ ߠߊ߫. ߌ ߘߏ߲߬ ߞߊ߫ ߢߌ߬ߣߊ߬ ߞߊ߬ߙߊ߲ ߞߐ߫߸ ߡߊ߬ߞߊ߬ߙߊ߲߬ߠߌ߲ ߞߐ߫߸ ߞߊ߬ ߞߍ߫ ߞߎ߲ߝߊ߲ߕߐ߫ ߘߌ߫߸ ߡߍ߲ ߠߎ߬ ߘߌ߫ ߞߎ߲߬ߣߍ߮ ߝߊ߲߭ ߠߎ߬ ߓߌ߬ߟߊ߬ߢߐ߲߰ߡߊ ߟߊߣߐ߰ߦߊ߬. ߓߊߟߏ ߞߏ ߡߊ߬ߝߊ߲߬ߝߍ߬ߟߊ ߟߐ߲ߣߍ߲߫ ߓߊ ߟߋ߬ ߦߋ߫.
ߕߟߎ ߛߌߦߊߡߊ߲߫ ߦߋ߫ ߓߊߟߏ ߡߍ߲ ߠߊ߫߸ ߊ߬ ߣߌ߫ ߟߌߞߐ߮ ߛߌߦߊߡߊ߲߫ ߦߋ߫ ߡߍ߲ ߠߊ߫߸ ߣߴߏ ߞߏߟߏ߲ߛߏ߫ ߘߊ߫ ߝߊ߬ߘߌ߬ߟߊ߬ߡߊ߰ ߓߊߟߌߦߊ ߟߊ߫߸ ߏ߬ ߟߋ ߦߋ߫ ߛߐ߲߭_ ߖߍ߲߬ߝߏ߬ߟߏ߲߬ߡߊ (ߞߊߙߑߘߌߦߏ ߝ߭ߊߛߑߞߎ߳ߟߍߙ) ߛߊߓߎ ߘߌ߫. ߕߌߙߌ߲ߠߌ߲ ߘߏ߫ ߟߊߥߊ߲߬ߞߊ߲߬ ߛߊ߲߬ ߞߎߘߊ ߟߋ߬ ߦߋ߫ ߣߌ߲߬߸ ߡߍ߲ ߛߌ߰ ߘߊ߫ ߛߋ߲߭ߞߊ߲߬ ߕߟߎߘߐ ߏߡߋߜ߭ߊ-߃߲ ߠߊ߫ ߞߏ ߞߊ߲߬ ߓߍߙߑߡߌ߲ߜ߭ߑߕߊ߲߬ ߖߊ߯ߓߘߊ ߟߊ߫߸ ߏ߬ ߡߍ߲ ߣߵߊ߬ ߦߌ߬ߘߊ߬ ߟߊ߫ ߞߏ߫ ߞߐߝߟߌߖߎ߯ ߛߌߦߊߡߊ߲߫ ߕߴߊ߬ ߟߊ߫.
ߝߊ߬ߘߌ߬ߞߟߏ߬ߟߊߕߏ߯ߝߏ ߟߊߛߌߦߊߦߊ ߣߌ߫ ߓߊ߬ߛߊ߲߬ ߖߡߊ߬ ߢߣߊ.
ߝߊ߬ߘߌ߬ߡߊ߬ߞߟߏ ߟߊߛߌߦߊߦߊ ߘߌ߫ ߛߐ߲߭ ߠߊ߫ ߖߍ߲߬ߝߏ߬ߟߏ߲߬ߡߊ߬ߦߊ߫ ߓߌߟߊߒߘߐ ߞߎ߲߬ߣߍ߰ߟߊ߬ߞߊ (ߊߞߛߌߘߊ߲ ߝ߭ߊߛߑߞߎ߳ߟߍߙ ߛߙߋߓߙߏ) ߟߎ߬ ߢߍߓߍ߲߬. ߔߌߦߍߙ ߡߊ߬ߙߌ ߟߋߘߏ߫ ߡߍ߲ ߦߋ߫ ߝߛߊ߬ߟߐ߲߬ߘߐ߬ߦߊ߬ߟߊ ߘߌ߫ ߔߊߛߑߕߍߙ ߟߊ߫߸ ߏ߬ ߞߊ߲߫ ߞߏ߫ ߕߍߓߊ߯ߦߊ߫ ߓߊ߫ ߟߋ߬ ߦߋ߫ ߝߊ߬ߘߌ߬ߡߊ߬ߞߟߏ ߣߌ߫ ߝߛߊ߬ߝߏ߬ߋ߬ ߞߎߘߊ߫ ߟߊߘߊ߲ ߕߍ߫. ߏ߬ ߟߋ ߞߏߛߐ߲߬߸ ߡߐ߰ ߞߊߞߊ߲߫ ߞߵߌ ߕߊ߯ߡߊ߫ ߌ ߛߋ߲߭ߡߊ߬߸ ߥߟߊ߫ ߣߍ߰ߛߏ ߞߊ߲߬߸ ߏ߬ ߟߋ ߞߊߝߌ߬ߛߊ߬ ߔߏߔߏ ߓߏߙߌ ߣߌ߫ ߞߐ߲߬ߛߏ߬ ߞߣߐ߬ ߓߏ߬ߙߌ߬ ߛߌߦߊߡߊ߲ ߘߌ߫. ߣߴߌ ߘߏ߲߬ ߞߴߊ߬ ߟߐ߲߫ ߞߏ߫ ߌ ߕߍߣߊ߬ ߟߏ߲_ߏ߲߯_ߟߏ߲߫ ߝߊ߬ߘߌߟߊ߬ߡߊ߮ ߡߊߣߐ߬ ߟߊ߫߸ ߒ߬ߓߊ߬ ߌ ߦߴߌ ߞߊߘߊ߲߫ ߞߊ߬ ߕߘߍ߬ ߘߐ߲߭ ߠߎ߬ ߘߐ߫ ߛߐ߲߬.
ߝߊ߬ߣߴߌ ߦߋ߫ ߕߊ߬ߡߌ߲߬ ߠߴߌ ߟߊ߫ ߞߎ߲߬ߞߋ߬ߟߋ߲߬ߧߊ ߕߘߎ߫ ߟߊ߫߸ ߊ߬ ߣߴߌ ߦߋ߫ ߕߊ߬ߡߌ߲߬ ߠߴߌ ߡߊߕߊ߯ ߟߊ߫ ߖߊ߬ߡߊ ߟߊ߫߸ ߌ ߞߎ߲߬ߣߍ ߦߋ߫ ߞߢߊ߬ ߟߊ߫ ߝߛߊ߬ߝߏ߬ߋ߬ ߞߎߘߊ߫ ߟߊߘߊ߲߫ ߠߊ߫.
ߊߟߌߡߊ߲ߘߎ߯ ߕߌߙߌ߲ߠߌ߲߫ ߛߘߍ ߘߏ߫ ߟߎ߫ ߞߊ߬ ߡߐ߬ߓߊ߬ߞߘߐ ߛߊ߲߬ ߆߈ ߘߏ߫ ߟߎ߫ ߟߐ߬ ߘߐ߲߭ ߠߊ߫ ߞߊߙߏ߫ ߁߈ ߖߊ߬ߕߋ߬ ߞߘߐ߫. ߏ߬ ߞߐߝߟߌ ߟߊߥߊ߲߬ߞߊ߲߬ ߘߊ߫ ߕߙߊߓߊߕߟߋ ߕߊ߬ߡߌ߲߬ߣߍ߲ ߘߐ߫ ߂߀߁߈ ߣߌ߲߬ ߠߊ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߞߏ߫ ߛߎ߮ ߏ߬ ߓߟߏߦߊߟߌ ߘߌ߫ ߛߋ߫ ߛߏ߬ߞߎ߲߬ߖߍ߰ߡߎߣߎ߲ (ߤߌߔߏߞߊ߲ߔ) ߘߍ߲߬ߘߍ ߡߊߞߊ߬ߝߏ߬ ߟߊ߫߸ ߏ߬ ߡߍ߲ ߦߋ߫ ߞߎ߲߬ߔߐߕߍ ߘߌ߲߬ߞߌߙߊ ߟߎ߬ ߘߐ߫ ߢߍߛߐ߲ ߠߎ߬ ߘߏ߫ ߘߌ߫. ߞߋ߬ߟߋ߲߬ߠߊ߬ߕߏߟߌ ߟߊߓߊ߲ ߠߋ߬ ߦߋ߫ ߛߊߟߊ߲߫ ߖߡߊ߬ߢߍ ߘߌ߫߸ ߏ߬ ߡߍ߲ ߝߣߊ߫ ߦߋ߫ ߞߎ߲߭ߘߏ߲߬ ߠߊ߫ ߤߊߞߟߌ ߟߊ߫ ߞߘߐ߬ ߖߏߣߊ ߡߊ߬.
ߛߌ߬ߣߐ߮ ߟߋ߬ ߦߋ߫ ߛߌ߲ߞߐ߲ߡߌߣߊ ߟߎ߬ ߟߊߞߎ߲߬ߘߎ߬ ߟߊ߫.
ߞߎ߲߬ߔߐߕߍ ߦߋ߫ ߕߟߋ߬ߘߐ߬ߟߊ ߞߏ߫ ߕߊ߬ߡߌ߲߬ߣߍ߲ ߠߎ߬ ߘߐߞߊ߬ߙߊ߲߬ ߠߊ߫ ߛߌ߬ߣߐ߮ ߟߋ߬ ߘߐ߫߸ ߊ߬ ߣߌ߫ ߞߊ߬ ߛߌ߲ߞߐ߲ߡߌߣߊ ߟߎ߬ ߝߍ߬ߛߐ߲ߛߐ߲߫.
ߘߊߣߋߡߊߙߑߞߌ ߟߐ߲ߞߏߕߌ߮ ߘߏ߫ ߟߊ߫ ߕߌߙߌ߲ߠߌ߲ ߞߵߊ߬ ߦߌ߬ߘߊ߬߸ ߞߏ߫ ߞߎ߲߬ߔߐߕߍ ߦߴߊ߬ ߞߏ߬ ߟߊ߫ ߖߌ ߡߍ߲ ߘߐ߫߸ ߞߴߏ߬ ߦߋ߫ ߡߊߞߊ߬ߝߏ߬ ߟߊ߫ ߛߌ߬ߣߐ߮ ߟߊ߫ ߘߝߊ ߟߋ߬ ߞߏߛߐ߲߬, ߊ߬ ߣߴߊ߬ߟߋ ߟߋ߬ ߦߋ߫ ߣߐ߮ ߟߎ߬ ߓߐ߫ ߟߴߊ߲ ߞߎ߲߬ߔߐߕߍ ߟߊ߫߸ ߏ߬ ߡߍ߲ ߦߋ߫ ߊߟߑߖ߭ߍߌߡߍߙ ߖߊ߲ߞߊߙߏ ߛߊߓߎ ߘߌ߫.
ߡߍ߲ ߟߕߐ߬ ߦߋ߫ ߛߌߟߊ߲ ߣߌ߫ ߝߛߊ߬ߝߏ߬ߋ߬ ߞߎߘߊ߫ ߞߏ ߟߊ߲߬ߝߏ߲ ߕߊߝߊ߲߭ ߡߊ߬߸ ߡߐ߰ ߘߌ߫ ߛߋ߫ ߡߙߌߟߌ ߟߊߓߊ߯ߙߊ߫ ߟߴߏ߬ ߘߐ߫.
ߞߎ߲߬ߣߍ߮ ߦߋ߫ ߕߊ߬ߡߌ߲߬ ߠߊ߫ ߦߙߌߥߊ߫ ߟߊ߫ ߞߊ߬ ߓߍ߲߬ ߟߌ߬ߤߟߊ߬ ߡߊ߬ߦߟߍߡߊ߲ ߣߌ߫ ߓߊ߬ߛߊ߲߬ ߖߡߊ߬ ߢߣߊ ߞߛߊ߬ߓߌ ߟߋ߬ ߡߊ߬߸ ߊ߬ ߦߋ߫ ߕߊ߬ߡߌ߲߬ ߠߊ߫ ߕߌߢߍ߫ ߟߊ߫ ߞߋ߬ߟߋ߲߬ߠߊ߬ߕߏߟߌ ߝߣߊ߫ ߘߐ߫ ߕߋ߲߬ ߠߋ߫.
ߣߴߌ ߞߊ߬ ߟߐ߲ߞߏߕߌ߮ ߟߎ߬ ߣߌ߫ ߥߊ߬ߣߊ ߟߎ߬ ߦߟߌ ߟߎ߬ ߓߊ߲ߓߊ߲ߣߍ߲ ߦߋ߫߸ ߏ߬ ߖߎ߭ ߟߋ߬ ߦߋ߫ ߤߊߞߟߌ߫ ߟߊߝߌߙߌ߲ߝߌߙߌ߲߫ ߣߌ߫ ߛߌ߲ߡߊߟߌ߫ ߛߌߦߊߡߊ߲ ߠߎ߬ ߘߌ߫.
ߒߞߏ ߦߴߊߟߎ߫ ߟߊߟߌ߫ ߟߊ߫ ߣߌ߲߬ ߠߊ߫߸ ߛߴߊߟߎ߫ ߘߌ߫ ߛߴߊߟߎ߫ ߤߊߞߟߌ ߟߎ߬ ߟߊߕߊ߲߬ߞߊ߬ ߟߊ߫.
ߟߊ߲߭ߛߌ߬ߣߍ߬ ߞߎ߲ߝߊ߲ߕߐ߫ ߝߏߝߣߊ߫/ ߛߏ߬ߟߏ ߝߙߊ߬ߓߊ-ߘߐ߫